സ്‌കൂൾ കുട്ടികളുടെ രചനകൾ അടങ്ങിയ പുസ്തകങ്ങൾ ഉൾപ്പെടുത്തി സംസ്ഥാനതല എക്സിബിഷൻ നടത്തുമെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി പറഞ്ഞു.

പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന സംസ്ഥാനത്തെ 44 ഐ.ടി.ഐകളിലെ വിവിധ മെട്രിക്/നോൺ മെട്രിക് ട്രേഡുകളിലേക്ക് 2025-26 ബാച്ചിലെ പ്രവേശനത്തിന് ഓൺലൈനായി അപേക്ഷ ക്ഷണിച്ചു. www.scdd.kerala.gov.in 

ആയുര്‍വേദ തെറാപ്പിസ്റ്റ് നിയമനം     

ജില്ലയില്‍ ഭാരതീയ ചികിത്സാ വകുപ്പിന് കീഴിലെ വിവിധ സ്ഥാപനങ്ങളില്‍/പ്രോജക്ടുകളില്‍ ആയുര്‍വേദ തെറാപ്പിസ്റ്റ് താല്‍ക്കാലിക ഒഴിവിലേക്കുള്ള കൂടിക്കാഴ്ച ജൂണ്‍ 16ന് നടക്കും. യോഗ്യത: ആയുര്‍വ്വേദ മെഡിക്കല്‍ എഡ്യൂക്കേഷന്‍ ഡയറക്ടര്‍ നടത്തുന്ന ഒരു വര്‍ഷത്തെ തെറാപ്പി കോഴ്‌സ് (ഡി.എ.എം.ഇ), ചെറുതുരുത്തിയിലെ നാഷണല്‍ ആയുര്‍വേദ റിസര്‍ച്ച് ഇന്‍സ്റ്റിറ്റ്യൂട്ട് ഫോര്‍ പഞ്ചകര്‍മയില്‍ നിന്നുള്ള പഞ്ചകര്‍മ തെറാപ്പി കോഴ്‌സ്. യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി രാവിലെ 10.30ന് മെഡിക്കല്‍ ഓഫീസില്‍ (ഐഎസ്എം) എത്തണം. ഫോണ്‍: 0495 2371486. 

നെയ്യാ൪ ഡാമിൽ ജലനിരപ്പ് ഉയരുന്ന സാഹചര്യത്തിൽ  ഡാമിന്റെ ഒന്ന് മുതൽ നാലു വരെയുള്ള ഷട്ടറുകൾ  ഇന്ന് ( ജൂൺ 13)  ഉച്ചക്ക് രണ്ടു മണിക്ക്  20 സെന്റീമീറ്റർ  വീതം (ആകെ 80 സെന്റീമീറ്റർ ) ഉയർത്തും. ഡാമിന്റെ സമീപപ്രദേശങ്ങളിൽ താമസിക്കുന്നവർ ജാഗ്രത പുലർത്തണമെന്ന് ജില്ലാ കളക്ടർ അറിയിച്ചു. ( ജില്ലാ ഇൻഫർമേഷൻ ഓഫീസർ, 13.06.2025, 12 . 30 PM )

വനിതാ ശിശു വികസന വകുപ്പ് ജില്ലാ ശിശു സംരക്ഷണ യൂണിറ്റ് മുഖേന കുട്ടികളുടെ സംരക്ഷണവുമായി ബന്ധപ്പെട്ട്  ഭാഷാവിദഗ്ധർ, ക്ലിനിക്കൽ സൈക്കോളജിസ്റ്റ്,  സൈക്യാട്രിസ്റ്റ് ഒഴിവുകൾ.  

 ജില്ലയിൽ പൊതുമരാമത്ത് വകുപ്പിലെ ലൈൻമാൻ (കാറ്റഗറി നം: 117/2020) തസ്തികയ്ക്കായി  2022 മേയിൽ നിലവിൽ വന്ന റാങ്ക് പട്ടിക മൂന്ന് വർഷക്കാലാവധി പൂർത്തിയാക്കിയതിനെ തുടർന്ന് റദ്ദാക്കിയതായി  പബ്ലിക് സർവീസ് കമ്മീഷൻ ജില്ല ഓഫീസർ അറിയിച്ചു.
 

 പട്ടികജാതി വികസന വകുപ്പിന്റെ കീഴിൽ കുറിച്ചിയിൽ പ്രവർത്തിക്കുന്ന സർക്കാർ ഐ.ടി.ഐയിൽ എൻ.സി.വി.റ്റി അംഗീകാരമുള്ള ദ്വിവത്സര ഇലക്ട്രീഷൻ ട്രേഡിൽ 2025-2027 ബാച്ചിലേക്ക് അപേക്ഷ ക്ഷണിച്ചു. എസ്.എസ്.എൽ.സി വിജയിച്ച വിദ്യാർത്ഥികൾക്കും അധികയോഗ്യത ഉള്ളവർക്കും അപേക്ഷിക്കാം. താല്പര്യമുള്ളവർ http://scddittiadmission.kerala.gov.in എന്ന ലിങ്കിലൂടെ ജൂലൈ 16ന് മുൻപായി അപേക്ഷിക്കണം. വിശദ വിവരത്തിന് ഫോൺ: 0481 2435272, 9446746465, 9544023159.

 പട്ടികജാതി വികസന വകുപ്പിന്റെ കീഴിൽ മാടപ്പള്ളിയിൽ പ്രവർത്തിക്കുന്ന ഗവ: ഐടിഐയിൽ വുഡ് വർക്ക് ടെക്‌നീഷ്യൻ ട്രേഡ് 2025 ബാച്ച് പ്രവേശനത്തിന് അപേക്ഷ ക്ഷണിച്ചു. എസ്എസ്എൽസി വിജയിച്ചതോ പരാജയപ്പെട്ടതോ ആയവർക്ക് https://scdditiadmission.kerala.gov.in വഴി ജൂലൈ 16 വരെ ഓൺലൈനായി അപേക്ഷിക്കാം. സീറ്റുകളിൽ 80% പട്ടികജാതി വിഭാഗത്തിൽപ്പെട്ടവർക്കും 10% പട്ടികവർഗ വിഭാഗത്തിൽപ്പെട്ടവർക്കും 10% മറ്റു വിഭാഗങ്ങൾക്കുമായി  സംവരണം ചെയ്തിട്ടുണ്ട്. കൂടുതൽ വിവരങ്ങൾക്ക് 0481 2473190, 8075222520.

 കേരള കള്ള് വ്യവസായ തൊഴിലാളി ക്ഷേമനിധി ബോർഡിൽ നിന്നും 2024 ഡിസംബർ 31 വരെ പെൻഷൻ അനുവദിക്കപ്പെട്ട തൊഴിലാളി, കുടുംബ, സാന്ത്വന പെൻഷൻ  ഗുണഭോക്താക്കൾ 2025 ജൂൺ 25 മുതൽ ഓഗസ്റ്റ് 24 വരെയുള്ള കാലയളവിനുള്ളിൽ അക്ഷയകേന്ദ്രങ്ങൾ മുഖേന മസ്റ്ററിങ് നടത്തണം. ബയോമെട്രിക് മസ്റ്ററിങ്ങിൽ പരാജയപ്പെടുന്നവർ ലൈഫ് സർട്ടിഫിക്കറ്റ് സമർപ്പിച്ച് മസ്റ്ററിങ്  പൂർത്തിയാക്കണമെന്ന്  ജില്ലാ വെൽഫെയർ ഫണ്ട് ഇൻസ്‌പെക്ടർ അറിയിച്ചു.

 കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഫോർ ക്ലൈമറ്റ് ചേഞ്ച് സ്റ്റഡീസിൽ പ്രോജക്ട് ഫെലോ  ഒഴിവിലേക്ക് വാക്ക് ഇൻ ഇന്റർവ്യൂ ജൂൺ 26 രാവിലെ 9 മണിക്ക് നടത്തും. വിശദ വിവരങ്ങൾ www.iccs.res.in എന്ന വെബ്‌സൈറ്റിൽ ലഭ്യമാണ്.