കണ്ണൂര്‍ ഗവ. ഐടിഐയും ഐഎംസിയും സംയുക്തമായി നടത്തുന്ന പ്രൊഫഷണല്‍ ഡിപ്ലോമ ഇന്‍ എയര്‍പോര്‍ട് മാനേജ്മെന്റ് വിത്ത് സപ്ലൈ ചെയിന്‍ ആന്റ് ലോജിസ്റ്റിക്സ് കോഴ്സിലേക്ക് എസ്എസ്എല്‍സി, പ്ലസ് ടു, ഐടിഐ, ഡിഗ്രി, ഡിപ്ലോമ, ബി ടെക് വിദ്യാര്‍ഥികളില്‍ നിന്ന് അപേക്ഷ ക്ഷണിച്ചു.
 

കണ്ണൂര്‍ ജില്ലാ എംപ്ലോയ്‌മെന്റ് എക്സ്ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ പയ്യന്നൂര്‍ എംപ്ലോയ്‌മെന്റ് ഇന്‍ഫര്‍മേഷന്‍ ആന്റ് അസിസ്റ്റന്റ് ബ്യൂറോയില്‍ സ്വകാര്യ സ്ഥാപനങ്ങളിലേക്കുള്ള ജോലി ഒഴിവുകള്‍ ലഭ്യമാക്കുന്ന വണ്‍ ടൈം രജിസ്ട്രേഷന്‍ ക്യാമ്പ് സംഘടിപ്പിക്കുന്നു. പ്രായപരിധി 50 വയസ്സ്. ഉദ്യോഗാര്‍ഥികള്‍ തിരിച്ചറിയല്‍ രേഖ, പാസ്പോര്‍ട് സൈസ് ഫോട്ടോ, 250 രൂപ എന്നിവ സഹിതം പയ്യന്നൂര്‍ എംപ്ലോയ്‌മെന്റ് ഇന്‍ഫര്‍മേഷന്‍ ആന്റ് അസിസ്റ്റന്റ് ബ്യൂറോയില്‍ ഏപ്രില്‍ 28 തിങ്കളാഴ്ച രാവിലെ 10 ന് എത്തണം. ഫോണ്‍: 0497 - 2707610, 6282942066
 

കണ്ണൂര്‍ ഗവ. എഞ്ചിനീയറിങ്ങ് കോളേജിലെ ഇന്റസ്ട്രിയല്‍ ട്രെയിനിങ്ങ് കണ്‍സള്‍ട്ടന്‍സി ആന്റ് സ്പോണ്‍സേര്‍ഡ് റിസേര്‍ച്ചില്‍ കരാര്‍ അടിസ്ഥാനത്തില്‍ അക്കൗണ്ട്‌സ് അസിസ്റ്റന്റിനെ നിയമിക്കുന്നു. ടാലി അറിയുന്ന ബി.കോം ബിരുദധാരികള്‍ക്ക് അപേക്ഷിക്കാം. പ്രായപരിധി 35 വയസ്സ്. ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഏപ്രില്‍ 30 ന് രാവിലെ 10.30 ന് കോളേജ് പ്രിന്‍സിപ്പാള്‍ മുമ്പാകെ എത്തണം. വെബ്സൈറ്റ് : www.gcek.ac.in ഫോണ്‍: 04972780226.

ഫാഷന്‍ രംഗത്തെ നൂതനവും യൂത്ത് ട്രെന്‍ഡ് ഉള്‍ക്കൊള്ളുന്നതുമായ ഖാദി വൈബ്‌സ് ആന്‍ഡ് ട്രെന്‍ഡ്‌സ് ന്റെ ഡിജിറ്റല്‍ പബ്ലിസിറ്റിയുടെ ഭാഗമായി മൊബൈല്‍ വഴി സോഷ്യല്‍ കൊമേഴ്‌സ് രീതിയില്‍ പ്രവര്‍ത്തിക്കുന്നതിന് യുവജനങ്ങള്‍ക്ക് അവസരം. സ്വയം തൊഴിലവസരമായാണ് യുവതി യുവാക്കളെ തിരഞ്ഞെടുക്കുന്നത്. ഫീല്‍ഡ് വര്‍ക്ക് ഇല്ല. മൊബൈല്‍ വഴി ഡിജിറ്റല്‍ മാര്‍ക്കറ്റിംഗ് പഠിപ്പിച്ചു തരും. ഡിജിറ്റല്‍ മാനേജ്‌മെന്റ് കണ്‍സള്‍ട്ടെന്റുമാര്‍, ഡിജിറ്റല്‍ മാനേജ്‌മെന്റ് സിലേഴ്‌സ് എന്ന സ്വയംതൊഴില്‍ അവസരമാണ് ഒരുക്കുന്നത്. പഠിക്കുന്നവര്‍ക്കും നിലവില്‍ ജോലിയുള്ളവര്‍ക്കും പാര്‍ട് ടൈമായും അപേക്ഷിക്കാം.

ജില്ലയിലെ മുഴുവന്‍ തദ്ദേശ സ്ഥാപനങ്ങളുടെയും വാര്‍ഷിക പദ്ധതിക്ക് ജില്ലാ ആസൂത്രണ സമിതി അംഗീകാരം നല്‍കി. ചപ്പാരപ്പടവ്, മുഴപ്പിലങ്ങാട്, കതിരൂര്‍ ഗ്രാമപഞ്ചായത്തുകളുടെ വാര്‍ഷിക പദ്ധതിക്ക് കൂടി അംഗീകാരം ലഭിച്ചതോടെ ജില്ലയിലെ മുഴുവന്‍ തദ്ദേശ സ്വയംഭരണ സ്ഥാപനങ്ങളുടെയും വാര്‍ഷിക പദ്ധതികള്‍ക്ക് അംഗീകാരമായെന്ന് ജില്ലാ പ്ലാനിംഗ് ഓഫീസര്‍ നെനോജ് മേപ്പടിയത്ത് അറിയിച്ചു.

വള്ളുവാങ്ങാട് പാലം-തരിപ്പടി-കാളംകാവ് റോഡില്‍  ടാറിങ് പ്രവൃത്തികള്‍ നടക്കുന്നതിനാല്‍  നാളെ മുതല്‍ (ഏപ്രില്‍ 26) മെയ് 10 വരെ വാഹനഗതാഗതം  പൂര്‍ണമായും തടസ്സപ്പെടും. ഗതാഗതത്തിനായി തമ്പാനങ്ങാടി -അമ്പലപ്പടി, തറിപ്പടി -പാണ്ടിക്കാട്, വള്ളിക്കപറമ്പ്-പാണ്ടിക്കാട്് എന്നീ റോഡുകള്‍ ഉപയോഗിക്കണമെന്ന് പി എം ജി എസ് വൈ പ്രോഗ്രാം എക്‌സിക്യൂട്ടീവ് എന്‍ജിനീയര്‍ അറിയിച്ചു.

നിലമ്പൂർ ഐടിഡിപി ഓഫീസിന്റെ പരിധിയിൽ അക്രഡിറ്റഡ് എഞ്ചിനീയർ/ ഓവർസിയർ ഒഴിവിലേക്ക് അർഹരായ പട്ടികവർഗ്ഗ വിഭാഗത്തിൽപ്പെട്ട ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. 21നും 35  ഇടയിൽ പ്രായമുള്ള സിവിൽ എഞ്ചിനീയറിങ്ങിൽ ബിടെക്/ ഡിപ്ലോമ/ ഐടിഐ യോഗ്യതയുള്ളവർക്ക് അപേക്ഷിക്കാം. നിയമന കാലാവധി ഒരു വർഷം. താത്പ ര്യമുള്ളവർ വിദ്യാഭ്യാസയോഗ്യത, ജാതി,വയസ്സ് എന്നിവ തെളിയിക്കുന്ന സർട്ടിഫിക്കറ്റുകൾ സഹിതം ഏപ്രിൽ 29 ഉച്ചയ്ക്ക് 3 ന് നിലമ്പൂർ ഐടിപി ഓഫീസിൽ  നടക്കുന്ന അഭിമുഖത്തിൽ പങ്കെടുക്കണം. ഫോൺ:  04931-220315.

മലപ്പുറം സിവിൽ സ്റ്റേഷനിലെ ആസൂത്രണ സമിതി സെക്രട്ടറിയേറ്റ് കെട്ടിടത്തിൽ പ്രവർത്തിക്കുന്ന ജില്ലാ വികസന കമ്മീഷണറുടെ കാര്യാലയത്തിൽ 2025 മെയ് മാസം മുതൽ ഒരു വർഷത്തേക്ക് 10 ലക്ഷം രൂപയിൽ താഴെ വിലവരുന്ന ഡീസൽ വാഹനം (വെള്ള നിറത്തിലുള്ള ഹോണ്ട സിറ്റി, ടാറ്റ നെക്‌സോൺ, മാരുതി സിയാസ് എന്നീ പ്രീമിയം സെഡാൻ വാഹനങ്ങൾക്ക് മുൻഗണന) പ്രതിമാസ വാടകയ്ക്ക് നൽകാൻ താത്പര്യമുള്ള വാഹന ഉടമകളിൽ നിന്നും ക്വട്ടേഷൻ ക്ഷണിച്ചു. ജില്ലാ വികസന കമ്മീഷണറുടെ കാര്യാലയം, ആസൂത്രണ സമിതി സെക്രട്ടേറിയറ്റ്, സിവിൽ സ്റ്റേഷൻ, മലപ്പുറം - 676505 എന്ന വിലാസത്തിൽ മെയ് ഒമ്പതിന് രാവിലെ 11നുള്ളിൽ ക്വട്ടേഷൻ നൽകണം.

2022 ൽ ഐ.ടി.ഐ അഡ്മിഷൻ നേടിയ രണ്ടുവർഷ കോഴ്‌സിലെ ട്രെയിനികൾക്ക് പ്രൊഫൈൽ സംബന്ധിച്ചുള്ള പരാതികളുണ്ടെങ്കിൽ എസ്.ഐ.ഡി.എച്ച് പോർട്ടൽ വഴി  നൽകാവുന്നതാണെന്ന് അരീക്കോട് ഗവ. ഐ.ടി.ഐ  പ്രിൻസിപ്പൽ അറിയിച്ചു. ഫോൺ : 04832850238.

എം.എസ്.പി ഇംഗ്ലീഷ് മീഡിയം ഹൈസ്‌കൂളിലെ പ്രൈമറി വിഭാഗത്തിൽ കെജി ടീച്ചറുടെ നിലവിലുള്ള ഒഴിവിലേക്ക് ദിവസവേതന അടിസ്ഥാനത്തിൽ താൽക്കാലിക നിയമനത്തിന് അപേക്ഷ ക്ഷണിച്ചു. താല്പര്യമുള്ളവർ യോഗ്യത തെളിയിക്കുന്ന അസൽ രേഖകൾ,  സ്വയം സാക്ഷ്യപ്പെടുത്തിയ പകർപ്പുകൾ എന്നിവ സഹിതം മെയ് മൂന്നിന് രാവിലെ 11ന് എം.എസ്.പി ഇംഗ്ലീഷ് മീഡിയം ഹൈസ്‌കൂളിൽ നടക്കുന്ന കൂടിക്കാഴ്ചയിൽ ഹാജരാകണം. ഫോൺ: 7736855790.