പൊതുവിദ്യാഭ്യാസ രംഗത്തെ മാറ്റം ശ്രദ്ധേയമെന്ന് മന്ത്രി റോഷി അഗസ്റ്റിന്‍

ഇടുക്കി ജില്ലയില്‍ സര്‍ക്കാര്‍ കോളേജിലെ ഏക കൊമേഴ്സ് റിസര്‍ച്ച് സെന്റര്‍ കട്ടപ്പന ഗവ. കോളേജില്‍ തുടങ്ങി. പഠനത്തിനൊപ്പം ആരോഗ്യ പരിപാലനത്തിനും കായിക ക്ഷമത ഉറപ്പാക്കുന്നതിനും പ്രാധാന്യം നല്‍കി മള്‍ട്ടി ജിമ്മും കോളേജില്‍ പ്രവര്‍ത്തനമാരംഭിച്ചു. കൊമേഴ്സ് റിസര്‍ച്ച് സെന്ററിന്റെയും മള്‍ട്ടി ജിമ്മിന്റെയും ഉദ്ഘാടനം ജലവിഭവ വകുപ്പ് മന്ത്രി റോഷി അഗസ്റ്റിന്‍ നിര്‍വഹിച്ചു.

എസ്.എസ്.എല്‍.സി, പ്ലസ് ടു പരീക്ഷയില്‍ ഉന്നത വിജയം നേടിയ കണ്ണൂര്‍, കാസര്‍ഗോഡ് ജില്ലകളിലെ മത്സ്യത്തൊഴിലാളികളുടേയും അനുബന്ധ മത്സ്യത്തൊഴിലാളികളുടേയും മക്കള്‍ക്ക് കേരള മത്സ്യത്തൊഴിലാളി ക്ഷേമനിധി ബോര്‍ഡ് പാരിതോഷികം നല്‍കി. കണ്ണൂര്‍ കോര്‍പറേഷന്‍ മേയര്‍ മുസ്ലിഹ് മഠത്തില്‍ പാരിതോഷികങ്ങള്‍ വിതരണം ചെയ്തു. തയ്യില്‍ ശ്രീ കൂറുമ്പ ഓഡിറ്റോറിയത്തില്‍ നടന്ന പരിപാടിയില്‍ കണ്ണൂര്‍ കോര്‍പറേഷന്‍ ഡെപ്യൂട്ടി മേയര്‍ അഡ്വ. പി ഇന്ദിര അധ്യക്ഷയായി.

പാഠ്യവിഷയങ്ങള്‍ക്കൊപ്പം പാഠ്യേതര വിഷയത്തിലും പ്രാവീണ്യം നല്‍കുന്ന തൊഴിലധിഷ്ടിത വിദ്യാദ്യാസത്തിന് പ്രാധാന്യം നല്‍കിയാണ് സര്‍ക്കാര്‍ നൂതന പദ്ധതികള്‍ നടപ്പാക്കുന്നതെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്‍. മുരിക്കാട്ടുകുടി ഗവണ്‍മെന്റ് ട്രൈബല്‍ ഹയര്‍ സെക്കന്ററി സ്‌കൂളില്‍ വിവിധ പദ്ധതികളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.

നിലമ്പൂര്‍ ഉപതെരഞ്ഞെടുപ്പിന്റെ വോട്ടെടുപ്പ്, വോട്ടെണ്ണല്‍ എന്നിവയുടെ സുഗമമായ നടത്തിപ്പിന്റെ ഭാഗമായി മണ്ഡലത്തിലും പരിസരപ്രദേശങ്ങളിലും പിഡബ്ലുഡി (റോഡ്സ്), വാട്ടര്‍ അതോറിറ്റി, കെഎസ്ഇബി എന്നീ വകുപ്പുകള്‍ നിര്‍മാണ പ്രവൃത്തികളുടെ ഭാഗമായി റോഡില്‍ കുഴികള്‍ എടുക്കുന്നത് ജൂൺ 23 ന് വോട്ടെണ്ണൽ കഴിയുന്നത് വരെ താല്‍ക്കാലികമായി നിര്‍ത്തിവെയ്ക്കണമെന്ന് ജില്ലാ തെരെഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ നിർദേശം നൽകി.

പാനൂര്‍ ബ്ലോക്ക്പഞ്ചായത്തിന് കീഴില്‍ പട്ടികജാതി വികസന വകുപ്പിന്റെ കതിരൂര്‍ വേറ്റുമലില്‍ പ്രവര്‍ത്തിക്കുന്ന പ്രീ മെട്രിക് ഹോസ്റ്റലിലേക്ക് വിവിധ വിഷയങ്ങളില്‍ ട്യൂഷന്‍ ടീച്ചര്‍മാരെ താല്‍ക്കാലികമായി നിയമിക്കുന്നു. ബിരുദവും ബി.എഡുമുള്ളവര്‍ക്ക് ഹൈസ്‌കൂള്‍ വിഭാഗത്തിലേക്കും ടി.ടി.സിയുള്ളവര്‍ക്ക് യു.പി വിഭാഗത്തിലേക്കും അപേക്ഷിക്കാം. ഉദ്യോഗാര്‍ഥികള്‍ ജൂണ്‍ 25 ന് രാവിലെ 11 മണിക്ക് പാനൂര്‍ ബ്ലോക്ക് പഞ്ചായത്ത് ഓഫീസില്‍ അഭിമുഖത്തിന് എത്തണം. ഫോണ്‍: 8891175129, 9947654005

അരീക്കോട് ഗവ. ഐടിഐ ഐഎംസിക്ക് കീഴില്‍ നടത്തുന്ന തൊഴിലധിഷ്ഠിത എയര്‍ കാര്‍ഗോ ഷിപ്പിംഗ് ആന്‍ഡ് ലോജിസ്റ്റിക് മാനേജ്‌മെന്റ് കോഴ്‌സിലേക്ക് അപേക്ഷ ക്ഷണിച്ചു. എസ്എസ്എല്‍സി, പ്ലസ് ടു, ഡിഗ്രി യോഗ്യതയുള്ളവര്‍ക്ക് അപേക്ഷിക്കാം. പ്ലെയ്‌സ്‌മെന്റ് സഹായവും ലഭിക്കും. ഫോണ്‍: 8590082853.

പട്ടികജാതി വികസന വകുപ്പിന്റെ കീഴില്‍ പ്രവര്‍ത്തിക്കുന്ന മലപ്പുറം ജില്ലയിലെ പാതായ്ക്കര, പാണ്ടിക്കാട്, പൊന്നാനി, കേരളാധീശ്വരപുരം എന്നീ ഐടിഐകളില്‍ പ്ലംബര്‍ (പാതായ്ക്കര, കേരളാധീശ്വരപുരം), സിവില്‍ ഡ്രാഫ്റ്റ്‌സ്മാന്‍ (പാണ്ടിക്കാട്), ഇലക്ട്രീഷ്യന്‍ (പൊന്നാനി) എന്നീ കോഴ്‌സുകളിലേക്ക് അപേക്ഷ ക്ഷണിച്ചു. 14 വയസ്സ് കഴിഞ്ഞവര്‍ക്ക് അപേക്ഷിക്കാം. താല്പര്യമുള്ളവര്‍ https://scdditiadmission.kerala.gov.in എന്ന വെബ്‌സൈറ്റ് മുഖേന ജൂലൈ 16ന് മുന്‍പ് ഓണ്‍ലൈനായി അപേക്ഷിക്കണം. അപേക്ഷിക്കുന്നതിന് ഐടിഐ കളില്‍ ഹെല്‍പ് ഡെസ്‌ക് സൗകര്യം ഏര്‍പ്പെടുത്തിയിട്ടുണ്ട്.

പടവ് ക്രിയേറ്റീവ് തിയേറ്റര്‍ രജതജൂബിലിയുടെ ഭാഗമായി പ്രൈമറി അധ്യാപകര്‍ക്ക് 'ക്രിയേറ്റീവ് ഡ്രാമ ക്ലാസ്സ് മുറിയില്‍' എന്ന വിഷയത്തില്‍ ശില്‍പശാല സംഘടിപ്പിക്കുന്നു. ജൂലൈ 12, 13 തീയ്യതികളില്‍ ശില്‍പശാലയുടെ രണ്ടാം ബാച്ച് കണ്ണൂരില്‍ നടക്കും. താല്‍പര്യമുള്ളവര്‍ക്ക് 9778093521, 9446673437 നമ്പറുകളില്‍ ജൂണ്‍ 30 നകം ബന്ധപ്പെടാം.

ബാങ്ക് കുടിശിക ഈടാക്കാന്‍ തേഞ്ഞിപ്പലം വില്ലേജിലെ ബ്ലോക്ക് മൂന്നിലെ റീസര്‍വേ നമ്പര്‍ 233/12 ഈ 0.0307 ഹെക്ടര്‍ പുരയിടം ജൂലൈ 17ന് രാവിലെ 11 ന് തേഞ്ഞിപ്പലം വില്ലേജ് ഓഫീസില്‍ ലേലം ചെയ്യുമെന്ന് തിരൂരങ്ങാടി തഹസില്‍ദാര്‍ അറിയിച്ചു.

ബ്ലോക്ക് പഞ്ചായത്തുകളിലെ വാര്‍ഡ് വിഭജന കരട് നിര്‍ദേശങ്ങള്‍ സംബന്ധിച്ച് ഡീലിമിറ്റേഷന്‍ കമ്മീഷന് പരാതി സമര്‍പ്പിച്ച കണ്ണൂര്‍ ജില്ലയിലുള്ളവരുടെ ഹിയറിംഗ് ജൂണ്‍ 24ന് രാവിലെ 11 മണിക്ക് കോഴിക്കോട് ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. കോഴിക്കോട്, വയനാട്, കാസര്‍കോട്, മലപ്പുറം ജില്ലകളിലെ പരാതിക്കാര്‍ക്കും 24നാണ് ഹിയറിംഗ്. ആക്ഷേപങ്ങള്‍ സമര്‍പ്പിച്ചവര്‍ പ്രസ്തുത ഹിയറിംഗിന് പങ്കെടുക്കണമെന്ന് കണ്ണൂര്‍ ഇലക്ഷന്‍ ഡെപ്യൂട്ടി കലക്ടര്‍ അറിയിച്ചു. മാസ് പെറ്റീഷന്‍ നല്‍കിയവരില്‍ നിന്നും ഒരു പ്രതിനിധിയെ മാത്രമെ ഹിയറിംഗില്‍ പങ്കെടുപ്പിക്കുകയുള്ളൂ.