മൃഗസംരക്ഷണ വകുപ്പ് മുഖേന മലപ്പുറം ജില്ലയില്‍ നടപ്പിലാക്കി വരുന്ന രാത്രികാല അടിയന്തിര മൃഗചികിത്സാ സേവന പദ്ധതിയുടെ ഭാഗമായ നൈറ്റ്/മൊബൈല്‍ വെറ്ററിനറി യുണിറ്റ് പദ്ധതിയില്‍ നിലവിലുള്ളതും വരാനിരിക്കുന്നതുമായ വെറ്ററിനറി സര്‍ജന്‍മാരുടെ ഒഴിവിലേക്ക് കരാര്‍ അടിസ്ഥാനത്തില്‍ നിയമനത്തിനായി മെയ് 11ന് രാവിലെ 11ന് അഭിമുഖം നടത്തും. ബി.വി.എസ്.സി-എ.എച്ച് യോഗ്യതയും വെറ്ററിനറി രജിസ്ട്രേഷനുമുള്ള വെറ്ററിനറി സര്‍ജന്‍മാര്‍ക്ക് അപേക്ഷിക്കാം.

മങ്കട ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ഒഴിവുള്ള കംപ്യൂട്ടര്‍ ആപ്ലിക്കേഷന്‍ (സീനിയറും ജൂനിയറും), ഇംഗ്ലീഷ് (സീനിയറും ജൂനിയറും), കൊമേഴ്സ് (സീനിയര്‍), അറബിക് (സീനിയര്‍), എക്കണോമിക്‌സ് (സീനിയറും ജൂനിയറും) ബോട്ടണി (സീനിയര്‍), തസ്തികകളില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നതിനുള്ള കൂടിക്കാഴ്ച മെയ് 29ന് ഉച്ചക്ക് രണ്ടിന് നടക്കും.

കുറ്റിപ്പുറം കെല്‍ട്രോണ്‍ ടൂള്‍ റൂം കം ട്രെയ്നിങ് സെന്റര്‍ നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു. സി.എന്‍.സി മില്ലിംഗ് ഓപ്പറേറ്റര്‍ (25 ദിവസം), സി.എന്‍.സി ലെയ്ത്ത് ഓപ്പറേറ്റര്‍ (25 ദിവസം) എന്നിവയാണ് കോഴ്സുകള്‍. ഐ.ടി.ഐ/പ്ലസ്ടു/ഡിപ്ലോമ യോഗ്യതയുള്ളവര്‍ക്ക് അപേക്ഷിക്കാം. ഫോണ്‍- 0494 2697188, 9895106748.

തിരൂര്‍ പി.ഡബ്ല്യു.ഡി  റസ്റ്റ് ഹൗസില്‍ നടന്ന സംസ്ഥാന ന്യൂനപക്ഷ കമ്മീഷന്‍ സിറ്റിങില്‍ ന്യൂനപക്ഷ കമ്മീഷന്‍ അംഗം പി. റോസ പരാതികള്‍ സ്വീകരിച്ചു. സിറ്റിങില്‍ ആകെ പതിനൊന്ന് പരാതികള്‍ ലഭിച്ചു. അഞ്ചു കേസുകള്‍ തീര്‍പ്പാക്കുകയും ആറു കേസുകള്‍ മാറ്റി വെയ്ക്കുകയും ചെയ്തു.

അസി. പ്രൊഫസര്‍ നിയമനം

കോടഞ്ചേരി ഗവ. കോളേജില്‍ ജന്തുശാസ്ത്ര വിഭാഗത്തില്‍ അസി. പ്രൊഫസര്‍ നിയമനത്തിനുള്ള അഭിമുഖം മെയ് 14ന് രാവിലെ 10.30ന് നടക്കും. കോളേജ് വിദ്യാഭ്യാസ ഡെപ്യൂട്ടി ഡയറക്ടറേറ്റില്‍/വകുപ്പിന്റെ ഔദ്യോഗിക വെബ്സൈറ്റില്‍ രജിസ്റ്റര്‍ ചെയ്ത വെരിഫിക്കേഷന്‍ സര്‍ട്ടിഫിക്കറ്റും പൂരിപ്പിച്ച ബയോഡേറ്റയും (ബയോഡേറ്റ മാതൃക www.kodencherycollege.ac.in/downloads ല്‍ ലഭ്യമാണ്) രേഖകളുടെ സ്വയം സാക്ഷ്യപ്പെടുത്തിയ പകര്‍പ്പും സഹിതം എത്തണം. ഫോണ്‍: 9188900234.

ശാസ്ത്രാവബോധ പ്രചാരണ പരിപാടി

ജില്ലയിലെ മലിനജല സംസ്കരണ പ്ലാൻ്റിൻ്റെ പ്രവർത്തനം, പുതിയ പ്ലാൻ്റുകളുടെ നിർമ്മാണം എന്നിവയുടെ പുരോഗതി വിലയിരുത്തുന്നതിനായി ജില്ലാ കലക്ടര്‍ സ്‌നേഹില്‍ കുമാര്‍ സിങ്ങിന്റെ അധ്യക്ഷതയില്‍ വിവിധ വകുപ്പുകളുടെ യോഗം ചേര്‍ന്നു. മെഡിക്കൽ കോളേജ് ആശുപത്രിയിലെ മലിനജല പ്ലാൻ്റിൻ്റെ പ്രവർത്തനത്തിൽ വീഴ്ച വരുത്തിയ കരാറുകാരനെ ഒഴിവാക്കി പുതിയ കരാറുകാരനെ ഏൽപ്പിക്കാൻ ടെൻഡർ നടപടി ആരംഭിക്കാനും വീഴ്ചവരുത്തിയ കരാറുകാരനെതിരെ നടപടിയെടുക്കാനും കോർപ്പറേഷനോട് കലക്ടർ ആവശ്യപ്പെട്ടു.

•ഗവൺമെന്റ് ഒബ്സർവേഷൻ ഹോമിൽ പുതിയതായി സജ്ജമാക്കിയ ലീഗൽ സർവീസ് ക്ലിനിക്കിന്റെ ഉദ്ഘാടനം നിർവഹിച്ചു

സാമ്പത്തിക ബുദ്ധിമുട്ടുകൾ കാരണം ആർക്കും നീതി നിഷേധിക്കപ്പെടരുതെന്നും സാധാരണക്കാർക്ക് നിയമസഹായം ഉറപ്പാക്കുകയാണ് ലീഗൽ സർവീസ് ക്ലിനിക്കുകളുടെ ലക്ഷ്യമെന്നും കേരള ഹൈക്കോടതി ജഡ്ജി ജസ്റ്റിസ് സി. പ്രദീപ് കുമാർ. കാക്കനാട് ഗവൺമെന്റ് ഒബ്സർവേഷൻ ഹോമിൽ പുതുതായി സജ്ജമാക്കിയ ലീഗൽ സർവീസ് ക്ലിനിക്കിന്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം.

അങ്കമാലി ചീനച്ചിറ-ദേവഗിരി റോഡിൽ പുതിയ പാലം നിർമ്മിക്കുന്നതിനുള്ള പ്രാരംഭ നടപടികൾക്ക് തുടക്കമായി.  പാലത്തിന്റെ വിശദമായ പ്രോജക്ട് റിപ്പോർട്ട് (ഡി.പി. ആർ) തയ്യാറാക്കുന്നതിനായി പ്രോഗ്രാം ഇംപ്ലിമെന്റേഷൻ യൂണിറ്റ് എക്സിക്യൂട്ടീവ് എൻജിനീയർ കൺസൾട്ടൻസി സ്ഥാപനങ്ങളിൽ നിന്നും ക്വട്ടേഷനുകൾ ക്ഷണിച്ചു.​ ക്വട്ടേഷനുകൾ എക്സിക്യൂട്ടീവ് എഞ്ചിനീയർ, പി.ഐ.യു, പി.എം.ജി.എസ്.വൈ, മൂന്നാം നില, സിവിൽ സ്റ്റേഷൻ, കാക്കനാട്, എറണാകുളം - 682 030 എന്ന വിലാസത്തിൽ  സമർപ്പിക്കാം. 
​ഫോൺ: 0484-2421751 , 9188680536
ഇമെയിൽ: piuekm@gmail.com

എറണാകുളം സർക്കാർ മെഡിക്കൽ കോളേജ് ആശുപത്രിയിലെ 'മദ്ദ്' പദ്ധതിയുടെ ഭാഗമായി വിവിധയിടങ്ങളിൽ ചാരിറ്റി കളക്ഷൻ ബോക്സുകൾ സ്ഥാപിക്കുന്നതിനായി
ക്വട്ടേഷൻ ക്ഷണിച്ചു.താല്പര്യമുള്ളവർ ക്വട്ടേഷനുകൾ സീൽ ചെയ്ത കവറിൽ 'മെഡിക്കൽ സൂപ്രണ്ട്, സർക്കാർ മെഡിക്കൽ കോളേജ്, എറണാകുളം' എന്ന വിലാസത്തിൽ തപാലായോ നേരിട്ടോ സമർപ്പിക്കേണ്ടതാണ്.മെയ് 20 ഉച്ചയ്ക്ക് 2 വരെ ക്വട്ടേഷനുകൾ സമർപ്പിക്കാം.

ഫോൺ:0484-2754000,0484-2754458 

കേരള മോട്ടോർ തൊഴിലാളി തൊഴിലാളി ക്ഷേമനിധി പദ്ധതിയിൽ അംഗങ്ങളായിട്ടുള്ള തൊഴിലാളികളുടെ മക്കൾക്ക് കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്മെന്റ് (കിലെ)അക്കാദമിക് ഡിവിഷനായ കിലെ ഐ എ എസ് അക്കാദമിയുടെ കീഴിൽ 2026-27 വർഷത്തെ സിവിൽ സർവീസ് പ്രിലിമിനറി/മെയിൻസ് പരീക്ഷയുടെ ഒരു വർഷം ദൈർഘ്യമുള്ള തീവ്ര പരിശീലന ക്ലാസിലേക്ക് അപേക്ഷ ക്ഷണിച്ചു.