നിയമസഭാ ദിനാഘോഷത്തിന്റെ ഭാഗമായി ഏപ്രിൽ 27, രാവിലെ 9.30 ന് നിയമസഭാ സമുച്ചയത്തിൽ സ്ഥാപിച്ചിട്ടുള്ള ദേശീയ നേതാക്കളുടെ പ്രതിമകളിൽ നിയമസഭാ സ്പീക്കർ എ.എൻ ഷംസീർ പുഷ്പാർച്ചന നടത്തും. ദിനാഘോഷത്തോടനുബന്ധിച്ച് ഏപ്രിൽ 25 മുതൽ മേയ് 1 വരെയുള്ള ദിവസങ്ങളിൽ നിയമസഭാമന്ദിരവും പരിസരവും വൈകുന്നേരം 6 മുതൽ രാത്രി 8 വരെ ദീപാലംകൃതമായിരിക്കും. അന്നേ ദിവസങ്ങളിൽ രാവിലെ 10.30 മുതൽ രാത്രി 8 മണി വരെയും പൊതു അവധി ദിവസങ്ങളിൽ ഉച്ചയ്ക്ക് 2 മണി മുതലും നിയമസഭ മന്ദിരവും നിയമസഭ മ്യൂസിയവും പൊതുജനങ്ങൾക്ക് സന്ദർശിക്കാം.

പി.എൻ.എക്സ് 1740/2025

       എറണാകുളം ജനറൽ ആശുപത്രിയിലെ ഊട്ടുപുര കിച്ചണിലേക്ക് അസിസ്റ്റന്റ് കുക്ക് (വനിത) തസ്തികയിലേക്ക് താൽക്കാലിക നിയമനത്തിന് ഏപ്രിൽ 30, രാവിലെ 10.30 ന് വാക്ക്-ഇൻ ഇന്റർവ്യൂ നടത്തും. സമാനമേഖലയിൽ പ്രവൃത്തി പരിചയമുള്ളവർക്ക് മുൻഗണന ഉണ്ടായിരിക്കും. താൽപര്യമുള്ള ഉദ്യോഗാർഥികൾ യോഗ്യത തെളിയിക്കുന്ന രേഖകളുടെ അസൽ, പകർപ്പ്, ബയോഡാറ്റ സഹിതം സൂപ്രണ്ടിന്റെ ഓഫീസിൽ ഹാജരാകണം.

* ലോക മലമ്പനി ദിനാചരണം

ജില്ലാ പഞ്ചായത്തിന്റെ ആഭിമുഖ്യത്തിൽ വേലിയേറ്റ വെള്ളപ്പൊക്കം കാരണങ്ങളും പ്രശ്ന പരിഹാരമാർഗങ്ങളും എന്ന വിഷയത്തിൽ ഏകദിന ശില്പശാല സംഘടിപ്പിച്ചു. ജില്ലാ പഞ്ചായത്ത് പ്രിയദർശിനി ഹാളിൽ നടന്ന ചടങ്ങ് പ്രതിപക്ഷ നേതാവ് വി ഡി സതീശൻ ഉദ്ഘാടനം ചെയ്തു.

കെഎസ്ആർടിസി ഡ്രൈവർമാർക്കും കണ്ടക്‌ടർമാർക്കും ഇതര ജീവനക്കാർക്കുമായി സൗജന്യ നേത്ര പരിശോധന നടന്നു. 

മൂവാറ്റുപുഴ കെഎസ്ആർടിസി സ്റ്റാൻഡിൽ നടന്ന നേത്ര പരിശോധന മാത്യു കുഴൽനാടൻ എംഎൽഎ ഉദ്ഘാടനം ചെയ്തു. 

ശ്രീ ശങ്കരാചാര്യ സംസ്കൃത സർവകലാശാലയിലെ കായിക പഠന വകുപ്പിൻ്റെ ആഭിമുഖ്യത്തിൽ നാല് മുതൽ 12 വയസ് വരെയുള്ള വിദ്യാർത്ഥികൾക്കായി സംഘടിപ്പിക്കുന്ന ഫിസിക്കൽ ലിറ്ററസി സമ്മർ കോച്ചിംഗ് ക്യാമ്പിൻ്റെ രജിസ്ട്രേഷൻ ആരംഭിച്ചു. മെയ് 1 മുതൽ 30 വരെയുള്ള തിയതികളിൽ സർവ്വകലാശാലയുടെ കാലടി മുഖ്യകേന്ദ്രത്തിൽ ക്യാമ്പ് നടക്കും. 

ഫോൺ: 9995203459, 9605113374

ഇ - ഗ്രാന്‍സ് വിദ്യാഭ്യാസാനുകൂല്യത്തിന് അര്‍ഹതയുള്ളവരും ജില്ലയില്‍ വിവിധ പ്രൊഫഷണല്‍  കോഴ്സുകള്‍ക്ക്   ഒന്നാം വര്‍ഷക്കാരായി പഠിക്കുന്ന പട്ടികജാതി വിഭാഗം വിദ്യാര്‍ത്ഥികള്‍ക്ക് ലാപ്‌ടോപ്പ് ധനസഹായ പദ്ധതിയിലേക്ക്   ഇ ഗ്രാന്‍സ് വെബ്‌സൈറ്റ് മുഖേന അപേക്ഷിക്കാം. അവസാന തീയതി  മെയ് 31. ഫോണ്‍: 0474 - 2794996
 

2024-25 അധ്യയന വര്‍ഷം പോസ്റ്റ് മെട്രിക് തലത്തില്‍ പഠനം നടത്തുന്ന  ഒ.ഇ.സി/ഒ.ബി.സി/ഒ.ബി.സി(എച്ച്)/എസ്.ഇ.ബി.സി വിഭാഗ വിദ്യാര്‍ത്ഥികള്‍ക്ക് ഇ-ഗ്രാന്‍സ് സ്‌കോളര്‍ഷിപ്പിന്   അപേക്ഷിക്കാനുള്ള സമയപരിധി   മെയ് 31 വരെ നീട്ടി. ഫോണ്‍. 0474 - 2794996.
 

  2024-25 അധ്യയന വര്‍ഷം ഒമ്പത്, 10 ക്ലാസുകളില്‍  പഠനം നടത്തുന്ന പട്ടികജാതി വിഭാഗ വിദ്യാര്‍ത്ഥികള്‍ക്ക്  ഇ- ഗ്രാന്‍സ് സെന്‍ട്രല്‍ പ്രീമെട്രിക് സ്‌കോളര്‍ഷിപ്പിന് മെയ് 31 വരെ അപേക്ഷിക്കാം.   വരുമാന പരിധി രണ്ടര ലക്ഷം രൂപ. ഫോണ്‍ . 0474 2794996.
 

എന്‍.എച്ച് റോഡ് നിര്‍മ്മാണവുമായി ബന്ധപ്പെട്ട് അറ്റകുറ്റപണികള്‍ നടക്കുന്നതിനാല്‍ ചാത്തന്നൂര്‍, മീനാട്, ചിറക്കര, കൊട്ടിയം, പൂതക്കുളം, മയ്യനാട്, പറവൂര്‍, ഇരവിപുരം, വടക്കേവിള   ഭാഗങ്ങളില്‍  ഏപ്രില്‍ 28 മുതല്‍ മെയ് ഒന്നുവരെ   ജിക്ക മീനാട് കുടിവെള്ള പദ്ധതിയില്‍ നിന്നുള്ള ജല വിതരണം തടസപ്പെടുമെന്ന്  വാട്ടര്‍ അതോറിറ്റി  വാളകം സബ് ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ അറിയിച്ചു.