അമ്പലപ്പുഴ മൊബൈൽ വെറ്ററിനറി യൂണീറ്റിലെ വെറ്ററിനറി സർജൻ തസ്തികയിലേയ് താൽകാലിക നിയമനം നടത്തുന്നു.

 വാക്ക് ഇൻ ഇന്റർവ്യൂ ജില്ലാകോടതി പാലത്തിന് സമീപമുള്ള ജില്ലാ മൃഗസംരക്ഷണ ഓഫീസിൽ ജൂൺ 17 രാവിലെ 10.30 മുതൽ 11 വരെ നടക്കും. വെറ്ററിനറി സയൻസിൽ ബിരുദം, കേരളാ സ്റ്റേറ്റ് വെറ്ററിനറി കൗൺസിൽ രജിസ്ട്രേഷൻ,

മലയാളം കൈകാര്യം ചെയ്യുവാനുള്ള കഴിവ്, ചെറുവാഹനങ്ങൾ ഓടിക്കുവാനുള്ള ലൈസൻസ് എന്നീ യോഗ്യതകൾ ഉള്ള ഉദ്യോഗാർഥികൾക്ക് പങ്കെടുക്കാം. ഫോൺ: 0477-2252431

ആലപ്പുഴ ജില്ലാ പഞ്ചായത്ത് നടപ്പിലാക്കുന്ന 'വിത്ത് ഗ്രാമം' പദ്ധതി വഴി സംഭരിച്ച 'മനുരത്ന' വിത്തിൻ്റെ വിതരണോദ്ഘാടനം ജില്ലാ പഞ്ചായത്ത് പ്രസിഡൻ്റ് കെ ജി രാജേശ്വരി നിർവഹിച്ചു. ജില്ലാ പഞ്ചായത്ത് ഹാളിൽ നടന്ന പരിപാടിയിൽ പുന്നപ്ര വടക്ക് ഗ്രാമപഞ്ചായത്തിലെ അഞ്ഞുറ്റംപാടം പാടശേഖരം സെക്രട്ടറി എസ് ഡി രമേശൻ, ഇളയിടം തുരുത്ത് പാടശേഖരം സെക്രട്ടറി അനിയൻ തോമസ് എന്നിവർ വിത്ത് ഏറ്റുവാങ്ങി. രണ്ട് പാടശേഖരങ്ങൾക്കായി 4,500 കിലോ വിത്താണ് വിതരണം ചെയ്യുന്നത്. 

നെഹ്റു യുവ കേന്ദ്ര ഓഫീസിന്റെ ആഭിമുഖ്യത്തിൽ പ്രകൃതി ദുരന്തങ്ങളിലും മറ്റ് അടിയന്തര സാഹചര്യങ്ങളിലും പ്രവർത്തിക്കുന്നതിന് സിവിൽ ഡിഫൻസ് ടീമിനെ തയ്യാറാക്കുന്നു. ഇതിനായി യുവതീയുവാക്കളിൽ നിന്ന് അപേക്ഷ ക്ഷണിച്ചു. തെരഞ്ഞെടുക്കപ്പെടുന്നവർക്ക് ഒരാഴ്ച സൗജന്യ പരിശീലനം ലഭിക്കും. പ്രായപരിധി 18 - 40നും ഇടയിൽ പ്രായമുള്ളവർക് അപേക്ഷിക്കാം.

*ജില്ലാതല അദാലത്തിൽ 24 പരാതികള്‍ തീര്‍പ്പാക്കി

സ്ത്രീ ശാക്തീകരണം ഇനിയും മുന്നോട്ട് പോകണമെന്നും സ്ത്രീകൾ ഇനിയും സാമ്പത്തിക സ്വാശ്രയത്തിലേക്ക് എത്തണമെന്നും സംസ്ഥാന വനിതാ കമ്മിഷന്‍ അംഗം വി ആർ മഹിളാമണി പറഞ്ഞു. ആലപ്പുഴ ഗവ. ഗസ്റ്റ് ഹൗസില്‍ നടന്ന സംസ്ഥാന വനിതാ കമ്മിഷന്‍ ജില്ലാതല സിറ്റിങ്ങിൽ സംസാരിക്കുകയായിരുന്നു കമ്മീഷന്‍ അംഗം. സ്ത്രീകൾക്കു നേരെയുള്ള അതിക്രമങ്ങൾ കുടുംബ ബന്ധങ്ങളിലെ വിള്ളലുകൾ തുടങ്ങിയ പ്രശ്നങ്ങൾ ഒഴിവാക്കാൻ പഞ്ചായത്ത് തലത്തിൽ ജാഗ്രതാ സമിതികളുടെ കൃത്യമായ പ്രവർത്തനവും ഇടപെടലും വേണമെന്നും കമ്മിഷന്‍ അംഗം വി ആർ മഹിളാമണി വ്യക്തമാക്കി.

 കേരള മത്സ്യത്തൊഴിലാളി ക്ഷേമനിധി ബോര്‍ഡിന്റെ ആഭിമുഖ്യത്തില്‍ മത്സ്യത്തൊഴിലാളികളുടെയും അനുബന്ധ തൊഴിലാളികളുടെയും കുട്ടികള്‍ക്കുള്ള      വിദ്യാഭ്യാസ-കായിക പ്രോത്സാഹന അവാര്‍ഡ് വിതരണവും മറ്റ് ക്ഷേമനിധി ആനുകൂല്യങ്ങളുടെ വിതരണവും നീണ്ടകര സെന്റ് സെബാസ്റ്റ്യന്‍ പാരിഷ് ഹാളില്‍   നടന്നു. എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ  വിദ്യാര്‍ഥികളെയും ദേശീയ-സംസ്ഥാന തലങ്ങളില്‍ കായിക മത്സരങ്ങളില്‍ മികവ് തെളിയിച്ചവരെയും ചടങ്ങില്‍ ആദരിച്ചു. 345 ഗുണഭോക്താക്കള്‍ക്കായി 49,44,000 രൂപ   വിതരണം ചെയ്തു.

 ക്ലിനിക്കല്‍ എസ്റ്റാബ്ലിഷ്‌മെന്റ് നിയമപ്രകാരം ജില്ലയിലെ എല്ലാ ആരോഗ്യ സ്ഥാപനങ്ങളും 30 ദിവസത്തിനുള്ളില്‍ രജിസ്‌ട്രേഷന്‍ പൂര്‍ത്തിയാക്കണമെന്ന് ജില്ലാ കളക്ടര്‍ ചെയര്‍മാനായ ജില്ലാ രജിസ്റ്ററിങ് അതോറിറ്റി അറിയിച്ചു.

ജില്ലയില്‍ പകര്‍ച്ചവ്യാധി പ്രതിരോധം ശക്തമാക്കുന്നതിന് സുശക്തമായ നടപടികള്‍ സ്വീകരിക്കുമെന്ന് എ.ഡി.എം ജി. നിര്‍മല്‍കുമാറിന്റെ അധ്യക്ഷതയില്‍ ചേര്‍ന്ന ഇന്റര്‍ സെക്ടര്‍ യോഗത്തില്‍ തീരുമാനം.
മാസ്‌ക് ഉപയോഗം പരമാവധി പ്രോത്സാഹിപ്പിക്കും. മഴക്കാലപൂര്‍വ ശുചീകരണം, പകര്‍ച്ചവ്യാധി പ്രതിരോധപ്രവര്‍ത്തനങ്ങള്‍ എന്നിവ കൃത്യതയോടെ നടപ്പിലാക്കുന്നതിന്  വിവിധ വകുപ്പുകള്‍ക്ക് ചുമതലകള്‍ നല്‍കി.  

കുടുംബശ്രീയുടെ നേതൃത്വത്തില്‍ പ്രവര്‍ത്തിക്കുന്ന കേരള ചിക്കന്‍ ഫാമുകള്‍ തുടങ്ങാന്‍ അവസരം. സ്വന്തമായി ബ്രോയിലര്‍ ഫാം ഷെഡ് ഉള്ളവര്‍ക്കും ബ്രോയിലര്‍ കോഴി ഫാം നടത്തുന്ന കുടുംബശ്രീ അംഗങ്ങള്‍ക്കും ഓക്‌സിലറി ഗ്രൂപ്പ് അംഗങ്ങള്‍ക്കും അംഗമാകാം.
 ഫാമുകളില്‍ 1000 മുതല്‍ 10,000 കോഴികളെ വളര്‍ത്താനുള്ള സ്ഥല സൗകര്യം ഉറപ്പാക്കണം. മികച്ചരീതിയില്‍ പരിപാലനം നടത്തിവരുന്നവര്‍ക്ക് 40 ദിവസം കൂടുമ്പോള്‍ രണ്ടു മുതല്‍ രണ്ടര ലക്ഷം രൂപ വരെ  വരുമാനത്തിനാണ് സാധ്യത. ജില്ലയില്‍ നിലവില്‍ 36 ഫാമുകളുണ്ട്.  കഴിഞ്ഞ വര്‍ഷം 1.1 കോടി രൂപയാണ് കുടുംബശ്രീ വനിതകള്‍ക്ക് വളര്‍ത്തുകൂലിയിനത്തില്‍ ലഭിച്ചത്.

കേരളത്തിൽ കാലവർഷം ശക്തമായി തുടരുന്ന സാഹചര്യത്തിൽ അടുത്ത അഞ്ച് ദിവസത്തേക്ക് വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് റെഡ്, ഓറഞ്ച് അലർട്ടുകൾ പ്രഖ്യാപിച്ചു.