ട്രോളിങ് നിരോധനവുമായി ബന്ധപ്പെട്ട മുന്നൊരുക്കങ്ങളും സുരക്ഷാ ക്രമീകരണങ്ങളും വിലയിരുത്തുന്നതിനായി  എ.ഡി.എം. സി.എസ് രാജേഷിന്റെ അധ്യക്ഷതയില്‍ യോഗം ചേര്‍ന്നു. ജൂണ്‍ ഒമ്പത് അര്‍ധരാത്രി മുതല്‍ ജൂലൈ 31 അര്‍ധരാത്രി വരെയാണ് ട്രോളിങ് ഏര്‍പ്പെടുത്തിയിട്ടുള്ളത്.  നിരോധന കാലയളവില്‍ ട്രോളിങ് ബോട്ടുകള്‍ കടലില്‍ പോകുന്നതിനും മത്സ്യബന്ധനം നടത്തുന്നതിനും കര്‍ശന വിലക്കുണ്ടായിരിക്കും. ജൂണ്‍ ഒമ്പതിന് അര്‍ധരാത്രി 12 ന് മുന്‍പായി എല്ലാ ട്രോളിങ് ബോട്ടുകളും ഹാര്‍ബറുകളില്‍ പ്രവേശിക്കണം. നിരോധനം അവസാനിക്കുന്ന ജൂലൈ 31 അര്‍ധരാത്രിക്ക് ശേഷം മാത്രമേ ബോട്ടുകള്‍ക്ക് മത്സ്യബന്ധനത്തിനായി പുറപ്പെടാന്‍ അനുമതിയുള്ളൂ.

കേരള സ്റ്റേറ്റ് സിവില്‍ സര്‍വീസ് അക്കാദമിയുടെ ഉപകേന്ദ്രമായി പൊന്നാനിയില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഓഫ് കരിയര്‍ സ്റ്റഡീസ്&റിസര്‍ച്ച് (ഐ.സി.എസ്.ആര്‍) എന്ന സ്ഥാപനത്തില്‍ ഹൈസ്‌കൂള്‍ വിദ്യാര്‍ഥികള്‍ക്കുള്ള ടാലന്റ് ഡെവലപ്മെന്റ് കോഴ്‌സ്, ഹയര്‍ സെക്കന്‍ഡറി വിദ്യാര്‍ത്ഥികള്‍ക്കുള്ള സിവില്‍ സര്‍വീസ് ഫൗണ്ടേഷന്‍ കോഴ്‌സ്, കോളേജ് വിദ്യാര്‍ഥികള്‍ക്കും തൊഴില്‍ എടുക്കുന്നവര്‍ക്കുമുള്ള പ്രിലിംസ് കം മെയിന്‍സ് (വീക്കെന്‍ഡ് ) കോഴ്‌സ് എന്നിവയിലേക്ക് അപേക്ഷിക്കാനുള്ള തിയതി ജൂലൈ നാലു വരെ നീട്ടി.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ ജൂണില്‍ ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസ്സോറി, പ്രീ -പ്രൈമറി, നഴ്‌സറി ടീച്ചര്‍ ട്രെയിനിങ് കോഴ്‌സുകള്‍ക്ക് ഡിഗ്രി/പ്ലസ്ടു/എസ്.എസ്.എല്‍.സി. യോഗ്യതയുള്ള വനിതകളില്‍ നിന്നും അപേക്ഷ ക്ഷണിച്ചു. ഫോണ്‍: 7994449314.

ഫിഷറീസ് വകുപ്പില്‍ സൊസൈറ്റി ഫോര്‍ അസിസ്റ്റന്‍സ് ഫിഷര്‍ വിമന്‍ ഏജന്‍സിക്ക് കീഴില്‍(സാഫ്) മലപ്പുറം ജില്ലയില്‍ മിഷന്‍ കോര്‍ഡിനേറ്റര്‍, ഓഫീസ് അസിസ്റ്റന്റ് എന്നീ തസ്തികകളിലേക്ക് താത്ക്കാലിക നിയമനത്തിന്  അപേക്ഷ ക്ഷണിച്ചു.

 ലോക പരിസ്ഥിതി ദിനാചരണത്തോടനുബന്ധിച്ച് തൃശ്ശൂർ സാമ്പത്തിക സ്ഥിതിവിവരക്കണക്ക് വകുപ്പ് ജില്ലാ കാര്യാലയത്തിന്റെ ആഭിമുഖ്യത്തിൽ മരം നടീൽ പരിപാടി സംഘടിപ്പിക്കുന്നു.  ജൂൺ അഞ്ചിന് രാവിലെ 10.30-ന്  കളക്ട്രേറ്റ് കോമ്പൗണ്ടിൽ ജില്ലാ ട്രഷറിക്ക് സമീപം   ജില്ലാ കളക്ടർ ശിഖാ സുരേന്ദ്രൻ പരിപാടി ഉദ്ഘാടനം ചെയ്യും.

അഴീക്കോട് മേഖല ചെമ്മീന്‍ വിത്തുല്‍പ്പാദന കേന്ദ്രത്തിലെ കാരച്ചെമ്മീന്‍ യൂണിറ്റിലെ ലാര്‍വെല്‍ റെയറിംഗ് ടാങ്കുകള്‍ക്ക് എപ്പോക്‌സി കോട്ടിംഗ് ചെയ്യുന്നതിന് എപ്പോക്‌സി പെയിന്റ് വിതരണം ചെയ്യുന്നതിനുള്ള ടെണ്ടര്‍ ക്ഷണിച്ചു.  ജൂണ്‍ 15 ന് രാവിലെ 11 വരെ ടെണ്ടർ സ്വീകരിക്കും.   ഫോണ്‍: 0480 2819698.

സംസ്ഥാനത്തെ മൃഗസംരക്ഷണ മേഖലയിലെ കേന്ദ്രാവിഷ്‌കൃത പദ്ധതികളുടെ ആനുകൂല്യങ്ങൾ കർഷകർക്ക് നേരിട്ട് ലഭ്യമാക്കുന്നതിനായി മൃഗസംരക്ഷണ വകുപ്പിന്റെ നേതൃത്വത്തിൽ പ്രത്യേക കർഷക രജിസ്‌ട്രേഷൻ ഡ്രൈവ് സംഘടിപ്പിക്കുന്നു.  നാഷണൽ ഡിജിറ്റൽ ലൈവ്‌സ്റ്റോക്ക് മിഷന് (NDLM) കീഴിൽ തയ്യാറാക്കിയിട്ടുള്ള 'ഭാരത് പശുധൻ' പോർട്ടലിൽ സംസ്ഥാനത്തെ മുഴുവൻ ക്ഷീരകർഷകരെയും അവരുടെ ഉരുക്കളെയും എൻറോൾ ചെയ്യുകയാണ് പദ്ധതിയുടെ ലക്ഷ്യം.

 മുല്ലശ്ശേരി സാമൂഹികാരോഗ്യ കേന്ദ്രത്തിൽ താൽകാലികാടിസ്ഥാനത്തിൽ രാത്രികാല ഡോക്ടറെ നിയമിക്കുന്നു. ജൂൺ പത്ത് വരെ അപേക്ഷിക്കാം.

അംഗീകൃത സർവ്വകലാശാലയിൽ നിന്നുള്ള എം.ബി.ബി.എസ്  ബിരുദവും, ടി.സി.എം.സി  രജിസ്‌ട്രേഷനും, കുറഞ്ഞത് രണ്ട് വർഷത്തെ പ്രവൃത്തിപരിചയവുമുള്ള ഉദ്യോഗാർത്ഥികൾക്ക് അപേക്ഷിക്കാം. താൽപര്യമുള്ളവർ സർട്ടിഫിക്കറ്റുകളുടെ പകർപ്പുകൾ സഹിതം  ജൂൺ പത്തിന് വൈകിട്ട് നാലിനകം  മുല്ലശ്ശേരി സാമൂഹികാരോഗ്യ കേന്ദ്രം ഓഫീസിൽ നേരിട്ട് അപേക്ഷ സമർപ്പിക്കണം. ഫോൺ-  0487-2261840