വനിതാ കമ്മീഷന്‍ വിവിധ സര്‍ക്കാര്‍ വകുപ്പുകളിലെ ജീവനക്കാര്‍ക്കായി ടൗണ്‍ഹാളില്‍ പോഷ് ആക്ട് 2013 അവബോധ പരിപാടി സംഘടിപ്പിച്ചു. ജോലിസ്ഥലങ്ങളില്‍ സ്ത്രീകള്‍നേരിടുന്ന മാനസിക-ശാരീരിക ചൂഷണങ്ങള്‍ തടയുന്നതിന് എല്ലാ സര്‍ക്കാര്‍-സ്വകാര്യ സ്ഥാപനങ്ങളിലും ഓഗസ്റ്റ് 12 നകം ആഭ്യന്തര കമ്മിറ്റി രൂപീകരിച്ചില്ലെങ്കില്‍ 50,000 രൂപ പിഴ ഈടാക്കുമെന്ന സുപ്രീംകോടതി ഉത്തരവ് പ്രാബല്യത്തില്‍ ഉണ്ടെന്ന് ഉദ്ഘാടനം നിര്‍വഹിച്ച വനിതാ കമ്മീഷന്‍ അംഗം അഡ്വ.ഇന്ദിരാ രവീന്ദ്രന്‍ ഓര്‍മിപ്പിച്ചു.

സമഗ്ര ശിക്ഷാ കേരളം പദ്ധതിയുടെ ഭാഗമായി 2025-26 അധ്യയനവര്‍ഷം ആലപ്പുഴ ജില്ലയിലെ വിവിധ സ്‌കൂളുകളില്‍ പ്രവര്‍ത്തനമാരംഭിക്കുന്ന സ്‌കില്‍ ഡവലപ്പമെന്റ് സെന്ററുകളിലേക്ക് ട്രെയിനര്‍ തസ്തികകളിലേക്ക് വാക്ക് ഇന്‍ ഇന്റര്‍വ്യൂ നടത്തുന്നു.  ഇലക്ട്രിക്ക് വെഹിക്കിള്‍ സര്‍വീസ് ടെക്‌നീഷ്യന്‍-1, എക്‌സിം എക്‌സിക്യൂട്ടീവ്-1, മൊബൈല്‍ഫോണ്‍ ഹാര്‍ഡ്‌വെയര്‍ റിപ്പയര്‍-1, എ ഐ ഡിവൈസസ് ഇന്‍സ്റ്റാലേഷന്‍/ഓപ്പറേറ്റര്‍-1, അസിസ്റ്റന്റ് റോബോട്ടിക്‌സ് ടെക്‌നീഷ്യന്‍-2, ഗ്രാഫിക് ഡിസൈനര്‍ (മീഡിയ ആന്‍ഡ് എന്റര്‍ടെയ്ന്‍മെന്റ്)-1 എന്നീ  തസ്തികകളിലേക്കാണ് നിയമനം.

ജില്ലയിലെ വിദ്യാലയങ്ങളില്‍ ശുചിമുറി സൗകര്യങ്ങള്‍ ഉറപ്പാക്കാനും നിലവില്‍ ഉള്ളവ മെച്ചപ്പെടുത്താനും ‘ശുചിയിടം' പദ്ധതിയുമായി ജില്ലാ പഞ്ചായത്ത്. ആദ്യഘട്ടത്തില്‍ 15 സ്‌കൂളുകളിലാണ് മാതൃകാ ടോയ്‌ലറ്റ് ബ്ലോക്കുകള്‍ നിര്‍മിക്കുക.  ഒന്‍പത് സ്‌കൂളുകളില്‍ പൂര്‍ത്തീകരിച്ചു.
മോഡേണ്‍ യൂറോപ്പ്യന്‍, ഇന്ത്യന്‍ ക്ലോസറ്റുകള്‍, വാഷിംഗ് ഏരിയ, കുട്ടികളുടെ വിശ്രമസ്ഥലം എന്നിവ ഉള്‍പ്പെടുത്തിയാണ് ശുചിമുറികളുടെ രൂപകല്‍പ്പന. വഴുക്കല്‍ഇല്ലാത്ത ടൈലുകള്‍, കാത്തിരിപ്പ്ഇരിപ്പിടങ്ങള്‍ എന്നിവയാണ് മറ്റ് പ്രത്യേകതകള്‍. ചുമരുകളില്‍ ജല സംരക്ഷണം ശുചിയിടത്തിന്റെവൃത്തി എന്നിവയിലുള്ള സന്ദേശങ്ങളുമുണ്ട്.  

പുസ്തകവായനയുടെമൂല്യം തലമുറകളിലേക്ക് കൈമാറുന്നത് ലക്ഷ്യമാക്കിയുള്ള വായനപക്ഷാചരണം ജൂണ്‍ 19ന്.  ജില്ലാ ലൈബ്രറി കൗണ്‍സിലും ഇന്‍ഫര്‍മേഷന്‍ പബ്ലിക്ക് റിലേഷന്‍സ് വകുപ്പും സംയുക്തമായി വിദ്യാഭ്യാസ വകുപ്പ്, ജില്ലാ പഞ്ചായത്ത്, സാക്ഷരതാമിഷന്‍, പി.എന്‍ പണിക്കര്‍ ഫൗണ്ടേഷന്‍ എന്നിവയുടെ സഹകരണത്തോടെ ജൂലൈ ഏഴ് വരെ വായനപക്ഷാചരണവും നടത്തും.  

രാജ്യത്ത് സിവില്‍ ഡിഫന്‍സിന്റെ ശേഷി വര്‍ദ്ധിപ്പിക്കുന്നതിനും പരിശീലനം നല്‍കുന്നതിനുമായി ആലപ്പുഴ ജില്ലയില്‍ നിന്നും 360 സിവില്‍ ഡിഫന്‍സ് വോളണ്ടിയര്‍മാരെ തെരഞ്ഞെടുക്കുന്നു. ദുരന്തമുഖത്തും സന്നദ്ധ പ്രവര്‍ത്തനത്തിനും താല്പര്യമുള്ള 18 വയസിന് മുകളില്‍ പ്രായമുളളവർക്ക്  ഇതിലേക്കായി രജിസ്റ്റര്‍ ചെയ്യാം. തെരഞ്ഞെടുക്കപ്പെടുന്നവര്‍ക്ക് അഗ്‌നിരക്ഷാ വകുപ്പ് ഏഴു ദിവസത്തെ പരിശീലനം നല്‍കും.   വിജയകരമായി പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റ്, ഐഡി കാര്‍ഡ് എന്നിവയും നല്‍കും. സംസ്ഥാന സര്‍ക്കാര്‍ ജീവനക്കാര്‍ക്കും സിവില്‍ ഡിഫന്‍സില്‍ അംഗമാകാവുന്നതാണ്.

ആലപ്പുഴ ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍സ് ഓഫ് ഇന്ത്യയുമായി ചേര്‍ന്ന് സംരംഭകര്‍ക്കായി മാസം തോറും നടത്തിവരാറുള്ള ഹെല്‍പ്പ് ഡെസ്‌ക് ജൂൺ 21 ന് കൈതവന അത്തിത്തറ ക്ഷേത്രത്തിന് സമീപമുള്ള ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍സ് ഓഫ് ഇന്ത്യയുടെ ജില്ലാ ഓഫീസില്‍ രാവിലെ 10 മുതല്‍ ഉച്ചക്ക് ഒരു മണിവരെ നടത്തും. സംരംഭകര്‍ക്ക് അക്കൗണ്ട്സ്, ഫിനാന്‍സ്, ഓഡിറ്റ് സംബന്ധമായ സേവനങ്ങള്‍ സൗജന്യമായി  ലഭിക്കും.  കൂടുതല്‍ വിവരങ്ങള്‍ക്ക് താലൂക്ക് വ്യവസായ ഓഫീസുകളിലോ ആലപ്പുഴ ജില്ലാ വ്യവസായ കേന്ദ്രത്തിലോ ബന്ധപ്പെടാം. ഫോണ്‍: 0477-2241272.

ആലപ്പുഴ ഗവ. മുഹമ്മദന്‍ ഗേള്‍സ് എച്ച്.എസ്.എസില്‍ യു.പി.എസ്.ടി വിഭാഗത്തില്‍  താല്‍ക്കാലിക നിയമനം നടത്തുന്നു.  അഭിമുഖം ജൂൺ 19 ന് രാവിലെ 11 മണിക്ക്. ഉദ്യോഗാര്‍ഥികള്‍ അസ്സല്‍ രേഖകളുമായി നേരിട്ട് ഹാജരാകുക. ഫോണ്‍: 9142158099.

(പിആർ/എഎൽപി/1715)

2020-21 അധ്യയന വർഷം ആറ്റിങ്ങൽ സർക്കാർ കോളേജിൽ പ്രവേശനം നേടിയതും ഇതുവരേയും കോഷൻ ഡെപ്പോസിറ്റ് തുക കൈപ്പറ്റാത്തതുമായ വിദ്യാർഥികൾ തുക കൈപ്പറ്റുന്നതിനായി തിരിച്ചറിയൽ രേഖ, ബാങ്ക് പാസ്ബുക്കിന്റെ പകർപ്പ് എന്നിവ സഹിതം കോളേജ് ഓഫീസിൽ ഹാജരാകണം.

ആലപ്പുഴ ജില്ലാ വനിതാ ശിശുവികസന ഓഫീസിലേക്ക് കരാര്‍ അടിസ്ഥാനത്തില്‍ വാഹനം വാടകക്ക് എടുക്കുന്നതിലേയ്ക്ക് ടെന്‍ഡര്‍ ക്ഷണിച്ചു. അവസാന തീയതി ജൂണ്‍ 30 ഉച്ചക്ക് ഒരു മണിവരെ.  ഫോണ്‍: 0477 2960147

(പിആർ/എഎൽപി/1714)

നെയ്യാർഡാമിൽ പ്രവർത്തിക്കുന്ന കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മയിൽ) 2025-27 എം.ബി.എ. ബാച്ചിലേയ്ക്ക് എസ്.സി./എസ്.ടി/ഒ.ഇ.സി വിഭാഗങ്ങൾക്കായി സംവരണം ചെയ്തിട്ടുളളതിൽ ഒഴിവു വന്ന ഏതാനും സീറ്റുകളിലേക്ക് ജൂൺ 18 ന് രാവിലെ 10 മുതൽ സ്‌പോട്ട് അഡ്മിഷൻ നടത്തുന്നു. അർഹരായ വിദ്യാർത്ഥികൾക്ക് അസൽ രേഖകൾ സഹിതം കൂടികാഴ്ചയിൽ പങ്കെടുക്കാം.