കള്ളക്കടല്‍ പ്രതിഭാസത്തിന്റെ ഭാഗമായി കേരള തീരത്ത് 25/04/2025 രാത്രി 11.30 വരെ 0.8 മുതല്‍ 1.7 മീറ്റര്‍ വരെയും, കന്യാകുമാരി തീരത്ത് 25/04/2025 രാത്രി 11.30 വരെ 0.8 മുതല്‍ 1.5 മീറ്റര്‍ വരെയും ഉയര്‍ന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം  അറിയിച്ചു

കടലാക്രമണത്തിന് സാധ്യതയുള്ളതിനാല്‍ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കേണ്ടതാണ്.

 കേരള സർക്കാർ സ്ഥാപനമായ കേരള സ്‌റ്റേറ്റ് റൂട്രോണിക്‌സ് സർട്ടിഫിക്കറ്റോടുകൂടി തിരുവനന്തപുരം, ആറ്റിങ്ങൽ അംഗീകൃത  പഠനകേന്ദ്രങ്ങളിലേക്ക്  ഒരു വർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിട്രേഷൻ കോഴ്‌സിലേക്ക് അപേക്ഷ ക്ഷണിച്ചു. ഇന്റേൺഷിപ്പോടു കൂടി റഗുലർ, പാർട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവർക്ക് അപേക്ഷിക്കാം.  വിശദവിവരത്തിന് ഫോൺ: 7994926081.

 കാഴ്ചപരിമിതർക്കായുള്ള ഒളശ്ശ സർക്കാർ സ്‌കൂളിൽ 2025- 2026 അധ്യയന വർഷം പ്രീ പ്രൈമറി മുതൽ പത്ത് വരെ ക്ലാസ്സുകളിലേക്ക് പ്രവേശനം ആരംഭിച്ചു. അഞ്ചുമുതൽ പത്തുവയസ് വരെ പ്രായമുള്ളവർക്ക് ഒന്നാം ക്ലാസിലേക്കും സാധാരണ സ്‌കൂളുകളിൽ പഠിക്കുന്ന കാഴ്ച പരിമിതരായ (40 ശതമാനത്തിനു മുകളിൽ ) കുട്ടികൾക്ക് ടി.സി.യുടെ അടിസ്ഥാനത്തിൽ അതതു ക്ലസുകളിലേക്കും പ്രവേശനം ലഭിക്കും. പഠനം, ഭക്ഷണം, വൈദ്യസഹായം, യൂണിഫോം എന്നിവ സൗജന്യമാണ്. സിലബസിനു പുറമേ സംഗീതം, ഉപകരണസംഗീതം, പ്രത്യേക സോഫ്റ്റ് വെയർ ഉപയോഗിച്ചുള്ള കംപ്യൂട്ടർ, ബ്രെയിൽ, കൈത്തൊഴിൽ, മൊബിലിറ്റി ആൻഡ് ഓറിയന്റേഷൻ, ഡെയിലി ലിവിംഗ് സ്‌കിൽസ് തുടങ്ങിയവയിൽ പരിശീലനം നൽകുന്നു.

സംസ്ഥാന മന്ത്രിസഭയുടെ നാലാം വർഷികന്റെ ഭാഗമായ എന്റെ കേരളം പ്രദർശനവിപണന മേളയുടെ ഉദ്ഘാടനത്തോടനുബന്ധിച്ചുള്ള സാംസ്‌കാരിക ഘോഷയാത്രയുടെ ഭാഗമായി കോട്ടയം നഗരത്തിൽ ഏപ്രിൽ 24 ഉച്ചകഴിഞ്ഞു മൂന്നുമണി മുതൽ അഞ്ചുമണി വരെ ഗതാഗത ക്രമീകരണം ഏർപ്പെടുത്തിയതായി പോലീസ് അറിയിച്ചു.
എം.സി. റോഡിലൂടെ നാട്ടകം ഭാഗത്തുനിന്നു വരുന്ന വലിയ വാഹനങ്ങൾ സിമന്റ് കവലയിൽനിന്ന് ഇടതുതിരിഞ്ഞ് പാറേച്ചാൽ ബൈപ്പാസ്, തിരുവാതുക്കൽ, കുരിശുപള്ളി അറുത്തൂട്ടി ജംഗ്ഷനിലെത്തി വലതു തിരിഞ്ഞ് ചാലുകുന്ന് ജംഗ്ഷനിലെത്തി മെഡിക്കൽകോളജ് ഭാഗത്തേക്ക് പോവുക. കുമരകം ഭാഗത്തേക്കുപോകേണ്ട വാഹനങ്ങൾ തിരുവാതുക്കൽ, അറുത്തൂട്ടി വഴി പോവുക.

ഉച്ചയ്ക്ക് 2.30: സാംസ്‌ക്കാരികറാലി: തിരുനക്കര മൈതാനത്തുനിന്ന് നാഗമ്പടം മൈതാനത്തേക്ക്്
വൈകിട്ട് 4.00: പ്രദർശന വിപണന മേള ഉദ്ഘാടനം: സഹകരണം-തുറമുഖം-ദേവസ്വം വകുപ്പു മന്ത്രി വി.എൻ. വാസവൻ
വൈകിട്ട്: 6.30: ഗ്രൂവ് ബാൻഡ് അവതരിപ്പിക്കുന്ന സംഗീത പരിപാടി

(പ്രവേശനം സൗജന്യം)
 

​- കോട്ടയം കാണുന്ന ഏറ്റവും വലിയ പ്രദർശന-വിപണന മേള
- മേള ഏപ്രിൽ 24 മുതൽ 30 വരെ
- ഏപ്രിൽ 24ന് സാംസ്‌ക്കാരിക ഘോഷയാത്ര
- പ്രവേശനം സൗജന്യം
- പ്രശസ്തരുടെ കലാവിരുന്നുകൾ

സംസ്ഥാന സർക്കാരിൻ്റെ എൻ്റെ കേരളം പ്രദർശന-വിപണനമേള 2025 ആലപ്പുഴയുടെ പ്രചരണാര്‍ഥം പബ്ളിസിറ്റി കമ്മിറ്റിയുടെ നിർദ്ദേശപ്രകാരം പ്രോഗ്രാം നോട്ടീസ് അച്ചടിക്കുന്നതിന് ക്വട്ടേഷൻ ക്ഷണിച്ചു.

 'കോട്ടയത്ത് എന്നാ കാണാനുള്ളത്?' എന്നു ചോദിച്ചിരുന്ന കാലം പോയി. കുമരകവും വൈക്കവും ഉൾപ്പെടുന്ന പടിഞ്ഞാറൻ മേഖലയും ഇല്ലിക്കൽ കല്ലും ഇലവീഴാപൂഞ്ചിറയുമുൾപ്പെടുന്ന കിഴക്കൻ മേഖലയും ഇന്ന് വിദേശികളടക്കമുള്ള ടൂറിസ്റ്റുകളുടെ പ്രധാന ഡെസ്റ്റിനേഷനുകളാണ്. ഇതിനൊപ്പം മലരിക്കൽ ആമ്പൽ വസന്തം പോലെ മനസ്സു കീഴടക്കുന്ന സീസണൽ ടൂറിസവും ഗ്രാമപ്രദേശങ്ങളിൽ തളിരിടുന്ന ഗ്രാമീണ ടൂറിസവും എല്ലാം ചേർന്ന് വിനോദ സഞ്ചാര ഭൂപടത്തിൽ ജില്ലയെ അടയാളപ്പെടുത്തിക്കഴിഞ്ഞു.

 ഇരുനൂറ് രൂപ വാർഷിക പ്രീമിയം നിരക്കിൽ മികച്ച ഇൻഷുറൻസ് പരിരക്ഷ ലഭ്യമാക്കുന്ന 'ജീവൻ ദീപം ഒരുമ' ഇൻഷുറൻസ് പദ്ധതി വഴി ജില്ലയിലെ അയൽക്കൂട്ട അംഗങ്ങൾക്ക് ഇൻഷുറൻസ് പരിരക്ഷയൊരുക്കാൻ കുടുംബശ്രീ.

 മാവേലിക്കര ഐ.എച്ച്.ആർ.ഡി.യുടെ കോളേജ് ഓഫ് അപ്ലൈഡ് സയൻസിൽ  ആരംഭിക്കുന്ന യു.ജി.സി. നെറ്റ് പേപ്പർ 1 (ഹ്യുമാനിറ്റീസ്), പേപ്പർ 2 (ലൈബ്രറി സയൻസ്, കൊമെഴ്‌സ്, കംപ്യൂട്ടർ സയൻസ്, മാനേജ്‌മെന്റ്, ടൂറിസം അഡ്മിനിസ്ട്രേഷൻ & മാനേജ്‌മെന്റ്) പരിശീലനം ആരംഭിക്കുന്നു. വിശദ വിവരങ്ങൾക്ക് ഫോൺ : 9495069307, 8547005046, 9526743283.