മലപ്പുറം ജില്ലയിലെ യുപി, ഹൈസ്‌കൂൾ വിഭാഗം വിദ്യാർത്ഥികൾക്കായി ജില്ലാ ദുരന്തനിവാരണ അതോറിറ്റിയുടെ നേതൃത്വത്തിൽ പരിശീലനം സംഘടിപ്പിച്ചു. കളക്ടറേറ്റ് കോൺഫറൻസ് ഹാളിൽ നടന്ന പരിപാടിഎ ജില്ലാ കളക്ടർ വി.ആർ വിനോദ് ഉദ്ഘാടനം ചെയ്തു. രാവിലെ പത്ത് മുതൽ വൈകീട്ട് നാലുവരെ നടന്ന പരിശീലനത്തിൽ തിയറി ക്ലാസുകളും പ്രാക്ടിക്കൽ ക്ലാസുകളും ഉൾപ്പെടുത്തിയിരുന്നു. ആദ്യം രജിസ്റ്റർ ചെയ്ത നൂറ് കുട്ടികളെയാണ് പരിപാടിക്കായി തെരഞ്ഞെടുത്തത്.

2018 ലെ പ്രളയ ദുരിതാശ്വാസ ധനസഹായം നല്‍കുന്നതുമായി ബന്ധപ്പെട്ട് രണ്ടാം അപ്പീല്‍ അധികാരിയായി പെര്‍മെനന്റ് ലോക് അദാലത്തിനെ നിയമിച്ചുകൊണ്ടുള്ള ഹൈക്കോടതി ഉത്തരവ് 2023 ഓഗസ്റ്റ് 29 ന്  സുപ്രീം കോടതി സ്റ്റേ ചെയ്യുകയും അപേക്ഷകന് ദുരിതാശ്വാസ സഹായം സംബന്ധിച്ച് പരാതിയുണ്ടെങ്കില്‍ ഹൈക്കോടതിയെ സമീപിക്കാമെന്ന് ഉത്തരവിടുകയും ചെയ്ത സാഹചര്യത്തില്‍ പെര്‍മെനന്റ് ലോക് അദാലത്ത് വിധി പ്രകാരമുള്ള തുകകള്‍ അനുവദിക്കില്ലെന്ന് ലാന്‍ഡ് റവന്യൂ കമ്മിഷണര്‍ അറിയിച്ചു.

സർക്കാർ സ്വയംഭരണ സ്ഥാപനമായ കേരള മീഡിയ അക്കാദമിയുടെ ഡിപ്ലോമ ഇൻ ഓഡിയോ പ്രൊഡക്ഷൻ കോഴ്സിലേക്ക് അപേക്ഷ ക്ഷണിച്ചു. സൗണ്ട് എൻജിനീയറിംഗ്, ഞഖ ട്രെയിനിംഗ്, ഡബ്ബിംഗ്, പോഡ്കാസ്റ്റ്, വോയ്സ് മോഡുലേഷൻ തുടങ്ങിയ വിഷയങ്ങളിൽ പ്രായോഗിക പരിശീലനം നേടി ഏറെ തൊഴിൽ സാധ്യതയുള്ള സർക്കാർ അംഗീകൃത യോഗ്യത നേടാം. കേരള മീഡിയ അക്കാദമിയുടെ തിരുവനന്തപുരം, കൊച്ചി സെന്ററുകളിൽ ആണ് ക്ലാസ്സ് നടക്കുന്നത്. ഇരു സെന്ററുകളിലും പ്രവർത്തിക്കുന്ന അക്കാദമിയുടെ റേഡിയോ കേരള സ്റ്റുഡിയോയിലാണ് ക്ലാസും പരിശീലനവും. രണ്ടര മാസമാണ് കോഴ്സിന്റെ കാലാവധി. തിങ്കൾ മുതൽ വെള്ളി വരെ രാവിലെ പത്ത് മുതൽ വൈകീട്ട് നാല് വരെയാണ് ക്ലാസ്. പ്രായപരിധി ഇല്ല.

കേന്ദ്ര സർക്കാർ സംരംഭമായ ബിസിൽ  ട്രെയിനിംഗ് ഡിവിഷൻ  നടത്തുന്ന തൊഴിലധിഷ്ഠിത സ്‌കിൽ ഡിപ്ലോമ ഇൻ ലോജിസ്റ്റിക്സ് ാനഡ് സപ്ലൈ ചെയിൻ മാനേജ്മെന്റ് കോഴ്‌സിലേക്ക് പ്ലസ്ടു കഴിഞ്ഞവർക്ക് അപേക്ഷിക്കാം. ഫോൺ: 7994449314.

ടാറിങ് പ്രവൃത്തികൾ നടക്കുന്നതിനാൽ വണ്ടൂർ തൊണ്ടി -പാടാളിപ്പറമ്പ്-കോട്ടോല റോഡിൽ ഏപ്രിൽ 25 മുതൽ മെയ് 10 വരെ ഗതാഗതം നിരോധിച്ചു. വാഹനങ്ങൾ  പടകാളിപ്പറമ്പ-മൂച്ചികച്ചോല വണ്ടൂർ റോഡ്, നടുവത്ത്-നിലമ്പൂർ റോഡ്, തായംകോട്-പള്ളി റോഡ് വഴി പോകണം.

കെല്‍ട്രോണിന്റെ കോഴിക്കോട് നോളജ് സെന്ററില്‍ തൊഴിലധിഷ്ഠിത കോഴ്സുകളിലേയ്ക്ക അഡ്മിഷന്‍ ആരംഭിച്ചു. സര്‍ട്ടിഫിക്കറ്റ് കോഴ്സ് ഇന്‍ ഗ്രാഫിക്സ് -  വിഷ്വല്‍ എഫക്ട്സ് ( മൂന്ന് മാസം), കംപ്യൂട്ടര്‍ ഹാര്‍ഡ്വെയര്‍ - നെറ്റ്വര്‍ക്ക് മെയിന്റനന്‍സ് വിത്ത് ഇ ഗാഡ്ജറ്റ് ടെക്‌നോളജീസ് (1 വര്‍ഷം) കോഴ്‌സുകളിലേക്കാണ് അഡ്മിഷന്‍ തുടങ്ങിയത്. ഫോണ്‍ : 04952301772,  8590605275.

പട്ടികജാതി വികസന വകുപ്പിന്റെയും പെരുമ്പടപ്പ് ബ്ലോക്ക് പഞ്ചായത്തിന്റെയും കീഴിൽ നന്നംമുക്കിൽ പ്രവർത്തിക്കുന്ന മൂക്കുതല ഗവ. പ്രീമെട്രിക് ഹോസ്റ്റലിലെ വിദ്യാർത്ഥിനികൾക്ക് ട്യൂഷൻ നൽകുന്നതിനായി അധ്യാപകരിൽ നിന്നും അപേക്ഷ ക്ഷണിച്ചു. ഹൈസ്‌കൂൾ വിഭാഗത്തിൽ ഇംഗ്ലീഷ്, ഹിന്ദി, ഗണിതം, ഫിസിക്കൽ സയൻസ്, നാചുറൽ സയൻസ്, സോഷ്യൽ സയൻസ് വിഷയങ്ങൾക്കായി ഓരോ അധ്യാപകരെയും യുപി വിഭാഗത്തിൽ ആകെ മൂന്ന് അധ്യാപകരെയുമാണ് നിയമിക്കുന്നത്. ഹൈസ്‌കൂൾ അധ്യാപകർക്ക് 6000 രൂപയും യുപി അധ്യാപകർക്ക് 4500 രൂപയും ഓണറോറിയം ലഭിക്കും.

കോട്ടയം ജില്ലയിലെ സർക്കാർ സ്ഥാപനത്തിൽ ജെൻഡർ സ്പെഷ്യലിസ്റ്റ് തസ്തികയിൽ താത്കാലിക ഒഴിവുണ്ട്. സോഷ്യൽ വർക്കിലോ മറ്റേതെങ്കിലും സാമൂഹ്യ വിഷയങ്ങളിലോ ബിരുദമാണ് യോഗ്യത. ബിരുദാനന്തര ബിരുദം ഉള്ളവർക്ക് മുൻഗണന. സർക്കാർ/ സ്വകാര്യ മേഖലയിൽ സമാന തസ്തികയിൽ മൂന്നുവർഷത്തെ പ്രവൃത്തി പരിചയം ഉണ്ടായിരിക്കണം. താത്പര്യമുള്ളവർക്ക് മെയ് മൂന്നിനകം ബന്ധപ്പെട്ട എംപ്ലോയ്മെന്റ് എക്സ്ചേഞ്ചിൽ രജിസ്റ്റർ ചെയ്യണം.

സാമൂഹ്യനീതി വകുപ്പിലെ  മലപ്പുറം - മഞ്ചേരി ജില്ലാ പ്രൊബേഷൻ ഓഫീസിൽ പ്രൊബേഷൻ അസിസ്റ്റന്റ് തസ്തികയിൽ പ്രതീക്ഷിക്കുന്ന ഒഴിവിലേക്ക് കരാർ അടിസ്ഥാനത്തിൽ നിയമനം     നടത്തുന്നതിന് യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. സോഷ്യൽ വർക്ക് വിഷയത്തിൽ ബിരുദാനന്തര ബിരുദവും രണ്ട് വർഷത്തെ പ്രവൃത്തിപരിചയവും ഉള്ള യോഗ്യരായ ഉദ്യാഗാർഥികൾക്ക് അപേക്ഷിക്കാം. മലപ്പുറം ജില്ലയിൽ നിന്നുള്ളവർക്ക് മുൻഗണന.

മൂന്നിയൂർ കുന്നത്ത് പറമ്പ് സ്വദേശി വെള്ളമടത്തിൽ അയ്യൂബ് (65) എന്നയാളെ കാൺമാനില്ല. ഏപ്രിൽ ഒന്നിന് പുലർച്ചെ അഞ്ചോടെ വീട്ടിൽ നിന്ന് പുറത്തിറങ്ങിയതായിരുന്നു. ഏകദേശം 154 സെ.മീ ഉയരം, കറുത്ത നിറം, ശരീരം മുഴുവൻ കറുത്ത പാടുകൾ, വ്യക്തതയില്ലാത്ത സംസാരശൈലി.  കാണാതാകുമ്പോൾ വെള്ളമുണ്ട്, റോസ് ചെക്ക് ഷർട്ട് എന്നിവയായിരുന്നു ധരിച്ചിരുന്നത്. സംഭവവുമായി ബന്ധപ്പെട്ട് തിരൂരങ്ങാടി പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. ഇയാളെ കുറിച്ച് വിവരം ലഭിക്കുന്നവർ തിരൂരങ്ങാടി പോലീസ് സ്റ്റേഷൻ: 0494 2460331, എസ്.എച്ച്.ഒ: 9497987164, സബ് ഇൻസ്‌പെക്ടർ: 9497980685 എന്നീ നമ്പറുകളിൽ ബന്ധപ്പെടണമെന്ന് പൊലീസ് അറിയിച്ചു.