ജില്ലയിലെ ഒരു സർക്കാർ സ്ഥാപനത്തിൽ ജെൻഡർ സ്പെഷ്യലിസ്റ്റ് തസ്തികയിൽ ഒരു താത്കാലിക ഒഴിവ്. സോഷ്യൽ വർക്കിലോ മറ്റേതെങ്കിലും സാമൂഹ്യ വിഷയങ്ങളിലോ ഉള്ള ബിരുദം ആണ് യോഗ്യത. ബിരുദാനന്തര ബിരുദം ഉള്ളവർക്ക് മുൻഗണന. സർക്കാർ/സ്വകാര്യ മേഖലയിൽ സമാന തസ്തികയിൽ മൂന്നുവർഷത്തെ പ്രവൃത്തി പരിചയം ഉണ്ടായിരിക്കണം. താൽപര്യമുള്ളവർ മെയ് മൂന്നിനകം ബന്ധപ്പെട്ട എംപ്ലോയ്മെന്റ് എക്സ്‌ചേഞ്ചുകളിൽ രജിസ്റ്റർ ചെയ്യണം.

കോട്ടയം താലൂക്ക് വികസന സമിതി യോഗം മേയ് മൂന്നിന് രാവിലെ 10.30ന് കോട്ടയം താലൂക്ക് ഓഫീസ് കോൺഫറൻസ് ഹാളിൽ ചേരും.
 

 ജില്ലാ എംപ്ലോയ്മെന്റ് എക്സ്ചേഞ്ചിന്റെ ഭാഗമായ എംപ്ലോയബിലിറ്റി സെന്റർ വരുന്ന മാസങ്ങളിൽ നടത്തുന്ന തൊഴിൽമേളകളിലേക്കും, വോക് ഇൻ ഇന്റർവ്യൂകളിലേക്കും ഉദ്യോഗാർത്ഥികൾക്ക് എംപ്ലോയ്മെന്റ് എക്സ്‌ചേഞ്ചിൽ രജിസ്റ്റർ ചെയ്യുവാൻ അവസരം. ഏപ്രിൽ 24ന് രാവിലെ 10.30 മുതലാണ് രജിസ്ട്രേഷൻ. പ്ലസ് ടു ആണ് കുറഞ്ഞ വിദ്യാഭ്യാസ യോഗ്യത. രജിസ്റ്റർ ചെയ്യുവാനുള്ള പ്രായ പരിധി 18 മുതൽ 40 വരെ. താല്പര്യമുള്ളവർ രജിസ്റ്റർ ചെയ്യുന്നതിനായി ഒറ്റ തവണ ഫീസായി 250 രൂപയും ആധാർ കാർഡുമായി അന്നു രാവിലെ 10.30ന് കോട്ടയം ജില്ലാ എംപ്ലോയ്മെന്റ് എക്സ്ചേഞ്ചിൽ എത്തണം. കൂടുതൽ വിവരങ്ങൾക്ക്  ഫോൺ: 0481-2563451.

 സംസ്ഥാനത്താദ്യമായി സ്വകാര്യ മേഖലയിൽ അനുവദിക്കപ്പെട്ട വ്യവസായപാർക്കിന്റെ നേതൃത്വത്തിൽ പുതിയതും പഴയതുമായ സംരഭകരുടെ കൂട്ടായ്മ  രൂപപ്പെടണമെന്നും അതിലൂടെ റബ്ബറിന്റെ നാടായ കാഞ്ഞിരപ്പളളിയെ വ്യവസായകരുടെ ഹബ്ബാക്കി മാറ്റണമെന്ന് ആന്റോ ആന്റണി എം.പി. വ്യവസായ വകുപ്പിന്റെ ആഭിമുഖ്യത്തിൽ ഭക്ഷ്യ സംസ്‌കരണ മേഖലയിലെ വ്യവസായികളുടെ ക്ലസ്റ്റർ രൂപീകരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സർക്കാർ ചീഫ് വിപ്പ് ഡോ.എൻ. ജയരാജ് അദ്ധ്യക്ഷത വഹിച്ചു.

 റീബിൾഡ് കേരള പ്രോഗ്രാം ഫോർ റിസൽട്‌സ് പദ്ധതിയുടെ ഭാഗമായി ജില്ലാ ദുരന്ത നിവാരണ അതോറിട്ടി, കില എന്നിവർ സംയുക്തമായി നടത്തുന്ന
വൈക്കം-കടുത്തുരുത്തി ക്ലസ്റ്ററിന്റെ പ്രളയ പ്രതിരോധ തയാറെടുപ്പ് മോക്ഡ്രില്ലിന് മുന്നോടിയായുള്ള ടേബിൾ ടോപ് യോഗം ഉദയനാപുരം ഗ്രാമപഞ്ചായത്ത് ഹാളിൽ  നടത്തി. പ്രളയ പ്രതിരോധ തയ്യാറെടുപ്പ് മോക്ഡ്രിൽ 23ന്(ബുധൻ) രാവിലെ 11 മണിയ്ക്ക് ഉദയനാപുരം ഗ്രാമപഞ്ചായത്തിലെ  ആറ്റുവേലക്കടവിൽ നടത്തും.
ടേബിൾടോപ് യോഗം ഉദയനാപുരം ഗ്രാമപഞ്ചായത്ത് പ്രസിഡന്റ് പി.കെ. ആനന്ദവല്ലി യോഗം ഉദ്ഘാടനം ചെയ്തു.

സർക്കാരിന്റെ ഒൻപത് വർഷക്കാലയളവിൽ സംസ്ഥാനത്ത്  സമഗ്രമായ മാറ്റങ്ങളാണ് ഉണ്ടായിരിക്കുന്നതെന്ന് മത്സ്യബന്ധന  സാംസ്കാരിക വകുപ്പ് മന്ത്രി സജി ചെറിയാൻ.
ബീമാപ്പള്ളി സർക്കാർ യു പി സ്കൂളിൽ നിർമിച്ച പുതിയ കെട്ടിടത്തിന്റെയും വർണ്ണകൂടാരം പദ്ധതിയുടെയും ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.

കണ്ണൂർ ഗവ. മെഡിക്കൽ കോളേജിലെ ആശുപത്രി വികസന സമിതിയുടെ 2022-23 വർഷത്തിലെ വരവ് ചെലവുമായി ബന്ധപ്പെട്ട് കേരള സംസ്ഥാന ഓഡിറ്റ് വകുപ്പ് നടത്തിയ വാർഷിക ഓഡിറ്റിനോടനുബന്ധിച്ച് അനാവശ്യ വിവാദങ്ങൾ ഉണ്ടാക്കുന്നതിൽ നിന്നും പിൻതിരിയണമെന്ന് ആശുപത്രി അധികൃതർ അറിയിച്ചു. ഓഡിറ്റ് വേളകളിൽ സാധാരണയായി ഉന്നയിക്കാറുള്ള ചോദ്യങ്ങൾക്ക് അപ്പോൾ തന്നെ ആശുപത്രിയിൽ നിന്നും കൃത്യമായ മറുപടി സമർപ്പിച്ചിട്ടുള്ളതാണ്. എന്നാൽ ഇത്തരം വിശദീകരണങ്ങൾ എല്ലാം തന്നെ മറച്ചു വെച്ചു കൊണ്ട് വസ്തുതാ വിരുദ്ധമായ കാര്യങ്ങളാണ് പ്രചരിപ്പിക്കപ്പെടുന്നത്.

ദേശീയ ഭക്ഷ്യ ഭദ്രതാ നിയമം 2013 ന്റെ കാര്യക്ഷമമായ നടത്തിപ്പ് വിലയിരുത്തുന്നതിനായി സംസ്ഥാന ഭക്ഷ്യ കമ്മീഷന്‍ ചെയര്‍പേഴ്സണ്‍ ഡോ.ജിനു സഖറിയ ഉമ്മന്റെ നേതൃത്വത്തിലുള്ള ഉദ്യോഗസ്ഥ സംഘം ആറളം ഫാമിലെ ഗോത്ര വര്‍ഗ മേഖലകളില്‍ സന്ദര്‍ശനം നടത്തി. ഏഴ്, ഒൻപത്, പത്ത്, 11 ബ്ലോക്കുകളിലുള്ള ഗോത്രവര്‍ഗ്ഗക്കാരുടെ ഭവനങ്ങള്‍ സന്ദര്‍ശിക്കുകയും മേഖലയിലെ ഭക്ഷ്യ പൊതുവിതരണ വകുപ്പിന്റെ പ്രവര്‍ത്തനങ്ങള്‍ നേരിട്ട് മനസിലാക്കുകയും ചെയ്തു. ഫാമിലെ ഒമ്പത്, 10 ബ്ലോക്കുകളില്‍ പ്രവര്‍ത്തിക്കുന്ന അങ്കണവാടികള്‍ സന്ദര്‍ശിച്ച് പ്രവര്‍ത്തനങ്ങള്‍ വിലയിരുത്തി.

പട്ടിക വർഗ വികസന വകുപ്പിന്റെ കീഴിലുള്ള പെരിങ്ങോം ഏകലവ്യ മോഡൽ റസിഡൻഷ്യൽ സ്‌കൂളിൽ ദിവസവേതന അടിസ്ഥാനത്തിൽ ജീവനക്കാരെ നിയമിക്കുന്നു. ക്ലാർക്ക്, കൗൺസിലർ, സ്റ്റാഫ് നഴ്സ്, കാറ്ററിംഗ് അസിസ്റ്റന്റ്, ഇലക്ട്രീഷ്യൻ കം പ്ലംബർ തസ്തികകളിലേക്കാണ് നിയമനം. അപേക്ഷയോടൊപ്പം ബയോഡാറ്റ, ജാതി സർട്ടിഫിക്കറ്റ്, യോഗ്യതാ സർട്ടിഫിക്കറ്റിന്റെ പകർപ്പ് എന്നിവ സഹിതം പ്രിൻസിപ്പൽ, ഏകലവ്യ മോഡൽ റെസിഡൻഷ്യൽ സ്പോർട്സ് കരിന്തളം, പെരിങ്ങോം പി.ഒ, പയ്യന്നൂർ -670353 എന്ന വിലാസത്തിൽ മെയ് രണ്ടിന് വൈകുന്നേരം നാലിനകം നേരിട്ടോ തപാൽ മുഖേനയോ ലഭിക്കണം.

തലശ്ശേരി-മാഹി ബൈപ്പാസിൽ അണ്ടർ പാസ് നിർമാണം, സ്ട്രീറ്റ് ലൈറ്റ്, സർവീസ് റോഡ് പൂർത്തീകരണം എന്നിവയ്ക്കുള്ള ടെണ്ടർ നടപടി പൂർത്തിയായി. ഇരിക്കൂർ കൺസ്ട്രക്ഷൻ കമ്പനിയാണ് കരാർ ഏറ്റെടുത്തിരിക്കുന്നത്. രാത്രി കാലത്ത് ബൈപ്പാസിൽ വെളിച്ചമില്ലാത്തതും ചില സ്ഥലങ്ങളിൽ സർവീസ് റോഡുകൾ പൂർത്തിയാവാത്തതും സിഗ്‌നൽ പോയിന്റിന് അടുത്തായി അണ്ടർപാസ് ഇല്ലാത്തതുമായി ബന്ധപ്പെട്ട് നിയമസഭാ സ്പീക്കർ എ എൻ ഷംസീറിന്റെ നേതൃത്വത്തിൽ വിവിധ തലത്തിലുള്ള യോഗങ്ങൾ വിളിച്ച് ചേർത്തിരുന്നു.