മങ്ങാട്-ചായലോട്- പുതുവല്‍ റോഡില്‍ ആശാട്ടിപ്പടി ജംഗ്ഷനിലെ കലുങ്ക് പുനര്‍ നിര്‍മാണ പ്രവൃത്തി ആരംഭിച്ചതിനാല്‍ ഇതുവഴിയുളള വാഹന ഗതാഗതം പൂര്‍ണമായും നിരോധിച്ചു. വാഹനങ്ങള്‍ കിന്‍ഫ്രാ-മണ്ണാറ്റൂര്‍- കുന്നിട റോഡ് വഴി കടന്നുപോകണം.

ചെന്നീര്‍ക്കര സര്‍ക്കാര്‍ ഐടിഐയില്‍ ആരംഭിച്ച ആറുമാസത്തെ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ ആന്‍ഡ് ഹെല്‍ത്ത് കെയര്‍ മാനേജ്മെന്റ് കോഴ്സിലേക്ക് സീറ്റ് ഒഴിവുണ്ട്.
യോഗ്യത: പ്ലസ് ടു/ബിരുദം.  ഫോണ്‍: 7306119753.

 സംസ്ഥാന സാക്ഷരതാ മിഷന്‍ അതോറിറ്റിയുടെ പച്ചമലയാളം -അടിസ്ഥാനകോഴ്‌സിന്റെ പുതിയ ബാച്ചിലേയ്ക്കുള്ള രജിസ്‌ട്രേഷന്‍ മെയ് 15 വരെ നീട്ടി. മറ്റ് ഭാഷകളില്‍ ഉന്നത വിദ്യാഭ്യാസം നേടിയവര്‍ക്കും അപേക്ഷിക്കാം. അപേക്ഷകര്‍ 17 വയസ് പൂര്‍ത്തിയാവരായിരിക്കണം. ഒരു വര്‍ഷമാണ് കോഴ്‌സ്. 60 മണിക്കൂര്‍ മുഖാമുഖവും 30 മണിക്കൂര്‍ ഓണ്‍ലൈന്‍ ക്ലാസുമാണ്. രജിസ്‌ട്രേഷന്‍ ഫീസ് 500 രൂപയും കോഴ്‌സ് ഫീസ് 3500 രൂപയും ആണ്. തദ്ദേശ സ്വയം ഭരണ സ്ഥാപനങ്ങളില്‍ പ്രവര്‍ത്തിക്കുന്ന പ്രേരക്മാര്‍ മുഖേന രജിസ്റ്റര്‍ ചെയ്യാം.

കുന്നന്താനം അസാപ്പ് കമ്യൂണിറ്റി സ്‌കില്‍ പാര്‍ക്കില്‍ ഇന്ന് ( ഏപ്രില്‍ 26) തൊഴില്‍ മേള സംഘടിപ്പിക്കുന്നു.  ഫോണ്‍ : 9495999688.

ഹജ് തീര്‍ഥാടനവുമായി ബന്ധപ്പട്ട് ജില്ലയില്‍ നിന്നും രജിസ്റ്റര്‍ ചെയ്തിട്ടുള്ള തീര്‍ഥാടകര്‍ക്ക് ഇന്ന് (ഏപ്രില്‍26) ന് വാക്‌സിനേഷന്‍ ക്യാമ്പ് സംഘടിപ്പിക്കും. രാവിലെ 8.30 മുതല്‍ പത്തനംതിട്ട ജനറല്‍ ആശുപത്രിയിലാണ് ക്യാമ്പ്. സര്‍ക്കാര്‍ പട്ടികയിലുള്ള തീര്‍ഥാടകര്‍ തിരിച്ചറിയല്‍രേഖ, മറ്റ് അനുബന്ധ രേഖകള്‍ സഹിതം ക്യാമ്പില്‍ പങ്കെടുക്കണമെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ. എല്‍. അനിതകുമാരി  അറിയിച്ചു.

സരസ്വതി കോളേജ് ഓഫ് ആര്‍ട്‌സ് ആന്റ് സയന്‍സിന്റെ നേതൃത്വത്തില്‍ ആരംഭിച്ച ട്രിവാന്‍ഡ്രം ഇന്റര്‍നാഷണല്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റിന്റെ സാമൂഹിക പ്രതിബദ്ധത പദ്ധതിയുടെ ഭാഗമായി വട്ടിയൂർക്കാവ് സരസ്വതി വിദ്യാലയത്തിൽ മെഗാ ജോബ് ഫെയര്‍ സംഘടിപ്പിച്ചു.  മേയർ ആര്യ രാജേന്ദ്രൻ ഉദ്‌ഘാടനം ചെയ്തു.

തൊഴിൽമേഖലയിലെ മാറിവരുന്ന പ്രവണതകൾ മനസിലാക്കി ലഭ്യമായ തൊഴിലവസരങ്ങൾ ഉപയോഗപ്പെടുത്തുന്നതിന് അനുകൂലമായ തൊഴിൽ സാഹചര്യങ്ങൾ ഒരുക്കുകയാണ് ജോബ് ഫെയറിന്റെ ലക്ഷ്യമെന്ന് മേയർ പറഞ്ഞു.

രണ്ടാം പിണറായി വിജയൻ സർക്കാരിന്റെ നാലാം വാർഷികത്തോടനുബന്ധിച്ച് നാഗമ്പടം മൈതാനത്ത് ലഹരിവിരുദ്ധസംഗമവും കലാനിപുണരുടെ സംഗമവും ഇന്ന് (25 ഏപ്രിൽ വെള്ളിയാഴ്ച) നടക്കും. രാവിലെ 10.30-ന് നടക്കുന്ന ലഹരിക്കെതിരെ ഒരുമിച്ച് എന്ന സംവാദസദസ്സ്   ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ ഉദ്ഘാടനം ചെയ്യും. ഇതിനോടനുബന്ധിച്ച്  പാനൽ ചർച്ചയും നടക്കും. മണർകാട് സെന്റ് മേരിസ് ചർച്ച്   സൺഡേ സ്കൂളിലെ കുട്ടികൾ അവതരിപ്പിക്കുന്ന ലഹരി വിരുദ്ധ മൈം അവതരണവും അരങ്ങേറും.

 രാവിലെ 10.30 ന് : എക്സൈസ് വകുപ്പിൻ്റെ നേതൃത്വത്തിൽ ലഹരി വിരുദ്ധ സംഗമം.
ഉച്ചകഴിഞ്ഞ് 1.30 ന് ഭിന്നശേഷി കലാനിപുണരുടെ സംഗമം 
വൈകിട്ട് 6.30 ന് അക്മ മെഗാഷോ ( മിമിക്രി, ഗാനമേള, ഡാൻസ് ഫ്യൂഷൻ)

  അക്ഷരനഗരിയിൽ സംഗീതലഹരി തീർത്ത് ഗ്രൂവ് ബാൻഡ്. തമിഴ് മലയാളം ഫാസ്റ്റ് നമ്പർ പാട്ടുകളിലൂടെ സദസ്സിനെ ഒന്നാകെ കൈയിലടക്കി. വയലിനിൽ മലയാളം തമിഴ് മെലഡികൾ കൂടി ആയപ്പോൾ സംഗീതനിശ കാണികളുടെ മനം കവർന്നു.
എൻ്റെ കേരളം പ്രദർശന വിപണന മേളയുടെ ആദ്യദിനത്തിലാണ്   ഗ്രൂവ് ബാൻഡ് സംഗീതനിശ അവതരിപ്പിച്ചത്.

അമ്മ പുഴയുടെ പൈതലായി, അങ്ങുവാന ചോലയിൽ,ചിന്ന ചിന്ന ആസേ,മുൻമ്പേ വാ പാട്ടും മെലഡി പ്രേമികൾക്കായി പാടി. പതിയെ ഫാസ്റ്റ് നമ്പറിലേക്ക് തിരിഞ്ഞപ്പോൾ ജനം ആവേശത്തോടെ ആർത്തുവിളിച്ചു.
എ.ആർ. റഹ്മാൻ്റെ സംഗീതത്തിൽപിറന്ന പാട്ടുകളും,ശ്രേയ ഘോഷാലിൻ്റെ ശബ്ദ മാധുര്യത്തിൽ ഹിറ്റായ പാട്ടുകളും ആസ്വാദ്യകരമായി.

 നൂറിലധികം വ്യത്യസ്തമാർന്ന രുചികൾ, നാൽപതിലധികം ജ്യൂസുകൾ... നാവിനും മനസ്സിനും രുചി പകർന്ന്  കുടുംബശ്രീയുടെ മെഗാ ഭക്ഷ്യമേള.