പല്ലശ്ശന ഗ്രാമപഞ്ചായത്തിന്റെ 2024-25 സാമ്പത്തിക വർഷത്തെ വാർഷിക പദ്ധതിയിൽ ഉൾപ്പെടുത്തി  വയോജനങ്ങൾക്ക് കട്ടിലുകള്‍ വിതരണം ചെയ്തു. വിതരണോദ്ഘാടനം പല്ലശ്ശന ഗ്രാമപഞ്ചായത്ത് പ്രസിഡന്റ് എൽ. സായ് രാധ  നിർവഹിച്ചു. ജനറൽ വിഭാഗത്തിൽപ്പെട്ട 65 വയസ്സിന് മുകളിലുള്ള വയോജനങ്ങൾക്കാണ് കട്ടിൽ വിതരണം നടത്തിയത്. കൂടാതെ 60 വയസ്സ് പൂർത്തിയാകാത്ത ചലനശേഷി നഷ്ടപ്പെട്ടവരോ കിടപ്പ് രോഗികളോ ആയവർക്കും കട്ടിലുകൾ നൽകി. 24,71,000 രൂപ വകയിരുത്തി 700 കട്ടിലുകളാണ് വിതരണം ചെയ്യുന്നത്. ഗ്രാമപഞ്ചായത്ത് വൈസ് പ്രസിഡന്റ് സി. അശോകൻ അധ്യക്ഷനായ പരിപാടിയിൽ കെ. അനന്തക്യഷ്ണൻ, കെ. പുഷ്പലത, പി.

 പാറമ്പുഴ ഗവൺമെന്റ് എൽ.പി സ്‌കൂളിൽ
എൽ.പി.എസ്.ടി തസ്തികയിൽ ദിവസ വേതനാടിസ്ഥാനത്തിൽ നിയമനം നടത്തുന്നു. ജൂൺ 18ന് രാവിലെ 11 ന് സ്‌കൂൾ ഓഫീസിൽ വെച്ച് അഭിമുഖം നടക്കും. യോഗ്യരായ ഉദ്യോഗാർഥികൾ അസൽ സർട്ടിഫിക്കറ്റുകളുമായി എത്തണം.
വിശദവിവരത്തിന് ഫോൺ: 0481 277159.

പുതുപ്പരിയാരം സി.ബി.കെ.എം ഗവ. എച്ച്. എസ്‌.എസിൽ എഫ്. ടി.എം ( ശുചീകരണ തൊഴിലാളി) തസ്തികയിൽ നിയമനം നടത്തുന്നു. താത്പര്യമുള്ള ഉദ്യോഗാർത്ഥികൾ ജൂൺ 16ന് ഉച്ചയ്ക്ക് രണ്ടിന് സ്കൂൾ ഓഫീസിൽ നടക്കുന്ന കൂടിക്കാഴ്ചയ്ക്ക് എത്തണം. എംപ്ലോയ്മെന്റ് രജിസ്ട്രേഷൻ കാർഡ് കൊണ്ടുവരണം.

 എസ്.ബി.ഐ. ഗ്രാമീണ സ്വയംതൊഴിൽ പരിശീലന കേന്ദ്രത്തിൽ സി.സി.ടി.വി. ടെക്നീഷ്യൻ, സോഫ്റ്റ് ടോയ്സ് മേക്കിങ് കോഴ്സുകളുടെ സൗജന്യ പരിശീലനം ജൂലൈ 10ന് ആരംഭിക്കും. 18-45 പ്രായമുള്ള തൊഴിൽരഹിതരായ യുവതീയുവാക്കൾക്ക് പങ്കെടുക്കാം. തൊഴിൽ പരിശീലനത്തോടൊപ്പം ബാങ്ക് വായ്പ ലഭിക്കുന്നതിനുള്ള സാങ്കേതിക സഹായവും നൽകും. വിശദവിവരത്തിന് ഫോൺ: 0481 2303307, 2303306. ഇ-മെയിൽ rsetiktm@sbi.co.in
 

പാലക്കാട് ജില്ലാ എംപ്ലോയ്‌മെൻ്റ് എക്സ്ചേഞ്ച്/എംപ്ലോയബിലിറ്റി സെൻ്ററിൻ്റെ ആഭിമുഖ്യത്തിൽ മൂന്ന് പ്രമുഖ സ്വകാര്യ സ്ഥാപനങ്ങളിലേക്ക് നിയമനം നടത്തുന്നതിനായി മെഗാ ജോബ് ഡ്രൈവ് സംഘടിപ്പിക്കുന്നു. റൂഫിങ് ഫാബ്രിക്കേറ്റർ, വെൽഡർ, വെൽഡിങ് ഹെൽപ്പർ, മാനേജർ/അസിസ്റ്റൻ്റ് മാനേജർ, ബിസിനസ് ഡെവലപ്‌മെൻ്റ് ഓഫീസർ, ഫീൽഡ് സെയിൽസ് മാനേജർ, ഫീൽഡ് സെയിൽസ് ഓഫീസർ, സർവീസ് എഞ്ചിനീയർ, പ്രൊഫഷണൽ അക്കൗണ്ടൻ്റ് എന്നീ തസ്തികകളിലാണ് ഒഴിവുകളുള്ളത്.
പാലക്കാട് ജില്ലാ എംപ്ലോയ്‌മെൻ്റ് എക്സ്ചേഞ്ചിനോടനുബന്ധിച്ച് പ്രവർത്തിക്കുന്ന എംപ്ലോയബിലിറ്റി സെൻ്ററിൽ ജൂൺ 21 ശനിയാഴ്ച രാവിലെ 10 മണിക്ക് അഭിമുഖം നടക്കും.

 സംസ്ഥാനത്തെ 152 ബ്ലോക്ക് പഞ്ചായത്തുകളിലെ വാർഡ് വിഭജന കരടുനിർദ്ദേശങ്ങൾ സംബന്ധിച്ച് ഡീലിമിറ്റേഷൻ കമ്മീഷന് പരാതി നൽകിയിട്ടുള്ളവർക്കുള്ള ഹിയറിംഗ്  ജൂൺ 21 ന് ആരംഭിക്കും.
തിരുവനന്തപുരം, എറണാകുളം, കോഴിക്കോട് എന്നിവടങ്ങളിലാണ് ഹിയറിംഗ് നടക്കുക. ബ്ലോക്ക് പഞ്ചായത്ത് വാർഡ് വിഭജനം സംബന്ധിച്ച പരാതിക്കാരെ മാത്രമാണ് കമ്മീഷൻ നേരിൽ കേൾക്കുക. കോട്ടയം ജില്ലയിലുള്ളവർക്കായുള്ള ഹിയറിംഗ് ജൂൺ 23ന് രാവിലെ ഒൻപത് മുതൽ എറണാകുളം ഗസ്റ്റ് ഹൗസ് കോൺഫറൻസ് ഹാളിൽ നടക്കും.

പാലക്കാട് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (ഗവൺമെൻ്റ് മെഡിക്കൽ കോളേജ്, പാലക്കാട്) വിവിധ ഡിപ്പാർട്ട്‌മെൻ്റുകളിലേക്ക് പ്രൊഫസർ, അസോസിയേറ്റ് പ്രൊഫസർ, അസിസ്റ്റൻ്റ് പ്രൊഫസർ, സീനിയർ റെസിഡൻ്റ്, ജൂനിയർ റെസിഡൻ്റ്, കാഷ്വാലിറ്റി മെഡിക്കൽ ഓഫീസർ, ലേഡി മെഡിക്കൽ ഓഫീസർ, നഴ്സിങ് സൂപ്രണ്ടൻ്റ് ഗ്രേഡ് II തുടങ്ങിയ തസ്തികകളിലേക്ക് നിയമനം നടത്തുന്നതിനായുള്ള അഭിമുഖം  ജൂൺ 17-ന് രാവിലെ 10 മണിക്ക് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (ഗവ. മെഡിക്കൽ കോളേജ്) ഓഫീസിൽ വെച്ച് നടക്കും.

 ജില്ലയിൽ മഴ തുടരുന്നതിനാലും വരും ദിവസങ്ങളിൽ അതിശക്തമായ മഴ മുന്നറിയിപ്പ് ലഭിച്ചിരിക്കുന്നതിനാലും ജില്ലയിലെ വിനോദ സഞ്ചാര കേന്ദ്രങ്ങളായ ഇലവീഴാപൂഞ്ചിറ, ഇല്ലിക്കൽകല്ല്, എന്നിവിടങ്ങളിലേക്കുള്ള പ്രവേശനവും ഈരാറ്റുപേട്ട -വാഗമൺ റോഡിലെ രാത്രികാല യാത്രയും ജൂൺ15 വരെ നിരോധിച്ച് ജില്ലാ കളക്ടർ ജോൺ വി. സാമുവൽ ഉത്തരവായി. 

പ്രവാസികൾക്കും നാട്ടിൽ തിരിച്ചെത്തിയവർക്കുമായി നോർക്ക ബിസിനസ് ഫെസിലിറ്റേഷൻ സെന്റർ (എൻ.ബി.എഫ്.സി) സംഘടിപ്പിക്കുന്ന ത്രിദിന സൗജന്യ സംരംഭകത്വ പരിശീലനത്തിലേക്ക് അപേക്ഷിക്കാനുള്ള തീയതി നീട്ടി. പുതിയ സംരംഭങ്ങൾ തുടങ്ങാൻ ആഗ്രഹിക്കുന്നവർക്ക് ജൂൺ 18 വരെ അപേക്ഷ സമർപ്പിക്കാം. ജൂൺ 24 മുതൽ 26 വരെ എറണാകുളം കളമശ്ശേരിയിലെ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്പ്മെന്റ് (KIED) ക്യാമ്പസിലാണ് റെസിഡൻഷ്യൽ പരിശീലനം നടക്കുക.

സാങ്കേതിക വിദ്യാഭ്യാസ വകുപ്പിന് കീഴിൽ പാലക്കാട് മരുതറോഡ് ടെക്നിക്കൽ ഹൈസ്കൂൾ കോമ്പൗണ്ടിൽ പ്രവർത്തിക്കുന്ന ഗവൺമെൻറ് കൊമേഴ്സ്യൽ ഇൻസ്റ്റിറ്റ്യൂട്ടിൽ ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ & സെക്രട്ടറിയൽ പ്രാക്ടീസ് കോഴ്‌സിലേക്ക് അപേക്ഷ ക്ഷണിച്ചു. രണ്ടു വര്‍ഷമാണ് കോഴ്സിന്റെ കാലാവധി. എസ്.എസ്.എൽ.സി അല്ലെങ്കിൽ തത്തുല്യമായ പരീക്ഷ പാസായി ഉപരിപഠനത്തിന് അർഹത നേടിയവർക്ക് അപേക്ഷിക്കാം. പ്രായപരിധി ബാധകമല്ല.