നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി പത്ര, ദൃശ്യ മാധ്യമപ്രവർത്തകർക്ക് അപേക്ഷിക്കാം.ഇത്തവണ തിരഞ്ഞെടുപ്പ് കമ്മീഷന്റെ പാസ് ലഭിക്കുന്ന മാധ്യമപ്രവർത്തകർക്ക് തപാൽ ബാലറ്റിന് അപേക്ഷിക്കാൻ അർഹതയുണ്ടായിരിക്കും. തിങ്കളാഴ്ച (മാർച്ച് 8) ഉച്ചയ്ക്ക് രണ്ടുവരെ  ജില്ലയിലെ മാധ്യമ പ്രവർത്തകർക്ക് ആലപ്പുഴ ജില്ല ഇൻഫർമേഷൻ ഓഫീസിൽ അപേക്ഷ നൽകാം.
തിരഞ്ഞെടുപ്പ് കമ്മീഷൻ ഇതുപ്രകാരം അംഗീകരിച്ചു നൽകുന്ന പട്ടികയിലുള്ളവർക്കേ തപാൽ ബാലറ്റിന് അപേക്ഷിക്കാനാകൂ.

പോളിംഗിനും കൗണ്ടിംഗിനും വെവ്വേറെ പട്ടികയാണ് സമർപ്പിക്കേണ്ടത്. 

നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി പത്ര, ദൃശ്യ മാധ്യമപ്രവർത്തകർക്ക് അപേക്ഷിക്കാം.
ഇത്തവണ തിരഞ്ഞെടുപ്പ് കമ്മീഷന്റെ പാസ് ലഭിക്കുന്ന മാധ്യമപ്രവർത്തകർക്ക് തപാൽ ബാലറ്റിന് അപേക്ഷിക്കാൻ അർഹതയുണ്ടായിരിക്കും. തിങ്കളാഴ്ച (മാർച്ച് 8) ഉച്ചയ്ക്ക് രണ്ടുവരെ  ജില്ലയിലെ മാധ്യമ പ്രവർത്തകർക്ക് ആലപ്പുഴ ജില്ല ഇൻഫർമേഷൻ ഓഫീസിൽ അപേക്ഷ നൽകാം.
തിരഞ്ഞെടുപ്പ് കമ്മീഷൻ ഇതുപ്രകാരം അംഗീകരിച്ചു നൽകുന്ന പട്ടികയിലുള്ളവർക്കേ തപാൽ ബാലറ്റിന് അപേക്ഷിക്കാനാകൂ.

പോളിംഗിനും കൗണ്ടിംഗിനും വെവ്വേറെ പട്ടികയാണ് സമർപ്പിക്കേണ്ടത്. 

ആലപ്പുഴ: തെരഞ്ഞെടുപ്പ് ഉദ്യോഗസ്ഥർക്ക് കോവിഡ് 19 പ്രതിരോധ വാക്‌സിൻ നൽകുന്നതിനായി  ജില്ലയിലെ ആറു കേന്ദ്രങ്ങളിലായി നടന്നു വരുന്ന മെഗാ ക്യാമ്പുകൾ ഇന്ന് (മാർച്ച് 7)  അവസാനിക്കുമെന്നും പോളിംഗ് ഉദ്യോഗസ്ഥർ എല്ലാം ഈ അവസരം പരമാവധി പ്രയോജനപ്പെടുത്തണമെന്നു o ജില്ലാ കളക്ടർ എ. അലക്‌സാണ്ടർ പറഞ്ഞു.

ആലപ്പുഴ: കോവിഡ് വ്യാപനത്തിന്റെ പശ്ചാത്തലത്തിൽ   കണ്ടെയ്ൻമെന്റ് സോൺ ആയി  പ്രഖ്യാപിച്ചിരുന്ന  ചമ്പക്കുളം വാർഡ് 5  കരീക്കോട് കോളനി,  ഏഴു കാട് കോളനി പ്രദേശം എന്നിവ കണ്ടെയ്ൻമെന്റ് സോണിൽ നിന്ന് ഒഴിവാക്കി.

ഇന്ന് ആലപ്പുഴ ജില്ലയിൽ 206 പേർക്ക് കോവിഡ് സ്ഥിരീകരിച്ചു 3പേർ വിദേശത്തു നിന്നും എത്തിയതാണ് . 202പേർക്ക് സമ്പർക്കത്തിലൂടെയാണ് രോഗം ബാധിച്ചത്   ഒരാളുടെ  സമ്പർക്ക ഉറവിടം വ്യക്തമല്ല.283പേരുടെ പരിശോധനാഫലം നെഗറ്റീവായി. ആകെ 76250പേർ രോഗ മുക്തരായി.3095പേർ ചികിത്സയിൽ ഉണ്ട്.

ആലപ്പുഴ: ജില്ലയിൽ നിയമസഭാ തിരഞ്ഞെടുപ്പിനുള്ള ഒരുക്കങ്ങൾ ദ്രുതഗതിയിൽ നടക്കുന്നതായി ജില്ല തിരഞ്ഞെടുപ്പ് ഓഫീസറായ ജില്ല കളക്ടർ എ അലക്സാണ്ടർ പറഞ്ഞു. നിയമസഭ തിരഞ്ഞെടുപ്പിനോടനുബന്ധിച്ച് മാധ്യമപ്രവർത്തകർക്കായി സംഘടിപ്പിച്ച വാർത്താസമ്മേളനത്തിൽ സംസാരിക്കുകയായിരുന്നു കളക്ടർ. ഈ നിയമസഭാ തിരഞ്ഞെടുപ്പിൽ 2643 പോളിംഗ് ബൂത്തുകളാണ് ജില്ലയിൽ ഉള്ളത്. 2016 ൽ 1705 പോളിംഗ് ബൂത്തുകളാണ്  ഉണ്ടായിരുന്നത്. കോവിഡിന്റെ പശ്ചാത്തലത്തിൽ കൂടുതൽ ബൂത്തുകൾ ക്രമീകരിച്ചിരിച്ചതാണെന്ന് കളക്ടർ പറഞ്ഞു. 

നിയമസഭാ തിരഞ്ഞെടുപ്പ്  2021 മായി ബന്ധപ്പെട്ട് ആലപ്പുഴ ജില്ലയിലെ ഒരുക്കം വിശദീകരിക്കുന്നതിനായി ഇന്ന് (2021 മാർച്ച് 6ന് ) ഉച്ചയ്ക്ക് 12ന് ബഹു.ജില്ല തിരഞ്ഞെടുപ്പ് ഓഫീസറായ ജില്ല കളക്ടർ ശ്രീ എ.അലക്‌സാണ്ടർ ഐ.എ.എസ് വാർത്താ സമ്മേളനം നടത്തുന്നു. ഹോട്ടൽ റോയൽ പാർക്കിലാണ് വാർത്താസമ്മേളനം. എല്ലാ മാധ്യമങ്ങളുടെയും പ്രതിനിധികൾ പങ്കെടുക്കണമെന്ന് അഭ്യർത്ഥിക്കുന്നു.

വിശ്വസ്തതയോടെ,
sd/-
ജില്ല ഇൻഫർമേഷൻ ഓഫീസർ, ആലപ്പുഴ