സംസ്ഥാന മന്ത്രിസഭയുടെ നാലാം വാര്‍ഷികാഘോഷത്തിന്റെ പ്രചാരണത്തിനായി വാഹന അനൗണ്‍സ്‌മെന്റിന് ക്വട്ടേഷന്‍ ക്ഷണിച്ചു. വാഹന വാടക, ഇന്ധനചെലവ്, സൗണ്ട് സിസ്റ്റം, ഡ്രൈവര്‍ എന്നിവക്ക് ഉള്‍പ്പെടെയുള്ള തുക ചേര്‍ത്താണ് ക്വട്ടേഷന്‍ സമര്‍പ്പിക്കേണ്ടത്. ഏപ്രില്‍ 27ന് ഉച്ചയ്ക്ക് ഒരു മണി വരെ ക്വട്ടേഷന്‍ സ്വീകരിക്കും. ഉച്ചക്ക് മൂന്നിന് ക്വട്ടേഷനുകള്‍ തുറക്കും. ഫോണ്‍: 0495 2370225.
 

ചാലക്കുടി-അങ്കമാലി ദേശീയപാതയിൽ ഗതാഗതകുരുക്ക് അഴിക്കാൻ കർശന നിർദ്ദേശങ്ങളുമായി ജില്ലാ ഭരണകൂടം. ഗതാഗതകുരുക്കിന് ഒരാഴ്ചക്കുള്ളിൽ പരിഹാരം കാണുമെന്ന് ദേശീയപാതാ അതോറിറ്റി ജില്ലാ കളക്ടർ അർജുൻ പാണ്ഡ്യൻ വിളിച്ച് ചേർത്ത യോഗത്തിൽ ഉറപ്പ് നൽകി. ഇത് സംബന്ധിച്ച് പരിശോധന നടത്തി ഏപ്രിൽ 28ന് റിപ്പോർട്ട് സമർപ്പിക്കുവാൻ പൊലീസ്, ആർ.ടി.ഒ., ചാലക്കുടി തഹസിൽദാർ എന്നിവർക്ക് കളക്ടർ നിർദ്ദേശം നൽകി. റിപ്പോർട്ടിന്റെ അടിസ്ഥാനത്തിൽ ടോൾ പിരിവ് നിർത്തി വയ്ക്കുന്ന ഉത്തരവ് സംബന്ധിച്ച് അന്തിമതീരുമാനം എടുക്കുമെന്നും ജില്ലാ കളക്ടർ അറിയിച്ചു.

രണ്ടാം പിണറായി വിജയന്‍ സര്‍ക്കാരിന്റെ നാലാം വാര്‍ഷികാഘോഷങ്ങളുടെ ഭാഗമായി ജില്ലയിലെ തദ്ദേശ കേന്ദ്രങ്ങളില്‍ സംഘടിപ്പിക്കുന്ന 'വികസന വരകള്‍' പരിപാടികളുടെ ജില്ലാതല ഉദ്ഘാടനം നാളെ (ഏപ്രില്‍ 25) കൊയിലാണ്ടി യു എ ഖാദര്‍ പാര്‍ക്കില്‍ നടക്കുമെന്ന് എന്റെ കേരളം പ്രീ ഇവന്റുകളുടെ നോഡല്‍ ഓഫീസര്‍ എ കെ അബ്ദുല്‍ ഹക്കീം അറിയിച്ചു. വൈകീട്ട് നാലിന് കൊയിലാണ്ടി നഗരസഭ ചെയര്‍പേഴ്‌സണ്‍ സുധ കിഴക്കെപ്പാട്ട് ഉദ്ഘാടനം നിര്‍വഹിക്കും.

സംസ്ഥാന സർക്കാരിന്റെ നാലാം വാർഷികവുമായി ബന്ധപ്പെട്ട് ഇൻഫർമേഷൻ പബ്ലിക് റിലേഷൻസ് വകുപ്പ് ജില്ലാ ഇൻഫർമേഷൻ ഓഫീസിനു വേണ്ടി ബ്രോഷർ അച്ചടിക്കാൻ ക്വട്ടേഷൻ ക്ഷണിക്കുന്നു. കോപ്പി 20000. സൈസ് 88 cm x 18.5 cm, 130 gsm Art Paper, 5 fold, 1/3 ഡബിൾ ഡമ്മി.  
ക്വട്ടേഷനുകൾ ലഭിക്കേണ്ട അവസാന തീയതി 2025 ഏപ്രിൽ  25 വൈകിട്ട് 3 വരെ.

കോഴിക്കോട് ബ്ലോക്ക്‌ പഞ്ചായത്തും കോഴിക്കോട് റൂറൽ ഐ സി ഡി എസ്സും സംയുക്തമായി ഏഴാമത് പോഷൺ പഖ്വാഡ സംഘടിപ്പിച്ചു. 2025 ഏപ്രിൽ എട്ട് മുതൽ 22 വരെ നീണ്ട് നിന്ന വിവിധ പരിപാടികളാണ് അങ്കണവാടി തലത്തിലും, പഞ്ചായത്ത് തലത്തിലും പോഷൺ പക്വാഡയുടെ ഭാഗമായി സംഘടിപ്പിച്ചത്. 

ബ്ലോക്ക്‌ തലയിൽ നടത്തിയ സമാപന പരിപാടികൾ ബ്ലോക്ക്‌ പഞ്ചായത്ത്‌ പ്രസിഡന്റ്‌ കെ ശൈലജ ടീച്ചർ ഉദ്ഘാടനം ചെയ്തു. ബ്ലോക്ക്‌ പഞ്ചായത്ത്‌ ആരോഗ്യ സ്റ്റാൻഡിങ് കമ്മറ്റി ചെയർപേഴ്സൺ റംല പുത്തലത്ത് ചടങ്ങിൽ അധ്യക്ഷത വഹിച്ചു. കോഴിക്കോട് റൂറൽ ഐസിഡിഎസ് സിഡിപിഒ സി ടി സൈബന്നിസ, ഐസിഡിഎസ് സൂപ്പർവൈസർമാർ തുടങ്ങിയവർ ചടങ്ങിൽ പങ്കെടുത്തു. 

മെയ് 3 മുതല്‍ 12 വരെ കോഴിക്കോട് ബീച്ചില്‍ നടക്കുന്ന എന്റെ കേരളം പ്രദര്‍ശന വിപണന മേളയുടെ ഭാഗമായി ജില്ലയിലെ യുവപ്രതിഭകളുടെ സംഗമം സംഘടിപ്പിക്കും. വിവിധ മേഖലകളില്‍ കഴിവ് തെളിയിച്ച 25 വയസ്സില്‍ താഴെയുള്ള പ്രതിഭകളാണ് പരിപാടിയില്‍ പങ്കെടുക്കുക. കലാ - സാംസ്‌കാരികം, കായികം, വിദ്യാഭ്യാസം, തൊഴില്‍, കൃഷി, സംരംഭകത്വം, വ്യവസായം, സാങ്കേതികവിദ്യ തുടങ്ങി വ്യത്യസ്ത മേഖലകളില്‍ കഴിവ് തെളിയിച്ചവരും പ്രതികൂല സാഹചര്യങ്ങളോട് പൊരുതി വിജയങ്ങള്‍ കൊയ്തവരും പരിപാടിയുടെ ഭാഗമാവും.

ജില്ലയിലെ വിനോദസഞ്ചാര മേഖലയുടെ വികസനത്തിനായി ഒമ്പത് വര്‍ഷത്തിനിടെ ലഭിച്ചത് 168 കോടി രൂപയുടെ ഭരണാനുമതി. ഓരോ തദ്ദേശസ്വയംഭരണ സ്ഥാപനങ്ങള്‍ക്ക് കീഴിലും ഒരു വിനോദസഞ്ചാര കേന്ദ്രം എന്ന സര്‍ക്കാരിന്റെ പദ്ധതിയിലൂടെ ലോകം കണ്ടത് പ്രകൃതിയുടെ നിറച്ചാര്‍ത്തുകളണിഞ്ഞ മനോഹരപ്രദേശങ്ങളാണ്. കാട് മൂടിക്കിടന്നിരുന്ന ചാലിയം കടല്‍ത്തീരവും പരിസരവും പുലിമുട്ടും ഇന്ന് ലോകോത്തര നിലവാരത്തിലുള്ള വിനോദസഞ്ചാര കേന്ദ്രങ്ങളാണ്. രണ്ട് ഘട്ടങ്ങളിലായി 9.53 കോടി രൂപയുടെ പ്രവൃത്തികളാണ് 'ഓഷ്യാനസ് ചാലിയം' ബീച്ച് ഡെസ്റ്റിനേഷന്‍ ഒരുക്കാന്‍ ചെലവഴിച്ചത്. 

ലോക ഭൗമ ദിനത്തിന്റെ ഭാഗമായി കോഴിക്കോട് സോഷ്യല്‍ ഫോറസ്ട്രി ഡിവിഷന്റെയും സോഷ്യല്‍ ഫോറസ്ട്രി റേഞ്ചിന്റെയും നേതൃത്വത്തില്‍ എന്‍സിസി ജില്ലാ യൂണിറ്റിന്റെ സഹകരണത്തോടെ ബോധവത്കരണ ക്ലാസ് സംഘടിപ്പിച്ചു. വെസ്റ്റ്ഹില്‍ എന്‍സിസി ആസ്ഥാനത്ത് നടന്ന പരിപാടി മേയര്‍ ബീന ഫിലിപ്പ് ഉദ്ഘാടനം ചെയ്തു. കോര്‍പ്പറേഷന്‍ കൗണ്‍സിലര്‍ എം.കെ മഹേഷ് അധ്യക്ഷത വഹിച്ചു. 2024ലെ വനമിത്ര അവാര്‍ഡ് ജേതാവ് ദേവിക ദീപക്കിനെ ചടങ്ങില്‍ അനുമോദിച്ചു. സുവോളജിക്കല്‍ സര്‍വേ ഓഫ് ഇന്ത്യ സയിന്റിസ്റ്റ് ഡോ. ജാഫര്‍ പാലോട്ട് ബോധവത്കരണ ക്ലാസെടുത്തു.

അഴിയൂര്‍ പഞ്ചായത്ത് 2024-25 വാര്‍ഷിക പദ്ധതിയില്‍ ഉള്‍പ്പെടുത്തി 28 ഹരിതകര്‍മസേന അംഗങ്ങള്‍ക്ക് സുരക്ഷാ ഉപകരണങ്ങള്‍ വിതരണം ചെയ്തു.  
ഗ്രാമപഞ്ചായത്ത് പ്രസിഡന്റ് ആയിഷ ഉമ്മര്‍ ഉദ്ഘാടനം ചെയ്തു. വൈസ് പ്രസിഡന്റ് ശശിധരന്‍ തോട്ടത്തില്‍, സ്ഥിരം സമിതി അധ്യക്ഷരായ അനിഷ ആനന്ദസദനം, അബ്ദുല്‍ റഹീം പുഴക്കല്‍ പറമ്പത്ത്, രമ്യ കരോടി, പഞ്ചായത്ത് അസിസ്റ്റന്റ് സെക്രട്ടറി എം സുനീര്‍ കുമാര്‍, വി ഇ ഒമാരായ സോജോ എ നെറ്റോ, പി വി പ്രത്യുഷ രാജ് വാര്‍ഡ് മെമ്പര്‍മാര്‍ എന്നിവര്‍ സംബന്ധിച്ചു.
 

ഇന്‍സ്പയര്‍ അവാര്‍ഡ്സ്: സംസ്ഥാനതല മത്സരം 25ന്