കശ്മിരിൽ വെടിയേറ്റു മരിച്ച ഇടപ്പള്ളി സ്വദേശി എൻ. രാമചന്ദ്രന്റെ സംസ്കാരം നാളെ ( വെള്ളി) നടത്തും. രാവിലെ 7.30 മുതൽ 9.30 വരെ ഇടപ്പള്ളി ചങ്ങമ്പുഴ പാർക്കിൽ പൊതുദർശനത്തിന് വയ്ക്കുന്ന ഭൗതിക ദേഹത്തിൽ വനം വകുപ്പ് മന്ത്രി എ കെ ശശീന്ദ്രൻ അന്ത്യാഞ്ജലികൾ അർപ്പിക്കും. തുടർന്ന് 11 ന് ഇടപ്പള്ളി പൊതുശ്മശാനത്തിൽ നടത്തുന്ന സംസ്കാര ചടങ്ങിൽ മന്ത്രി പി രാജീവ്‌ പങ്കെടുക്കും

കറുകുറ്റി ഗ്രാമപഞ്ചായത്ത് ഒൻപത്, പത്ത് വാർഡുകളിലൂടെ പോകുന്ന റോഡിന്റെ നിർമ്മാണ ഉദ്ഘാടനം റോജി എം ജോൺ എംഎൽഎ നിർവഹിച്ചു. ചടങ്ങിന് പഞ്ചായത്ത് പ്രസിഡണ്ട് ലതികാ ശശികുമാർ അധ്യക്ഷയായി. 

തദ്ദേശീയ റോഡ് വികസന ഫണ്ടിൽ നിന്നും 30 ലക്ഷം രൂപ ചെലവഴിച്ചാണ് റോഡ് നിർമിക്കുന്നത്.ഏറെ വർഷക്കാലമായി സഞ്ചാര്യ യോഗ്യമല്ലാതിരുന്ന റോഡിൽ, അഞ്ചു മീറ്റർ വീതിയിലാണ് വികസനം നടത്തുന്നത്. വീതി ഇല്ലാത്ത സ്ഥലങ്ങളിൽ പ്രദേശവാസികളിൽ നിന്നും സ്ഥലം ഏറ്റെടുത്തുകൊണ്ടാണ് റോഡിന്റെ വീതി വർദ്ധിപ്പിക്കുന്നത്. 

ഹാർബർ എൻജിനിയറിങ് വകുപ്പിന്റെ തിരുവനന്തപുരം ഡിവിഷൻ ഓഫീസിന് കീഴിൽ പുനർഗേഹം പദ്ധതിയിൽ ഉൾപ്പെട്ട മുട്ടത്തറ ഫ്ലാറ്റ് നിർമാണത്തിനായി ഡിപ്ലോമ (സിവിൽ) യോഗ്യതയുള്ള രണ്ട് ഉദ്യോഗാർഥികളെ ദിവസവേതനാടിസ്ഥാനത്തിൽ നിയമിക്കുന്നു. അധിക യോഗ്യതയുള്ളവർക്കും അപേക്ഷിക്കാം. പ്രവൃത്തിപരിചയമുള്ളവർക്ക് മുൻഗണന.

ഹാർബർ എൻജിനിയറിങ് വകുപ്പിന്റെ വിഴിഞ്ഞം സബ് ഡിവിഷനിലേക്ക് മൂന്നാം ഗ്രേഡ് ഡ്രാഫ്റ്റ്സ്മാൻ (സിവിൽ) തസ്തികയിൽ ദിവസവേതനാടിസ്ഥാനത്തിൽ ഒരു ഒഴിവുണ്ട്. മൂന്ന് മാസത്തേക്കാണ് നിയമനം. ഐ.ടി.ഐ സിവിൽ യോഗ്യതയുള്ളവർക്ക് അപേക്ഷിക്കാം. പ്രവൃത്തിപരിചയമുള്ളവർക്ക് മുൻഗണന. വിദ്യാഭ്യാസ യോഗ്യത, പ്രവൃത്തിപരിചയം, മേൽവിലാസം എന്നിവ സഹിതം അപേക്ഷകൾ eetvpm.hed@kerala.gov.in എന്ന ഇ-മെയിൽ മുഖേനയോ, നേരിട്ടോ ഏപ്രിൽ 29ന് മുമ്പ് എക്സിക്യൂട്ടീവ് എൻജിനിയർ, എക്സിക്യൂട്ടീവ് എൻജിനിയറുടെ കാര്യാലയം, ഹാർബർ എൻജിനിയറിങ് ഡിവിഷൻ, വിഴിഞ്ഞം, തിരുവനന്തപുരം-695521 എന്ന വിലാസത്തിൽ ലഭിക്കണം.

ഐസിഫോസ് 8 മുതൽ 10-ാം ക്ലാസ് വരെയുള്ള സ്‌കൂൾ വിദ്യാർത്ഥികൾക്കായി റോബോട്ടിക്‌സിൽ 5 ദിവസത്തെ ബൂട്ട് ക്യാമ്പ് സംഘടിപ്പിക്കുന്നു. കാര്യവട്ടം സ്‌പോർട്‌സ് ഹബ്ബിലെ ഐസിഫോസിൽ മെയ്യ് 12 മുതൽ 16 വരെയാണ് ക്യാമ്പ്.

നിത്യജീവിതത്തിൽ എ.ഐ ടൂളുകൾ ഫലപ്രദമായി ഉപയോഗിക്കാൻ സാധാരണക്കാരെ പര്യാപ്തമാക്കുന്ന തരത്തിൽ കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷൻ (കൈറ്റ്) നടത്തുന്ന ഓൺലൈൻ പരിശീലന പദ്ധതിയുടെ മൂന്നാം ബാച്ച് മെയ് 10 ന് ആരംഭിക്കുന്നു.

ഹരിതകേരളം മിഷന്റെ നേതൃത്വത്തില്‍ സംഘടിപ്പിക്കുന്ന ജൈവവൈവിധ്യ പഠനോത്സവത്തിന്റെ ഭാഗമായുള്ള ബ്ലോക്ക് തല ക്വിസ് മത്സരം നാളെ (ഏപ്രില്‍ 25) നടക്കും. സംസ്ഥാനത്ത് വിവിധ കേന്ദ്രങ്ങളിലായി ഒന്‍പതിനായിരത്തിലധികം വിദ്യാര്‍ത്ഥികള്‍ പങ്കെടുക്കും. ഇടുക്കി ജില്ലയിലെ അടിമാലിയില്‍ ഹരിതകേരളം മിഷന്‍ യു.എന്‍.ഡി.പി. പദ്ധതിയിലുള്‍പ്പെടുത്തി സ്ഥാപിച്ച നീലക്കുറിഞ്ഞി ജൈവവൈവിധ്യ വിജ്ഞാനകേന്ദ്രത്തിന്റെ കമ്യൂണിറ്റിതല പരിപാടികളുടെ ഭാഗമായി സംഘടിപ്പിക്കുന്ന പഠനോത്സവത്തില്‍ പങ്കെടുക്കുന്നതിനായുള്ള വിദ്യാര്‍ത്ഥികളെ തിരഞ്ഞെടു ക്കുന്നതിനായാണ് ക്വിസ് മത്സരം സംഘടിപ്പിക്കുന്നത്.

വെളിച്ചം പദ്ധതിയുടെ ഭാഗമായി പിണ്ടിമന പഞ്ചായത്തില്‍ നാല് ഹൈ മാസ്റ്റ് ലൈറ്റുകള്‍ സ്ഥാപിച്ചു.ആന്റണി ജോണ്‍ എം.എല്‍.എയുടെ ആസ്തി വികസന ഫണ്ട് ഉപയോഗപ്പെടുത്തിയാണ് ലൈറ്റുകള്‍ സ്ഥാപിച്ചത്.

പിണ്ടിമന ഗ്രാമ പഞ്ചായത്ത് പരിധിയിലെ വേട്ടാമ്പാറ കടക്കാസിറ്റി, കുളങ്ങാട്ടുകുഴി ബസ് സ്റ്റാന്‍ഡ് ജംഗ്ഷന്‍, മാലിപ്പാറ ചര്‍ച്ച് ജംഗ്ഷന്‍, അടിയോടി ഓക്‌സിജന്‍ ബയോ ഡൈവേഴ്‌സിറ്റി പാര്‍ക്ക് എന്നീ പ്രധാന കവലകളില്‍ സ്ഥാപിച്ചിട്ടുള്ള ഹൈമാസ്റ്റ് ലൈറ്റുകളുടെ സ്വിച്ച് ഓണ്‍ കര്‍മ്മം അതാത് കേന്ദ്രങ്ങളില്‍ ആന്റണി ജോണ്‍ എം.എല്‍.എ നിര്‍വ്വഹിച്ചു. 

കളമശ്ശേരി: എറണാകുളം സർക്കാർ മെഡിക്കൽ കോളേജ് ആശുപത്രിയിൽ AVENGERS കേരള പോലീസ് കമാൻഡോ ടീം മെഡിക്കൽ കോളേജ് ക്യാമ്പസും ആശുപത്രിയും സന്ദർശിക്കുകയും സുരക്ഷ ക്രമീകരണങ്ങൾ വിലയിരുത്തുകയും ചെയ്തു. മെഡിക്കൽ കോളേജ് പ്രിൻസിപ്പാളിന്റെയും ആശുപത്രി സൂപ്രണ്ടിന്റെയും നിർദ്ദേശാനുസരണം അടിയന്തര സാഹചര്യങ്ങൾ എങ്ങനെ നേരിടണം എന്നതിനെപ്പറ്റി സെക്യൂരിറ്റി വിഭാഗത്തിന്റെ നേതൃത്വത്തിൽ അവലോകനo നടത്തിയെന്ന് മെഡിക്കൽ സൂപ്രണ്ട് ഡോ. ഗണേഷ് മോഹൻ അറിയിച്ചു.