എറണാകുളം സർക്കാർ മെഡിക്കൽ കോളേജ് ആശുപത്രിയിലെ 'മദ്ദ്' പദ്ധതിയുടെ ഭാഗമായി വിവിധയിടങ്ങളിൽ ചാരിറ്റി കളക്ഷൻ ബോക്സുകൾ സ്ഥാപിക്കുന്നതിനായി
ക്വട്ടേഷൻ ക്ഷണിച്ചു.താല്പര്യമുള്ളവർ ക്വട്ടേഷനുകൾ സീൽ ചെയ്ത കവറിൽ 'മെഡിക്കൽ സൂപ്രണ്ട്, സർക്കാർ മെഡിക്കൽ കോളേജ്, എറണാകുളം' എന്ന വിലാസത്തിൽ തപാലായോ നേരിട്ടോ സമർപ്പിക്കേണ്ടതാണ്.മെയ് 20 ഉച്ചയ്ക്ക് 2 വരെ ക്വട്ടേഷനുകൾ സമർപ്പിക്കാം.

ഫോൺ:0484-2754000,0484-2754458 

കേരള മോട്ടോർ തൊഴിലാളി തൊഴിലാളി ക്ഷേമനിധി പദ്ധതിയിൽ അംഗങ്ങളായിട്ടുള്ള തൊഴിലാളികളുടെ മക്കൾക്ക് കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്മെന്റ് (കിലെ)അക്കാദമിക് ഡിവിഷനായ കിലെ ഐ എ എസ് അക്കാദമിയുടെ കീഴിൽ 2026-27 വർഷത്തെ സിവിൽ സർവീസ് പ്രിലിമിനറി/മെയിൻസ് പരീക്ഷയുടെ ഒരു വർഷം ദൈർഘ്യമുള്ള തീവ്ര പരിശീലന ക്ലാസിലേക്ക് അപേക്ഷ ക്ഷണിച്ചു.

പട്ടികവർഗ്ഗ വികസന വകുപ്പിന് കീഴിലുള്ള മൂവാറ്റുപുഴ ട്രൈബൽ ഡെവലപ്മെന്റ് ഓഫീസ് ആലുവ,ഇടമലയാർ ട്രൈബൽ എക്സ്റ്റൻഷൻ ഓഫീസ് എന്നിവടങ്ങളിലേക്ക്
 സഹായിയെ നിയമിക്കുന്നതിന് ജില്ലയിലെ  പട്ടികവർഗ്ഗത്തിൽപ്പെട്ടവരിൽ നിന്നും അപേക്ഷ ക്ഷണിച്ചു.പ്ലസ് ടു യോഗ്യതും,കമ്പ്യൂട്ടർ പരിജ്ഞാനവും,ഇംഗ്ലീഷ് ടൈപ്പിംഗിൽ പ്രാവീണ്യമുള്ളവർക്ക് അപേക്ഷിക്കാം.പ്രായപരിധി 18-46 വയസ്സ്.അപേക്ഷകർ ജാതി,വിദ്യാഭാസ യോഗ്യത ,പ്രവർത്തിപരിചയം,എന്നിവ തെളിയിക്കുന്ന സർട്ടിഫിക്കറ്റുകൾ സഹിതം മൂവാറ്റുപുഴ ട്രൈബൽ ഡെവലപ്മെൻറ് ഓഫീസിൽ മെയ് 15 ന് രാവിലെ 11 ന് നടക്കുന്ന അഭിമുഖത്തിൽ പങ്കെടുക്കണം.

ഫോൺ : 0485-2970337
 

കേരള ലോകായുക്തയുടെ രണ്ടാമത്തെ വെക്കേഷൻ സിറ്റിംഗ് മേയ് 8 ന് രാവിലെ 10:30 ന് ഹെഡ്ക്വാർട്ടേഴ്‌സിൽ വച്ച് നടത്തു

തിരുവനന്തപുരം ചാല ഗവ. ഐ.ടി.ഐയിൽ ഇൻഡസ്ട്രിയൽ റോബോട്ടിക്സ് ആൻഡ് ഡിജിറ്റൽ മാനുഫാക്ചറിംഗ് ടെക്നീഷ്യൻ എന്ന ട്രേഡിൽ നിലവിലുള്ള ജൂനിയർ ഇൻസ്ട്രക്ടർ താൽകാലികമായ ഒരു ഒഴിവിലേക്ക് (എസ്.സി കാറ്റഗറി) ഗസ്റ്റ് ഇൻസ്ട്രക്ടർ നിയമനത്തിന് നിശ്ചിത യോഗ്യതയുള്ള ഉദ്യോഗാർത്ഥികളെ ക്ഷണിക്കുന്നു.

സാംസ്കാരിക വകുപ്പിന് വേണ്ടി ഗുരു ഗോപിനാഥ് നടനഗ്രാമം നൽകുന്ന ദേശീയ നാട്യ പുരസ്കാരം, സപര്യ പുരസ്കാരം എന്നിവയുടെ അപേക്ഷ ക്ഷണിച്ചു. അവസാന തീയതി മെയ് 16. അപേക്ഷകൾ സെക്രട്ടറി, ഗുരു ഗോപിനാഥ് നടനഗ്രാമം, കുരുവിക്കാട്, വട്ടിയൂർക്കാവ്, തിരുവനന്തപുരം – 695013 എന്ന വിലാസത്തിൽ അയയ്ക്കണം.

കാര്യവട്ടം സർക്കാർ കോളേജിൽ അറബിക് വിഷയത്തിൽ ഗസ്റ്റ് അധ്യാപക ഒഴിവുണ്ട്. കൊല്ലം കോളേജ് വിദ്യാഭ്യാസ ഡെപ്യൂട്ടി ഡയറക്ടർ തയ്യാറാക്കിയിട്ടുള്ള ഗസ്റ്റ് അധ്യാപക പാനലിൽ ഉൾപ്പെട്ടിട്ടുള്ള ഉദ്യോഗാർഥികൾ അസൽ സർട്ടിഫിക്കറ്റുകൾ സഹിതം മെയ് 12 ന് രാവിലെ 10.30 ന് പ്രിൻസിപ്പൽ മുൻപാകെ അഭിമുഖത്തിന് ഹാജരാകണം.

കൊച്ചിൻ ദേവസ്വം ബോർഡിലെ കഴകം തസ്തികയിലേക്ക് അപേക്ഷ സമർപ്പിച്ച ഉദ്യോഗാർഥികൾ വിജ്ഞാപനത്തിൽ ആവശ്യപ്പെട്ടിട്ടുള്ള പ്രവൃത്തിപരിചയം തെളിയിക്കുന്ന അസൽ സർട്ടിഫിക്കറ്റുകൾ മെയ് 20 നകം പ്രൊഫൈലിൽ അപ്‌ലോഡ്‌ ചെയ്യണം. പ്രവൃത്തിപരിചയ സർട്ടിഫിക്കറ്റ് നേരിട്ട് സ്വീകരിക്കില്ല.

സമഗ്ര ശിക്ഷാ കേരളം, സ്റ്റാർസ് പദ്ധതികളുടെ 2025-26 വർഷത്തെ സ്റ്റാറ്റ്യൂട്ടറി ഓഡിറ്റ് നടത്തുന്നതിന് ചാർട്ടേഡ് അക്കൗണ്ടന്റ് സ്ഥാപനങ്ങളിൽ നിന്നും താൽപര്യപത്രം ക്ഷണിച്ചു. അക്കൗണ്ടന്റ് ജനറലിന്റെ എംപാനൽഡ് ലിസ്റ്റിലുള്ള ചാർട്ടേഡ് അക്കൗണ്ടന്റ് സ്ഥാപനങ്ങളായിരിക്കണം.

വരാനിരിക്കുന്ന കാലവർഷത്തെ നേരിടുന്നതിനായി ജില്ലയിലെ വിവിധ വകുപ്പുകൾ സ്വീകരിച്ച മുന്നൊരുക്ക നടപടികൾ വിലയിരുത്താൻ ജില്ലാ കളക്ടർ ജി പ്രിയങ്കയുടെ അധ്യക്ഷതയിൽ
യോഗം ചേർന്നു.