സ്മാര്‍ട്ട് ക്ലാസ്‌റൂമുകള്‍ കുട്ടികളെ പഠന തല്‍പരരാക്കുന്നുവെന്ന് ഡപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. കിഴക്കുപുറം ഗവണ്‍മെന്റ് ഹൈസ്‌കൂളിലെ സ്മാര്‍ട്ട് ക്ലാസ്‌റൂമുകളുടെ ഉദ്ഘാടനം നിര്‍വഹിക്കുകയായിരുന്നു അദേഹം. എംഎല്‍എ ആസ്തി വികസന ഫണ്ട് 14 ലക്ഷം രൂപ ഉപയോഗിച്ചാണ് സ്മാര്‍ട്ട് ക്ലാസ്‌റൂമുകള്‍ നിര്‍മിച്ചിരിക്കുന്നത്. ലാപ്ടോപ്പുകള്‍, ഒഎച്ച്പി, മൈക്രോ ഫോണുകള്‍, സ്പീക്കറുകള്‍ എന്നിവ നവീകരിച്ച ക്ലാസ് റൂമുകളില്‍  ഒരുക്കിയിട്ടുണ്ട്. ചടങ്ങില്‍ സ്‌കൂള്‍ ശാസ്ത്രമേളകളില്‍ ജില്ലയെ പ്രതിനിധീകരിച്ച് മികച്ച ഗ്രേഡുകള്‍ കരസ്ഥമാക്കിയ ജൂലിയറ്റ് ജോസ് , നൗഫല്‍ നിഷാന്‍ എന്നിവര്‍ക്കുള്ള അനുമോദനവും നല്‍കി.

ആലപ്പുഴ: സംസ്ഥാന ന്യൂനപക്ഷ വകുപ്പ്, കളക്ടറേറ്റിലെ ന്യൂനപക്ഷ സെല്‍ എന്നിവയുടെ സംയുക്താഭിമുഖ്യത്തില്‍ ജില്ലയിലെ ഹൈസ്‌കൂള്‍ വിദ്യാര്‍ഥികള്‍ക്കായി സൗജന്യ കരിയര്‍ ഗൈഡന്‍സ് പരിശീലന പരിപാടി പാസ് വേഡ് 2023-24 സംഘടിപ്പിച്ചു. ആലപ്പുഴ ഗവ. മുഹമ്മദൻസ് ഹയർ സെക്കൻഡറി സ്കൂൾ ഫോർ ബോയ്സ് ഓഡിറ്റോറിയത്തിൽ നടന്ന പരിശീലന പരിപാടി ജില്ല വിദ്യാഭ്യാസ ഉപഡയറക്ടർ സി.സി. കൃഷ്ണകുമാർ ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ് പി.എസ്. നൂർജഹാൻ അധ്യക്ഷയായി. കരിയർ ഗൈഡൻസ് വിദഗ്ധരായ സുധീർ, വിഷ്ണുലോനാ ജേക്കബ്ബ് എന്നിവർ ക്ലാസുകൾക്ക് നേതൃത്വം നൽകി. ആലപ്പുഴ ന്യൂനപക്ഷ യുവജന പരിശീലന കേന്ദ്രം പ്രിന്‍സിപ്പാള്‍ കെ. നസീറ, പി.ടി.എ.

ആലപ്പുഴ: സംസ്ഥാനം സമ്പൂർണ്ണ ഡിജിറ്റൽ സാക്ഷരതയാക്കുന്നതിന്റെ ഭാഗമായി മുട്ടാർ ഗ്രാമപഞ്ചായത്ത് ഡിജിസഭ സംഘടിപ്പിച്ചു. ആധുനിക യുഗത്തിൽ പുതിയ ഡിജിറ്റൽ സംവിധാനങ്ങളും അതുവഴി ആൻഡ്രോയിഡ് ഫോൺ ഉപയോഗിച്ചുകൊണ്ട് എല്ലാ ജനവിഭാഗങ്ങൾക്കും നൽകിവരുന്ന സേവനങ്ങൾ  അറിയുവാനും അവരുടെ സേവനങ്ങൾ യഥാസമയം മനസ്സിലാക്കുന്നതിനും ഉതങ്ങുന്ന തരത്തിലുള്ള പരിശീലന സംവിധാനമാണ് ഡിജി കേരള പദ്ധതിയിലൂടെ നടപ്പിലാക്കുന്നത്. ഇതുവഴി സാക്ഷരതാ പദ്ധതി നടപ്പിലാക്കിയതെന്ന് പോലെ ജനങ്ങളിൽ സമ്പൂർണ്ണ ഡിജിറ്റൽ ബോധവൽക്കരണ പരിപാടി നടത്തി സമ്പൂർണ്ണ ഡിജിറ്റൽ സാക്ഷരതയാക്കുക എന്നതാണ്  പദ്ധതിയുടെ  ലക്ഷ്യം.

നെടുമ്പ്രം ഗ്രാമപഞ്ചായത്തിലെ പാലിയേറ്റീവ് ദിനാചരണത്തിന്റെയും കുടുംബസംഗമത്തിന്റെയും ഉദ്ഘാടനം പുളിക്കീഴ് ബ്ലോക്ക് പഞ്ചായത്ത് പ്രസിഡന്റ് അഡ്വ. വിജി നൈനാന്‍ നിര്‍വഹിച്ചു. പത്തനംതിട്ട ജില്ലാ പഞ്ചായത്തിന്റെയും നെടുമ്പ്രം ഗ്രാമപഞ്ചായത്തിന്റെയും സംയുക്ത ആഭിമുഖ്യത്തില്‍ നടത്തി വരുന്ന പാലിയേറ്റീവ് കെയര്‍ പദ്ധതിയില്‍ ഉള്‍പ്പെട്ട രോഗികളുടെ സംഗമമാണ് പുതിയകാവ് എച്ച് എസില്‍ നടന്നത്. ഭക്ഷണ സാമഗ്രികള്‍ അടങ്ങുന്ന കിറ്റിന്റെ വിതരണവും കലാപരിപാടികളും നടന്നു.

ജില്ലയിലെ ക്ഷീരകർഷകർക്ക് താങ്ങായി ക്ഷീരവികസന വകുപ്പ്. ക്ഷീരകര്‍ഷകരുടെ സാമൂഹികവും സാമ്പത്തികവുമായ ഉന്നമനം ഉറപ്പാക്കുന്നതിനൊപ്പം പാലുല്‍പാദനത്തില്‍ സ്വയംപര്യാപ്തത കൈവരിക്കുന്നതിന് നിരവധി പ്രവര്‍ത്തനങ്ങളാണ് വകുപ്പ് മലപ്പുറം ജില്ലയില്‍ നടപ്പാക്കി വരുന്നത്. ജില്ലയിലെ ക്ഷീരകർഷകർക്ക് പാൽ സംഭരണ വിലയായി പ്രതിവർഷം ലഭിക്കുന്നത് 132 കോടി രൂപയാണ്.

സംസ്ഥാന സാക്ഷരതാ മിഷന്റെ പത്താം തരം, ഹയർ സെക്കൻഡറി തുല്യതാ കോഴ്‌സുകൾക്ക് മാർച്ച് 15 വ പിഴയില്ലാതെ രജിസ്റ്റർ ചെയ്യാം. 17 വയസ്സ് പൂർത്തിയായ ഏഴാം ക്ലാസെങ്കിലും ജയിച്ചവർക്ക് പത്താം തരം തുല്യതാ കോഴ്‌സിൽ ചേരാം. പത്താം ക്ലാസ് പരാജയപ്പെട്ടവർക്കും എട്ടിനും പത്താം തരത്തിനും ഇടയിൽ പഠനം നിർത്തിയവർക്കും പത്താം തരം തുല്യതാ കോഴ്‌സിൽ ചേരാം. 1950 രൂപയാണ് ഫീസ്. പട്ടിക ജാതി, പട്ടിക വർഗ വിഭാഗക്കാർക്ക് ഫീസിളവുണ്ട്.

ഫിഷറീസ് കോളനികളിലെ ശോചനീയാവസ്ഥയുലുളള വീടുകളുടെ പുനർ നിർമ്മാണത്തിന് ഫിഷറീസ്‌വകുപ്പ് മുഖേന ധനസഹായം അനുവദിക്കുന്നു. ഒരുവീടിന് നാല് ലക്ഷം രൂപയാണ് അനുവദിക്കുക. അർഹതാ മാനദണ്ഡങ്ങൾ: ഫിഷർമെൻ കോളനിയിലെ താമസക്കാരൻ ആയിരിക്കണം, കോളനി നിലവിൽ വേലിയേറ്റരേഖയിൽ നിന്നും 50 മീറ്ററിനു പുറത്തും സി.ആർ.സെഡ് നോട്ടിഫിക്കേഷൻ പ്രകാരം ഭവന നിർമ്മാണത്തിന് അനുവദനീയ മേഖലയിലും ആയിരിക്കണം, ഗുണഭോക്താവ് രജിസ്‌ട്രേഡ് മത്സ്യത്തൊഴിലാളിയും ഫിംസ് ഐഡി  നമ്പറുള്ള വ്യക്തിയും ആയിരിക്കണം, പെൻഷൻ ആയവരെയും പരിഗണിക്കും.

എടരിക്കോട് 110 കെ.വി സബ്സ്റ്റേഷനിൽ അറ്റകുറ്റപ്പണികൾ നടക്കുന്നതിനാൽ ഇന്ന് (ഫെബ്രുവരി 13) രാവിലെ എട്ട് മുതൽ വൈകീട്ട് അഞ്ച് വരെ കോട്ടയ്ക്കൽ ടൗൺ, ആര്യവൈദ്യശാല, പറപ്പൂർ, എടരിക്കോട്, കാവതികളം, വേങ്ങര, ടെസ്റ്റിൽ   എന്നീ 11 കെ.വി ഫീഡറുകളിൽ വൈദ്യുതി വിതരണം തടസ്സപ്പെടും.