പാറക്കടവ് ബ്ലോക്ക് പഞ്ചായത്തിൻ്റെ നേതൃത്വത്തിൽ ജൈവവൈവിധ്യ മെഗാ ക്വിസ് മത്സരം സംഘടിപ്പിച്ചു. ഹരിത കേരള മിഷൻ സംസ്ഥാന വ്യാപകമായി സംഘടിപ്പിക്കുന്ന ജൈവവൈവിധ്യ വിജ്ഞാനോത്സവം നീലകുറിഞ്ഞി 2025 ൻ്റെ ഭാഗമായി സംഘടിപ്പിച്ച ബ്ലോക്ക്തല ക്വിസ് മത്സരം ബ്ലോക്ക് പഞ്ചായത്ത് പ്രസിഡൻ്റ് ടി വി പ്രദീഷ് ഉദ്ഘാടനം ചെയ്തു. പാറക്കടവ് ബ്ലോക്ക് പരിധിയിലെയും ആലുവ മുൻസിപ്പൽ പ്രദേശത്തേയും ഏഴ് എട്ട് ഒമ്പത് ക്ലാസുകളിലെ വിദ്യാർത്ഥികളാണ് മത്സരത്തിൽ പങ്കെടുത്തത്. ആലുവ വിദ്യാധിരാജ വിദ്യാഭവൻ എച്ച് എസ് എസിലെ വിദ്യാർത്ഥികളായ എസ്.അഭിനവ് ഒന്നാം സ്ഥാനവും, എം.ബി.ദർശന രണ്ടാം സ്ഥാനവും കരസ്ഥമാക്കി.

രണ്ടാം പിണറായി വിജയന്‍ മന്ത്രിസഭയുടെ നാലാം വാര്‍ഷിക ആഘോഷങ്ങള്‍ മെയ് ആറു മുതല്‍ 12 വരെ ജില്ലയില്‍ കലാ-സാംസ്‌കാരിക പരിപാടികളോടെ വിപുലമായി ആഘോഷിക്കുകയാണ്.  ഇതിന്റെ ഭാഗമായി എന്റെ കേരളം പ്രദര്‍ശന വിപണനമേള ആലപ്പുഴ ബീച്ചില്‍ നടക്കും. എല്ലാ ദിവസവും രാവിലെയും ഉച്ചയ്ക്ക് ശേഷവും വിവിധ വിഷയങ്ങളിലുള്ള സെമിനാറുകളും വൈകിട്ട് കലാപരിപാടികളും സംഘടിപ്പിക്കും. മേളയിലേക്കുള്ള പ്രവേശനം സൗജന്യമായിരിക്കും.

ആലപ്പുഴ മുനിസിപ്പാലിറ്റിയില്‍ തിരുവമ്പാടിയില്‍ പ്രവര്‍ത്തിച്ചു വരുന്ന ഇന്‍ലാന്‍ഡ് നാവിഗേഷന്‍ ആന്‍ഡ് കുട്ടനാട് പാക്കേജ് ചീഫ് എഞ്ചിനീയറുടെ കാര്യാലയം മെയ് രണ്ടുമുതല്‍ ശ്രീവത്സം ബില്‍ഡിംഗ്, ജില്ലാ കോടതി വാര്‍ഡ്, കിടങ്ങാംപറമ്പ് എന്ന കെട്ടിടത്തിലേക്ക് മാറി പ്രവര്‍ത്തനം അരംഭിക്കുന്നതാണെന്ന് ചീഫ് എഞ്ചിനീയര്‍ അറിയിച്ചു.

(പിആര്‍/എഎല്‍പി/11 55)

ആര്യാട് ബ്ലോക്ക് പഞ്ചായത്ത് കോമ്പൗണ്ടില്‍ പ്രവര്‍ത്തിക്കുന്ന എസ്.ബി.ഐയുടെ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ 14 ദിവസത്തെ ആഭരണ നിര്‍മ്മാണ പരിശീലന പരിപാടി സംഘടിപ്പിക്കുന്നു. പങ്കെടുക്കാന്‍ താല്‍പര്യമുള്ള 18 നും 45 നും മദ്ധ്യേ പ്രായമുള്ളവര്‍ മെയ് മൂന്നിന് രാവിലെ 10.30ന് പരിശീലന കേന്ദ്രത്തില്‍ നടക്കുന്ന ഇന്റര്‍വ്യൂവിന് ഹാജരാകണം. ഫോണ്‍: 8330011815
പിആര്‍/എഎല്‍പി/11 54)

മാവേലിക്കര ഐച്ച്ആര്‍ഡിയുടെ കോളേജ് ഓഫ് അപ്ലൈഡ് സയന്‍സില്‍ ഫ്രഞ്ച് എ1 ലെവല്‍ കോഴ്സ് ഏപ്രില്‍ 24ന് ആരംഭിച്ചു. താല്പര്യം ഉള്ളവര്‍ ഏപ്രില്‍ 28 നു മുന്‍പ്  അഡ്മിഷന്‍ എടുക്കാന്‍ കോളജ് ഓഫീസുമായി ബന്ധപ്പെടണം. ഫോൺ: 9495069307, 8547005046, 9447032077.

(പിആര്‍/എഎല്‍പി/11 53)

ചേപ്പാട്-കായംകുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 145 (പത്തിയൂര്‍ ഗേറ്റ്)  ഏപ്രില്‍ 25 മുതൽ ഏപ്രിൽ 30  വൈകിട്ട് ആറു വരെ അറ്റകുറ്റപണികള്‍ക്കായി അടച്ചിടും.  വാഹനങ്ങള്‍ ലെവല്‍ ക്രോസ് നമ്പര്‍ 146 (എരുവ ഗേറ്റ്) വഴി പോകണം.
(പിആര്‍/എഎല്‍പി/1152)

മാവേലിക്കര ഐഎച്ച്ആര്‍ഡിയുടെ കോളേജ് ഓഫ് അപ്ലൈഡ് സയന്‍സില്‍ 2025-26 അദ്ധ്യയന വര്‍ഷത്തിലെ യു.ജി, പി.ജി കോഴ്‌സുകളുടെ രജിസ്‌ട്രേഷന്‍ ആരംഭിച്ചു. താല്‍പര്യമുള്ളവര്‍ കോളേജ് ഓഫീസുമായി ബന്ധപ്പെടുക.
ഫോൺ: 8547005046, 9562771381,
9447032077, 0479 2304494

എറണാകുളം ജില്ലയിൽ പട്ടികവർഗ്ഗ വകുപ്പിന് കീഴിൽ പ്രവർത്തിക്കുന്ന പ്രീമെട്രിക് ഹോസ്റ്റലുകളിൽ 2025-26 അദ്ധ്യയന വർഷം യൂണിഫോം, നൈറ്റ് ഡ്രസ്സ് എന്നിവ വിതരണം നടത്തുന്നതിനായി ടെൻഡർ ക്ഷണിച്ചു.

ശ്രീ ശങ്കരാചാര്യ സംസ്കൃത സർവകലാശാലയിലെ കായിക പഠന വകുപ്പിൻ്റെ ആഭിമുഖ്യത്തിൽ നാല് മുതൽ 12 വയസ് വരെയുള്ള വിദ്യാർത്ഥികൾക്കായി സംഘടിപ്പിക്കുന്ന ഫിസിക്കൽ ലിറ്ററസി സമ്മർ കോച്ചിംഗ് ക്യാമ്പിൻ്റെ രജിസ്ട്രേഷൻ ആരംഭിച്ചു. മെയ് 1 മുതൽ 30 വരെയുള്ള തിയതികളിൽ സർവ്വകലാശാലയുടെ കാലടി മുഖ്യകേന്ദ്രത്തിൽ ക്യാമ്പ് നടക്കും. 

ഫോൺ: 9995203459, 9605113374 

കേരള ആരോഗ്യ സർവ്വകലാശാലയിലെ വിവിധ കോഴ്സുകളുടെ പരീക്ഷ തീയതി പ്രഖ്യാപിച്ചു. രണ്ടാം പ്രൊഫഷണൽ ബി എച്ച് എം എസ് (2015 സ്കീം) മെയ് 2025 സപ്ലിമെൻററി പരീക്ഷ 26-5-2025ന് ആരംഭിക്കും. മൂന്നാം പ്രൊഫഷണൽ എംബിബിഎസ് ബിരുദം പാർട്ട് വൺ (2019 സ്കീം) മെയ് 2025 (സെ) പരീക്ഷ 19-5-2025ന് ആരംഭിക്കും. ഒന്നാം വർഷ ബി സി വി ടി ബിരുദം (2014 സ്കീം) ജൂൺ 2025 സപ്ലിമെൻററി പരീക്ഷ 04-06-2025 ന് ആരംഭിക്കും. അഞ്ചാം സെമസ്റ്റർ ബി ഫാം ബിരുദം (2017 സ്കീം) മെയ് 2025 റെഗുലർ /സപ്ലിമെൻററി പരീക്ഷ 26-5- 2025 ന് ആരംഭിക്കും.