സി - ഡിറ്റ് തിരുവനന്തപുരത്ത് നടത്തുന്ന ഡിപ്ലോമ ഇൻ ഡിജിറ്റൽ മീഡിയ പ്രൊഡക്ഷൻ, ഡിപ്ലോമ ഇൻ ഡിജിറ്റൽ വിഡിയോഗ്രാഫി, ഡിപ്ലോമ ഇൻ വിഡിയോ എഡിറ്റിംഗ്, സർട്ടിഫിക്കറ്റ് കോഴ്സ് ഇൻ വിഡിയോഗ്രാഫി, സർട്ടിഫിക്കറ്റ് കോഴ്സ് ഇൻ ഡിജിറ്റൽ സ്റ്റിൽ ഫോട്ടോഗ്രാഫി എന്നീ കോഴ്സുകൾക്ക് അപേക്ഷ ക്ഷണിച്ചു. 

 കെ - ഡിസ്കിന് കീഴിലുള്ള കേരള നോളഡ്ജ് ഇക്കോണമി മിഷൻ പ്രോജക്ടിൽ ഉൾപ്പെടുത്തി കോഴ്സിനായി അപേക്ഷിക്കുന്നവരിൽ നിന്നും യോഗ്യതയുളള വിഭാഗത്തിലെ വിദ്യാർത്ഥികൾക്ക് സ്കോളർഷിപ്പ് ലഭിക്കും.

  ജൂൺ ആറ് വരെ അപേക്ഷിക്കാം. 

ഫോൺ - 8547720167, 9961491540

വേലൂർ സർവേ 1502/3-2 ൽപ്പെട്ട 0.0509 ഹെക്ടർ സ്ഥലം ജൂൺ 30 ന് രാവിലെ 11 ന് വേലൂർ വില്ലേജ് ഓഫീസിൽ ലേലം ചെയ്യുന്നു. തഹസിൽദാരോ, തഹസിൽദാർ അധികാരപ്പെടുത്തുന്ന ഉദ്യോഗസ്ഥനോ ആണ് ലേല നടപടികൾ നിർവഹിക്കുക. ഫോൺ- 04885-225200

കരിക്കാട് വില്ലേജ് സർവേ  699/2 ൽ ഉൾപ്പെട്ട 0.0162 ഹെക്ടർ വസ്തുവിൻ്റെ നേർപകുതി ഓഹരി അവകാശം ജൂൺ 18 ന് രാവിലെ 11 ന് കരിക്കാട് ഗ്രൂപ്പ് വില്ലേജ് ഓഫീസിൽ പരസ്യമായി ലേലം ചെയ്യുന്നു. കുന്നംകുളം തഹസിൽദാരോ തഹസിൽദാർ അധികാരപ്പെടുത്തുന്ന ഉദ്യോഗസ്ഥനോ ആണ് ലേലം ചെയ്യുക. 

 ഫോൺ - 04885 - 0225200, 225700

കേരള വന ഗവേഷണ സ്ഥാപനത്തിൽ ഒരു വർഷം കാലാവധിയുള്ള സമയ ബന്ധിത ഗവേഷണ പദ്ധതിയായ 'റീജിയണൽ കം ഫെസിലിറ്റേഷൻ സെന്റർ ഫോർ സസ്റ്റൈനബിൾ ഡെവലപ്മെന്റ് ഓഫ് മെഡിസിനൽ പ്ലാന്റ്സ് (സതേൺ റീജിയൻ)' ൽ പ്രോജക്ട് അസിസ്റ്റൻ്റിൻ്റെ താൽകാലിക ഒഴിവിലേക്ക് നിയമനം നടത്തുന്നു. ജൂൺ ഒമ്പതിന് രാവിലെ പത്തിന് കെഎഫ്ആർഐയുടെ പീച്ചിയിലുള്ള ഓഫീസിലാണ് അഭിമുഖം. വെബ്സൈറ്റ്- 

www.kfri.res.in.

എക്സൈസ് വകുപ്പിൽ സിവിൽ എക്സൈസ് ഓഫീസർ തസ്തികയിൽ നിയമനം ലഭിച്ച്, എക്സൈസ് അക്കാദമിയിൽ പരിശീലനം പൂർത്തിയാക്കിയ 66 സിവിൽ എക്സൈസ് ഓഫീസർമാരുടെ പാസ്സിംഗ് ഔട്ട് പരേഡ് ജൂൺ അഞ്ചിന് രാവിലെ എട്ടിന് തൃശ്ശൂർ സ്റ്റേറ്റ് എക്സൈസ് അക്കാദമി ആൻ്റ് റിസർച്ച് സെന്റർ പരേഡ് ഗ്രൗണ്ടിൽ നടത്തും. എക്സൈസ്-സഹകരണ വകുപ്പ് മന്ത്രി എം. ലിജു സേനാംഗങ്ങളുടെ അഭിവാദ്യം സ്വീകരിച്ച് പരേഡ് പരിശോധിക്കും.  

 എക്സൈസ് കമ്മീഷണർ സീറാം സാംബശിവറാവു പങ്കെടുക്കും.

 പാലക്കാട് ലക്കിടി അസാപ് കമ്മ്യൂണിറ്റി സ്‌കിൽ പാർക്കിൽ നടത്തുന്ന ഡ്രോൺ പൈലറ്റ് കോഴ്‌സിലേക്ക് അപേക്ഷ ക്ഷണിച്ചു. 18 വയസ്സ് തികഞ്ഞവർക്ക് അപേക്ഷിക്കാം.

ഡയറക്ടർ ജനറൽ ഓഫ് സിവിൽ ഏവിയേഷന്റെ അംഗീകാരത്തോടെയുള്ള അഞ്ച് ദിവസത്തെ തീവ്രപരിശീലനമാണ് കോഴ്സിൽ ലഭിക്കുക. വിജയകരമായി പൂർത്തിയാക്കുന്നവർക്ക് 25 കിലോഗ്രാം വരെ ഭാരമുള്ള ഡ്രോണുകൾ പറത്താനുള്ള ഔദ്യോഗിക ലൈസൻസ് ലഭിക്കും. അസാപ്പിന്റെ കാസർഗോഡ് വിദ്യാനഗറിലുള്ള കമ്മ്യൂണിറ്റി സ്‌കിൽ പാർക്കിലാണ് കോഴ്സ് ക്ലാസുകൾ നടത്തുക.

ബിസിൽ ട്രെയിനിംഗ് ഡിവിഷൻ ജൂണിൽ ആരംഭിക്കുന്ന വിവിധ പ്രീ-പ്രൈമറി അധ്യാപക പരിശീലന കോഴ്സുകളിലേക്ക് വനിതകളിൽ നിന്നും അപേക്ഷ ക്ഷണിച്ചു.

രണ്ടു വർഷം, ഒരു വർഷം, ആറു മാസം ദൈർഘ്യമുള്ള മോണ്ടിസ്സോറി, പ്രീ-പ്രൈമറി, നഴ്സറി ടീച്ചർ ട്രെയിനിംഗ് കോഴ്സുകളിലേക്കാണ് പ്രവേശനം.ഡിഗ്രി, പ്ലസ് ടു, എസ്.എസ്.എൽ.സി യോഗ്യതയുള്ളവർ അപേക്ഷിക്കാം. 

ഫോൺ - 79944 49314.

 സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ കുടുംബശ്രീയിൽ രജിസ്റ്റർ ചെയ്ത പട്ടികജാതി/ പട്ടികവർഗ്ഗ വിഭാഗത്തിൽപ്പെട്ട വനിതകൾക്കായി ഈ ടില്ലാത്ത പ്രത്യേക വായ്പാ പദ്ധതി നടപ്പിലാക്കുന്നു.  

 സി.ഡി.എസ്സ് മുഖേന പരമാവധി 1,30,000/- രൂപ വരെ വായ്പയായി ലഭിക്കും. 60 വയസ്സിൽ താഴെ പ്രായമുള്ളവർക്കും കുടുംബ വാർഷിക വരുമാനം 5 ലക്ഷം രൂപ വരെ ഉള്ളവർക്കും അപേക്ഷിക്കാം. 

 കൂടുതൽ വിവരങ്ങൾക്കും അപേക്ഷകൾക്കുമായി അതത് കുടുംബശ്രീ സി.ഡി.എസ്സുമായോ തൃശ്ശൂർ രാമനിലയത്തിന് സമീപമുള്ള കോർപ്പറേഷന്റെ ജില്ലാ ഓഫീസുമായോ ബന്ധപ്പെടുക.

ഫോൺ : 0487 2331556, 9400068508.

സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ നടപ്പിലാക്കുന്ന സ്വയംതൊഴിൽ വായ്പാ പദ്ധതിയിലേക്ക് അപേക്ഷ ക്ഷണിച്ചു. തൃശ്ശൂർ ജില്ലയിലെ പട്ടികവർഗ്ഗ വിഭാഗത്തിൽപ്പെട്ട, 18നും 60 നും ഇടയിൽ പ്രായമുളള തൊഴിൽരഹിതർക്ക് അപേക്ഷിക്കാം. അപേക്ഷകരുടെ കുടുംബ വാർഷിക വരുമാനം മൂന്ന് ലക്ഷം രൂപയിൽ കവിയരുത്.

ആറ് ശതമാനം പലിശ നിരക്കിൽ ഒരു ലക്ഷം മുതൽ നാല് ലക്ഷം രൂപ വരെയാണ് വായ്പയായി അനുവദിക്കുക. അഞ്ചു സെന്റിൽ കുറയാത്ത വസ്തു ജാമ്യത്തിന്റെയോ ഉദ്യോഗസ്ഥ ജാമ്യത്തിന്റെയോ ഈടിന്മേലാണ് വായ്പ ലഭ്യമാക്കുക.