ജില്ലാ വ്യവസായ കേന്ദ്രത്തിൻ്റെ ആഭിമുഖ്യത്തിൽ നടത്തുന്ന ജില്ലയിലെ ചെറുകിട വ്യവസായ യൂണിറ്റുകളുടെ ഉൽപന്ന പ്രദർശന വിപണന മേള മലപ്പുറം ടൗൺഹാളിൽ ആരംഭിച്ചു. മലപ്പുറം ബസാർ എന്ന പേരിട്ട വിപണന മേള നഗരസഭ ചെയർമാൻ മുജീബ് കാടേരി ഉദ്ഘാടനം ചെയ്തു. ജില്ലാ വ്യവസായ കേന്ദ്രം ജനറൽ മാനേജർ ആർ. ദിനേശ് അധ്യക്ഷത വഹിച്ചു. നാല് ദിവസം നീണ്ടുനിൽക്കുന്ന മേള മാർച്ച്‌ ഏഴിന് സമാപിക്കും. മേളയിൽ ജില്ലാ കുടുംബശ്രീ പ്രവർത്തകരുടെ ഫുഡ് കോർട്ട്, നാടൻ പലഹാരങ്ങൾ, വിവിധയിനം അച്ചാറുകൾ, കേക്കുകൾ, 

സപ്ലൈകോ പെരിന്തൽമണ്ണ താലൂക്കിലെ ഡിപ്പോയ്ക്ക് കീഴിലുള്ള എൻ.എഫ്.എസ്.എയുടെ ഗോഡൗണുകളിലേക്ക് ട്രാൻസ്‌പോർട്ടിങ് കോൺട്രാക്ടർമാരെ നിയമിക്കുന്നതിലേക്ക് സപ്ലൈകോ ക്വട്ടേഷൻ ക്ഷണിച്ചു. വിവിധ എഫ്.സി.ഐ ഡിപ്പോകൾ, സി.എം.ആർ മില്ലുകൾ എന്നിവിടങ്ങളിൽ നിന്നും റേഷൻ സാധനങ്ങൾ എടുക്കുന്നതിനും എൻ.എഫ്.എസ്.എ ഗോഡൗണുകളിൽ നിന്നും റേഷൻ സാധനങ്ങൾ റേഷൻ കടകളിൽ വിതരണം നടത്തുന്നതിനും ചെയ്യുന്നതിനുമാണ് ക്വട്ടേഷൻ. കൂടുതൽ വിവരങ്ങൾ www.supplycokerala.com, www.extenders.Kerala.gov.in എന്നീ വെബ്‌സൈറ്റുകളിൽ ലഭിക്കും.

കോഴിക്കോട് കോർപറേഷനിലെ മാലിന്യ സംസ്‌ക്കരണ പ്രവർത്തനങ്ങൾ അവലോകനം ചെയ്യുന്നതിന് കോർപ്പറേഷൻ മേയർ ബീന ഫിലിപ്പ്, ജില്ലാ കളക്ടർ സ്നേഹിൽ കുമാർ സിംഗ് എന്നിവരുടെ സാന്നിധ്യത്തിൽ  യോഗം ചേർന്നു. 

സാനിറ്ററി വേസ്റ്റ് കളക്ഷൻ സെന്റർ, കൺസ്ട്രക്ഷൻ ആൻഡ് ഡെമോളിഷൻ വേസ്റ്റ് കളക്ഷൻ സെന്റർ എന്നിവ ആരംഭിക്കുന്നതിനു മറ്റു വകുപ്പുകളുടെ ഉടമസ്ഥതയിലുള്ള സ്ഥലങ്ങൾ വിട്ടു നൽകുന്നതിന് നടപടികൾ സ്വീകരിക്കാൻ വകുപ്പ് തലവൻമാരോട് കളക്ടർ നിർദ്ദേശിച്ചു.

മലപ്പുറം ജില്ലയിലെ ജനവാസ മേഖലകളിൽ ഭീഷണിയാകുന്ന പാമ്പുകളെ ശരിയാംവിധം പിടിച്ച് അവയുടെ സ്വാഭാവിക ആവാസവ്യവസ്ഥയിലേയ്ക്ക് തിരികെ അയയ്ക്കുന്നതുമായി ബന്ധപ്പെട്ട് പരിശീലനം നൽകുന്നു. മാർച്ച് ഏഴിന് രാവിലെ ഒമ്പത് മുതൽ കേരള വനം-വന്യജീവി വകുപ്പ് നിലമ്പൂർ നോർത്ത് ഡിവിഷന്റെ കീഴിലുള്ള ചന്തക്കുന്ന് ഡോർമിറ്ററിയിലും പരിസരത്തുമായാണ് പരിശീലനം. ഫോൺ: 8547603864.

പുളിക്കൽ കുടുംബാരോഗ്യ കേന്ദ്രത്തിലെ അഡീഷണൽ പരിരക്ഷാ യൂണിറ്റിലേക്ക് നഴ്സുമാരെ നിയമിക്കുന്നു. അഭിമുഖം മാർച്ച് ഏഴിന് രാവിലെ ഒമ്പതിന് കുടുംബാരോഗ്യ കേന്ദ്രത്തിൽ നടക്കും. ഗ്രാമപഞ്ചായത്തിലെ താമസക്കാർക്കും ബി.സി.സി.പി.എൻ കോഴ്സ് കഴിഞ്ഞവർക്കും മുൻഗണന ലഭിക്കും. ഫോൺ: 0483 2950900.

മലപ്പുറം ജില്ലയിൽ വിവിധ വകുപ്പുകളില്‍ കോൺഫിഡൻഷ്യൽ അസിസ്റ്റന്റ് ഗ്രേഡ് രണ്ട് (കാറ്റഗറി നമ്പർ 253/2020) തസ്തികയിലേക്കുള്ള അഭിമുഖം മാർച്ച് 14ന് പബ്ലിക് സർവിസ് കമ്മിഷന്റെ ജില്ലാ ഓഫീസിൽ നടക്കും. ഉദ്യോഗാർത്ഥികൾ പ്രൊഫൈലിൽ ലഭ്യമാക്കിയിട്ടുള്ള അഭിമുഖ മെമ്മോ ഡൗൺലേഡ് ചെയ്ത് നിർദേശിച്ച പ്രമാണങ്ങളുടെ അസ്സൽസഹിതം അഭിമുഖത്തിന് ഹാജരാകണമെന്ന് ജില്ലാ പി.എസ്.സി ഓഫീസർ അറിയിച്ചു.

വട്ടപ്പറമ്പ്-പാറക്കണ്ണി വില്ലേജ് ഓഫീസ് റോഡിൽ നവീകരണ പ്രവൃത്തി നടക്കുന്നതിനാൽ ഇന്ന് (മാർച്ച് അഞ്ച്) മുതൽ പ്രവൃത്തി തീരും വരെ ഈ റോഡിലൂടെയുള്ള ഗതാഗതം നിരോധിച്ചു. വാഹനങ്ങൾ പൂവത്താണി-ചോരണ്ടി-പാറക്കണ്ണി, ബിടാത്തി-വില്ലേജ് ഓഫീസ് എന്നീ റോഡുകൾ വഴി തിരിഞ്ഞുപോവണം.

പൾസ് പോളിയോ ഇമ്മ്യൂണൈസേഷൻ ജില്ലാതല ഉദ്ഘാടനം തിരുവങ്ങൂർ ബ്ലോക്ക് ഫാമിലി ഹെൽത്ത് സെന്ററിൽ  നടന്ന ചടങ്ങിൽ കാനത്തിൽ ജമീല എംഎൽഎ നിർവഹിച്ചു. പന്തലായനി ബ്ലോക്ക് പഞ്ചായത്ത് പ്രസിഡൻറ് പി ബാബുരാജ് അധ്യക്ഷത വഹിച്ചു.

സ്ത്രീസമത്വത്തിനായി സാംസ്‌കാരിക മുന്നേറ്റം എന്ന ലക്ഷ്യത്തോടെ സംസ്ഥാന സർക്കാർ നടപ്പാക്കുന്ന 'സമം' പദ്ധതിയുടെ ഭാഗമായി മഹാകവി മോയിൻകുട്ടി വൈദ്യർ മാപ്പിള കലാ അക്കാദമിയിൽ സംഘടിപ്പിക്കുന്ന മഹിള മാപ്പിള കലോത്സവത്തിന്റെ ഭാഗമായി മോയിൻകുട്ടി വൈദ്യർ കാവ്യാലാപന മത്സരം നടത്തും. 15 വയസ്സിന് മുകളിൽ പ്രായമുള്ള 25 വനിതകൾക്കാണ് അവസരം. ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് ക്യാഷ് പ്രൈസും സർട്ടിഫിക്കറ്റും ലഭിക്കും. മോയിൻകുട്ടി വൈദ്യരുടെ കൃതികളിൽ നിന്നും തെരഞ്ഞെടുത്ത ഒരു ഭാഗം അഞ്ചു മിനിറ്റിൽ കവിയാത്ത സമയമെടുത്ത് ആലാപനം നടത്തലാണ് മത്സരം.

വനിതാ ശിശു വികസന വകുപ്പ് ജില്ലാ ചൈൽഡ് പ്രൊട്ടക്ഷൻ യൂണിറ്റിന്റെ നേതൃത്വത്തിൽ ബാലസംരക്ഷണ സ്ഥാപനങ്ങളിലെ വാർഡൻ/കെയർടേക്കർ/കൗൺസിലർ/സൈക്കോളജിസ്റ്റ് എന്നിവർക്കായി  ദ്വിദിന പരിശീലനം  ആരംഭിച്ചു. ജില്ലാ പ്ലാനിങ് സെക്രട്ടറിയേറ്റ് കോൺഫറൻസ് ഹാളിൽ നടത്തിയ പരിശീലന പരിപാടി ജില്ലാതല ഇൻസ്‌പെക്ഷൻ കമ്മിറ്റി ചെയർപേഴ്സണും അഡീഷണൽ ജില്ലാ മജിസ്‌ട്രേറ്റുമായ കെ. മണികണ്ഠൻ  ഉദ്ഘാടനം ചെയ്തു. ജില്ലാ വനിതാ ശിശു വികസന ഓഫീസർ കെ.വി ആശാമോൾ അധ്യക്ഷത വഹിച്ചു. ചൈൽഡ് വെൽഫെയർ കമ്മിറ്റി അംഗം അഡ്വ. രാജേഷ് കുമാർ ജി മുഖ്യപ്രഭാഷണം നടത്തി.