ട്രൈബൽ ഡവലപ്‌മെന്റ് ഓഫീസ് ചാലക്കുടിയുടെ നിയന്ത്രണത്തിലുള്ള മോഡൽ റസിഡൻഷ്യൽ സ്കൂൾ, പ്രീമെട്രിക് ഹോസ്റ്റലുകൾ എന്നിവിടങ്ങളിൽ 2026-27 അധ്യയന വർഷത്തേക്ക് സ്റ്റുഡന്റ് കൗൺസലർ തസ്തികയിൽ താത്കാലിക കരാർ നിയമനത്തിന് അപേക്ഷ ക്ഷണിച്ചു. 25 നും 45 നും ഇടയിൽ പ്രായമുള്ള എം.എ. സൈക്കോളജി/ എം.എസ്.ഡബ്ല്യു (സ്റ്റുഡന്റ് കൗൺസലിംഗ് പരിശീലനം നേടിയവരായിരിക്കണം), എം.എസ്.സി സൈക്കോളജി യോഗ്യതയുള്ളവർക്ക് അപേക്ഷിക്കാം.  കൗൺസലിംഗിൽ സർട്ടിഫിക്കറ്റ്/ഡിപ്ലോമ നേടിയവർക്കും സ്റ്റുഡന്റ്‌സ് കൗൺസലിംഗ് രംഗത്ത് മുൻപരിചയമുള്ളവർക്കും മുൻഗണന ലഭിക്കും. രണ്ട് ഒഴിവുകളാണ് ഉള്ളത് (സ്ത്രീ -1, പുരുഷൻ -1).

നാഷണല്‍ ആയുഷ് മിഷന് കീഴില്‍ ഓവര്‍സിയര്‍ തസ്തികയില്‍ കരാര്‍ അടിസ്ഥാനത്തില്‍ താത്കാലിക നിയമനം നടത്തുന്നു. സിവില്‍ ഐടിഐ അല്ലെങ്കില്‍ ഡിപ്ലോമയും ഓട്ടോകാഡില്‍ പരിജ്ഞാനവുമാണ് യോഗ്യത. ആരോഗ്യ മേഖലയില്‍ കെട്ടിട നിര്‍മ്മാണ പ്രവര്‍ത്തനങ്ങളില്‍ രണ്ട് വര്‍ഷത്തെ പ്രവര്‍ത്തി പരിചയം അഭികാമ്യം. പ്രതിമാസം 27,500 രൂപയാണ് വേതനമായി ലഭിക്കുക.

തൃശ്ശൂര്‍ ഡയറ്റ് കാര്യാലയത്തിലെ മേല്‍ക്കൂര തകര്‍ന്നു വീണ് കേടുപാടുകള്‍ സംഭവിച്ച കെട്ടിടം പൊളിച്ച് മണ്ണ് ഒഴികെയുള്ള കെട്ടിട അവശിഷ്ടങ്ങള്‍ നീക്കം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 11 വരെ സ്വീകരിക്കും. കൂടുതല്‍ വിവരങ്ങള്‍ക്ക് ജില്ലാ വിദ്യഭ്യാസ പരിശീലന കേന്ദ്രവുമായി (ഡയറ്റ്) ബന്ധപ്പെടുക.

ബിസില്‍ ട്രെയിനിംഗ് ഡിവിഷന്‍ മേയ് മാസം ആരംഭിക്കുന്ന മോണ്ടിസ്സോറി, പ്രീ പ്രൈമറി, നഴ്‌സറി ടീച്ചര്‍ കോഴ്‌സുകളിലേക്ക് അപേക്ഷ ക്ഷണിച്ചു. രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള കോഴ്‌സുകളിലേക്ക് ഡിഗ്രി/ പ്ലസ് ടു/ എസ്.എസ്.എല്‍.സി യോഗ്യതയുള്ളവര്‍ക്ക് അപേക്ഷിക്കാം. വിശദ വിവരങ്ങള്‍ക്ക് ഫോണ്‍: 7994449314.

സംസ്ഥാന സാക്ഷരതാ മിഷന്‍ നടത്തുന്ന പത്ത്, ഹയര്‍ സെക്കണ്ടറി തുല്യതാ കോഴ്‌സുകളിലേക്ക് മെയ് 25 വരെ അപേക്ഷിക്കാം. പത്താംതരം തുല്യത കോഴ്‌സിന് നൂറ് രൂപ രജിസ്‌ട്രേഷന്‍ ഫീസ് ഉള്‍പ്പെടെ 1950 രൂപയാണ് കോഴ്‌സ് ഫീസ്. അപേക്ഷകര്‍ മെയ് ഒന്നിന് 17 വയസ്സ് പൂര്‍ത്തിയായിരിക്കണം. പത്താംതരം തുല്യതാ കോഴ്‌സ് പാസാകുന്നവര്‍ക്ക് എസ്.എസ്.എല്‍.സി യോഗ്യതക്ക് അനുസരിച്ചുള്ള ഉന്നത പഠനത്തിനും പ്രൊമോഷനും പി.എസ്.സി നിയമനത്തിനും അര്‍ഹതയുണ്ട്.

 തൃശ്ശൂർ ജില്ലാ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (ഗണിതം) മലയാളം മീഡിയം കാറ്റഗറി നമ്പർ 599/2024 പട്ടികയിൽഉൾപ്പെട്ട ഉദ്യോഗാർത്ഥികൾക്കുള്ള രണ്ടാംഘട്ട അഭിമുഖം നടത്തുന്നു. ഏപ്രിൽ എട്ട്, ഒൻപത് തിയ്യതികളിലായി നിശ്ചയിച്ചിരുന്ന അഭിമുഖം മെയ് ഏഴ്, എട്ട് തിയ്യതികളിൽ തൃശ്ശൂർ പി എസ് സി ഓഫീസിൽ നടക്കും. അഡ്മിഷൻ ടിക്കറ്റ് ഡൗൺലോഡ് ചെയ്ത് വ്യക്തി വിവരങ്ങൾ പൂരിപ്പിച്ചും, ഒ ടി വി സർട്ടിഫിക്കറ്റ്, ആവശ്യ രേഖകൾ എന്നിവ സഹിതം അഭിമുഖത്തിന് ഹാജരാകണമെന്ന് പബ്ലിക് സർവീസ് കമ്മീഷൻ ജില്ലാ ഓഫീസർ അറിയിച്ചു.

 തൃത്താല സർക്കാർ ആർട്സ് ആൻഡ് സയൻസ് കോളേജിൽ 2026 -27 അധ്യയന വർഷത്തേക്ക് ഹിന്ദി, അറബിക് എന്നീ വിഷയത്തിലേക്ക് അതിഥി അധ്യാപകരെ നിയമിക്കുന്നു. ബന്ധപ്പെട്ട വിഷയങ്ങളിൽ യു.ജി.സി നിഷ്കർഷിക്കുന്ന യോഗ്യതയുള്ളവരും കോളേജ് വിദ്യാഭ്യാസ ഡയറക്ടറേറ്റിൽ പേര് രജിസ്റ്റർ ചെയ്തിട്ടുള്ളവരുമായ ഉദ്യോഗാർത്ഥികൾ മെയ് 12ന് നടക്കുന്ന അഭിമുഖത്തിന് ഹാജരാകണം. രാവിലെ 9.30 ന് ഹിന്ദി, 11.30 ന് അറബിക് എന്ന ക്രമത്തിലാണ് അഭിമുഖം നടക്കുക.