സാധനങ്ങളിലെ അളവ് തൂക്കങ്ങളെ  സംബന്ധിച്ച് എന്ത് സംശയത്തിനും നിങ്ങള്‍ക്ക് മറുപടി ലഭിക്കും. എന്റെ കേരളം പ്രദര്‍ശന വിപണന മേളയില്‍ ലീഗല്‍  മെട്രോളജി വകുപ്പ് ഒരുക്കിയിരിക്കുന്ന സ്റ്റാളിലെത്തിയാല്‍ മതി. നമ്മള്‍ വാങ്ങിക്കുന്ന ഉത്പന്നങ്ങളില്‍ അളവ് എങ്ങനെ കൃത്യതയോടെ കണ്ടെത്താമെന്ന് ഇവിടെ വന്നാല്‍ മനസ്സിലാകും. അളവുതൂക്ക    ഉപകരണങ്ങളും ഇവിടെ പ്രദര്‍ശിപ്പിച്ചിട്ടുണ്ട്. അതോടൊപ്പം ഓരോ കാലഘട്ടത്തിലും അളവുതൂക്കം നിര്‍ണ്ണയിക്കുന്നതിനായി ഉപയോഗിച്ചിരുന്ന ഉപകരണങ്ങളും ഉണ്ട്. ഉല്‍പന്നങ്ങള്‍ വാങ്ങുമ്പോള്‍ പൊതുജനങ്ങള്‍ പറ്റിക്കപ്പെടാതെയിരിക്കാനുള്ള അവബോധവും നല്‍കുന്നു.

  മാലിന്യമുക്ത പ്രവര്‍ത്തനങ്ങള്‍ക്ക് ജില്ലയില്‍ ചുക്കാന്‍ പിടിക്കുന്ന ഹരിതകര്‍മ സേനാംഗങ്ങളുടെ സംഗമം ബോധവല്‍ക്കരണ സന്ദേശത്തിലൂടെ വേറിട്ട അനുഭവമായി. രണ്ടാം പിണറായി വിജയന്‍ സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് നാഗമ്പടം മൈതാനത്താണ് സേനാസംഗമവും ആദരിക്കല്‍ ചടങ്ങും നടന്നത്. ജില്ലാ പഞ്ചായത്ത് പ്രസിഡന്റ് ഹേമലത പ്രേം സാഗര്‍ ഉദ്ഘാടനം ചെയ്തു.
നമ്മുടെ നാടിനെ വൃത്തിയായി സൂക്ഷിക്കുന്നതില്‍ ഹരിതകര്‍മ സേനാംഗങ്ങളുടെ പങ്ക് വലുതാണെന്നും അവരുടെ പ്രവര്‍ത്തനം മാതൃകാപരമാണെന്നും ജില്ലാ പഞ്ചായത്ത് പ്രസിഡന്റ് പറഞ്ഞു. ജില്ലാ കളക്ടര്‍ ജോണ്‍ വി. സാമുവല്‍ അധ്യക്ഷത വഹിച്ചു.

ചോക്ലേറ്റ് ഉണ്ടാക്കുന്നത് കാണാനും വാങ്ങാനും എന്റെ കേരളം പ്രദര്‍ശന വിപണനമേളയില്‍ അവസരം. കാര്‍ഷിക വികസന കര്‍ഷകക്ഷേമ വകുപ്പിനു കീഴില്‍ മണിമല ആസ്ഥാനമായി പ്രവര്‍ത്തിക്കുന്ന ബ്രൗണ്‍ ഗോള്‍ഡ് കൊക്കോ പ്രോഡ്യൂസര്‍ കമ്പനിയുടെ ബെല്‍ മൗണ്ട് ചോക്ലേറ്റാണ് ഇവിടുത്തെ താരം. മേളയില്‍ എത്തുന്ന കുട്ടികളുടെ ഇഷ്ടവിഭവമായി മാറിയിരിക്കുകയാണ് കൊക്കോ ചോക്ലേറ്റും ഐസ്‌ക്രീമും. 

വെള്ളമുണ്ട ഇലക്ട്രിക്കല്‍ സെക്ഷനിലെ വെള്ളമുണ്ട സര്‍വീസ് സ്റ്റേഷന്‍, മഠത്തുംകുനി പ്രദേശങ്ങളില്‍ ഇന്ന് (ഏപ്രില്‍ 21) രാവിലെ എട്ട് മുതല്‍ വൈകിട്ട് അഞ്ച് വരെ ഭാഗികമായി വൈദ്യുതിതടസ്സപ്പെടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

--

വെള്ളമുണ്ട ഇലക്ട്രിക്കല്‍ സെക്ഷനിലെ വെള്ളമുണ്ട സര്‍വീസ് സ്റ്റേഷന്‍, മഠത്തുംകുനി പ്രദേശങ്ങളില്‍ ഇന്ന് (ഏപ്രില്‍ 21) രാവിലെ എട്ട് മുതല്‍ വൈകിട്ട് അഞ്ച് വരെ ഭാഗികമായി വൈദ്യുതിതടസ്സപ്പെടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

കോട്ടയം: എന്റെ കേരളം പ്രദര്‍ശന വിപണനമേളയിലെ കേരള വനം-വന്യജീവി വകുപ്പിന്റെ സ്റ്റാളില്‍ വന്നാല്‍ തലയെടുപ്പോടെ നില്‍ക്കുന്ന പനച്ചിക്കാട് കൊച്ചയ്യപ്പന്‍ എന്ന 'കൊമ്പനെ' കാണാം. പൂരത്തിന് എഴുന്നള്ളിക്കുന്ന ആനയുടെ അതേ ഗാംഭീര്യമാണ് ഇവന്. തുമ്പി കുലുക്കി ചെവികളാട്ടി നില്‍ക്കുന്ന ഈ ഇലക്ടിക്ക് ആന ആരുടെയും ശ്രദ്ധയാകര്‍ഷിക്കും.  നാട്ടാനകള്‍ നേരിടുന്ന ക്രൂരതകള്‍ തുറന്ന് കാട്ടുകയാണ് ഈ സ്റ്റാളില്‍. 

 ആരോഗ്യ ശീലമാറ്റ ബോധവത്ക്കരണവും ഇന്ററാക്ടീവ് മത്സരങ്ങളുമായി ആരോഗ്യ വകുപ്പ്. എന്റെ കേരളം പ്രദര്‍ശന നഗരിയില്‍  ആരോഗ്യവകുപ്പും ആരോഗ്യ കേരളവും സംയുക്തമായാണ് സ്റ്റാള്‍ തയ്യാറാക്കുന്നത്. ജീവിതശൈലീ രോഗ നിര്‍ണ്ണയ പരിശോധന, അരിവാള്‍കോശ രോഗ നിര്‍ണ്ണയം, പ്രമേഹം, ബോഡിമാസ് ഇന്‍ഡക്‌സ്,  കാന്‍സര്‍ സ്‌ക്രീനിംഗ്, സെര്‍വിക്കല്‍, ബ്രസ്റ്റ്, ഓറല്‍ കാന്‍സര്‍ സ്‌ക്രീനിങ്, അനീമിയ പരിശോധന, ജീവിതശൈലി, പകര്‍ച്ചവ്യാധികള്‍, ലൈംഗിക പ്രജനന ആരോഗ്യം, പോഷണം, മാനസികാരോഗ്യം സംബന്ധിച്ച മാര്‍ഗ നിര്‍ദ്ദേശങ്ങളും സേവനങ്ങളും പൊതുജനങ്ങള്‍ക്കായി സ്റ്റാളില്‍ ലഭ്യമാക്കും.