മലമ്പുഴ ഗവ. വനിത ഐ.ടി.ഐ-യിൽ 2025 വർഷത്തേക്കുള്ള പ്രവേശനത്തിന് ഓൺലൈൻ അപേക്ഷകൾ ക്ഷണിച്ചു. അപേക്ഷകർക്ക് https://itiadmissions.kerala.gov.in, https://det.kerala.gov.in എന്നീ വെബ്സൈറ്റുകൾ വഴി അപേക്ഷകൾ ഓൺലൈനായി സമർപ്പിക്കാം. ഓൺലൈനായി അപേക്ഷ സമർപ്പിക്കുന്നതിനുള്ള നിർദ്ദേശങ്ങൾ det.kerala.gov.in എന്ന വെബ്സൈറ്റിലും, അപേക്ഷ സമർപ്പിക്കേണ്ട പോർട്ടലായ itiadmissions.kerala.gov.in-ലും ലഭിക്കും. പ്രവേശനത്തിനായി 100 രൂപ ഫീസ് ഓൺലൈനായി അടയ്ക്കണം.

എന്‍ജിനീയറിങ് വൈദഗ്ധ്യം ആവശ്യമുള്ള വിവിധ പദ്ധതികളുടെ നിര്‍വഹണത്തിനായി പാലക്കാട് പട്ടികവര്‍ഗ വികസന ഓഫീസിന് കീഴില്‍ അക്രഡിറ്റഡ് ഓവര്‍സിയര്‍മാരെ നിയമിക്കുന്നു.  കൂടിക്കാഴ്ച ജൂണ്‍ 20ന് രാവിലെ 11ന് പട്ടികവര്‍ഗ്ഗ വികസന ഓഫീസില്‍ നടക്കും. 35 ല്‍ താഴെ പ്രായമുള്ള സിവില്‍ എഞ്ചിനീയറിങില്‍ ബിരുദം/ഡിപ്ലോമ, ഐ.ടി.ഐ യോഗ്യതയുള്ള പട്ടികവര്‍ഗ്ഗ വിഭാഗത്തില്‍പ്പെട്ട യുവതി യുവാക്കള്‍ക്ക്  കൂടിക്കാഴ്ചയില്‍ പങ്കെടുക്കാം. പ്രതിമാസ ഓണറേറിയം 18,000 രൂപ. ഒരു വര്‍ഷത്തേക്കായിരിക്കും നിയമനം. ഫോണ്‍: 0491-2505383

സ്റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തിലുള്ള എസ് ആര്‍ സി കമ്യൂണിറ്റി കോളേജ് ജൂലൈ സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിന് ഓണ്‍ലൈനായി അപേക്ഷിക്കാം. അപേക്ഷകര്‍ 17 വയസ്സ് പൂര്‍ത്തിയായവരും പത്താംക്ലാസ് പാസ്സായവരോ തത്തുല്യയോഗ്യതയുള്ളവരോ ആയിരിക്കണം. http://app.srccc.in/register എന്ന ലിങ്കിലൂടെ  ഓണ്‍ലൈനായി ജൂണ്‍ 30 വരെ അപേക്ഷിക്കാം. വെബ്‌സൈറ്റ്: www.srccc.in

പട്ടികവർഗ്ഗ വികസന വകുപ്പിന് കീഴിലുള്ള മലമ്പുഴ ആശ്രമം സ്കൂളിൽ കമ്പ്യൂട്ടർ ഇൻസ്ട്രക്ടർ, ലൈബ്രേറിയൻ, ജൂനിയവര്‍ പബ്ലിക് ഹെല്‍ത്ത് നഴ്സ് തസ്തികകളിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നു.
കമ്പ്യൂട്ടർ ഇൻസ്ട്രക്ടർ തസ്തികയില്‍ ഒരു ഒഴിവാണുള്ളത്. യോഗ്യത: ടി.എച്ച്.എസ്.ഇ വിജയം (കമ്പ്യൂട്ടർ സയൻസ് സ്പെഷ്യലൈസേഷൻ) അല്ലെങ്കിൽ എസ്.എസ്.എല്‍.സിയും ദേശിയതല ടെക്നിക്കല്‍ വിദ്യാഭ്യാസവും (ബന്ധപ്പെട്ട ട്രേഡ്)  എഞ്ചിനീയറിങ് (ബന്ധപ്പെട്ട ട്രേഡ്)/ വൊക്കേഷണൽ ഹയർസെക്കണ്ടറി വിദ്യാഭ്യാസവും (അനുബന്ധ ട്രേഡ്). മൂന്നു വർഷത്തെ പ്രവൃത്തി പരിചയം വേണം.

കെല്‍ട്രോണിന്റെ തളിപ്പറമ്പ് നോളജ് സെന്ററില്‍ ഗവ അംഗീകൃത കോഴ്‌സുകളായ പിജിഡിസിഎ, ഡിസിഎ, പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്‌സ് ആന്റ് സപ്ലൈ ചെയിന്‍ മാനേജ്‌മെന്റ്, ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ് വര്‍ക്ക് മെയിന്റനന്‍സ് വിത്ത് ഇ ഗാഡ്ജറ്റ് ടെക്‌നോളജി, പ്രൊഫഷണല്‍ ഡിപ്ലോമ ഇന്‍ ഫയര്‍ ആന്റ് സേഫ്റ്റി, ഡിപ്ലോമ ഇന്‍ ഓഫീസ് അക്കൗണ്ടിംഗ്, സര്‍ട്ടിഫിക്കറ്റ് കോഴ്‌സ് ഇന്‍ കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ്, വേഡ് പ്രോസസ്സിങ്ങ് ആന്റ് ഡാറ്റാ എന്‍ട്രി (ഡബ്ല്യൂപിഡിഇ), ഓഫീസ് ഓട്ടോമേഷന്‍ എന്നിവയിൽ പ്രവേശനം തുടരുന്നു.

പൊതുജനങ്ങൾക്ക് വേഗത്തിലും കാര്യക്ഷമമായും നീതി ലഭ്യമാക്കുക എന്ന ലക്ഷ്യത്തോടെ ജില്ലയിലെ കോടതികളിൽ ദേശീയ ലോക് അദാലത്ത് സംഘടിപ്പിച്ചു. 608 കേസുകൾ തീർപ്പാക്കുകയും വിവിധ കേസുകളിലായി 8,87,80,315 രൂപ വിതരണം ചെയ്യുകയും ചെയ്തു. പാലക്കാട് ലീഗൽ സർവ്വീസസ് അതോറിറ്റിയാണ് ലോക് അദാലത്ത് സംഘടിപ്പിച്ചത്.

വാഹനാപകട നഷ്ടപരിഹാര കേസുകളിൽ അർഹരായ ഇരകൾക്ക് 5,76,59,000 രൂപ നഷ്ടപരിഹാരമായി ലഭിച്ചു. ദേശസാൽകൃത സ്വകാര്യ ബാങ്കുകൾ ഉൾപ്പെടെയുള്ള വായ്പാ പരാതികളിൽ 3,01,42,028 രൂപ തിരിച്ചടവായി ലഭിച്ചു.

മുണ്ടേരിയിൽ മുദ്ര വിദ്യാഭ്യാസ പരിപാടിയുടെ ഭാഗമായി മുദ്രകിരണം സിവിൽ സർവീസ് പരിശീലന പരിപാടി ആരംഭിക്കുന്നു. സംസ്ഥാന ഗവ. സിവിൽ സർവ്വീസ് അക്കാദമിയാണ് പരിശീലന പരിപാടി ഏറ്റെടുത്തിട്ടുള്ളത്. മുദ്ര വിദ്യാഭ്യാസ  സമിതി ചെയർമാൻ മുൻ എം പി കെ.കെ രാഗേഷിന്റെ  അധ്യക്ഷതയിൽ ചേർന്ന യോഗത്തിൽ പദ്ധതി പുരോഗതി വിലയിരുത്തി. ജൂലൈ ആദ്യവാരത്തിൽ   മുണ്ടേരി ഗവ: ഹയർ സെക്കൻ്ററി സ്കൂൾ മുദ്ര വീഡിയോ കോൺഫ്രറൻസ് ഹാളിൽ പരിശീലനംആരംഭിക്കും.

കണ്ണാടിപ്പറമ്പ് ഗവ.ഹയര്‍ സെക്കണ്ടറി സ്‌കൂളില്‍ ഹയര്‍ സെക്കണ്ടറി വിഭാഗത്തില്‍ മാത്സ് (ജൂനിയര്‍), ഇംഗ്ലീഷ് (ജൂനിയര്‍) എന്നീ ഗസ്റ്റ് അധ്യാപക ഒഴിവിലേക്ക് അപേക്ഷ ക്ഷണിച്ചു. അപേക്ഷകര്‍ അസ്സല്‍ സര്‍ട്ടിഫിക്കറ്റ് സഹിതം ജൂണ്‍ 13 ന് രാവിലെ 11 ന് ഇന്റര്‍വ്യൂവിന് ഹാജരാകണം.

നടുവില്‍ ഗവ. പോളിടെക്‌നിക് കോളേജില്‍ ഒഴിവുള്ള ഇലക്ട്രിക്കല്‍ ആന്റ് ഇലക്‌ട്രോണിക്‌സ് എഞ്ചിനീയറിംഗില്‍ ഡെമോണ്‍സ്‌ട്രേറ്റര്‍, ട്രേഡ്‌സ്മാന്‍, ഓട്ടോമൊബൈല്‍ എഞ്ചിനീയറിംഗില്‍ ട്രേഡ്‌സ്മാന്‍, ട്രേഡ് ഇന്‍സ്ട്രക്ടര്‍, സിവില്‍ എഞ്ചിനീയറിംഗില്‍ ഡെമോണ്‍സ്‌ട്രേറ്റര്‍, ട്രേഡ്‌സ്മാന്‍, ട്രേഡ് ഇന്‍സ്ട്രക്ടര്‍ എന്നീ തസ്തികകളില്‍ ദിവസ വേതനാടിസ്ഥാനത്തില്‍ ജീവനക്കാരെ നിയമിക്കുന്നു.

എല്‍ബിഎസ് സെന്റര്‍ കണ്ണൂര്‍ മേഖലാ കേന്ദ്രത്തില്‍ സ്‌കില്‍ അപെക്‌സ് ചുരുങ്ങിയ ഫീസില്‍ കേന്ദ്ര സര്‍ക്കാര്‍ അംഗീകാരത്തോടെ നടത്തുന്ന ആറ് മാസത്തെ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ ആന്റ് ഹെല്‍ത്ത് കെയര്‍ മാനേജ്‌മെന്റ് കോഴ്‌സിലേക്ക് പ്രവേശനം ആരംഭിച്ചു. യോഗ്യത എസ്എസ്എല്‍സി ഫോണ്‍ : 8606907093