നാഷണൽ മീൻസ് കം മെറിറ്റ് സ്‌കോളർഷിപ്പ് 2025-26 (NMMSE) പരീക്ഷാഫലം പ്രസിദ്ധീകരിച്ചു.

നെടുമങ്ങാട് മഞ്ച സർക്കാർ ടെക്‌നിക്കൽ ഹൈസ്‌കൂളിൽ അടുത്ത അക്കാദമിക വർഷത്തേയ്ക്കുളള രണ്ടാംഘട്ട പ്രവേശനം ആരംഭിച്ചു. എട്ടാം ക്ലാസ്സ് ഒഴിവുള്ള ഏതാനും സീറ്റുകളിലേക്ക് സ്‌കൂളിൽ ഏപ്രിൽ 30  മുതൽ നേരിട്ടെത്തി പ്രവേശനം നേടാം. കുട്ടികൾ രക്ഷിതാക്കളോടൊപ്പം ആവശ്യമായ രേഖകളുമായി സ്‌കൂളിൽ ഹാജരാകണം.

സാക്ഷരതാമിഷൻ നടപ്പാക്കുന്ന വിവിധ തുല്യതാ കോഴ്‌സുകളിലേക്കുള്ള 2026-27 അധ്യയന വർഷത്തെ രജിസ്‌ട്രേഷൻ മെയ് 5 ന്

കെൽട്രോണിന്റെ തൊഴിലധിഷ്ഠിത കോഴ്സുകളായ ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ്, ഡിജിറ്റൽ മാർക്കറ്റിങ്, കമ്പ്യൂട്ടൈസ്ഡ് ഫിനാൻഷ്യൽ അക്കൗണ്ടിങ്, ഡി.സി.എ, പി.ജി.ഡി.സി.എ, വേഡ് പ്രോസസിങ് ആൻഡ് ഡാറ്റാ എൻട്രി, ഡി.ടി.പി കോഴ്സുകളിൽ പ്രവേശനം ആരംഭിച്ചു.

കേരള കര്‍ഷക തൊഴിലാളി ക്ഷേമനിധി ബോര്‍ഡ് ആലപ്പുഴ ജില്ലാ ഓഫീസ് പ്രവര്‍ത്തിക്കുന്നതിന് ആലപ്പുഴ നഗരപരിധിയില്‍ 1200 മുതല്‍ 1400 ചതുരശ്രയടി വിസ്തീര്‍ണമുള്ള കെട്ടിടമോ കൊമേഴ്‌സ്യല്‍ വീടോ വാടകയ്ക്ക് ആവശ്യമുണ്ട്. താൽപര്യമുള്ള ഉടമസ്ഥർ 0477-2964923, 7907887767 എന്നീ ഫോൺ നമ്പറുകളിൽ ബന്ധപ്പെടണമെന്ന് ജില്ലാ എക്സിക്യുട്ടീവ് ഓഫീസർ അറിയിച്ചു.

തിരുവന്തപുരം, കോഴിക്കോട് ഗവ. ഹോമിയോ മെഡിക്കല്‍ കോളേജുകളില്‍ സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി (ഹോമിയോപ്പതി) 2026 കോഴ്‌സിലേയ്ക്കുള്ള പ്രവേശനത്തിന് അപേക്ഷ സമര്‍പ്പിച്ചവരുടെ പ്രാഥമിക പരിശോധനയ്ക്കുശേഷമുള്ള വിവരങ്ങള്‍ വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.

അപേക്ഷാര്‍ത്ഥികള്‍ വെബ്‌സൈറ്റില്‍ ലോഗിന്‍ ചെയ്ത് ആവശ്യപ്പെട്ടിട്ടുള്ള രേഖകള്‍ മെയ് 4ന് വൈകീട്ട് 5ന് മുമ്പ് സമര്‍പ്പിക്കണം. വിവരങ്ങള്‍ പരിശോധിച്ച് മാറ്റങ്ങള്‍ ഉണ്ടെങ്കില്‍ അത് വരുത്താത്തതും ആവശ്യപ്പെട്ടിട്ടുള്ള സര്‍ട്ടിഫിക്കറ്റുകള്‍ അപ്‌ലോഡ് ചെയ്യാത്തതുമായവരുടെ അപേക്ഷകള്‍ നിരസിക്കുന്നതായിരിക്കും.   

പട്ടികജാതി വികസന വകുപ്പിന്റെ നിയന്ത്രണത്തിലുള്ള തോന്നയ്ക്കല്‍ ഗവ.മോഡല്‍ റസിഡന്‍ഷ്യല്‍ സ്‌കൂളിലേക്ക് ഇലക്ട്രിക് ഉപകരണങ്ങള്‍ വിതരണം ചെയ്യുന്നതിന് അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു.

ടെന്‍ഡര്‍ സ്വീകരിക്കുന്ന അവസാന തീയതി മെയ് 12ന് ഉച്ചതിരിഞ്ഞ് 3 മണി. വിലാസം: ജില്ലാ പട്ടികജാതി വികസന ഓഫീസറുടെ കാര്യാലയം, അയ്യങ്കാളി ഭവന്‍, കനക നഗര്‍, വെള്ളയമ്പലം, തിരുവനന്തപുരം. ഫോൺ : 0471- 2314238 / 8547630006

ജില്ലയില്‍ ചൂട് വര്‍ദ്ധിച്ചുവരുന്ന സാഹചര്യത്തിൽ സ്ഥിതിഗതികൾ വിലയിരുത്തുന്നതിന് വിവിധ വകുപ്പുകളുടെ അവലോകനയോഗം ചേർന്നു. വേനൽ ചൂടുമായി ബന്ധപ്പെട്ട് സ്വീകരിച്ച പ്രതിരോധ പ്രവര്‍ത്തനങ്ങള്‍, പാമ്പ് ശല്യം തുടങ്ങിയ വിഷയങ്ങള്‍ യോഗം ചർച്ച ചെയ്തു . ജില്ലാ കളക്ടറുടെ ചേംബറില്‍ ചേർന്ന യോ​ഗത്തിൽ എഡിഎം നിര്‍മ്മല്‍ കുമാര്‍ ജി അധ്യക്ഷത വഹിച്ചു.

തഹസില്‍ദാര്‍മാര്‍, ശുചിത്വമിഷന്‍ അംഗങ്ങള്‍ തുടങ്ങിയവരും യോഗത്തില്‍ പങ്കെടുത്തു.