ജില്ലയിലെ 11 ബ്ലോക്കുകളിലും, കൊല്ലം കോര്‍പ്പറേഷനിലും  രാത്രികാല അടിയന്തര മൃഗചികിത്സ പദ്ധതിക്കായി വെറ്ററിനറി സര്‍ജന്‍, ഡ്രൈവര്‍ കം അറ്റന്‍ഡന്റ് തസ്തികയില്‍  കരാര്‍ നിയമനം നടത്തും. യോഗ്യത: വെറ്ററിനറി സര്‍ജന്‍ - ബി.വി.എസ്.സി ആന്റ് എ.എച്ച്, കേരള വെറ്ററിനറി കൗണ്‍സില്‍ രജിസ്‌ട്രേഷനും, ഡ്രൈവര്‍ കം അറ്റന്‍ഡന്റ് - എസ്.എസ്.എല്‍.സി, ലൈറ്റ് മോട്ടോര്‍ വെഹിക്കിള്‍ ഡ്രൈവിംഗ് ലൈസന്‍സ്.  യോഗ്യത തെളിയിക്കുന്ന രേഖകള്‍ സഹിതം ഏപ്രില്‍ 29 ന്  രാവിലെ 10.30 നും, 11നുമായി ജില്ലാ മൃഗസംരക്ഷണ ഓഫീസില്‍ നടത്തുന്ന വാക്ക് -ഇന്‍- ഇന്റര്‍വ്യൂവില്‍ പങ്കെടുക്കണം. ഫോണ്‍: 0474-2793464.
 

ജില്ലാ ഭാഗ്യക്കുറി ക്ഷേമനിധി ബോര്‍ഡ് അംഗങ്ങള്‍ക്ക് ബീച്ച് അംബ്രല്ല പദ്ധതിയിലേക്ക് അപേക്ഷിക്കാം. മെയ് 25 വരെ  അപേക്ഷ സ്വീകരിക്കും.   വിവരങ്ങള്‍ക്ക്: ജില്ലാ ഭാഗ്യക്കുറി ക്ഷേമനിധി ബോര്‍ഡ്. ഫോണ്‍: 0474 2744447.
 

കോട്ടുവള്ളി ഗ്രാമപഞ്ചായത്തിലെ അഞ്ചാം വാർഡ് വാർഡുതല ജാഗ്രത സമിതിയുടെ നേതൃത്വത്തിൽ ലഹരിക്കെതിരെ റാലിയും ബോധവത്ക്കരണക്ലാസ്സും സംഘടിപ്പിച്ചു. ആനച്ചാൽ ബാബാഹട്ട് ഹാപ്പിനസ് പാർക്കിൽ നടന്ന ചടങ്ങ് പഞ്ചായത്ത് വൈസ് പ്രസിഡന്റ അനിജ വിജു ഉദ്ഘാടനം ചെയ്തു.   

ഫാമിലി കൗൺസിലർ ടി ആർ ശരത് ലഹരിയുടെ ദൂഷ്യവശങ്ങളെ കുറിച്ചും കുടുംബ ഭദ്രതയെ കുറിച്ചും അവബോധന ക്ലാസ് എടുത്തു. പുതു തലമുറ ലഹരിയുടെ പിന്നാലെ പോകുമ്പോൾ കുടുംബത്തിലെ സാഹചര്യങ്ങളാണ് ഈ വഴിയിലേക്ക് മക്കളെ നയിക്കുന്നതെന്നും അവരെ ചേർത്തു നിർത്തേണ്ടതുണ്ടെന്നും അദ്ധേഹം പറഞ്ഞു.

ശ്രീശങ്കരാചാര്യ സംസ്കൃത സർവ്വകലാശാലയുടെ മുഖ്യ കേന്ദ്രത്തിലും വിവിധ പ്രാദേശിക കാമ്പസുകളിലും 2025 -26 അധ്യായന വർഷത്തെ പി.ജി, പി.ജി ഡിപ്ലോമ പ്രോഗ്രാമുകളിലേക്ക് അപേക്ഷിക്കാനുള്ള അവസാന തിയതി ഏപ്രിൽ 27 വരെ നീട്ടി.. വിശദ വിവരങ്ങൾക്കും ഓൺലൈനായി അപേക്ഷിക്കുന്നതിനും www.ssus.ac.in എന്ന വെബ്സൈറ്റ് സന്ദർശിക്കുക

ഫോൺ: 9447123075

കേരള - ലക്ഷദ്വീപ് തീരങ്ങളിൽ ഇന്നും നാളെയും (ഏപ്രിൽ 25, 26) മത്സ്യബന്ധനത്തിന് പോകാൻ പാടില്ലെന്നും കർണ്ണാടക തീരത്ത് മത്സ്യബന്ധനത്തിന് തടസ്സമില്ലെന്നും കേന്ദ്ര കാലാവസ്ഥാ വകുപ്പ് അറിയിച്ചു.

ഇന്നും നാളെയും തെക്കൻ കേരള തീരത്തും, ലക്ഷദ്വീപ് പ്രദേശത്തും മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

പ്രമാടം ഗ്രാമപഞ്ചായത്തിലെ പൂങ്കാവ്, വി-കോട്ടയം ഷോപ്പിംഗ് കോംപ്ലക്‌സിലെ ഒഴിഞ്ഞ കടമുറികളുടെ ലേലം ഏപ്രില്‍ 29ന് രാവിലെ 11ന്  ഗ്രാമപഞ്ചായത്ത് കോണ്‍ഫറന്‍സ് ഹാളില്‍ ന
ടത്തുമെന്ന് സെക്രട്ടറി അറിയിച്ചു. ഫോണ്‍ : 0468 2242215, 2240175. ഇ-മെയില്‍ : pramadomgp@gmail.com
 

മഹാത്മാഗാന്ധി ദേശീയ  തൊഴിലുറപ്പ്  പദ്ധതി ജില്ലാ ഓംബുഡ്‌സ്മാന്‍ 72 പരാതി പരിഗണിച്ച് 61 എണ്ണം തീര്‍പ്പാക്കി. ഗ്രാമപഞ്ചായത്തുകളുടെ സോഷ്യല്‍ ഓഡിറ്റ് റിപ്പോര്‍ട്ടിലെ ക്രമക്കേടുകളില്‍ കേസെടുത്തു. തൊഴിലാളികള്‍ക്ക് അധികമായി നല്‍കിയ 22,412 രൂപ ഈടാക്കുന്നതിനും അടിസ്ഥാന സൗകര്യങ്ങളും സുരക്ഷാ ഉപകരണങ്ങളും ലഭ്യമാക്കാത്ത പഞ്ചായത്തുകള്‍ക്ക് അവ ഉറപ്പാക്കാനും നിര്‍ദേശം നല്‍കി. സീതത്തോട് പഞ്ചായത്തിലെ അര്‍ഹതയില്ലാത്ത ഗുണഭോക്താവിന് വിവിധ ആവശ്യങ്ങള്‍ക്കായി നല്‍കിയ 1,07,752 രൂപ ഉദ്യോഗസ്ഥരില്‍ നിന്നും ഒമ്പത് ശതമാനം പലിശ സഹിതം ഈടാക്കുന്നതിന് ഉത്തരവായി.

കര്‍ഷക തൊഴിലാളി ക്ഷേമനിധി ബോര്‍ഡിന്റെ അധിവര്‍ഷാനുകൂല്യം വിതരണത്തിന്റെ ജില്ലാതല ഉദ്ഘാടനം മേയ് ആറിന് രാവിലെ 10ന്് പത്തനംതിട്ട നഗരസഭ ഹാളില്‍ നടക്കും.  വിവിധ ആനുകൂല്യങ്ങള്‍ സംബന്ധിച്ച് ബോധവല്‍ക്കരണ ക്ലാസുണ്ടാകും. ഫോണ്‍ :  0468-2327415 .

പത്തനംതിട്ട പൊന്നുംവില സ്‌പെഷ്യല്‍ തഹസില്‍ദാര്‍ ഓഫീസില്‍ ഫയലുകള്‍ സൂക്ഷിക്കുന്നതിന് രണ്ട് മീറ്റര്‍ ഉയരവും 90 സെ.മീ. വീതിയും 48 സെ.മീ. കനത്തിലുളള അഞ്ച് തട്ട് സ്റ്റീല്‍ അലമാരയ്ക്കായി  ഫര്‍ണിച്ചര്‍ ഉടമകള്‍/നിര്‍മാതാക്കളില്‍ നിന്ന് ക്വട്ടേഷന്‍ ക്ഷണിച്ചു. അവസാന തീയതി ഏപ്രില്‍ 30ന് വൈകിട്ട് മൂന്ന്.  
വിലാസം : സ്‌പെഷ്യല്‍ തഹസില്‍ദാര്‍, എല്‍.എ (ജനറല്‍) ഓഫീസ്, കളക്ടറേറ്റ്, പത്തനംതിട്ട. ഇ-മെയില്‍  : latahsildarpta@gmail.com