കണ്ണമ്പ്ര ഗ്രാമപഞ്ചായത്തില്‍ സമ്പൂര്‍ണ്ണമാലിന്യമുക്ത പ്രഖ്യാപനത്തിന്റെ ഭാഗമായി പൊതുസ്ഥലങ്ങളില്‍ മാലിന്യം അലക്ഷ്യമായി തള്ളുന്നവരെ കണ്ടെത്തുന്നതിനായി പഞ്ചായത്തിന്റെ വിവിധ ഭാഗങ്ങളില്‍ നിരീക്ഷണ ക്യാമറകള്‍ സ്ഥാപിച്ചിട്ടുണ്ട്. നിയമലംഘനങ്ങള്‍ കാണുന്ന പക്ഷം പിഴ പ്രോസിക്യൂഷന്‍/ആര്‍.ആര്‍ തുടങ്ങിയ നിയമനടപടികള്‍ നേരിടേണ്ടി വരുമെന്നും പഞ്ചായത്ത് സെക്രട്ടറി അറിയിച്ചു.

സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച്  മെയ് 18 ന് മുഖ്യമന്ത്രി പിണറായി വിജയന്റെ നേതൃത്വത്തില്‍ മലമ്പുഴ ട്രീപെന്റെയില്‍ നടക്കുന്ന സംസ്ഥാനത്തെ പട്ടികജാതി പട്ടികവര്‍ഗ്ഗ മേഖലയിലെ തെരഞ്ഞെടുക്കപ്പെട്ട വ്യക്തികളുടെ സംഗമവുമായി ബന്ധപ്പെട്ട് പട്ടികജാതി പട്ടികവര്‍ഗ്ഗ പിന്നാക്ക വിഭാഗ ക്ഷേമ മന്ത്രി ഒ.ആര്‍ കേളുവിന്റെ നേതൃത്വത്തില്‍ ഏപ്രില്‍ 25ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ വെച്ച് സംഘാടകസമിതി ചേരുമെന്ന് ജില്ലാ കളക്ടര്‍ അറിയിച്ചു.

ആയുർവേദത്തിന്റെ അനന്ത സാധ്യതകൾ തുറക്കുന്ന രാജ്യത്തെ ആദ്യ അന്താരാഷ്ട്ര ആയുർവേദ ഗവേഷണ കേന്ദ്രം കണ്ണൂർ ജില്ലയിലെ പടിയൂർ-കല്ല്യാട് ഗ്രാമപഞ്ചായത്തിൽ ഒരുങ്ങുകയാണ്. നാടിന്റെ മുന്നേറ്റത്തിന് ആയുർവേദത്തിന്റെ സാധ്യതകളെ ഉപയോഗപ്പെടുത്തുക എന്ന ലക്ഷ്യത്തിന്റെ ഭാഗമായാണ് സംസ്ഥാന സർക്കാറിന്റെ സുപ്രധാന പദ്ധതികളിൽ ഒന്നായി അന്താരാഷ്ട്ര ആയുർവേദ റിസർച്ച് ഇൻസ്റ്റിറ്റ്യൂട്ട് സജ്ജമാകുന്നത്. 311 ഏക്കറിൽ സ്ഥാപിക്കുന്ന ഗവേഷണ കേന്ദ്രത്തിന്റെ ആദ്യഘട്ടം നടപ്പിലാക്കുന്നത് 300 കോടി ചെലവിലാണ്. ആയുർവേദത്തിന്റെ സമഗ്ര വികസനത്തിനും അമൂല്യമായ ഔഷധ സസ്യങ്ങളെ സംരക്ഷിക്കുന്നതിനും ഇതിലൂടെ സാധിക്കും.

ജില്ലാ സ്‌പോര്‍ട്‌സ് കൗണ്‍സിലിന്റെ നേതൃത്വത്തില്‍ പറളി ഹയര്‍ സെക്കന്‍ഡറി സ്‌കൂളില്‍ ഏപ്രില്‍ 25 മുതല്‍ മെയ് 25 വരെ രാവിലെ 9 30 മുതല്‍ 10.30 വരെ നീന്തൽ പരിശീലനവും ഭാരതമാത ഹയര്‍സെക്കന്‍ഡറി സ്‌കൂളില്‍  വൈകിട്ട് മൂന്നു മുതല്‍ 4.30 വരെയും കുറഞ്ഞ നിരക്കില്‍ റോളർ സ്കേറ്റിങ് പരിശീലനവും നടത്തുന്നു. പരിശീലനം പൂര്‍ത്തിയാക്കുന്നവര്‍ക്ക് ജില്ലാ സ്‌പോര്‍ട്‌സ് കൗണ്‍സിലിന്റെ സര്‍ട്ടിഫിക്കറ്റ് നല്‍കും. ബി.പി.എല്‍ കാര്‍ഡ് കുട്ടികള്‍ക്ക് 50 ശതമാനം ഫീസിളവ് ഉണ്ടാകും. ഫോണ്‍:  0491 2505100, 9048828887

ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതല്‍ 10 വരെ സ്റ്റേഡിയം ബസ് സ്റ്റാന്‍ഡിന് സമീപത്തെ മൈതാനത്ത് നടത്തുന്ന എന്റെ കേരളം പ്രദര്‍ശന വിപണന മേളയില്‍ എംപ്ലോയ്മെന്റ് എക്സ്ചേഞ്ച് എംപ്ലോയബിലിറ്റി സെന്റര്‍  ജോബ് ഡ്രൈവ് നടത്തും. വകുപ്പിന്റെ വിവിധ സേവനങ്ങള്‍ ഉദ്യോഗാര്‍ഥികള്‍ക്ക് ലഭ്യമാക്കുന്ന സ്റ്റാളും മേളയിലുണ്ടാകും.

ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതല്‍ 10 വരെ സ്റ്റേഡിയം ബസ് സ്റ്റാന്‍ഡിന് സമീപത്തെ മൈതാനത്ത് നടക്കുന്ന എന്റെ കേരളം പ്രദര്‍ശന വിപണന മേളയില്‍ സംരംഭകര്‍ക്ക് സഹായവുമായി വ്യവസായ വാണിജ്യ വകുപ്പിന്റെ സ്റ്റാള്‍. സംരംഭകര്‍ക്കും സംരംഭകരാകാന്‍ ആഗ്രഹിക്കുന്നവരുടേയും സംശയങ്ങളും പരാതികള്‍ക്കും ഈ സ്റ്റാള്‍ ഗുണകരമാകും.

ഏകജാലക സംവിധാനത്തിലൂടെ ലൈസന്‍സിനുള്ള അപേക്ഷകള്‍, വ്യവസായ ഭൂമി ലഭ്യത അറിയാനും  അപേക്ഷിക്കാനുമുള്ള അവസരം, സബ്സിഡികള്‍ക്കായി നേരിട്ട് അപേക്ഷിക്കാനുള്ള സൗകര്യവും എന്നിവ സ്റ്റാളില്‍ ലഭ്യമാക്കും.

ജിസിഡിഎയുടെ ഉടമസ്ഥതയിൽ കാക്കനാട് ഹൃദയഭാഗത്ത്‌ സ്ഥിതി ചെയ്യുന്ന ഭൂമിയിൽ നിർമാണം ആരംഭിക്കുന്ന ഷോപ്പിംഗ് കോംപ്ലക്സ് പദ്ധതി സംബന്ധിച്ച അവലോകനയോഗം ജില്ലാ പഞ്ചായത്ത്‌ ഹാളിൽ ചേർന്നു. 50 ലേറെ വർഷം പഴക്കമുള്ള കടമുറി കെട്ടിടം പൊളിച്ചു മാറ്റിയാണ് കാക്കനാട് കൊമേഴ്ഷ്യൽ ഹബ്ബ്‌ 2.O എന്ന പേരിൽ പുതിയ കെട്ടിടം നിർമാണം ആരംഭിക്കാൻ ഒരുങ്ങുന്നത്. പുതിയ കെട്ടിട പദ്ധതിയുടെ രൂപരേഖ, പാർക്കിംഗ് ഉൾപ്പെടെയുള്ള സൗകര്യങ്ങൾ സംബന്ധിച്ച വിശദാംശങ്ങൾ ജിസിഡിഎ യോഗത്തിൽ അവതരിപ്പിച്ചു.

കശ്മീരിലെ പഹൽഗാമിൽ വിനോദസഞ്ചാരികൾക്ക് നേരെയുണ്ടായ തീവ്രവാദി ആക്രമണത്തിൽ മരിച്ച എറണാകുളം ഇടപ്പള്ളി മങ്ങാട് നിരാഞ്ജനത്തിൽ എൻ രാമചന്ദ്രന്റെ മൃതദേഹം നെടുമ്പാശ്ശേരി രാജ്യാന്തര വിമാനത്താവളത്തിൽ കൃഷി വകുപ്പ് മന്ത്രി പി പ്രസാദും ജില്ലാ കളക്ടർ എൻ എസ് കെ ഉമേഷും ചേർന്ന് ഏറ്റുവാങ്ങി. രാത്രി എട്ടുമണിയോടെയാണ് 

മൃതദേഹം കൊച്ചി വിമാനത്താവളത്തിൽ കൊണ്ടുവന്നത്. 

സംസ്ഥാന സർക്കാരിനും മുഖ്യമന്ത്രിക്കും വേണ്ടി കൃഷി വകുപ്പ് മന്ത്രി പി പ്രസാദ് പുഷ്പ ചക്രം അർപ്പിച്ചു.

* സഹകരണ എക്‌സ്‌പോ 2025 മുഖ്യമന്ത്രി ഉദ്ഘാടനം ചെയ്തു

കഴിഞ്ഞ നാലുവർഷം കൊണ്ട് അഞ്ചുലക്ഷത്തോളം തൊഴിലവസരങ്ങൾ സഹകരണമേഖലയിൽ സൃഷ്ടിക്കാൻ സംസ്ഥാന സർക്കാരിന് കഴിഞ്ഞതായി മുഖ്യമന്ത്രി പിണറായി വിജയൻ പറഞ്ഞു. സഹകരണ എക്‌സ്‌പോ 2025 ന്റെ ഉദ്ഘാടനം നിശാഗന്ധി ഓഡിറ്റോറിയത്തിൽ നിർവഹിക്കുകയായിരുന്നു മുഖ്യമന്ത്രി.