ഹരിതകേരളം മിഷന്റെയും വേള്‍ഡ് വൈഡ് ഫണ്ടിന്റെയും സംയുക്ത ആഭിമുഖ്യത്തില്‍ നീലക്കുറിഞ്ഞി ജൈവ വൈവിധ്യ പഠനോത്സവത്തിന്റെ ഭാഗമായി ഒറ്റപ്പാലം ബ്ലോക്ക് തല ക്വിസ് മത്സരം നടന്നു. ഒറ്റപ്പാലം ബ്ലോക്ക് പഞ്ചായത്ത് ഹാളില്‍ നടന്ന മത്സരത്തില്‍ 32 കുട്ടികള്‍ പങ്കെടുത്തു.  മുന്നോര്‍ക്കോട് വിഎച്ച് എസ് എസ് റിട്ടയേര്‍ഡ് അധ്യാപകന്‍ കെ.ശ്രീനിവാസന്‍ മത്സരത്തിന് നേതൃത്വം നല്‍കി. നവകേരളം സംസ്ഥാന മിഷന്‍ കോര്‍ഡിനേറ്റര്‍ ഡോ ടി എന്‍ സീമടീച്ചറുടെ വീഡിയോ പ്രദര്‍ശനം നടന്നു.

കുഴല്‍മന്ദം ബ്ലോക്ക് പഞ്ചായത്ത് വജ്രജൂബിലി ഫെല്ലോഷിപ്പ് പദ്ധതിപ്രകാരം സൗജന്യ കലാ പരിശീലനത്തിന് പ്രായഭേദമന്യേ അപേക്ഷ ക്ഷണിച്ചു. ശില്പകല, കൂടിയാട്ടെ, സംഗീതം എന്നീ വിഷയങ്ങളിലാണ് പരിശീലനം നല്‍കുന്നതെന്ന് ബ്ലോക്ക് പഞ്ചായത്ത് സെക്രട്ടറി അറിയിച്ചു. ഫോണ്‍: 04922 273248

കേന്ദ്ര യുവജന കാര്യാ മന്ത്രലയം മേരാ യുവ ഭാരത് വഴി രാജ്യത്തിന്റെ അതിര്‍ത്തി ഗ്രാമങ്ങള്‍ അടുത്തറിയാന്‍ യുവാക്കള്‍ക്ക് അവസരം നല്‍കുന്നു. രാജ്യത്തിന്റെ വിവിധ ഭാഗങ്ങളിലുള്ള യുവതി യുവാക്കള്‍ക്കാണ് അവസരം. വികസിത് വൈബ്രന്റ് വില്ലേജ് പ്രോഗ്രാമിന്റെ ഭാഗമായാണ് പരിപാടി. ലേഹ് ലഡാക്, ഹിമാചല്‍ പ്രദേശ്, ഉത്തരാഖണ്ഡ് എന്നീ സംസ്ഥാനങ്ങളിലെ ഗ്രാമങ്ങളില്‍ 10 ദിവസം താമസിച്ച് പഠിക്കാനും സേവന പ്രവര്‍ത്തനങ്ങള്‍ നടത്താനുമാണ് പദ്ധതി അവസരം ഒരുക്കുന്നത്.

കേരള കാര്‍ഷിക സര്‍വകലാശാല പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തില്‍ സങ്കരയിനം തെങ്ങിന്‍ തൈകള്‍ വിതരണം ചെയ്യും. എല്ലാ പ്രവര്‍ത്തി ദിവസങ്ങളിലും രാവിലെ 9.30 മുതല്‍ നാല് മണിവരെയാണ് വിതരണം. തെങ്ങിന്‍ തൈ ഒന്നിന് 325 രൂപയാണ് വില. താല്‍പര്യമുള്ളവര്‍ റേഷന്‍ കാര്‍ഡിന്റെ പകര്‍പ്പ് സഹിതം കേന്ദ്രത്തില്‍ എത്തണമെന്ന് അഡ്മിനിസ്ട്രേറ്റീവ് ഓഫീസര്‍ അറിയിച്ചു. ഫോണ്‍: 04672260632, 8547891632

മലമ്പുഴ ഗവണ്‍മെന്റ് ഐടി ഐ യില്‍ ഇലക്ട്രോണിക്‌സ്,  ടര്‍ണര്‍ എന്നീ ട്രേഡുകളില്‍ ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നതിന് ഏപ്രില്‍ 28 ന് രാവിലെ 11 മണിക്ക് കൂടിക്കാഴ്ച നടക്കും.  ഇലക്ട്രോണിക്‌സ് മെക്കാനിക് ട്രേഡില്‍ എന്‍.ടി.സി യും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സി യും ഒരു വര്‍ഷത്തെ പ്രവര്‍ത്തി പരിചയവും അല്ലെങ്കില്‍ ബന്ധപ്പെട്ട എഞ്ചിനീയറിങ് ബ്രാഞ്ചില്‍ 3 വര്‍ഷ ഡിപ്ലോമയോ ഡിഗ്രിയോ ഉള്ള ഓപ്പണ്‍ വിഭാഗത്തില്‍പ്പെട്ടവര്‍ക്ക് കൂടിക്കാഴ് ചയില്‍ പങ്കെടുക്കാം.

മെയ് 18 ന് മലമ്പുഴ ട്രൈപെന്റയില്‍ നടക്കുന്ന സംസ്ഥാനതല പട്ടികജാതി പട്ടികവര്‍ഗ്ഗ മേഖലാസംഗമത്തില്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നുളള പട്ടികജാതി പട്ടികവര്‍ഗ വിഭാഗക്കാരായ 1200 പേര്‍ പങ്കെടുക്കും.

തിരു-കൊച്ചി മുഖ്യമന്ത്രിയായിരുന്ന സി.കേശവന്റെ കോഴഞ്ചേരി പ്രസംഗത്തിന്റെ 90-ആം വാർഷികത്തോടനുബന്ധിച്ച് ഒരു വർഷം നീണ്ടു നിൽക്കുന്ന സാംസ്കാരിക പരിപാടി ജില്ലയിൽ സംഘടിപ്പിക്കുമെന്ന് ആരോഗ്യ വനിതാ-ശിശു വികസന വകുപ്പ് മന്ത്രി വീണാ ജോർജ്. കോഴഞ്ചേരിയിൽ നവീകരിച്ച സി. കേശവൻ സ്ക്വയറിന്റെ ഉദ്ഘാടനം നിർവഹിക്കുകയായിരുന്നു മന്ത്രി. കേരളത്തെ ഇന്നത്തെ നിലയിലെത്തിക്കുവാനും ജനതയെ അവകാശങ്ങൾക്ക് വേണ്ടി സംസാരിക്കുവാനും പഠിപ്പിച്ച വ്യക്തിത്വമാണ് സി കേശവൻ. പിന്നോക്ക വിഭാഗങ്ങൾക്ക് തൊഴിൽ ഇടങ്ങളിൽ ഉൾപ്പടെ നിലനിന്ന അസമത്വങ്ങളും അനീതിയും അധികാര വർഗത്തിന്റെ തെറ്റുകളും അദ്ദേഹം തന്റെ പ്രസംഗത്തിലൂടെ തുറന്നടിച്ചു.