മൂവാറ്റുപുഴ നഗരസഭയില്‍ അഞ്ചാം വാര്‍ഡില്‍ നിര്‍മ്മിക്കുന്ന അങ്കണവാടിയുടെ തറക്കല്ലിടല്‍ കര്‍മ്മം നടത്തി. നഗരസഭ ചെയര്‍മാന്‍ പി പി എല്‍ദോസ് തറക്കല്ലിടല്‍ കര്‍മ്മം നിര്‍വഹിച്ചു. 

പ്രദേശവാസിയായ സ്വകാര്യ വ്യക്തി നല്‍കിയ മൂന്നു സെന്റ് സ്ഥലത്താണ് അംഗന്‍വാടി നിര്‍മ്മിക്കുന്നത്. 650 ചതുരശ്രയടി വിസ്തീര്‍ണ്ണമുള്ള കെട്ടിടമാണ് നിര്‍മ്മിക്കുന്നത്. കെട്ടിടത്തിന്റെ നിര്‍മ്മാണത്തിനായി 20 ലക്ഷം രൂപ മൂവാറ്റുപുഴ നഗരസഭ അനുവദിച്ചിട്ടുണ്ട്. 

വെള്ളപ്പൊക്കമുണ്ടായാൽ സ്വീകരിക്കേണ്ട നടപടികൾ, രക്ഷാപ്രവർത്തനം എന്നിവയെക്കുറിച്ച് അവബോധം നൽകാനും നിലവിലെ രക്ഷാദൗത്യ സംവിധാനങ്ങൾ കാര്യക്ഷമമാണോ എന്ന് പരിശോധിക്കുന്നതിനും തണ്ണീർമുക്കം പഞ്ചായത്തിൽ ഏപ്രിൽ 24ന് നടക്കുന്ന മോക് ഡ്രില്ലിന് മുന്നോടിയായി ടേബിൾ ടോപ് എക്‌സർസൈസ് സംഘടിപ്പിച്ചു. തണ്ണീർമുക്കം പഞ്ചായത്ത് ഹാളിൽ  ചേർന്ന യോഗത്തിൽ ഗ്രാമപഞ്ചായത്ത് പ്രസിഡന്റ്‌ ജി ശശികല അധ്യക്ഷയായി.

മാവേലിക്കര ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന മോഡല്‍ കരിയര്‍ സെന്ററിന്റെ ആഭിമുഖ്യത്തില്‍ നടക്കുന്ന ഓണ്‍ലൈന്‍ തൊഴില്‍മേള ഏപ്രില്‍ 24 മുതല്‍ 29 നടക്കും.  സ്വകാര്യ സ്ഥാപനങ്ങളിലെ 150 ഓളം ഒഴിവുകളിലേക്കാണ് അവസരം.  എസ്എസ്എല്‍സി, പ്ലസ്ടു, ഐടിഐ, ഡിഗ്രി, ഡിപ്ലോമ എന്നീ യോഗ്യതയുള്ള 18 നും 40 നും ഇടയില്‍ പ്രായമുള്ളവര്‍ക്ക് പങ്കെടുക്കാം. സൗജന്യ രജിസ്‌ട്രേഷനും ഉദ്യോഗദായകരുടെ വിവരങ്ങള്‍ക്കും https://forms.gle/zRGGim6XTHifJWan7 എന്ന വെബ്‌സൈറ്റ് സന്ദര്‍ശിക്കുക.  ഫോണ്‍: 0479-2344301, 9446765246(വാട്ട്സാപ്പ്) .
 
(പിആര്‍/എഎല്‍പി/1133)

പഹൽഗാം ഭീകരാക്രമണത്തിൻ്റെ പശ്ചാത്തലത്തിൽ കേരളീയർക്ക് സഹായവും സേവനങ്ങളും വിവരങ്ങളും ലഭ്യമാക്കുന്നതിന് സജ്ജീകരണം ഏർപ്പെടുത്താൻ മുഖ്യമന്ത്രി പിണറായി വിജയൻ നോർക്ക റൂട്സിന് നിർദേശം നൽകി. 

എറണാകുളം സ്വദേശി കൊല്ലപ്പെട്ടു എന്ന വാർത്ത അത്യന്തം വേദനാജനകമാണെന്ന് മുഖ്യമന്ത്രി പറഞ്ഞു. അദ്ദേഹത്തിൻ്റെ കുടുംബാംഗങ്ങളെ സുരക്ഷിതമായി നാട്ടിലെത്തിക്കും. ആവശ്യമായ എല്ലാ കാര്യങ്ങളും സർക്കാർ നേതൃത്വത്തിൽ നിർവഹിക്കും.

പട്ടികജാതി വികസന വകുപ്പിന്റെ കീഴില്‍ ആലുവ സബ് ജയില്‍ റോഡില്‍ പ്രവര്‍ത്തിക്കുന്ന ഗവണ്മെന്റ് പ്രീ എക്സാമിനേഷന്‍ ട്രെയിനിങ് സെന്ററില്‍ ആറു മാസം ദൈര്‍ഘ്യമുള്ള ഡിഗ്രി തല പി എസ് സി പരീക്ഷയ്ക്ക് സൗജന്യ പരിശീലനം മെയ് 22 ന് ആരംഭിക്കും. എറണാകുളം, കോട്ടയം, ഇടുക്കി, ആലപ്പുഴ എന്നീ ജില്ലകളിലുള്ള പട്ടികജാതി, പട്ടികവര്‍ഗ്ഗ, പിന്നാക്ക വിഭാഗത്തിലെ  ഏതെങ്കിലും വിഷയത്തില്‍ ബിരുദ യോഗ്യതയുള്ള വിദ്യാര്‍ഥികള്‍ക്ക് അപേക്ഷിക്കാം.

പട്ടികജാതി വികസന വകുപ്പിന്റെ കീഴില്‍ എറണാകുളം ആലുവ സബ് ജയില്‍ റോഡില്‍ പ്രവര്‍ത്തിക്കുന്ന ഗവണ്‍മെന്റ് പ്രീ എക്സാമിനേഷന്‍ ട്രെയിനിങ് സെന്ററില്‍ മൂന്നു മാസം ദൈര്‍ഘ്യമുള്ള ഡാറ്റ എന്‍ട്രി, ഡി.ടി.പി എന്നീ കമ്പ്യൂട്ടര്‍ കോഴ്‌സുകളുടെ സൗജന്യ പരിശീലനം മെയ് 17 ന് രാവിലെ 10 മണിക്ക് ആരംഭിക്കുന്നു. എറണാകുളം, കോട്ടയം, ഇടുക്കി, ആലപ്പുഴ എന്നീ ജില്ലകളിലുള്ള പട്ടികജാതി പട്ടികവര്‍ഗ്ഗ വിഭാഗത്തിലെ 18 നും 25 നും ഇടയില്‍ പ്രായമുള്ള വിദ്യാർഥികൾക്ക് അപേക്ഷിക്കാം.

ചേപ്പാട് - കായംകുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 142 (ഏലകുളങ്ങര ഗേറ്റ്) ഉം ലെവല്‍ ക്രോസ് നമ്പര്‍ 143 (ഇടശ്ശേരി ഗേറ്റ്) ഉം ഏപ്രില്‍ 23 ന് വൈകിട്ട് ആറു മണി മുതല്‍ 27 ന് വൈകിട്ട് ആറു മണിവരെ അറ്റകുറ്റപണികള്‍ക്കായി അടച്ചിടും.  വാഹനങ്ങള്‍ ലെവല്‍ ക്രോസ് നമ്പര്‍ 145 (പത്തിയൂര്‍ ഗേറ്റ്) വഴിയോ  ലെവല്‍ ക്രോസ് നമ്പര്‍ 146 (എരുവ ഗേറ്റ്) വഴിയോ പോകണം.

(പിആര്‍/എഎല്‍പി/1130)

സംസ്ഥാന മന്ത്രിസഭയുടെ നാലാം വാർഷികാഘോഷത്തിൻ്റെ ഭാഗമായി മെയ് ആറ് മുതൽ 12 വരെ ആലപ്പുഴ ബീച്ചില്‍ നടക്കുന്ന 'എൻ്റെ കേരളം' പ്രദർശന വിപണന മേളയുടെ പ്രചരണാര്‍ഥം ജില്ലയിലെ എല്ലാ നിയമസഭ മണ്ഡലങ്ങളിലും വാഹനത്തില്‍(ഇന്ധനച്ചെലവ് അടക്കം) മൈക്ക് അനൗണ്‍സ്മെന്റ് (സൗണ്ട് സിസ്റ്റം, ജനറേറ്റര്‍ എന്നിവ സഹിതം) നടത്തുന്നതിന്  ക്വട്ടേഷന്‍ ക്ഷണിച്ചു.

സംസ്ഥാന മന്ത്രിസഭയുടെ നാലാം വാർഷികാഘോഷത്തിൻ്റെ ഭാഗമായി മെയ് ആറ് മുതൽ 12 വരെ ആലപ്പുഴ ബീച്ചില്‍ നടക്കുന്ന 'എൻ്റെ കേരളം' പ്രദർശന വിപണന മേള, മെയ് ആറിന്  മുഖ്യമന്ത്രി പങ്കെടുക്കുന്ന ജില്ലാതല യോഗം എന്നിവയുടെ പ്രചാരണാർത്ഥം ആലപ്പുഴ ജില്ലയിലെ വിവിധ സ്ഥലങ്ങളിൽ മൊബൈൽ (വാഹനത്തിൽ ഘടിപ്പിച്ച) എൽ.ഇ.ഡി. വീഡിയോ വോളിൽ പ്രദർശനം നടത്തുന്നതിന്  ക്വട്ടേഷൻ ക്ഷണിച്ചു. ഇരുവശവും പ്രദര്‍ശിപ്പിക്കാന്‍ കഴിയുന്ന എൽ.ഇ.ഡി. മൊബൈൽ വീഡിയോ വോൾ ഒരു ദിവസം ആലപ്പുഴ ജില്ലയിൽ എവിടെയും പ്രദർശിപ്പിക്കുന്നതിനുള്ള വാഹനം, വാഹനത്തിന്റെ ഇന്ധനച്ചെലവും മറ്റു ചെലവുകളും എല്ലാ നികുതികളും അടക്കമുള്ള തുക രേഖപ്പെടുത്തണം.

കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോടെ ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരുവര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. ഇന്റ്റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവര്‍ക്ക് അപേക്ഷിക്കാം. ഫോണ്‍ :  7994926081.