പിലിക്കോട് പ്രാദേശിക കാർഷിക ഗവേഷണ കേന്ദ്രത്തിൽ സങ്കരയിനം തെങ്ങിൻ തൈകൾ എല്ലാ പ്രവൃത്തി ദിവസങ്ങളിലും രാവിലെ 9.30 മുതൽ വൈകുന്നേരം നാല് വരെ വിതരണം ചെയ്യും. ആവശ്യമുള്ളവർ റേഷൻ കാർഡിന്റെ പകർപ്പ് സഹിതം കേന്ദ്രത്തിൽ എത്തണം. ഒരു തെങ്ങിൻ തൈയുടെ വില 325 രൂപ. ഫോൺ: 04672260632, 8547891632.

തൃശൂർ പൂരം എക്സിബിഷനിൽ ഒരുക്കിയ കൃഷി വകുപ്പ് പവലിയന്റെ ഉദ്ഘാടനം ഇന്ന് (26/4) ഉച്ചയ്ക്ക് രണ്ടുമണിക്ക്  റവന്യൂ, ഭവന നിർമ്മാണ വകുപ്പ് മന്ത്രി കെ രാജൻ നിർവഹിക്കും. പി ബാലചന്ദ്രൻ എംഎൽഎ അധ്യക്ഷത വഹിക്കും.

കെൽട്രോൺ നോളെജ് സെൻറിൻ്റെ ആഭിമുഖ്യത്തിൽ  വനിതകൾക്കായി സൗജന്യ ടീച്ചർ ട്രെയിനിംഗ് വർക്ക്‌ഷോപ്പ് സംഘടിപ്പിക്കുന്നു. ഏപ്രിൽ 29, 30 തീയതികളിലായാണ് ഡിപ്ലോമ ഇൻ മോണ്ടിസ്സോറി ടീച്ചർ ട്രെയിനിംഗ് കോഴ്സിൻ്റെ സൗജന്യ വർക്ക്‌ഷോപ്പ് നടക്കുന്നത്. വർക്ക്‌ഷോപ്പിൽ പങ്കെടുക്കാൻ താത്പര്യമുള്ളവർ പേരുകൾ മുൻകൂട്ടി രജിസ്റ്റർ ചെയ്യുക.
കൂടുതൽ വിവരങ്ങൾക്ക്: ഫോൺ: 9072592416, 9072592412.

പാറളം ഗ്രാമപഞ്ചായത്തിലെ ചേനം ക്ഷീര വ്യവസായ സഹകരണ സംഘത്തിൻ്റെ പുതിയ കെട്ടിടം നിർമ്മാണത്തിൻ്റെ ശിലാസ്ഥാപനം
ബ്ലോക്ക് പഞ്ചായത്ത് സി സി മുകുന്ദൻ എം എൽ എ നിർവഹിച്ചു. 2023 - 24 വർഷത്തെ എം.എൽ.എ യുടെ ആസ്തി വികസന പദ്ധതിയിൽ നിന്ന് 10 ലക്ഷം രൂപ വിനിയോഗിച്ചാണ് പുതിയ കെട്ടിടം നിർമ്മിക്കുന്നത്.

ബ്ലോക്ക് പഞ്ചായത്ത് പ്രസിഡൻ്റ് എ.കെ രാധാകൃഷ്ണൻ, ജില്ലാ പഞ്ചായത്ത് അംഗം ഷീന പറയങ്ങാട്ടിൽ , ഗ്രാമപഞ്ചായത്ത് പ്രസിഡന്റ് മിനി വിനയൻ, ഗ്രാമപഞ്ചായത്ത് അംഗം സുബിത സുഭാഷ്, പി ബി ഷാജൻ തുടങ്ങിയവർ സംസാരിച്ചു.

കണ്ണൂർ ഗവ. ആയുർവേദ കോളേജ് ആശുപത്രിയിലെ ശാലാക്യതന്ത്ര വിഭാഗത്തിന് കീഴിൽ അലർജി മൂലം കണ്ണിനുണ്ടാകുന്ന ചൊറിച്ചിൽ, ചുവപ്പ്, ഇടയ്ക്കിടയ്ക്ക് വെള്ളം വരിക, കൺപോളകൾക്കുണ്ടാകുന്ന വീക്കം എന്നീ ലക്ഷണങ്ങൾക്ക് ഗവേഷണാടിസ്ഥാനത്തിൽ സൗജന്യ ചികിത്സ നൽകും. ഞായറാഴ്ച ഒഴികെ എല്ലാ ദിവസങ്ങളിലും രാവിലെ എട്ട് മുതൽ ഉച്ചയ്ക്ക് ഒന്ന വരെ ഒപി പരിശോധന ഉണ്ടാകും. പത്തിനും 35 നും ഇടയിൽ പ്രായമുള്ളവർക്കാണ് ചികിത്സ.

ചെറുതുരുത്തി - കിള്ളിമംഗലം റോഡിൽ ചെറുതുരുത്തി സെൻ്റർ മുതൽ പൈങ്കളം സ്കൂൾ വരെ ഏപ്രിൽ 29 ചൊവ്വാഴ്ച്ച  മുതൽ ടാറിങ് ആരംഭിക്കുന്നതിനാൽ ഗതാഗതം പൂർണ്ണമായി തടസ്സപ്പെടും. വാഹനങ്ങൾ മണലാടി - പാഞ്ഞാൾ- വെട്ടിക്കാട്ടിരി വഴി പോകേണ്ടതാണ് എന്ന് പൊതുമരാമത്ത് വകുപ്പ് അസിസ്റ്റന്റ് എഞ്ചിനീയർ അറിയിച്ചു.

പഴമ്പാലക്കോട് റോഡിൽ കൂട്ടുപാത മുതൽ പഴമ്പാലക്കോട് വരെ ഇന്ന് (26-04-2025) മുതൽ ടാറിങ്ങ് ആരംഭിക്കുന്നതിനാൽ റോഡിലെ ഗതാഗതം പൂർണ്ണമായും തടസ്സപ്പെടും. വാഹനങ്ങൾ തരൂർ പള്ളി - നടുവത്തുപാറ വഴി തിരുവില്വാമലയ്ക്കും തിരിച്ചും പോകേണ്ടതാണെന്നും പൊതുമരാമത്ത് വകുപ്പ് അസിസ്റ്റന്റ് എഞ്ചിനീയർ അറിയിച്ചു.

തൃശൂർ പൂരം നടക്കുന്ന ദിവസങ്ങളിൽ തേക്കിൻകാട് മൈതാനത്തും സ്വരാജ് റൗണ്ടിലും റൗണ്ടിലേക്കുള്ള പ്രവേശന വഴികളിലും സർക്കാർ വാഹനങ്ങൾ പാർക്ക് ചെയ്യുന്നത് നിരോധിച്ച് ഉത്തരവായി.
പകരം കുറുപ്പംറോഡിലെ പേ ആൻഡ് പാർക്ക്, ടൗൺ ഹാൾ കോമ്പൗണ്ട്, സ്വരാജ് റൗണ്ടിലെ ജോയ് ആലുക്കാസ് കോമ്പൗണ്ട് എന്നിവിടങ്ങളിൽ സർക്കാർ വാഹനങ്ങൾ പാർക്ക് ചെയ്യുന്നതിന് സൗകര്യമൊരുക്കുമെന്ന് ജില്ലാ പോലീസ് മേധാവി അറിയിച്ചു.

കേരള സ്റ്റേറ്റ് റൂട്രോണിക്‌സ് സർട്ടിഫിക്കറ്റോട് കൂടി തിരുവനന്തപുരം ആറ്റിങ്ങൽ അംഗീകൃത പഠനകേന്ദ്രങ്ങളിലേക്ക് ഒരുവർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ കോഴ്സിലേക്ക് (ഇന്റേൺഷിപ്പോടുകൂടി) റഗുലർ, പാർട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവരിൽ നിന്നും അപേക്ഷ ക്ഷണിച്ചു. ഫോൺ: 7994926081

തൃശൂര്‍ പൂരത്തോടനുബന്ധിച്ച് 2025 മെയ് ആറിന് തൃശൂര്‍ താലൂക്ക് പരിധിയില്‍ ഉള്‍പ്പെടുന്ന സര്‍ക്കാര്‍ ഓഫീസുകള്‍ക്കും, വിദ്യാഭ്യാസ സ്ഥാപനങ്ങള്‍ക്കും, അങ്കണവാടികള്‍ക്കും (ജീവനക്കാര്‍ ഉള്‍പ്പെടെ) ജില്ലാ കളക്ടര്‍ അര്‍ജുന്‍ പാണ്ഡ്യന്‍ അവധി പ്രഖ്യാപിച്ചു. മുന്‍ നിശ്ചയിച്ച പൊതുപരീക്ഷകള്‍ക്കും കേന്ദ്ര-സംസ്ഥാന, അര്‍ദ്ധ സര്‍ക്കാര്‍ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്‍ക്കും അവധി ബാധകമല്ല.