വില്ല്യാപ്പള്ളി ഗ്രാമപഞ്ചായത്ത് ജനകീയാസൂത്രണം 2021-22 ലെ പദ്ധതിയുടെ ഭാഗമായി നിര്‍മ്മിച്ച ലോകനാര്‍കാവിലെ വഴിയോര വിശ്രമ കേന്ദ്രം നാടിന് സമര്‍പ്പിച്ചു. 
വിശ്രമ കേന്ദ്രത്തിന്റെ ഉദ്ഘാടനം കെ.പി കുഞ്ഞമ്മദ് കുട്ടി മാസ്റ്റര്‍ എം എല്‍ എ നിര്‍വഹിച്ചു. ചടങ്ങിൽ വില്യാപ്പള്ളി പഞ്ചായത്ത് പ്രസിഡന്റ് കെ.കെ ബിജുള അധ്യക്ഷത വഹിച്ചു.

 
കോടഞ്ചേരി പഞ്ചായത്തിലെ പുലിക്കയത്ത് നിർമ്മിച്ച അന്താരാഷ്ട്ര കയാക്കിംഗ് സെന്റർ  പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ്‌ റിയാസ് നാടിന് സമർപ്പിച്ചു. ലിന്റോ ജോസഫ് എം എൽ എ അധ്യക്ഷത വഹിച്ചു.

സംസ്ഥാന വിനോദ സഞ്ചാര വകുപ്പ് രണ്ടു ഘട്ടങ്ങളിലായി അനുവദിച്ച ഒരു കോടി അറുപത്തഞ്ച് ലക്ഷം രൂപ ഉപയോഗിച്ചാണ് കയാക്കിംഗ് സെന്റർ നിർമിച്ചത്. രണ്ട് നിലകളിലായി നിർമ്മിച്ച കെട്ടിടത്തിൽ ഡോർമെറ്ററി, ക്ലോക്ക് റൂം, ഗ്യാലറി, ശുചിമുറികൾ, മീറ്റിംഗ് ഹാൾ എന്നീ സൗകര്യങ്ങളുണ്ട്. 

പേരാമ്പ്ര വിദ്യാഭ്യാസ ഉപജില്ല സീപ് പ്രോഗ്രാമിന്റെ ഭാഗമായി യുദ്ധവിരുദ്ധ പാർലമെന്റും കുട്ടികളുടെ മഹാസംഗമവും സംഘടിപ്പിക്കുന്നു. 
ശാസ്ത്ര, സാമൂഹ്യ ശാസ്ത്ര ക്ലബുകളുടെയും പേരാമ്പ്ര ഗവ. യു.പി സ്കൂളിന്റെയും സഹകരണത്തോടെ ആഗസ്റ്റ് 10-നാണ് പരിപാടി സംഘടിപ്പിക്കുന്നത്. കുട്ടികളാണ് പരിപാടികൾക്ക് നേതൃത്വം നൽകുക.

യുദ്ധവിരുദ്ധ പാർലമെന്റിനൊപ്പം യുദ്ധവിരുദ്ധ പ്രതിജ്ഞ, യുദ്ധവിരുദ്ധ ഗാനം, യുദ്ധവിരുദ്ധ സന്ദേശം, യുദ്ധവിരുദ്ധ നാടകം എന്നിവയും കുട്ടികൾ അവതരിപ്പിക്കും. 1000 സമാധാന ബലൂണുകളും പറത്തും.

ബേപ്പൂർ മാതൃകാ ഭിന്നശേഷി സൗഹൃദ മണ്ഡലം പദ്ധതിയായ 'ബേപ്പൂർ ഹൈ ടൈഡി'ലൂടെ' (ഹയർ ഇനിഷ്യേറ്റീവ് ഓൺ ടോട്ടൽ ഇൻക്ലൂഷൻ ഡ്രൈവ് ഫോർ ഇക്വിറ്റി) മണ്ഡലത്തെ സമ്പൂർണ ഭിന്നശേഷി സൗഹൃദമാക്കുന്നത്തിനുള്ള പ്രവർത്തനങ്ങൾക്ക് തുടക്കമായി.

പദ്ധതിയിലൂടെ മുഴുവൻ ഭിന്നശേഷി ക്കാർക്കും യു.ഡി.ഐ.ഡി കാർഡ് ലഭ്യമാക്കുക, മണ്ഡലത്തിലെ മുഴുവൻ സ്ഥലങ്ങളും തടസരഹിതമാക്കുക, നിയമപരമായ അവകാശങ്ങൾ ലഭ്യമാക്കുക, ചികിത്സാ സൗകര്യങ്ങൾ ഉറപ്പാക്കുക തുടങ്ങിയവയ്ക്ക് മുൻഗണന നൽകും.

സമ്പൂർണ വാക്‌സിനേഷൻ തീവ്രയജ്ഞം: ജില്ലാതല ആലോചനായോഗം  
സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്തു*

മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതി ചേളന്നൂർ ബ്ലോക്ക് പഞ്ചായത്ത് ഉന്നതി ബേസിക് ഓറിയന്റേഷൻ പരിശീലനം നടത്തി. ചേളന്നൂർ ബ്ലോക്ക് പഞ്ചായത്ത് പ്രസിഡന്റ് കെ.പി സുനിൽ കുമാർ ഉദ്ഘാടനം ചെയ്തു. വൈസ് പ്രസിഡന്റ് ഷിഹാന രാരപ്പകണ്ടി അധ്യക്ഷത വഹിച്ചു.

ബ്ലോക്ക് പഞ്ചായത്ത് ബിഡിഒ  ബിജിൻ ബി ജേക്കബ്, ബ്ലോക്ക് പഞ്ചായത്ത് മെമ്പർ രാമചന്ദ്രൻ ജോ, ബിഡിഒ അഭിനേഷ് കുമാർ, ഡിഡിയുകെ വൈ ബ്ലോക്ക് കോർഡിനേറ്റർ റിജിൻ കൃഷ്ണ, എം.ജി.എൻ.ആർ.ഇ ചേളന്നൂർ ബ്ലോക്ക് എ.ഇ റന റഹ്മാൻ, ചേളന്നൂർ ഗ്രാമപഞ്ചായത്ത് കുടുംബശ്രീ ചെയർപേഴ്സൺ ടി.പി. ബിനിഷ തുടങ്ങിയവർ പങ്കെടുത്തു.

'ഹൈ ടൈഡ്' പ്രൊജക്ട് ലോഞ്ചിംഗ്  മന്ത്രി പി.എ മുഹമ്മദ് റിയാസ് നിർവഹിച്ചു

ഓണക്കാലത്തെ ഗതാഗത തിരക്ക് കണക്കിലെടുത്ത് നഗര ഹൃദയത്തിന്റെ ഭാഗമായ സിഎച്ച് ഫ്ലൈ ഓവർ പാലം രണ്ട് ദിവസത്തിനകം ഭാഗികമായി ഗതാഗത യോഗ്യമാക്കുമെന്ന് പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ്. സിഎച്ച് ഫ്ലൈ ഓവർ പാലം സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി. സി.എച്ച് ഫ്ലൈ ഓവറിന് 4.47 കോടി രൂപ സർക്കാർ അനുവദിച്ചിട്ടുണ്ട്. പാലത്തിന്റെ മുഴുവൻ പണികളും പൂർത്തീകരിച്ച് ഒക്ടോബറിൽ പാലം നാടിന് സമർപ്പിക്കാനാകുമെന്ന് മന്ത്രി പറഞ്ഞു. 

വിദ്യാർത്ഥികൾക്കായി 'ഗാന്ധിപഥം തേടി' യാത്രയുമായി കോഴിക്കോട് ജില്ലാപഞ്ചായത്ത്. ജില്ലയിലെ 84 വിദ്യാലയങ്ങളിൽ നിന്നുള്ള വിദ്യാർത്ഥികളാണ് ആഗസ്റ്റ് 30 ന് ആരംഭിക്കുന്ന യാത്രയിൽ പങ്കെടുക്കുക. കുട്ടികൾക്കൊപ്പം ജില്ലാപഞ്ചായത്ത് പ്രസിഡന്റ് ഷീജ ശശി, സ്ഥിരം സമിതി അധ്യക്ഷന്മാർ തുടങ്ങിയവർ ഗാന്ധിജിയുടെ ജീവിതം സമര വഴികളിലൂടെയുള്ള യാത്രയിൽ പങ്കാളികളാവും.