#സ്വരാജ് ട്രോഫി പുരസ്‌കാരം ലഭിച്ച ആര്യനാട് ഗ്രാമപഞ്ചായത്തിന്  സ്വീകരണം#

അതിദരിദ്രരില്ലാത്ത കേരളത്തിലെ ആദ്യ ഗ്രാമപഞ്ചായത്തുകളിൽ ഒന്നായി ആര്യനാട് ഗ്രാമപഞ്ചായത്ത് മാറിയെന്ന് മന്ത്രി ജി.ആർ അനിൽ. ജില്ലയിലെ മികച്ച ഗ്രാമപഞ്ചായത്തിനുള്ള സ്വരാജ് ട്രോഫി പുരസ്‌കാരം ലഭിച്ച ആര്യനാട് ഗ്രാമപഞ്ചായത്തിനും ജില്ലയിലെ ഏറ്റവും നല്ല കുടുംബശ്രീ സിഡിഎസിനുള്ള  അംഗീകാരം ലഭിച്ച ആര്യനാട് കുടുംബശ്രീയ്ക്കും നൽകിയ  സ്വീകരണ ചടങ്ങ്  ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

എൻ്റെ കേരളം പ്രദർശന വിപണന മേളയോടനുബന്ധിച്ച സബ് കമ്മിറ്റികളുടെ സംയുക്ത അവലോകന യോഗം തമ്പാനൂർ ശിക്ഷക് സദനിൽ ചേർന്നു. മന്ത്രിമാരായ വി.ശിവൻകുട്ടി, ജി.ആർ അനിൽ എന്നിവരുടെ നേതൃത്വത്തിലായിരുന്നു യോ​ഗം.

മേളയോടനുബന്ധിച്ച് വിവിധ വകുപ്പുകളുടെ സ്റ്റോളുകൾ, ഫുഡ് കോർട്ട്, കലാസാംസ്കാരിക പരിപാടികൾ, പുസ്തകമേള, കാർഷിക വിപണന മേള, കുട്ടികളുടെ പാർക്ക് തുടങ്ങിയവ ക്രമീകരിക്കുന്നുണ്ട്. പത്താം വർഷത്തിലേക്ക് കടക്കുന്ന പിണറായി വിജയൻ സർക്കാരിന്റെ വികസന നേട്ടങ്ങളും ജനക്ഷേമപദ്ധതികളും ജനങ്ങളിലേക്ക് എത്തിക്കുന്നതിനാണ് പ്രദർശന വിപണനമേള സംഘടിപ്പിക്കുന്നത്.

കുഞ്ഞിമംഗലം കെ എസ് ഇ ബി എല്‍ സെക്ഷന്‍ പരിധിയിലെ 11 കെവി ലൈനിലേക്ക് ചാഞ്ഞു നില്‍ക്കുന്ന മരച്ചില്ലകള്‍ വെട്ടി മാറ്റുന്ന പ്രവൃത്തി നടക്കുന്നതിനാല്‍ ഏഴിമല, കുതിരുമ്മല്‍, തെരു, കുതിരുമ്മല്‍ കളരി എന്നീ ട്രാന്‍സ്ഫോര്‍മര്‍ പരിധിയില്‍ ഏപ്രില്‍ 23 ന് രാവിലെ 8.30 മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.
 

പുത്തന്‍തോപ്പ് സാമൂഹിക ആരോഗ്യ കേന്ദ്രത്തില്‍ താത്കാലിക അടിസ്ഥാനത്തില്‍ രാത്രികാല സേവനത്തിനായി ഡോക്ടറെ നിയമിക്കുന്നു. താത്പര്യമുള്ളവര്‍ മെയ് 5ന് രാവിലെ 10.30ന് കഴക്കൂട്ടത്തെ പോത്തന്‍കോട് ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടക്കുന്ന അഭിമുഖത്തിന് നേരിട്ട് ഹാജരാകണം.

എം.ബി.ബി.എസും ടി.സി.എം.സി മെഡിക്കല്‍ കൗണ്‍സിലിന്റെ പെര്‍മനെന്റ് രജിസ്‌ട്രേഷനുമാണ് യോഗ്യത. കൂടുതല്‍ വിവരങ്ങള്‍ക്ക് 0471-2750023.

കടവത്തൂര്‍ എന്‍ഐഎ കോളേജില്‍ അറബിക്, ഇംഗ്ലീഷ് വിഷയങ്ങളില്‍ താല്‍ക്കാലിക അധ്യാപകരെ നിയമിക്കുന്നു. കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തവര്‍ക്ക് അപേക്ഷിക്കാം. നെറ്റ്, പിഎച്ച്ഡി യോഗ്യതയുള്ളവര്‍ക്ക് മുന്‍ഗണന. അഫ്‌സല്‍-ഉല്‍-ഉലമ പ്രിലിമിനറി വിഭാഗത്തില്‍ മെയ് എട്ടിന് ഉച്ചയ്ക്ക് 11 നും യു.ജി.സി വിഭാഗത്തില്‍ അതേ ദിവസം ഉച്ചയ്ക്ക് 12 നും കോളേജ് ഓഫീസില്‍ അഭിമുഖം നടക്കും. ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിന് എത്തണം. ഫോണ്‍: 9497646864, 0490-2390381, 0490-2930381

ജില്ലയിലെ അര്‍ധ സര്‍ക്കാര്‍ സ്ഥാപനത്തില്‍ ടെലിഫോണ്‍ സൂപ്പര്‍വൈസര്‍ തസ്തികയില്‍ ഓപ്പണ്‍ വിഭാഗക്കാര്‍ക്ക് സംവരണം ചെയ്ത ഒരു ഒഴിവിലേക്ക് അപേക്ഷ ക്ഷണിച്ചു. ഹയര്‍സെക്കണ്ടറി / തത്തുല്യം, ടെലികമ്മ്യൂണിക്കേഷന്‍ / ഇലക്ട്രോണിക്സ് ഡിപ്ലോമ, ഇന്റര്‍നെറ്റ്/ഇമെയില്‍ സര്‍ട്ടിഫിക്കറ്റ്, ഇപിബിഎക്‌സ്, ഫാക്‌സ് എന്നീ മേഖലയില്‍ അഞ്ചു വര്‍ഷത്തില്‍ കുറയാത്ത പ്രവൃത്തി പരിചയമുള്ള 18 നും 36 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളുമായി അടുത്തുള്ള എംപ്ലോയ്‌മെന്റ് എക്‌സ്‌ചേഞ്ചുകളില്‍ മെയ് ഒന്‍പതിനകം പേര് രജിസ്റ്റര്‍ ചെയ്യണം.

ബിസില്‍ ട്രെയിനിംഗ് ഡിവിഷന്റെ ഒന്നര വര്‍ഷം ദൈര്‍ഘ്യമുള്ള തൊഴിലധിഷ്ഠിത സ്‌കില്‍ ഡിപ്ലോമ ഇന്‍ ലോജിസ്റ്റിക്‌സ് ആന്റ് സപ്ലൈ ചെയിന്‍ മാനേജ്‌മെന്റ് കോഴ്സിലേക്ക് പ്ലസ് ടു പാസായവരില്‍ നിന്നും അപേക്ഷ ക്ഷണിച്ചു. കോഴ്സ് പൂര്‍ത്തിയാക്കുന്നവര്‍ക്ക് ഇന്റേണ്‍ഷിപ്പും പ്ലേസ്‌മെന്റ് അസിസ്റ്റന്‍സും ലഭിക്കും. ഫോണ്‍: 7994449314

ടൂറിസം വകുപ്പിന്റെ കീഴില്‍ കണ്ണൂര്‍ ഒണ്ടേന്‍ റോഡില്‍ പ്രവര്‍ത്തിക്കുന്ന ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ അവധിക്കാല ഹ്രസ്വകാല കോഴ്‌സിലേക്ക് അപേക്ഷ ക്ഷണിച്ചു. കുക്കറി, ബേക്കറി വിഭാഗങ്ങളിലായാണ് പരിശീലനം. ഇന്‍സിറ്റിയൂട്ടില്‍ നേരിട്ടോ 0497 2706904, 2933904, 9895880075 നമ്പറുകളിലോ മെയ് അഞ്ചിന് വൈകുന്നേരം നാലിനകം രജിസ്റ്റര്‍ ചെയ്യാം.

എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷനും എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പറേഷനും സംയുക്തമായി നടത്തുന്ന നിധി ആപ്‌കെ നികട് ജില്ലാ വ്യാപന പദ്ധതിയുടെ ജില്ലയിലെ ഗുണഭോക്താക്കള്‍ക്കുള്ള പ്രതിമാസ പരാതി പരിഹാര സമ്പര്‍ക്ക പരിപാടി ഏപ്രില്‍ 28 ന് രാവിലെ 9.30 ന് മയ്യില്‍ വീവേഴ്‌സ് ഇന്‍ഡസ്ട്രിയല്‍ കോ-ഓപ്പറേറ്റീവ് സൊസൈറ്റി, എകെജി നഗര്‍, മയ്യിലില്‍ നടക്കും. പങ്കെടുക്കുന്നവര്‍ ആവശ്യമായ രേഖകള്‍ സഹിതം പരിപാടിയില്‍ എത്തണമെന്ന് റീജിയണല്‍ പ്രോവിഡന്റ് ഫണ്ട് കമ്മീഷണര്‍ അറിയിച്ചു.

ഏപ്രില്‍ മാസത്തെ ജില്ലാ വികസന സമിതി യോഗം ഏപ്രില്‍ 26 ശനിയാഴ്ച രാവിലെ 11 ന് കലക്ട്രേറ്റ് ഓഡിറ്റോറിയത്തില്‍ നടക്കും.