കേരള സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് കല്‍പ്പറ്റയില്‍  നടന്ന എന്റെ കേരളം വിളംബര ജാഥയില്‍ വനം വന്യജീവി വകുപ്പിന്റെ ശിങ്കാരി മേളം  ഏറെ ശ്രദ്ധേയമായി. നോര്‍ത്ത് വയനാട് ഡിവിഷണല്‍ ഫോറസ്റ്റ് ഓഫീസര്‍ മാര്‍ട്ടിന്‍ ലോവല്‍ ഐ എഫ് എസ് ന്റെ പ്രത്യേക താല്‍പ്പര്യ പ്രകാരം 2024 ലാണ്   തിരുനെല്ലി പഞ്ചായത്ത് പരിധിയിലെ  വന്‍ധന്‍ വികാസ് കേന്ദ്ര അംഗങ്ങളെ ഉള്‍പ്പെടുത്തി വദ്യോപകരണങ്ങള്‍ നല്‍കി ശിങ്കാരി മേളം ടീം രൂപീകരിച്ചത്. ആദ്യമായിട്ടാണ് ടീം കല്‍പ്പറ്റയില്‍ നടന്ന സര്‍ക്കാറിന്റെ വിളംബര ഘോഷയാത്രയില്‍  പങ്കെടുക്കുന്നത്.

മേളയില്‍ മാതൃഭൂമി, ഡിസി ബുക്‌സ്, നാഷണല്‍ ബുക്‌സ് സ്റ്റാള്‍, പബ്ലിക് റിലേഷന്‍ ഡിപ്പാര്‍ട്‌മെന്റ് എന്നിവ പ്രസിദ്ധീകരിച്ച പുസ്തകമേളയും സജ്ജീകരിക്കും. മലയാളത്തിലെ മുന്‍നിര പ്രസാധകര്‍ നാല് സ്റ്റാളുകളിലായി സജ്ജീകരിക്കുന്ന പുസ്തകമേളയും ശ്രദ്ധേയമാകും.

കല്‍പറ്റ എസ്‌കെഎംജെ സ്‌കൂള്‍ മൈതാനിയില്‍ മൊത്തം 44,385 ചതുരശ്ര അടിയില്‍ നിര്‍മിച്ച സ്റ്റാള്‍ നിര്‍മിതിയില്‍ 122 ഓളം തീം സ്റ്റാളുകളും 70 ഓളം വാണിജ്യ സ്റ്റാളുകളുമാണ് ഒരുങ്ങിയത്. വാണിജ്യ സ്റ്റാളുകളില്‍ വകുപ്പുകള്‍ക്ക് ഉല്‍പ്പന്നങ്ങള്‍ വിപണനംചെയ്യാനുള്ള സൗകര്യം ഏര്‍പ്പെടുത്തിയിട്ടുണ്ട്. 9415 ചതുരശ്ര അടിയില്‍ കുടുംബശ്രീ നടത്തുന്ന ഫുഡ് കോര്‍ട്ട്, സംസ്ഥാന ഫിലിം ഡെവലപ്പ്‌മെന്റ് കോര്‍പ്പറേഷന്റെ 1500 ചതുരശ്ര അടിയില്‍ ഉള്‍പ്പെടുന്ന മിനി തിയ്യറ്റര്‍, മികച്ച സ്റ്റേജ് തുടങ്ങിയവയെല്ലാം നിര്‍മിതിയില്‍ ഉള്‍പ്പെടുന്നുണ്ട്.
 

പ്രദര്‍ശന വിപണന മേളയുടെ ഭാഗമായി വിവിധ വകുപ്പുകളുടെ നേതൃത്വത്തില്‍ സെമിനാറുകള്‍ സംഘടിപ്പിക്കും. ഏപ്രില്‍ 23 ന് 'കാപ്പി, കുരുമുളക് ശാസ്ത്രീയ പരിപാലനം' എന്ന വിഷയത്തില്‍ കാര്‍ഷിക കര്‍ഷകക്ഷേമ വകുപ്പ് അവതരണം നടത്തും. ലൈബ്രറി കൗണ്‍സിലിന്റെആഭിമുഖ്യത്തില്‍ 'ബഹുസ്വര സംസ്‌കാരത്തിന്റെ പ്രസക്തി' എന്ന വിഷയത്തില്‍ ഏപ്രില്‍ 24 ന്സെമിനാര്‍ നടത്തുന്നതോടൊപ്പം ജില്ലാ ലൈബ്രറി സംഗമവും എസ്.കെ.എം.ജെ. സ്‌കൂളില്‍ മന്ത്രി ഒ. ആര്‍ കേളു ഉദ്ഘാടനം ചെയ്യും. തദ്ദേശ സ്വയംഭരണ വകുപ്പ് 'കെ-സ്മാര്‍ട്ട്: സ്മാര്‍ട്ടാകുന്ന കേരളം' എന്ന വിഷയത്തില്‍ സെമിനാര്‍ സംഘടിപ്പിക്കും.

 
ഭക്ഷ്യമേളയില്‍ സെവന്‍ സിസ്റ്റേഴ്‌സ് നെല്ലിക്ക ജ്യൂസുകള്‍ ഉള്‍പ്പെടുന്ന ജ്യൂസ് കൗണ്ടറുകള്‍ ഒരുക്കി കുടുംബശ്രീ. കുടുംബശ്രീ ജില്ലാ മിഷന്റെ ആഭിമുഖ്യത്തില്‍ വിപുലമായ രീതിയില്‍ ഭക്ഷ്യമേള സംഘടിപ്പിക്കും. മീനങ്ങാടി,സുല്‍ത്താന്‍ ബത്തേരി, കല്‍പ്പറ്റ, മുട്ടില്‍ എന്നീ സിഡിഎസ്സുകളില്‍ നിന്നുള്ള കാറ്ററിംഗ് മേഖലയില്‍ വിദഗ്ധ പരിശീലനം ലഭിച്ച സംരംഭക ഗ്രൂപ്പുകള്‍ ഭക്ഷ്യമേളയ്ക്കായി വിഭവങ്ങള്‍ ഒരുക്കും.

'സ്മാര്‍ട്ടയായ കേരളത്തില്‍ സ്മാര്‍ട്ടയി റവന്യൂ വകുപ്പും.  എല്ലാവര്‍ക്കും ഭൂമി, എല്ലാ ഭൂമിക്കും രേഖ, എല്ലാ സേവനങ്ങളും സ്മാര്‍ട്ട് എന്ന ലക്ഷ്യത്തോടെ സര്‍വെ വകുപ്പ് ആരംഭിച്ച എന്റെ ഭൂമി പദ്ധതിയെക്കുറിച്ച് കൂടുതല്‍ അറിയാനും സര്‍വേ സംബന്ധമായ സംശയങ്ങള്‍ക്ക് പരിഹാരമാവുകയാണ് സര്‍വേ ഭൂരേഖാ വകുപ്പ് സ്റ്റാള്‍. എന്റെ ഭൂമി ആപ്പിനേക്കുറിച്ചുള്ള വിശദമായ വിവരങ്ങള്‍ ഇവിടെ ലഭ്യമാണ്.   എങ്ങനെയാണ് എന്റെ ഭൂമി ആപ്പിലേയ്ക്ക്  സര്‍വേ ചെയ്ത ഭൂമിയുടെ വിശദാംശങ്ങള്‍ നല്‍കുന്നതെന്നും സ്റ്റാളില്‍ വിശദീകരിക്കുന്നുണ്ട്. അതോടൊപ്പം, പൊതുജനങ്ങളുടെ ഭൂമി സംബന്ധമായ രേഖകളും സര്‍വേ സംശയങ്ങള്‍ക്കുള്ള മറുപടിയും നല്‍കുന്നു.

മേളയോടനുബന്ധിച്ച് ഉദ്ഘാടന ദിവസമായ ഏപ്രില്‍ 22 ന് ആല്‍മരം ബാന്‍ഡ്അവതരിപ്പിക്കുന്ന സംഗീത വിരുന്നും രണ്ടാം ദിവസമായ ഏപ്രില്‍ 23 ന്ഗോത്ര തനിമയാര്‍ന്ന നാടന്‍ പാട്ടും ദൃശ്യാവിഷ്‌കാരവുമായി തുടിത്താളം സംഘവും പരിപാടി അവതരിപ്പിക്കും.

ജില്ലയില്‍ ഇന്ന് (ഏപ്രില്‍ 22) മുതല്‍ 28 വരെ എസ്‌കെഎംജെ സ്‌കൂള്‍ ഗ്രൗണ്ടില്‍ നടക്കുന്ന എന്റെ കേരളം മെഗാ പ്രദര്‍ശന വിപണനമേളപട്ടികജാതി പട്ടികവര്‍ഗ്ഗ പിന്നാക്കക്ഷേമ വകുപ്പ് മന്ത്രി ഒ ആര്‍ കേളു ഉദ്ഘാടനം ചെയ്യും. വൈകിട്ട് 6.30 ന് നടക്കുന്ന