ജില്ലാ സാമൂഹ്യനീതി വകുപ്പിന്റെ ആഭിമുഖ്യത്തില്‍ ലോക വയോജന അതിക്രമ അവബോധ ദിനാചരണം സംഘടിപ്പിച്ചു. പരിപാടിയുടെ ജില്ലാതല ഉദ്ഘാടനം കണ്ണൂര്‍ കോര്‍പ്പറേഷന്‍ മേയര്‍ മുസ്ലിഹ് മഠത്തില്‍ നിര്‍വഹിച്ചു. ആരോഗ്യമുള്ള കാലത്ത് സമൂഹത്തിന് വേണ്ടി നിരവധി സംഭാവന ചെയ്തവരാണ് ഇന്നത്തെ വയോജനങ്ങളെന്നും അവരെ സംരക്ഷിക്കേണ്ട ഉത്തരവാദിത്തം സര്‍ക്കാര്‍ - സാമൂഹിക സംവിധാനങ്ങള്‍ക്കുണ്ടെന്നും മേയര്‍ പറഞ്ഞു. എസ്.എന്‍ കോളേജില്‍ നടന്ന പരിപാടിയില്‍ ജില്ലാ കലക്ടര്‍ അരുണ്‍ കെ വിജയന്‍ അധ്യക്ഷനായി. തലശ്ശേരി സബ് കലക്ടര്‍ കാര്‍ത്തിക് പാണിഗ്രാഹി മുഖ്യാതിഥിയായി.

എസ്.ആര്‍.സി കമ്മ്യൂണിറ്റി കോളേജില്‍ ഒരു വര്‍ഷ ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ് കോഴ്സിന് അപേക്ഷ ക്ഷണിച്ചു. പ്ലസ് ടു/ തത്തുല്യം അടിസ്ഥാന യോഗ്യതയുള്ള 17 വയസ്സ് പൂര്‍ത്തിയായവര്‍ക്ക് അപേക്ഷിക്കാം. പ്രായപരിധിയില്ല.  https://app.srccc.in/register എന്ന ലിങ്കിലൂടെ ജൂണ്‍ 30 വരെ അപേക്ഷിക്കാം. വിശദവിവരങ്ങള്‍ www.srccc.in എന്ന വെബ്സൈറ്റില്‍ ലഭിക്കും. യോഗ അസോസിയേഷന്‍ ഓഫ് കേരള മയ്യില്‍; ഫോണ്‍: 9495789470

എസ്.ആര്‍.സി കമ്മ്യൂണിറ്റി കോളേജില്‍ ജൂലൈ ആരംഭിക്കുന്ന യോഗ സര്‍ട്ടിഫിക്കറ്റ് കോഴ്സിന്  ഓണ്‍ലൈനായി അപേക്ഷ ക്ഷണിച്ചു. പത്താം ക്ലാസ്സ് / തത്തുല്യ യോഗ്യതയുള്ള 17 വയസ്സ് പൂര്‍ത്തിയായവര്‍ക്ക് അപേക്ഷിക്കാം. പ്രായപരിധിയില്ല. https://apps.srccc.in/register ലിങ്കിലൂടെ ജൂണ്‍ 30 വരെ ഓണ്‍ലൈനായി അപേക്ഷിക്കാം. കൂടുതല്‍ വിവരങ്ങള്‍ www.srccc.in വെബ്സൈറ്റില്‍ ലഭിക്കും.

എസ് ആര്‍ സി കമ്മ്യൂണിറ്റി കോളേജില്‍ ജൂലൈ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്റ് എയര്‍പോര്‍ട്ട് മാനേജ്മെന്റ് കോഴ്സിന് അപേക്ഷ ക്ഷണിച്ചു. പ്ലസ് ടു / തത്തുല്യ യോഗ്യതയുള്ളവര്‍ക്ക് അപേക്ഷിക്കാം. അപേക്ഷാഫോറം തിരുവനന്തപുരം നന്ദാവനത്ത് പ്രവര്‍ത്തിക്കുന്ന എസ് ആര്‍ സിയില്‍ ലഭിക്കും. http://app.srccc.in/register ലിങ്ക് വഴിയും അപേക്ഷിക്കാം. അവസാന തീയതി ജൂലൈ 20. വെബ്സൈറ്റ്; www.srccc.in, ഫോണ്‍- 0471 2570471, 9846033001

അഞ്ചാലുംമൂട് സർക്കാർ ഹയർ സെക്കൻഡറി സ്കൂളിൽ ഇക്കണോമിക്സ്, പൊളിറ്റിക്കൽ സയൻസ്, സൂവോളജി  വിഷയങ്ങളിൽ ജൂനിയർ അധ്യാപകരുടെ താൽകാലിക ഒഴിവുകളിലേക്ക് ജൂൺ 19 ഉച്ചയ്ക്ക് രണ്ടിന് അഭിമുഖം. യോഗ്യരായവർ അസൽ സർട്ടിഫിക്കറ്റുമായി
ഓഫീസിൽ എത്തണം. ഫോൺ: 0474-2920346. ഇമെയിൽ: ghss02018@gmail.com

കതിരൂര്‍ ജി.വി.എച്ച്.എസ്സില്‍ വി.എച്ച്.എസ്.ഇ വിഭാഗത്തില്‍ മാത്തമാറ്റിക്സ് അധ്യാപക ഒഴിവിലേക്ക് താല്‍ക്കാലിക നിയമനം നടത്തുന്നു. പി.ജി, ബിഎഡ്, സെറ്റ് യോഗ്യതയുള്ള ഉദ്യോഗാര്‍ഥികള്‍ ജൂണ്‍ 18 ന് ഉച്ചക്ക് രണ്ടുമണിക്ക് അഭിമുഖത്തിന് സ്‌കൂളില്‍ എത്തണം. ഫോണ്‍: 7510153050, 9947085920

കണ്ണൂര്‍ ഗവ.വനിത ഐ.ടി.ഐയില്‍ എന്‍സിവിടി ട്രേഡുകളായ രണ്ട് വര്‍ഷ ഡ്രാഫ്റ്റ്സ്മാന്‍ സിവില്‍, ഇലക്ട്രോണിക്സ് മെക്കാനിക്ക്, ഇന്‍ഫര്‍മേഷന്‍ ആന്റ് കമ്മ്യൂണിക്കേഷന്‍ ടെക്നോളജി സിസ്റ്റം മെയിന്റനന്‍സ്, ഒരു വര്‍ഷ കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്, ഫാഷന്‍ ഡിസൈന്‍ ആന്റ് ടെക്നോളജി കോഴ്സുകളിലേക്ക് അപേക്ഷ ക്ഷണിച്ചു. http://itiadmissions.kerala.gov.in പോര്‍ട്ടല്‍ വഴിയും http://det.kerala.gov.in വെബ്സൈറ്റ് ലിങ്ക് മുഖേനയും ജൂണ്‍ 20 വരെ അപേക്ഷിക്കാം. ഫോണ്‍- 0497-2835987, 9446677256 

ഐ.എച്ച്.ആര്‍.ഡിയുടെ പള്ളിപ്പാറ ചീമേനി അപ്ലൈഡ് സയന്‍സ് കോളേജില്‍ ബി.കോം കമ്പ്യൂട്ടര്‍ അപ്ലിക്കേഷന്‍, ബി.കോം കോ -ഓപ്പറേഷന്‍, ബി.എസ്.സി കമ്പ്യൂട്ടര്‍ സയന്‍സ്, എം.എസ്.സി കമ്പ്യൂട്ടര്‍ സയന്‍സ്, എം.കോം ഫിനാന്‍സ് കോഴ്സുകളിലേക്ക് അപേക്ഷ ക്ഷണിച്ചു. കണ്ണൂര്‍ യൂണിവേഴ്സിറ്റി സൈറ്റ്, http:/www.ihrdadmission.org സൈറ്റ് എന്നിവ മുഖേന അപേക്ഷിക്കാം. എസ് സി, എസ് ടി, ഒ ഇ സി, ഒ ബി സി(എച്ച്), ഫിഷര്‍മാന്‍ വിഭാഗത്തിന് ഫീസ് ആനുകൂല്യം, ലംപ്സം ഗ്രാന്റ് എന്നിവ ലഭിക്കും. ഫോണ്‍: 8547005052, 9961416202, 9447596129

സംസ്ഥാന ന്യൂനപക്ഷ കമ്മീഷന്‍ കണ്ണൂര്‍ കലക്ടറേറ്റ് കോണ്‍ഫറന്‍സ് ഹാളില്‍ ജൂണ്‍ 18 ബുധനാഴ്ച നടത്താന്‍ നിശ്ചയിച്ചിരുന്ന സിറ്റിംഗ് മാറ്റിവെച്ചു. പുതുക്കിയ തീയതി പിന്നീട് അറിയിക്കും.
 

പന്നിയൂര്‍ വില്ലേജ് കൂവങ്കുന്നില്‍ പുഞ്ചയില്‍ ജെയിംസിന്റെ വീടിനു മുകളില്‍ തെങ്ങ് വീണ് കുടുംബത്തിലെ നാലുപേര്‍ക്ക് പരിക്കേറ്റു. എല്ലാവരെയും തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചതായും പരിക്ക് ഗുരുതരമല്ലന്നും പന്നിയൂര്‍ വില്ലേജ് ഓഫീസര്‍ ബിനില്‍ ആന്റണി അറിയിച്ചു. രാവിലെ ഒന്‍പത് മണിയോടെയായിരുന്നു അപകടം. 

ശക്തമായ മഴയില്‍ മതിലിടിഞ്ഞ് വീണു