പൊലീസ് വകുപ്പിന്റെ കെ-9 സ്‌ക്വാഡ് മുന്നിട്ടിറങ്ങുമ്പോള്‍ എന്റെ കേരളം പ്രദര്‍ശന വിപണന മേളയില്‍ ഇക്കുറി പൊലീസ് ഡോഗ് ഷോ ശ്രദ്ധേയമാകുമെന്ന് മാത്രമല്ല കാണികളെ തരിപ്പിക്കുകയും ത്രസിപ്പിക്കുകയും ചെയ്യും . ഇന്‍ഫര്‍മേഷന്‍- പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതല്‍ 10 വരെ സ്‌റ്റേഡിയം ബസ് സ്റ്റാന്റിന്  സമീപത്തെ മൈതാനത്താണ് എന്റെ കേരളം പ്രദര്‍ശന വിപണന മേള നടക്കുക. പാലക്കാട് ജില്ല പോലീസ് മേധാവിയുടെ കീഴിലെ പാലക്കാട് കെ9 സ്‌ക്വാഡിലെ അഞ്ച് ഡോഗുകളും ഷൊര്‍ണൂര്‍ കെ9 സ്‌ക്വാഡിലെ  നാല് ഡോഗുകളും മേളയില്‍ വിവിധ ദിവസങ്ങളില്‍ ഭാഗമാകും.

പോഷന്‍ പക്ക്വാഡയുടെ ഭാഗമായി അട്ടപ്പാടി ഐ.സി.ഡി.എസിന്റെ നേതൃത്വത്തില്‍ അനീമിയ സ്‌ക്രീനിങ്ങും ബോധവല്‍ക്കരണവും നടന്നു. ഏപ്രില്‍ 22 വരെ നടക്കുന്ന പോഷന്‍ പക്ക്വാഡയുടെ ഭാഗമായി 50 ഓളം കൗമാരപ്രായക്കാരായവര്‍, ഗര്‍ഭിണികള്‍, പാലൂട്ടുന്ന അമ്മമാര്‍ ഗുരുതര പോഷകാഹാരക്കുറവുള്ള കുട്ടികളുടെ രക്ഷിതാക്കള്‍ തുടങ്ങിയവരാണ് പങ്കെടുത്തത്. പോഷകാഹാരകുറവ്, രക്തക്കുറവ് എന്നിവ പരിഹരിക്കുന്നതിനായി ഭക്ഷണക്രമത്തില്‍ വരുത്തേണ്ട മാറ്റം, അനിമീയ വരാതിരിക്കാനുള്ള പ്രതിരോധ പ്രവര്‍ത്തനങ്ങള്‍ എന്നിവയെ കുറിച്ചാണ് ബോധവല്‍ക്കരണം നടത്തിയത്. അട്ടപ്പാടി നാഷണല്‍ ആയുഷ്  മിഷന്‍  ആയുര്‍വേദ മെഡിക്കല്‍ ഓഫീസര്‍ ഡോ.

പാലക്കാട് ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ കീഴില്‍ പ്രമുഖ സ്വകാര്യസ്ഥാപനങ്ങളിലേക്ക് ഏപ്രില്‍ 26 ന്  രാവിലെ 10ന് ജോബ് ഡ്രൈവ് നടത്തും. ബിസിനസ് ഡെവലപ്‌മെന്റ് മാനേജര്‍, സെയില്‍സ് ഡെവലപ്‌മെന്റ് മാനേജര്‍ ട്രൈനി, സര്‍ട്ടിഫൈഡ് ഫിനാന്‍ഷ്യല്‍ കണ്‍സള്‍ട്ടന്റ്, മാര്‍ക്കറ്റിങ് ഓഫീസര്‍, ഐ.ടി. സെയില്‍സ് ഫീല്‍ഡ് സ്റ്റാഫ് എന്നീ ഒഴിവുകളിലേക്കാണ് അഭിമുഖം. ജില്ലാ എംപ്ലോയ്‌മെന്റ് എക്‌സ്‌ചേഞ്ചിനോടനുബന്ധിച്ച് പ്രവര്‍ത്തിക്കുന്ന എംപ്ലോയബിലിറ്റി സെന്ററിലാണ് അഭിമുഖം.

കെ.ആര്‍.എഫ്.ബി പാലക്കാട് അല്ലെങ്കില്‍ മലപ്പുറം പ്രൊജക്ട് മാനേജ്‌മെന്റ് യൂണിറ്റിലെ ഓദ്യോഗിക ആവശ്യത്തിനായി ഒരു ഏഴ് സീറ്റര്‍ എ.സി വാഹനം ഒരു വര്‍ഷ കാലാവധിയിലേക്ക് ഉപയോഗിക്കാനായി ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് അഞ്ച് ഉച്ചയ്ക്ക് ഒരു മണി വരെ കെ.ആര്‍.എഫ്.ബി പാലക്കാട് അല്ലെങ്കില്‍ മലപ്പുറം എക്‌സിക്യൂട്ടിവ് എഞ്ചിനീയറുടെ കാര്യാലയത്തില്‍ സ്വീകരിക്കുമെന്ന് എക്‌സിക്യൂട്ടിവ് എഞ്ചിനീയര്‍ അറിയിച്ചു. ഫോണ്‍: 0466 2960090
 

വ്യവസായ വാണിജ്യ വകുപ്പിന്റെ സംരഭകത്വ വികസന സ്ഥാപനമായ കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ് ഡെവലപ്‌മെന്റിന്റെ ആഭിമുഖ്യത്തില്‍ സംരഭകര്‍ക്കായി ശില്‍പശാല നടത്തുന്നു. ഏപ്രില്‍ 24 മുതല്‍ 26 വരെ കളമശ്ശേരി കെ.ഐ.ഇ.ഡി കാമ്പസിലാണ് ശില്‍പ്പശാല. എ.ഐ മാര്‍ക്കറ്റിങ്ങിന്റെ ടൂള്‍സ്, പേഴ്‌സണല്‍ ബ്രാന്റിങ് ടൂള്‍സ്, ബിസിനസില്‍ എങ്ങനെ എ.ഐ ഉപയോഗിക്കാം, എ.ഐ ബിസിനസ് സാധ്യതകള്‍, തുടങ്ങി നിരവധി സെഷനുകളാണ് ശില്‍പ്പശാലയില്‍ ഉള്‍പ്പെടുത്തിയിരിക്കുന്നത്.

പെരുമാട്ടി വില്ലേജ് ഓഫീസ് കെട്ടിടം TLKCTR/5283/2024- A4 പ്രകാരം മെയ് രണ്ട് രാവിലെ 11 മണിക്ക് ലേലം ചെയ്യും. പെരുമാട്ടി വില്ലേജ് ഓഫീസ് കോമ്പൗണ്ടിലാണ് ലേലം. താല്‍പര്യമുള്ളവര്‍ നിരതദ്രവ്യം അടച്ച് ലേലത്തില്‍ പങ്കെടുക്കണമെന്ന് ചിറ്റൂര്‍ തഹസില്‍ദാര്‍ അറിയിച്ചു. ഫോണ്‍: 04923 224740
 

പാലക്കാട് കോട്ടായിയില്‍ കോളേജ് ഓഫ് അപ്ലൈഡ് സയന്‍സസ് കുഴല്‍മന്ദത്ത് ഹ്രസ്വകാല കോഴ്‌സുകളിലേക്ക്
അപേക്ഷ ക്ഷണിച്ചു. പത്താം ക്ലാസ്, പ്ലസ്ടു, ഐ.ടി.ഐ പഠനം പൂര്‍ത്തിയാക്കിയ വിദ്യാര്‍ഥികള്‍ക്കാണ് കോഴ്‌സുകള്‍. പൈത്തണ്‍ പ്രോഗ്രാമിങ്, ആര്‍ഡ്വിനോ പ്രോഗ്രാമിങ്, ബിസിനസ് ഇംഗ്ലീഷ്, വര്‍ക്‌സ്‌പേസ് കമ്മ്യൂണിക്കേഷന്‍ അക്കൗണ്ടിങ് വിത്ത് ടാലി കോഴ്‌സുകളാണ് ആരംഭിക്കുന്നത്. അപേക്ഷകള്‍ ഏപ്രില്‍ 30നകം നല്‍കണമെന്ന് പ്രിന്‍സിപ്പള്‍ അറിയിച്ചു. കൂടുതല്‍ വിവരങ്ങള്‍ http://caskuzhalmannam.ihrd.ac.in  ല്‍ ലഭ്യം. ഫോണ്‍: 04922 285577, 8547005061, 8907224197

മന്ത്രി എം.ബി രാജേഷിന്റെ നേതൃത്വത്തില്‍ നടപ്പാക്കുന്ന അന്‍പോട് തൃത്താലയുടെ ഭാഗമായി മെഗാ മള്‍ട്ടി സ്‌പെഷ്യാലിറ്റി മെഡിക്കല്‍ ക്യാമ്പിന്റെ പ്രചാരണാര്‍ത്ഥം റീല്‍സ് വീഡിയോ മത്സരത്തിന് അപേക്ഷ ക്ഷണിച്ചു. മെയ് 11 നാണ് മെഗാ മള്‍ട്ടി സ്‌പെഷ്യാലിറ്റി  മെഡിക്കല്‍ ക്യാമ്പ് നടപ്പാക്കുന്നത്. മെഗാ ക്യാമ്പിന്റെ സന്ദേശം ഉള്‍ക്കൊള്ളുന്ന ഉള്ളടക്കവും ജനപ്രീതിയും പരിഗണിച്ച് മികച്ച വീഡിയോകള്‍ക്ക് സമ്മാനം നല്‍കും. ഒരു മിനിട്ടില്‍ കവിയാത്ത വീഡിയോകള്‍ ആയിരിക്കണം. റീലുകള്‍ 9497210207 എന്ന നമ്പറിലേക്ക് വാട്‌സ്ആപ്പ് അല്ലെങ്കില്‍ ടെലഗ്രാം വഴി ഏപ്രില്‍ 30നകം അയക്കണം.
 

കൊടുന്തിരപ്പുള്ളി-കല്ലേക്കാട് റോഡില്‍ കല്‍വര്‍ത്തി നടക്കുന്നതിനാല്‍ ഏപ്രില്‍ 22 മുതല്‍ ഗതാഗത നിയന്ത്രണം ഉണ്ടായിരിക്കുമെന്ന്
പാലക്കാട് പൊതുമരാമത്ത് വകുപ്പ് (നിരത്തുകള്‍ വിഭാഗം, സെക്ഷന്‍ 1) അസിസ്റ്റന്റ് എഞ്ചിനീയര്‍ അറിയിച്ചു.