വനിത ശിശു വികസന വകുപ്പ് മിഷന്‍ വാല്‍സല്യ ജില്ലാ ശിശുസംരക്ഷണ യൂണിറ്റിന്റെ ഭാഗമായി പ്രവര്‍ത്തിച്ചുവരുന്ന ഒ ആര്‍ സി പദ്ധതിയുടെ 2026-2027 അധ്യയന വര്‍ഷത്തെ വിവിധ പരിശീലന പരിപാടികളിലേക്ക് പരിശീലകരെ തിരഞ്ഞെടുക്കുന്നതിന് അപേക്ഷ ക്ഷണിച്ചു. യോഗ്യത ബിരുദാനന്തര ബിരുദവും കുട്ടികളുടെ മേഖലയിലെയും പരിശീലന മേഖലയിലെയും പ്രവര്‍ത്തിപരിചയം അല്ലെങ്കില്‍ ബിരുദവും രണ്ടുവര്‍ഷം കട്ടികളുടെ മേഖലയിലെ പ്രവര്‍ത്തിപരിചയവും പരിശീലന മേഖലയിലെ പ്രവര്‍ത്തിപരിചയവും.

കൊതുക് പരത്തുന്ന വെസ്റ്റ്  നൈൽ പനിക്കെതിരെ പ്രതിരോധശീലങ്ങൾ ഉറപ്പാക്കണമെന്ന്  ജില്ലാ മെഡിക്കൽ ഓഫീസർ  അറിയിച്ചു.

ദേശാടന പക്ഷികളിൽ കാണാനിടയുള്ള ഫ്ലാവി വൈറസ് വിഭാഗത്തിൽപ്പെടുന്ന വൈറസ് കൊതുക് കടിയിലൂടെ മനുഷ്യരിലേക്ക് എത്തുന്നു. കെട്ടിനിൽക്കുന്ന മലിനമായ വെള്ളത്തിലും ഒഴുക്കില്ലാത്ത വെള്ളത്തിലും ഓവുചാലുകൾ,  സെപ്റ്റിക് ടാങ്കുകൾ, ചതുപ്പ് പ്രദേശം, പാടങ്ങൾ പുൽച്ചെടികൾ തഴച്ച് വളരുന്ന ഇടങ്ങൾ എന്നിവിടങ്ങളിലൊക്കെ കൂടുതൽ കാണാനിടയുള്ള ക്യൂലക്സ് കൊതുകുകളാണ് രോഗവാഹകർ.

ജില്ലയിലെ സ്കൂൾ തുറക്കുന്നതുമായി ബന്ധപ്പെട്ട് ജില്ലാ കളക്ടർ കെ ഇമ്പശേഖറിന്റെ അധ്യക്ഷതയിൽ വിവിധ വകുപ്പുതല ഉദ്യോഗസ്ഥരുടെ യോഗം കളക്ടറേറ്റിൽ ചേർന്നു. സ്കൂൾ തുറക്കുന്നതിന് മുമ്പ് ഉറപ്പുവരുത്തേണ്ട സുരക്ഷാ ക്രമീകരണങ്ങളെക്കുറിച്ച് യോഗത്തിൽ ചർച്ച ചെയ്തു. 

കേരളാ കള്ളു വ്യവസായ തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്തിട്ടുള്ള തൊഴിലാളികളുടെ ആശ്രിതർക്ക് കേരളാ ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്‌മെന്റിന്റെ (കിലെ) അക്കാദമിക് ഡിവിഷനായ കിലെ ഐ.എ.എസ് അക്കാദമിയിൽ 2026-27 ബാച്ച് സിവിൽ സർവീസ് പ്രിലിമിനറി/മെയിൻ പരീക്ഷാ പരിശീലനത്തിന് അപേക്ഷ ക്ഷണിച്ചു. ബിരുദമാണ് അടിസ്ഥാന യോഗ്യത. കോഴ്സിൽ ചേരാൻ ആഗ്രഹിക്കുന്നവർ ബോർഡിൽ നിന്നുള്ള ആശ്രിതത്വ സർട്ടിഫിക്കറ്റ് സഹിതം അപേക്ഷ സമർപ്പിക്കണം. വിശദാംശങ്ങളും രജിസ്‌ട്രേഷൻ ലിങ്കും www.kile.kerala.gov.in എന്ന വെബ്‌സൈറ്റിൽ ലഭ്യമാണ്. ഫോൺ: 0471-2479966, 8075768537. ഇ-മെയിൽ: kileiasacademy@gmail.com.
 

കേരളാ കള്ളു വ്യവസായ തൊഴിലാളി ക്ഷേമനിധിയിൽ അംഗങ്ങളായ തൊഴിലാളികളുടെ മക്കളിൽ സർക്കാർ/എയ്ഡഡ്/അൺ എയ്ഡഡ് സ്കൂളുകളിൽ 1 മുതൽ 7 വരെ ക്ലാസുകളിൽ പഠിക്കുന്ന വിദ്യാർത്ഥികൾക്കുള്ള പഠന കിറ്റിനുള്ള അപേക്ഷ ക്ഷണിച്ചു. അപേക്ഷയും 2026-27 അധ്യയന വർഷത്തിൽ വിദ്യാർത്ഥി ഏത് ക്ലാസിൽ പഠിക്കുന്നു എന്ന് വ്യക്തമാക്കുന്ന സ്ഥാപന മേധാവിയുടെ സർട്ടിഫിക്കറ്റും മെയ് 15-നകം കേരളാ കള്ളു വ്യവസായ തൊഴിലാളി ക്ഷേമനിധി ആലപ്പുഴ ജില്ലാ ഓഫീസിൽ സമർപ്പിക്കണം. ഫോൺ: 0477-2267751.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്മെന്റ് (കിലെ) ഐ.എ.എസ്. അക്കാദമിയില്‍ 2026-27 വര്‍ഷത്തെ യു.പി.എസ്.സി. സിവില്‍ സര്‍വീസ് പരിശീലനത്തിന് അപേക്ഷ ക്ഷണിച്ചു. സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിലെ അംഗങ്ങളുടെ മക്കള്‍ക്കും ആശ്രിതര്‍ക്കും 50 ശതമാനം സബ്സിഡി നിരക്കില്‍ പരിശീലനം ലഭിക്കും. ഇവര്‍ പകുതി ഫീസ് അടച്ചാല്‍ മതിയാകും. താല്പര്യമുള്ളവര്‍ക്ക് www.kile.kerala.gov.in/kileiasacademy എന്ന വെബ്സൈറ്റ് വഴി അപേക്ഷിക്കാം. കൂടുതല്‍ വിവരങ്ങള്‍ക്ക് ഫോണ്‍: 0471-2479966, 8075768537. ഇ-മെയില്‍: kileiasacademy@gmail.com.
 

നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റ് (കിക്മ) സൗജന്യ ഓണ്‍ലൈന്‍ കെ-മാറ്റ് ഓറിയന്റേഷന്‍ മെയ് ഒമ്പതിന് വൈകിട്ട് ഏഴ് മുതല്‍ നടത്തും. രജിസ്ട്രേഷന്: 8547618290, 9447002106.
 

ബിസില്‍ ട്രെയിനിംഗ് ഡിവിഷന്‍ നടത്തുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള പ്രീ-പ്രൈമറി, മോണ്ടിസോറി, നഴ്‌സറി ടീച്ചര്‍ ട്രെയിനിംഗ് കോഴ്സുകളിലേക്ക് അപേക്ഷ ക്ഷണിച്ചു. യോഗ്യത: എസ്.എസ്.എല്‍.സി/ പ്ലസ് ടു/ ബിരുദം. ഫോണ്‍: 7994449314.
 

പട്ടികജാതി വികസന വകുപ്പിന് കീഴില്‍ പ്രവര്‍ത്തിക്കുന്ന ശാസ്താംകോട്ടയിലെ   ആണ്‍കുട്ടികള്‍ക്കായുള്ള   പ്രീ-മെട്രിക് ഹോസ്റ്റലില്‍ വാര്‍ഡന്‍, കുക്ക്  (രണ്ട്),   കുന്നത്തൂരിലെ പെണ്‍കുട്ടികള്‍ക്കായുള്ള   പ്രീ-മെട്രിക് ഹോസ്റ്റലില്‍ കുക്ക്,    പോരുവഴി പ്രീ-മെട്രിക് ഹോസ്റ്റലിലേക്ക് കുക്ക്, വാച്ച് വുമണ്‍ തസ്തികകളിലേക്കും  ദിവസ വേതനാടിസ്ഥാനത്തില്‍ നിയമനം നടത്തും.

പട്ടികജാതി വികസന വകുപ്പിന് കീഴില്‍ പ്രവര്‍ത്തിക്കുന്ന ശാസ്താംകോട്ട പ്രീ മെട്രിക് ഹോസ്റ്റല്‍ (ആണ്‍കുട്ടികള്‍), പോരുവഴി, കുന്നത്തൂര്‍ പ്രീ മെട്രിക് ഹോസ്റ്റലുകള്‍ (പെണ്‍കുട്ടികള്‍) എന്നിവിടങ്ങളിലേക്ക് താല്‍ക്കാലികമായി ട്യൂഷന്‍ ടീച്ചര്‍മാരെ നിയമിക്കുന്നു. ഹൈസ്‌കൂള്‍ വിഭാഗത്തില്‍ ഇംഗ്ലീഷ്, കണക്ക്, ഹിന്ദി, ഫിസിക്കല്‍ സയന്‍സ്, സോഷ്യല്‍ സയന്‍സ്, നാച്ചുറല്‍ സയന്‍സ് എന്നീ വിഷയങ്ങളിലേക്കും യുപി വിഭാഗത്തില്‍ എല്ലാ വിഷയങ്ങളിലേക്കുമാണ് നിയമനം. യോഗ്യത: ബിരുദവും ബി എഡും. പട്ടികജാതി വിഭാഗത്തില്‍ പെട്ടവര്‍ക്ക് മുന്‍ഗണന ലഭിക്കും. മെയ് 25ന് ശാസ്താംകോട്ട ബ്ലോക്ക് പഞ്ചായത്ത് ഹാളില്‍ അഭിമുഖം നടക്കും.