മഴ തുടരുന്നതിനാലും വരും ദിവസങ്ങളിൽ അതിശക്തമായ മഴ മുന്നറിയിപ്പു ലഭിച്ചിരിക്കുന്നതിനാലും ജൂൺ 17 വരെ കോട്ടയം ജില്ലയിൽ എല്ലാവിധ ഖനന പ്രവർത്തനങ്ങളും നിരോധിച്ച് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ ജോൺ വി. സാമുവൽ ഉത്തരവായി.

വിജ്ഞാന കേരളം  ജില്ലാ മിഷൻ പ്രോജക്ട് മാനേജ്മെൻ്റ് യൂണിറ്റിന് കീഴിൽ ഇൻ്റേൺമാരെ  നിയമിക്കുന്നു. മാനേജ്മെൻ്റ് , നരവംശ ശാസ്ത്രം, സോഷ്യൽ വർക്ക്, പോളിസി സ്റ്റഡീസ് ആൻ്റ് ഡവലപ്പ്മെന്റ്, ലോക്കൽ ഗവേണൻസ്  തുടങ്ങിയ സാമൂഹ്യ ശാസ്ത്ര വിഷയങ്ങളിൽ ബിരുദാനന്തര ബിരുദം അല്ലെങ്കിൽ ഏതെങ്കിലും സ്ട്രീമിൽ ബി ടെക് ബിരുദം. ഒരു വർഷത്തേക്കാണ് നിയമനം.  ജില്ലാ -ബ്ലോക്ക്  പഞ്ചായത്തുകൾ, നഗരസഭകൾ, കോർപ്പറേഷനുകൾ എന്നിവയോട് ചേർന്ന് പ്രവർത്തിക്കാൻ തയ്യാറുള്ളവരായിരിക്കണം.

 ജില്ലാ സാമൂഹ്യനീതി വകുപ്പിന്റെ നേതൃത്വത്തിൽ മുതിർന്ന പൗരന്മാരോടുള്ള അതിക്രമങ്ങൾക്കെതിരെയുള്ള ബോധവൽക്കരണ ദിനാചരണം സംഘടിപ്പിച്ചു. ജില്ലാതല ഉദ്ഘാടനം സി.എം.എസ്‌.കോളജിൽ വച്ച് ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ പി.എം. മാത്യു നിർവഹിച്ചു. സംസ്ഥാന വയോജന കമ്മീഷൻ രൂപീകരണം ഉൾപ്പടെ വിവിധ ചുവടുകളാണ് സർക്കാർ മുന്നോട്ട് വയ്ക്കുന്നത്. യുവജനങ്ങളുടെ കരുതലോടെയുള്ള ഇടപെടലും വയോജന സംരക്ഷണത്തിൽ അനിവാര്യമാണ് എന്ന് പി.എം. മാത്യു പറഞ്ഞു. സംസ്ഥാന വയോജന കൗൺസിൽ അംഗം തോമസ് പോത്തൻ അധ്യക്ഷത വഹിച്ചു. കോട്ടയം നഗരസഭാ അധ്യക്ഷ ബിൻസി സെബാസ്റ്റ്യൻ വയോജന സംരക്ഷണ പ്രതിജ്ഞ ചൊല്ലിക്കൊടുത്തു. വി.പി.

വായനയുടെ വസന്തോത്സവം തീര്‍ത്ത് നാലു നാളായി കണ്ണൂര്‍ കലക്ടറേറ്റ് മൈതാനിയില്‍ നടന്നുവന്ന ജില്ലാ ലൈബ്രറി കൗണ്‍സില്‍ പുസ്തകമേള കൊടിയിറങ്ങി. വായന ശോഷിക്കുകയല്ല, പുതിയ വായനാസമൂഹങ്ങള്‍ ഉയര്‍ന്നുവരികയാണെന്ന് സാക്ഷ്യപ്പെടുത്തുന്നതായി പുസ്തകോത്സവ വേദികളിലെത്തിയ അഭൂതപൂര്‍വ ജനസഞ്ചയം. വിവിധ ഭാഗങ്ങളില്‍ നിന്നും സമീപ ജില്ലകളില്‍ നിന്നുമായി പതിനായിരക്കണക്കിന് അക്ഷരസ്‌നേഹികളും ഗ്രന്ഥശാലാ പ്രവര്‍ത്തകരുമാണ് ഒഴുകിയെത്തിയത്.

സാമൂഹ്യനീതിവകുപ്പ്  ട്രാൻസ്‌ജെൻഡർ വ്യക്തികൾക്കായി നടപ്പാക്കിവരുന്ന വിവിധ വ്യക്തിഗത ഗുണഭോക്തൃ പദ്ധതികളായ വിദ്യാഭ്യാസ സ്‌കോളർഷിപ്പ്, ഹോസ്റ്റൽ ധനസഹായം, യത്നം, കരുതൽ, സഫലം എന്നീ പദ്ധതികളിലേക്ക് 2025-26 വർഷത്തെ ധനസഹായത്തിനായി അപേക്ഷ ക്ഷണിച്ചു. സാമൂഹ്യനീതി വകുപ്പിന്റെ സുനീതി പോർട്ടൽ (suneethi.sjd.kerala.gov.in) മുഖേന ഓൺലൈനായി അപേക്ഷിക്കാം. വിശദവിവരത്തിന് swd.kerala.gov.in എന്ന വെബ്സൈറ്റ് സന്ദർശിക്കുക.

മാവേലിക്കര ഐ.എച്ച്.ആർ.ഡി. കോളേജ് ഓഫ് അപ്ലൈഡ് സയൻസിൽ പി.ജി. പ്രോഗ്രാമിൽ മൂന്ന്  കോഴ്‌സുകളിലേക്ക് പ്രവേശനം ആരംഭിച്ചു. എം.എസ്.സി. കംപ്യൂട്ടർ സയൻസ്, എം.എസ്.സി. ഇലക്ട്രോണിക്‌സ്, എം.കോം. ഫിനാൻസ്, എന്നീ കോഴ്സുകളിലാണ് പ്രവേശനം. 50 ശതമാനം സീറ്റിൽ കേരള സർവകലാശാല, 50 ശതമാനം സീറ്റിൽ കോളജ് മെറിറ്റടിസ്ഥാനത്തിലുമാണ് പ്രവേശനം . admissions.keralauniversity.ac.in ൽ രജിസ്റ്റർ ചെയ്ത ശേഷം ലഭിക്കുന്ന ആപ്ലിക്കേഷൻ  നമ്പരുമായി ihrdadmissions.orgഎന്ന  സൈറ്റിൽ കൂടി രജിസ്റ്റർ ചെയ്യണം. അപേക്ഷിക്കേണ്ട അവസാന തീയതി ജൂൺ 20.  വിശദ വിവരത്തിന് ഫോൺ: 8547005046,9562771381,9447032077,04712304494.

ഐഎച്ച്.ആര്‍.ഡിയുടെ കീഴില്‍ നെരുവമ്പ്രത്ത് പ്രവര്‍ത്തിക്കുന്ന അപ്ലൈഡ് സയന്‍സ് കോളേജില്‍ ഒന്നാംവര്‍ഷ എം.എസ്.സി കമ്പ്യൂട്ടര്‍ സയന്‍സ്, എംകോം ഫിനാന്‍സ്, ബി.എസ്.സി കമ്പ്യൂട്ടര്‍ സയന്‍സ്, ബികോംവിത്ത് കമ്പ്യൂട്ടര്‍ അപ്ലിക്കേഷന്‍സ്, ബികോം കോ-ഓപ്പറേഷന്‍, ബി.എഇംഗ്ലീഷ് വിത്ത് ജേര്‍ണലിസം, കോഴ്‌സുകളില്‍ കോളേജ് നേരിട്ട് നടത്തുന്ന 50 ശതമാനം സീറ്റിലേക്കുളള പ്രവേശനം ആരംഭിച്ചു. https://ihrdadmissions.org/

 വായനദിനവും വായന പക്ഷാചരണവും വിപുലവും വൈവിധ്യവുമാർന്ന പരിപാടികളോടെ ജില്ലയിൽ ആഘോഷിക്കാൻ ജില്ലാതല സംഘാടക സമിതി തീരുമാനിച്ചു. ജില്ലാ കളക്ടർ ജോൺ വി. സാമുവലിന്റെ അധ്യക്ഷതയിൽ നടന്ന വായനപക്ഷാചരണം ജില്ലാതല സംഘാടക സമിതി രൂപീകരണ യോഗത്തിലാണ് തീരുമാനം. സ്‌കൂൾ, കോളജ് വിദ്യാർഥികൾക്കും പൊതുജനങ്ങൾക്കുമായി വായനയുമായി ബന്ധപ്പെട്ട പരിപാടികളും മത്സരങ്ങളും സംഘടിപ്പിക്കും. ഡിജിറ്റൽ വായനയ്ക്കു ഊന്നൽ നൽകിയുള്ള പരിപാടികളും സംഘടിപ്പിക്കും. വായനദിനം- പക്ഷാചരണത്തിന്റെ ജില്ലാതല ഉദ്ഘാടനം ജൂൺ 19ന് രാവിലെ പത്തിന് മാന്നാനം സെന്റ് എംഫ്രേസ് സ്‌കൂളിൽ നടക്കുന്ന ചടങ്ങിൽ സഹകരണ-തുറമുഖം-ദേവസ്വം വകുപ്പുമന്ത്രി വി.എൻ.

തലശ്ശേരിയിലെ ഒരു സര്‍ക്കാര്‍ സ്ഥാപനത്തില്‍ നൃത്ത അദ്ധ്യാപകന്റെ ഒഴിവിലേക്ക്  ഡിഗ്രി/ഡിപ്ലോമ ഇന്‍ ഡാന്‍സ് യോഗ്യതയുളള തലശ്ശേരി താലൂക്കില്‍ താമസക്കാരായ ഉദ്യോഗാര്‍ഥികളില്‍ നിന്ന് അപേക്ഷ ക്ഷണിച്ചു. ഉദ്യോഗാര്‍ഥികള്‍ എല്ലാ അസ്സല്‍ സര്‍ട്ടിഫിക്കറ്റുകളുമായി ജൂണ്‍ 20 നകം തലശ്ശേരി ടൗണ്‍ എംപ്ലോയിമെന്റ് എക്‌സ്‌ചേഞ്ചില്‍ നേരിട്ട് ഹാജരായി പേര് രജിസ്റ്റര്‍ ചെയ്യണം.  പ്രായപരിധി 18 മുതല്‍ 40 വയസ്സ് വരെ.

 ജില്ലയിലെ സ്‌കൂളുകളിൽ കുടുംബശ്രീ കഫേകൾ വരുന്നു. ജൂലൈ  ആദ്യവാരം ആദ്യഘട്ട കഫേകൾ ആരംഭിക്കും. വിദ്യാർഥികൾക്ക്  പോഷക സമ്പൂർണ്ണമായ ലഘു ഭക്ഷണങ്ങൾ, പാനീയങ്ങൾ, സ്‌കൂൾ സ്റ്റേഷനറി വസ്തുക്കൾ, സാനിറ്ററി നാപ്കിനുകൾ എന്നിവ  വിലക്കുറവിൽ ഈ സംവിധാനത്തിലൂടെ ലഭിക്കും. കുട്ടികൾ സ്‌കൂൾ പ്രവൃത്തി സമയത്ത് പുറത്തുപോകുന്നത് മൂലമുള്ള ബുദ്ധിമുട്ടുകൾ, അനാരോഗ്യകരമായ ഭക്ഷണങ്ങൾ,  ലഹരി വസ്തുക്കളുമായുള്ള സമ്പർക്കം ഉണ്ടാകാനുള്ള സാധ്യത മുതലായ സാഹചര്യങ്ങൾ ഒഴിവാക്കുന്നതിനും ഇത്തരം സംരംഭങ്ങൾ വഴി കഴിയും.