കോഴഞ്ചേരി താലൂക്ക് വികസന സമിതി അനുവദനീയമല്ലാത്ത സമയങ്ങളില്‍ ടിപ്പര്‍ ലോറികളെ നിയന്ത്രിക്കാന്‍ അടിയന്തര നടപടി സ്വീകരിക്കണമെന്ന് കോഴഞ്ചേരി താലൂക്ക് വികസന സമിതി യോഗം ആവശ്യപ്പെട്ടു. സ്‌കൂള്‍ സമയങ്ങളില്‍ നിയന്ത്രണം ലംഘിച്ച് അമിതവേഗതയില്‍ പായുന്ന ടിപ്പര്‍ ലോറികള്‍ നിരവധി അപകടങ്ങളാണ് വരുത്തുന്നതെന്ന് യോഗത്തില്‍ പരാതി ഉയര്‍ന്നു.

കേരളത്തിന്റെ പൈതൃകത്തിന്റെയും തനിമയുടെയും മുഖമുദ്രയായ കൈത്തറി വസ്ത്രങ്ങളുടെ ഉത്പാദനവും ഉപഭോഗവും വര്‍ധിപ്പിക്കുന്നതിന്റെ ഭാഗമായി ഏഴിന് രാവിലെ 10.30ന് കോഴഞ്ചേരി ജില്ലാ വ്യവസായ കേന്ദ്രം ഓഫീസില്‍ സെമിനാര്‍ നടത്തും. കൈത്തറി വസ്ത്രങ്ങളുടെ ഉത്പാദനത്തിനും വിപണനത്തിനും വഴിതെളിക്കുന്ന വിവിധ സര്‍ക്കാര്‍ പദ്ധതികളെ കുറിച്ചും കൈത്തറി മേഖലയിലെ തൊഴിലവസരങ്ങള്‍ സംബന്ധിച്ചുമുള്ള വിവരങ്ങള്‍ സെമിനാറില്‍ പങ്കുവയ്ക്കും.

കേന്ദ്ര സംസ്ഥാന സര്‍ക്കാരുകള്‍ സംയുക്തമായി നടപ്പാക്കുന്ന  ആരോഗ്യ ഇന്‍ഷുറന്‍സ് പദ്ധതിയില്‍ റേഷന്‍ കാര്‍ഡ് ഇല്ലാത്ത നിര്‍ദിഷ്ട കുടുംബങ്ങള്‍ക്ക് അക്ഷയ കേന്ദ്രങ്ങള്‍ മുഖേന രജിസ്റ്റര്‍ ചെയ്യാം.പട്ടികജാതി-വര്‍ഗ വിഭാഗങ്ങളില്‍പ്പെട്ടവര്‍, തൊഴിലുറപ്പ് പദ്ധതിയില്‍ കഴിഞ്ഞ വര്‍ഷം 15 ദിവസമെങ്കിലും തൊഴില്‍ ചെയ്ത കുടുംബങ്ങളിലെ അംഗങ്ങള്‍, വിവിധ ക്ഷേമ പദ്ധതി-ക്ഷേമബോര്‍ഡ് എന്നിവയില്‍ അംഗത്വമുള്ളവര്‍, വിവിധ ക്ഷേമ പെന്‍ഷന്‍, സാമൂഹ്യസുരക്ഷാ പെന്‍ഷന്‍ എന്നിവ വാങ്ങുന്നവര്‍, മത്സ്യതൊഴിലാളി കുടുംബങ്ങള്‍, അങ്കണവാണി വര്‍ക്കര്‍മാര്‍, ഹെല്‍പ്പര്‍മാര്‍, ആശ പ്രവര്‍ത്തകര്‍, വീട്ടുജോലിക്കാര്‍, കളിമണ്‍ പാത്ര നിര്‍മാണ തൊഴിലാ

ജനപ്രതിനിധികളും ഉദ്യോഗസ്ഥരും ചര്‍ച്ച ചെയ്ത് മികച്ച രീതിയില്‍ ജില്ലാ പദ്ധതി തയാറാക്കണമെന്ന് ജില്ലാ കളക്ടര്‍ ആര്‍. ഗിരിജ പറഞ്ഞു. ജില്ലാ പദ്ധതി രൂപീകരണവുമായി ബന്ധപ്പെട്ട പ്രവര്‍ത്തനങ്ങള്‍ വിലയിരുത്തുന്നതിന് കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ അധ്യക്ഷത വഹിക്കുകയായിരുന്നു കളക്ടര്‍.  

ന്യൂനപക്ഷ അവകാശങ്ങളെക്കുറിച്ചുള്ള ബോധവത്കരണം അനിവാര്യമാണെന്ന്കുര്യാക്കോസ് മാര്‍ ക്ലിമീസ് മെത്രാപ്പോലീത്ത പറഞ്ഞു.സംസ്ഥാന ന്യൂനപക്ഷ കമ്മീഷന്‍ പത്തനംതിട്ട മെരിമാതാ ഓഡിറ്റോറിയത്തില്‍ വിവിധ ക്രൈസ്തവ സഭകളിലെ പ്രതിനിധികള്‍ക്കായി നടത്തിയ ഏകദിന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.

ഭൂരിപക്ഷ -ന്യൂനപക്ഷ വിഭാഗീയത ഉണ്ടാകാതെ ന്യൂനപക്ഷ അവകാശങ്ങള്‍ സംരക്ഷിക്കപ്പെടണം. ന്യൂനപക്ഷ കമ്മീഷന്റെ പ്രവര്‍ത്തനങ്ങള്‍ ജനങ്ങളിലെത്തിക്കുന്നതിന്  കമ്മീഷന്‍ നടത്തുന്ന ശ്രമങ്ങള്‍ ശ്ലാഘനീയമാണെന്നും മെത്രാപ്പോലീത്ത പറഞ്ഞു

 ജില്ലാ മെഡിക്കല്‍ ഓഫീസിന്റെ ആഭിമുഖ്യത്തില്‍ ഔദ്യോഗിക ഭാഷാ വാരാചരണവുമായി ബന്ധപ്പെട്ട് വിവിധ പരിപാടികള്‍ സംഘടിപ്പിച്ചു. ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ.എല്‍. അനിതാകുമാരി വാരാഘോഷം ഉദ്ഘാടനം ചെയ്തു. 

സാഹിത്യകാരനും മാധ്യമ പ്രവര്‍ത്തകനുമായ അനില്‍ വള്ളിക്കോട് മുഖ്യപ്രഭാഷണം നടത്തി. ഡെപ്യുട്ടി ഡിഎംഒ ഡോ. ടി. അനിതാ കുമാരി യോഗത്തില്‍ അധ്യക്ഷത വഹിച്ചു. സ്റ്റാഫ് സെക്രട്ടറി എം.ആര്‍. അനില്‍കുമാര്‍, പി.എം. ഇസ്മായില്‍, ജോണ്‍ മാത്യു തുടങ്ങിയവര്‍ പ്രസംഗിച്ചു. വാരാചരണത്തോടനുബന്ധിച്ച് ജീവനക്കാര്‍ക്കായി വിവിധ മത്സരങ്ങള്‍ സംഘടിപ്പിച്ചു.

സംസ്ഥാന സര്‍ക്കാര്‍ സ്ഥാപനമായ അടൂരിലെ എല്‍.ബി.എസ് സബ്‌സെന്ററില്‍ ഭിന്നശേഷിക്കാരായ പത്താം ക്ലാസ് പാസായ കുട്ടികള്‍ക്കായി ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്‌സ് സൗജന്യമായി നടത്തുന്നു.  

താല്‍പ്പര്യമുള്ള ഭിന്നശേഷിക്കാരായ വിദ്യാര്‍ഥികള്‍ എല്‍.ബി.എസിന്റെ സെന്ററുമായോ, സെന്റര്‍ഓഫ് എക്‌സ്‌ലന്‍സ് ഫോര്‍ ഡിസബിലിറ്റി സ്റ്റഡീസുമായോ ബന്ധപ്പെടണം. ഫോണ്‍: 0471 23452677,  0473-4227538.

നെഹ്റു യുവ കേന്ദ്രയും ഗാന്ധി സ്മാരക നിധിയും സംയുക്തമായി  ദക്ഷിണേന്ത്യയിലെ 200 യുവജനങ്ങളെ പങ്കെടുപ്പിച്ച് സംഘടിപ്പിക്കുന്ന ഗാന്ധി യുവസംഗമം പരിപാടിയിലേക്ക് അനുയോജ്യമായ ലോഗോ ക്ഷണിച്ചു.

മികച്ച ലോഗോ തയാറാക്കുന്നവരെ ആദരിക്കും. ലോഗോ അയയ്‌ക്കേണ്ട വിലാസം : ഗാന്ധി സ്മാരക നിധി, തൈയ്ക്കാട്, തിരുവനന്തപുരം. ഫോണ്‍: 9400598000.

ശിശുദിനാഘോഷവുമായി ബന്ധപ്പെട്ട് ബ്ലോക്ക്- മുന്‍സിപ്പല്‍ തല മത്സരങ്ങളില്‍ ഒന്നാം സ്ഥാനം നേടിയവര്‍ക്കുള്ള ജില്ലാതല മത്സരം പത്തനംതിട്ട തൈക്കാവ് ഗവണ്‍മെന്റ് ഹയര്‍ സെക്കണ്ടറി സ്‌കൂളില്‍ നടന്നു. മത്സരങ്ങളുടെ ഉദ്ഘാടനം ജില്ലാ കളക്ടര്‍ ആര്‍. ഗിരിജ നിര്‍വഹിച്ചു.

ശിശുക്ഷേമസമിതി വൈസ് പ്രസിഡന്റ് പ്രൊഫ.കെ. മോഹന്‍കുമാര്‍ അധ്യക്ഷത വഹിച്ചു. ജില്ലാ ലൈബ്രറി കൗണ്‍സില്‍ പ്രസിഡന്റ് പ്രൊഫ.ടി.കെ.ജി നായര്‍, ശിശുക്ഷേമ സമിതി സെക്രട്ടറി ജി. പൊന്നമ്മ, ജോയിന്റ് സെക്രട്ടറി എം.എസ്. ജോണ്‍, ട്രഷറര്‍ ആര്‍. ഭാസ്‌കരന്‍ നായര്‍, മെമ്പര്‍ എ.കെ. ശ്രീകുമാര്‍ തുടങ്ങിയവര്‍ പ്രസംഗിച്ചു. 

കൊച്ചി: 2018 -19 സാമ്പത്തിക വര്‍ഷത്തേക്കുള്ള ആരോഗ്യ ഇന്‍ഷുറന്‍സ് രജിസ്‌ട്രേഷന്‍ അക്ഷയ,  ഉന്നതി കേന്ദ്രങ്ങള്‍ വഴി പുരോഗമിക്കുകയാണെന്ന് ജില്ലാ ലേബര്‍ ഓഫീസര്‍ അറിയിച്ചു. 

2017-18 വര്‍ഷത്തില്‍ കാര്‍ഡ് എടുത്തിരിക്കുന്ന കുടുംബങ്ങളില്‍ കാര്‍ഡിന്റെ മുന്‍വശത്ത് ഫാമിലി എന്നെഴുതിയിരിക്കുന്ന സ്മാര്‍ട്ട് കാര്‍ഡ് കൈപ്പറ്റിയിരിക്കുന്ന കുടുംബങ്ങള്‍ അക്ഷയ, ഉന്നതി കേന്ദ്രങ്ങള്‍ വഴി വീണ്ടും രജിസ്റ്റര്‍ ചെയ്യണം അല്ലെങ്കില്‍ വരുംവര്‍ഷത്തില്‍ കാര്‍ഡ് പുതുക്കാന്‍ സാധിക്കില്ല.