ക്ഷീരകര്‍ഷക ക്ഷേമനിധിയുടെ ജില്ലാ നോഡല്‍ ഓഫീസിലേക്ക് ക്ഷീരജാലകം പ്രമോട്ടര്‍ തസ്തികയിലേക്ക് അപേക്ഷ ക്ഷണിച്ചു. താല്‍ക്കാലിക ദിവസ വേതന അടിസ്ഥാനത്തിലാണ് നിയമനം. ജില്ലാ പരിധിയിലുള്ള ക്ഷിര സംഘങ്ങള്‍, ക്ഷീര വികസന ഓഫീസ്, ജില്ലാ ഓഫീസ് എന്നിവിടങ്ങളില്‍ പ്രവര്‍ത്തിക്കുന്നതിന് താത്പര്യമുള്ള ജില്ലാ നിവാസികളായ ഉദ്യോഗാര്‍ത്ഥികളാണ് അപേക്ഷക്കേണ്ടത്. ഹയര്‍ സെക്കണ്ടറി / ഡിപ്ലോമ, കംപ്യൂട്ടര്‍ പരിജ്ഞാനം, സോഫ്റ്റ് വെയര്‍ കൈകാര്യം ചെയ്യാനും അറിഞ്ഞിരികണം. 18 മുതല്‍ 40 വയസ്സാണ് പ്രായപരിധി.

പ്രധാനമന്ത്രി ഗ്രാം സഡക് യോജന പ്രോഗ്രാം ഇംപ്ലിമെന്റേഷന്‍ യൂണിറ്റ് പാലക്കാടിന്റെ കീഴില്‍ വിവിധ ക്വട്ടേഷനുകള്‍ ക്ഷണിച്ചു. 2025KSRD140287, 2025 KSRD 140286, 2025 KSRD 140257, 2025 KSRD 140305 എന്നീ ക്വട്ടേഷന്‍ ഐഡികള്‍ക്കാണ് ക്വട്ടേഷന്‍ അയക്കേണ്ടത്. ഏപ്രില്‍ 30 വൈകീട്ട് അഞ്ചിന് മുമ്പായി ക്വട്ടേഷന്‍ അയക്കണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു. കൂടുതല്‍ വിവരങ്ങള്‍ www.pmgsytenders.gov.in/nicgep/app ല്‍ ല്ഭ്യം. ഫോണ്‍: 0491 2505448

കോട്ടയത്ത് ഒരു സര്‍ക്കാര്‍ സ്ഥാപനത്തില്‍ ജെന്‍ഡര്‍ സ്പെഷ്യലിസ്റ്റ് തസ്തികയില്‍ താത്കാലിക ഒഴിവ്. സോഷ്യല്‍ വര്‍ക്ക് മറ്റേതെങ്കിലും സാമൂഹ്യ വിഷയങ്ങളിലോ ബിരുദമാണ് യോഗ്യത. ബിരുദാനന്തര ബിരുദമുള്ളവര്‍ക്ക് മുന്‍ഗണന. മൂന്ന് വര്‍ഷത്തെ പ്രവര്‍ത്തി പരിചയം ഉണ്ടായിരിക്കണം. താല്‍പര്യമുള്ളവര്‍ മെയ് മൂന്നിനുള്ളില്‍ എംപ്ലോയ്മെന്റ് എക്സചേഞ്ചുകളില്‍ രജിസ്റ്റര്‍ ചെയ്യണമെന്ന് ഡിവിഷണല്‍ എംപ്ലോയ്മെന്റ് ഓഫീസര്‍ അറിയിച്ചു. ഫോണ്‍: 0484 2312944
 

സാക്ഷരതാമിഷന്‍ അതോറിറ്റിയുടെ മലയാള ഭാഷ പഠന കോഴ്സിലേക്ക് അപേക്ഷ ക്ഷണിച്ചു. 'പച്ച മലയാളം' കോഴ്സിന്റെ രണ്ടാം ബാച്ചിലേക്ക് ഏപ്രില്‍ 30 വരെ ഓണ്‍ലൈനായി അപേക്ഷിക്കാം. മലയാള ഭാഷാപഠനത്തിലൂടെ വൈജ്ഞാനിക സമ്പത്ത് വളര്‍ത്തുക എന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്. ആറ് മാസത്തെ കോഴ്സാണ് പച്ചമലയാളം. 17 വയസ്സ് പൂര്‍ത്തിയായവര്‍ക്ക് അപേക്ഷിക്കാം. രജിസ്ട്രേഷന്‍ ഫീസുള്‍പ്പടെ 4000 രൂപയാണ് കോഴ്സ് ഫീസ്. www.literacymissionkerala.org എന്ന വൈബ്സൈറ്റ് വഴി അപേക്ഷിക്കാം. ഫോണ്‍: 0491 2505179

1995 ജനുവരി ഒന്ന്  മുതല്‍ 2024 ഡിസംബര്‍ 31 വരെ പുതുക്കാന്‍ കഴിയാത്ത എംപ്ലോയ്മെന്റ് രജിസ്ട്രേഷന്‍ ഏപ്രില്‍ 30 വരെ പുതുക്കാം. വിവിധ കാരണങ്ങളാല്‍ രജിസ്ട്രേഷന്‍ പുതുക്കാന്‍ കഴിയാത്ത സീനിയോറിറ്റി നഷ്ടപ്പെട്ട ഉദ്യോഗാര്‍ഥികള്‍ക്ക് അവരുടെ സീനിയോറിറ്റി നിലനിര്‍ത്തിക്കൊണ്ടാണ് രജിസ്ട്രേഷന്‍ പുതുക്കാനാവുക. രജിസ്ട്രേഷന്‍ ഐഡന്റിറ്റി കാര്‍ഡില്‍ പുതുക്കേണ്ട  മാസം 10/94 മുതല്‍ 09/2024 വരെ രേഖപ്പെടുത്തിയിട്ടുള്ളവര്‍ക്ക്  ഈ ഉത്തരവിന്റെ ആനുകൂല്യം ലഭിക്കും. ഉദ്യോഗാര്‍ത്ഥികള്‍ക്ക് ഓണ്‍ലൈനായോ നേരിട്ടോ പുതുക്കാമെന്ന് ആലത്തൂര്‍ എംപ്ലോയ്മെന്റ് ഓഫീസര്‍ അറിയിച്ചു.  
ഫോണ്‍ : 04922 222309

പാലക്കാട് ഗവ. മെഡിക്കല്‍ കോളേജ് ഇന്‍സ്റ്റിറ്റ്യൂട്ട് ഓഫ് ഇന്റഗ്രേറ്റഡ് മെഡിക്കല്‍ സയന്‍സസില്‍ പാത്തോളജി വിഭാഗത്തിലെ സര്‍വീസ് ലാബിലേക്കാവശ്യമായ സാധനങ്ങള്‍ വിതരണം ചെയ്യുന്നതിന് മത്സരാടിസ്ഥാനത്തില്‍ ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഏപ്രില്‍ 30 രണ്ട് മണിക്ക് മുന്‍പായി അയക്കണം. അന്നേ ദിവസം 2.30 ന് ക്വട്ടേഷന്‍ തുറന്ന് പരിശോധിക്കുമെന്ന് ഗവ മെഡിക്കല്‍ കോളേജ് ഡയറക്ടര്‍ അറിയിച്ചു. ഫോണ്‍: 0491 2974125

ആലത്തൂര്‍ താലൂക്കിലെ പരുത്തിപ്പുള്ളി ശ്രീ തൃത്താമര ക്ഷേത്രത്തില്‍ പാരമ്പര്യേതര  ട്രസ്റ്റി  നിയമനം നടത്തുന്നു. താല്‍പര്യമുള്ള ഹിന്ദുമത വിശ്വാസികള്‍  മെയ് ഒന്‍പതിന് വൈകിട്ട് അഞ്ചിനകം മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്റ് കമ്മീഷണര്‍ക്ക് അപേക്ഷ നല്‍കണമെന്ന് മലബാര്‍ ദേവസ്വം ബോര്‍ഡ്  അസിസ്റ്റന്റ് കമ്മീഷണര്‍  അറിയിച്ചു. അപേക്ഷാഫോം www.malabardevaswom.kerala.gov.in ല്‍ ലഭ്യം. ഫോണ്‍ :0491- 2505777

മണ്ണാര്‍ക്കാട് ബ്ലോക്ക് പട്ടികജാതി വികസന ഓഫീസിന്റെ കീഴില്‍ മണ്ണാര്‍ക്കാട്, അട്ടപ്പാടി ബ്ലോക്ക് പഞ്ചായത്തുകളിലെ തച്ചമ്പാറ, പൊറ്റശ്ശേരി, അഗളി എന്നിവിടങ്ങളിലെ ആണ്‍കുട്ടികളുടെ പ്രീമെട്രിക് ഹോസ്റ്റലുകളിലേക്ക് പ്രവേശനത്തിന് അപേക്ഷ ക്ഷണിച്ചു. മെയ് 20 വൈകീട്ട് അഞ്ചിനകം അപേക്ഷ സമര്‍പ്പിക്കണം.