ജില്ലയിൽ മഴ തുടരുന്നതിനാലും വരും ദിവസങ്ങളിൽ അതിശക്തമായ മഴ മുന്നറിയിപ്പു ലഭിച്ചിരിക്കുന്നതിനാലും ജൂൺ 15 വരെ ജില്ലയിൽ എല്ലാവിധ ഖനന പ്രവർത്തനങ്ങളും നിരോധിച്ച് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ ജോൺ വി. സാമുവൽ ഉത്തരവായി.

കണ്ണപുരം ഗവ കൊമേഴ്‌സ്യല്‍ ഇന്‍സ്റ്റിറ്റ്യൂട്ടില്‍ ഈ വര്‍ഷം ഉണ്ടാകാനിടയുള്ള താൽക്കാലിക ഇന്‍സ്ട്രക്ടര്‍ ഒഴിവുകളിലേക്ക് നിയമനത്തിന് പാനല്‍ തയ്യാറാക്കുന്നതിനുള്ള അഭിമുഖം ജൂണ്‍ 18 ന് രാവിലെ 10 ന് നടക്കും. അപേക്ഷകര്‍ പ്രവൃത്തി  പരിചയം ഉള്‍പ്പെടെയുള്ള എല്ലാ അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം സ്ഥാപനത്തില്‍ എത്തണം.  ഫോണ്‍ : 8590963003

2026-ലെ സ്പെഷ്യൽ സമ്മറി റിവിഷൻ മുന്നോടിയായി പാലക്കാട് ജില്ലയിലെ പോളിങ് സ്റ്റേഷനുകൾ പുനഃക്രമീകരിക്കുന്നതുമായി ബന്ധപ്പെട്ട് രാഷ്ട്രീയ പാർട്ടി പ്രതിനിധികളുടെയും ഉദ്യോഗസ്ഥരുടെയും ജില്ലാതല യോഗം കളക്ടറേറ്റിൽ ചേർന്നു. ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കളക്ടർ ജി. പ്രിയങ്കയുടെ അധ്യക്ഷതയിലായിരുന്നു യോഗം.  വോട്ടർമാർക്ക് സുഗമവും സുതാര്യവുമായ പോളിങ് അനുഭവം ഉറപ്പാക്കുക, പോളിങ് സ്റ്റേഷനുകളിലെ തിരക്ക് കുറയ്ക്കുക, വോട്ടർ പട്ടികയിലെ അപാകതകൾ പരിഹരിക്കുക തുടങ്ങിയ ലക്ഷ്യങ്ങളോടെയാണ് പുനഃക്രമീകരണം നടത്തുന്നതെന്ന് ജില്ലാ കളക്ടര്‍ യോഗത്തില്‍ അറിയിച്ചു.

 അതിശക്തമായ മഴയ്ക്കു സാധ്യതയുളളതിനാൽ ജൂൺ 13 മുതൽ 17 വരെ(വെള്ളി മുതൽ ചൊവ്വ വരെ) കോട്ടയം ജില്ലയിൽ കേന്ദ്ര കാലാവസ്ഥവകുപ്പ്  ഓറഞ്ച് അലെർട്ട് പ്രഖ്യാപിച്ചതായി ജില്ലാ കളക്ടർ ജോൺ വി. സാമുവൽ അറിയിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 മുതൽ 204.4 മില്ലിമീറ്റർ വരെ മഴ ലഭിക്കുന്നതിനെയാണ് അതിശക്തമായ മഴയായി കണക്കാക്കുന്നത്. 
 

ശ്രീകൃഷ്ണപുരം സർക്കാർ എഞ്ചിനീയറിംഗ് കോളേജിൽ 2025-26 അധ്യയന വർഷത്തേക്ക് വിവിധ വിഭാഗങ്ങളിൽ ദിവസ വേതനാടിസ്ഥാനത്തിൽ അസിസ്റ്റന്റ് പ്രൊഫസർമാരെയും ഇൻസ്ട്രക്ടറെയും നിയമിക്കുന്നു. വിവിധ തസ്തികകളിലേക്കുള്ള കൂടിക്കാഴ്ച തീയതികൾ:

കൊഴിഞ്ഞാമ്പാറ ഗവ. ഐ.ടി.ഐ.യില്‍ 2025 വർഷത്തേക്കുള്ള പ്രവേശനം ആരംഭിച്ചു. ഫിറ്റർ (രണ്ട് വർഷം), ഇലക്ട്രീഷ്യൻ (രണ്ട് വർഷം), പ്ലംബർ (ഒരു വർഷം) എന്നീ കോഴ്സുകളിലേക്ക് ഇപ്പോൾ അപേക്ഷിക്കാം. https://itiadmissions.kerala.gov.in എന്ന വെബ്സൈറ്റ് വഴി ഓൺലൈനായാണ് അപേക്ഷ സമര്‍പ്പിക്കേണ്ടത്.  ഓൺലൈൻ അപേക്ഷ സമർപ്പിച്ചതിന് ശേഷം അതിൻ്റെ പ്രിൻ്റ് ഔട്ടും ഒറിജിനൽ സർട്ടിഫിക്കറ്റുകളുമായി തൊട്ടടുത്തുള്ള ഗവ. ഐ.ടി.ഐ.യിൽ വെരിഫിക്കേഷനായി ഹാജരാകണം. അപേക്ഷ സമർപ്പിക്കാനുള്ള അവസാന തീയതി ജൂൺ 20 ആണ്. ഓരോ ട്രേഡിലെയും 30 ശതമാനം സീറ്റുകൾ പെൺകുട്ടികൾക്കായി സംവരണം ചെയ്തിട്ടുണ്ട്.

കണ്ണൂര്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുള്ള എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ സീനിയര്‍ ടാക്‌സ് കണ്‍സള്‍ട്ടന്റ്, ഓഫീസ് സ്റ്റാഫ്, സൂപ്പര്‍വൈസര്‍, എച്ച് ആര്‍, സെയില്‍സ് എക്‌സിക്യൂട്ടീവ്, മാര്‍ക്കറ്റിംഗ് മാനേജര്‍, അസിസ്റ്റന്റ് ബ്രാഞ്ച് മാനേജര്‍, ബ്രാഞ്ച് മാനേജര്‍, സോഷ്യല്‍ ഇനീഷ്യേറ്റീവ് മാനേജര്‍ തസ്തികകളിലേക്ക് ജൂണ്‍ 12  രാവിലെ 10 മുതല്‍ ഉച്ചക്ക് ഒരു മണിവരെ അഭിമുഖം നടത്തും.  യോഗ്യതയുള്ളവര്‍ തിരിച്ചറിയല്‍ കാര്‍ഡിന്റെ പകര്‍പ്പും, 250 രൂപയും, ഒരു പാസ്‌പോര്‍ട്ട് സൈസ് ഫോട്ടോയും സഹിതം എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്ത് ഇന്റര്‍വ്യൂവില്‍ പങ്കെടുക്കണം.

സംസ്ഥാനത്തെ 152 ബ്ലോക്ക് പഞ്ചായത്തുകളിലെ വാർഡ് വിഭജനവുമായി ബന്ധപ്പെട്ട് ഡീലിമിറ്റേഷൻ കമ്മീഷന് ലഭിച്ച പരാതികളിന്മേലുള്ള ഹിയറിങ് ജൂൺ 21-ന് തുടങ്ങും. വിവിധ ജില്ലകളെ മൂന്ന് മേഖലകളായി തിരിച്ചാണ് കമ്മീഷൻ ഹിയറിങ് നടത്തുന്നത്. തിരുവനന്തപുരം, എറണാകുളം, കോഴിക്കോട് എന്നിവിടങ്ങളിലാണ് ഹിയറിങുകൾ നടക്കുക. ബ്ലോക്ക് പഞ്ചായത്ത് വാർഡ് വിഭജനത്തെക്കുറിച്ചുള്ള പരാതിക്കാരെ മാത്രമാണ് കമ്മീഷൻ നേരിൽ കേൾക്കുക.

കാഞ്ഞിരപ്പുഴ ഡാമിന്റെ വൃഷ്ടി പ്രദേശത്ത് കനത്ത മഴ തുടരുന്ന സാഹചര്യത്തിൽ ഡാമിന്റെ ഒരു സ്പിൽവെ ഷട്ടർ ഇന്ന് (ജൂണ്‍ 13) ഉച്ചയ്ക്ക് രണ്ടുമണിക്ക്  അഞ്ച് സെന്റീമീറ്റർ തുറന്നതായി എക്സിക്യൂട്ടീവ് എൻജിനീയർ അറിയിച്ചു. പുഴയിലെ വെള്ളത്തിന്റെ അളവ് ഉയരുവാൻ സാധ്യതയുള്ളതിനാൽ പുഴയുടെ തീരത്തു താമസിക്കുന്നവർ ജാഗ്രത പാലിക്കാൻ നിർദ്ദേശമുണ്ട്. ഡാമിലെ ഇന്നത്തെ ജലനിരപ്പ് 93.20 മീറ്ററാണ്.

ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷത്തെ പിജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടു), ആറ് മാസത്തെ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ്എസ്എല്‍സി) കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍ : 7994449314