റവന്യു റിക്കവറി വില്‍പ്പന നികുതി കുടിശ്ശിക ഈടാക്കുന്നതിനായി പാഞ്ഞാല്‍ വില്ലേജ് സര്‍വ്വേ നമ്പര്‍ 581/എ-7 ല്‍ ഉള്‍പ്പെട്ട 0.0526 ഹെക്ടര്‍ സ്ഥലം ഉള്‍പ്പെടെയുള്ള വസ്തുവകകള്‍ മെയ് 30 ന് രാവിലെ 11 ന് പാഞ്ഞാല്‍ വില്ലേജ് ഓഫീസില്‍ തലപ്പിള്ളി തഹസില്‍ദാരോ തഹസില്‍ദാര്‍ അധികാരപ്പെടുത്തുന്ന ഉദ്യോഗസ്ഥനോ ലേലം ചെയ്യും.

റവന്യൂ റിക്കവറി വില്‍പ്പന നികുതി കുടിശ്ശിക ഈടാക്കുന്നതിന്റെ ഭാഗമായി പഴയന്നൂര്‍ വില്ലേജ് സര്‍വ്വേ നമ്പര്‍ 24/6ല്‍ ഉള്‍പ്പെട്ട 0.0405 ഹെക്ടര്‍ സ്ഥലം ഉള്‍പ്പെടെയുള്ള വസ്തുവകകള്‍ മെയ് 31 ന് രാവിലെ 11.30 ന് പഴയന്നൂര്‍ വില്ലേജ് ഓഫീസില്‍ തലപ്പിള്ളി തഹസില്‍ദാരോ, തഹസില്‍ദാര്‍ അധികാരപ്പെടുത്തുന്ന ഉദ്യോഗസ്ഥനോ ലേലം ചെയ്യും.

 കോടതി കുടിശ്ശിക പിരിച്ചെടുക്കുന്നതിനായി അകതിയൂര്‍ വില്ലേജ് റീ സര്‍വ്വേ 173/5-2 ല്‍പ്പെട്ട 0.0122 ഹെക്ടര്‍ സ്ഥലം മെയ് 23 ന് രാവിലെ 11 ന് പോര്‍ക്കുളം വില്ലേജ് ഓഫീസില്‍ കുന്നംകുളം തഹസില്‍ദാരോ, തഹസില്‍ദാര്‍ അധികാരപ്പെടുത്തുന്ന ഉദ്യോഗസ്ഥരോ ലേലം ചെയ്യും. കൂടുതല്‍ വിവരങ്ങള്‍ക്കായി ഫോണ്‍: 04885 225700.

പട്ടിക വര്‍ഗ്ഗ വികസന വകുപ്പിന് കീഴില്‍ ചാലക്കുടിയില്‍ പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ സ്‌കൂളിലെ വിദ്യാര്‍ത്ഥികള്‍ക്ക് 2025-26 അധ്യയനവര്‍ഷം യൂണിഫോം വിതരണം ചെയ്യുന്നതിന് താല്‍പര്യമുള്ള വ്യക്തികളില്‍ നിന്നോ അംഗീകൃത സ്ഥാപനങ്ങളില്‍ നിന്നോ മുദ്ര വെച്ച ടെണ്ടര്‍ ക്ഷണിച്ചു. 4,67,350 രൂപയാണ് അടങ്കല്‍ തുക. മെയ് 16 നു ഉച്ചയ്ക്ക് ഒരു മണിക്ക് മുന്‍പായി ടെണ്ടറുകള്‍ സീനിയര്‍ സൂപ്രണ്ട്, മോഡല്‍ റെസിഡന്‍ഷ്യല്‍  സ്‌കൂള്‍, ചാലക്കുടി, നായരങ്ങാടി എന്ന വിലാസത്തില്‍ ലഭിക്കണം. മെയ് 16 നു ഉച്ചയ്ക്ക് രണ്ടിന് ടെണ്ടര്‍ തുറക്കും. ഫോണ്‍: 9207098160.

 സമഗ്ര മേഖലയിലും ഉണ്ടായ കേരളത്തിൻ്റെ നേട്ടങ്ങൾ രാജ്യത്തിനാകെ മാതൃകയാണെന്ന്
സഹകരണം-തുറമുഖം-ദേവസ്വം വകുപ്പു മന്ത്രി വി.എന്‍. വാസവന്‍ പറഞ്ഞു. 

      തിരുവനന്തപുരം ജില്ലാ എംപ്ലോയ്മെന്റ് എക്സ്ചേഞ്ചിനു കീഴിലുള്ള എംപ്ലോയബിലിറ്റി സെന്ററിൽ ഏപ്രിൽ 26ന് രാവിലെ 10 മണിക്ക് വിവിധ തസ്തികകളിൽ അഭിമുഖം നടക്കും. അസോസിയേറ്റ് ബിസിനസ് മാനേജർ, മാനേജർ ട്രെയിനി, ടീം ലീഡർ, പ്രയോരിറ്റി പാർട്നേർസ്, ഫിനാൻഷ്യൽ കോൺസൽറ്റന്റ്സ്, ഇൻഷുറൻസ് അഡൈസർ, സെയിൽസ് ഓഫീസർ, മെക്കാനിക് തസ്തികകളിലാണ് അഭിമുഖം. എസ്.എസ്.എൽ.സി, പ്ലസ്ടു, ഐ.ടി.ഐ, ഡിഗ്രി യോഗ്യതയുള്ളവർക്ക് പങ്കെടുക്കാം.

19/07/2024 ലെ 30-ാം നമ്പർ കേരള ഗസറ്റ് വിജ്ഞാപന പ്രകാരം കേരള സ്റ്റേറ്റ് ഇലക്ട്രിസിറ്റി ലൈസൻസിംഗ് ബോർഡ് നടത്തുന്ന ഇലക്ട്രിക്കൽ വയർമാൻ എഴുത്തു പരീക്ഷ 2024 എല്ലാ ജില്ലകളിലും മേയ് 8 ന് നടക്കും.

കേരള തൊഴിലാളി ക്ഷേമനിധി ബോർഡിന്റെ പരിധിയിൽ വരുന്ന സ്ഥാപനങ്ങളിലെ തൊഴിലാളികളുടെ മക്കൾക്ക് സിവിൽ സർവീസ് പരിശീലനത്തിനായി കിലെ സിവിൽ സർവീസ് അക്കാദമിയിൽ ജൂൺ ആദ്യവാരം ആരംഭിക്കുന്ന കോഴ്സിലേക്ക് അപേക്ഷ ക്ഷണിച്ചു.

തൃശ്ശൂര്‍ ജില്ലാ പ്രൊബേഷന്‍ ഓഫീസിന്റെ നേതൃത്വത്തില്‍ വനിതാ ജയിലില്‍ ലൈഫ് സ്‌കില്‍ ട്രെയിനിങ്ങും സോപ്പ് നിര്‍മ്മാണ പരിശീലനവും സംഘടിപ്പിച്ചു. പരിപാടിയുടെ ഉദ്ഘാടനം ജയില്‍ സൂപ്രണ്ട് ടി.ജെ ജയ നിര്‍വ്വഹിച്ചു. കേരള ശാസ്ത്ര സാഹിത്യ പരിഷത്ത് പ്രവര്‍ത്തകനായ ശിഖാമണി സോപ്പ് നിര്‍മ്മാണ പരിശീലന ക്ലാസ് നയിച്ചു.

ജില്ലാ പ്രൊബേഷന്‍ ഓഫീസില്‍ ഇന്റേണ്‍ഷിപ്പ് ചെയ്യുന്ന ക്രൈസ്റ്റ് കോളേജ് ഇരിങ്ങാലക്കുട എം എസ് ഡബ്ല്യു വിഭാഗം വിദ്യാര്‍ത്ഥിനികളായ എം.എ സഫ, ദീപ ജോസഫ് എന്നിവര്‍ പരിപാടികള്‍ക്ക് നേതൃത്വം നല്‍കി. എംഎസ്ഡബ്യു വിദ്യാര്‍ത്ഥിനികള്‍ ജീവിത നൈപുണ്യ പരിശീലന ക്ലാസ് നയിച്ചു.

മതിലകം ബ്ലോക്ക് പഞ്ചായത്തിലെ പെരിഞ്ഞനം, മതിലകം, ശ്രീനാരായണപുരം എന്നീ പഞ്ചായത്തുകളില്‍ ഏറെ നാളായി തുടരുന്ന കുടിവെള്ള പ്രശ്‌നത്തിന് ശാശ്വത പരിഹാരമാകുന്നു. നാട്ടിക ഫര്‍ക്ക കുടിവെള്ള പദ്ധതിയില്‍ അഗസ്‌തേശ്വരം മുതല്‍ മതിലകം വരെയുള്ള പ്രദേശങ്ങളില്‍ പുതിയ പൈപ്പ് സ്ഥാപിക്കാന്‍ 11,90,01,818 രൂപയുടെ ടെണ്ടര്‍ അംഗീകരിച്ച് സര്‍ക്കാര്‍ ഉത്തരവായി. ഇതോടെ 40 വര്‍ഷം പഴക്കമുള്ള കോണ്‍ക്രീറ്റ് പൈപ്പുകള്‍ മാറ്റി പകരം പുതിയ പൈപ്പുകള്‍ സ്ഥാപിക്കുന്നത്തോടെ പൈപ്പ് പൊട്ടുന്നതിന്റെ ഭാഗമായി നിരന്തരമായി ഉണ്ടാകാറുള്ള റോഡ് തകര്‍ച്ചക്കും കുടിവെള്ളം പാഴാകുന്നതിനും ഇതുമൂലമുണ്ടാകുന്ന കുടിവെള്ള പ്രശ്‌നത്തിനും പരിഹാരമാകും.