ജില്ലാ ഹോമിയോ ആശുപത്രിയിലും വനിതാ ദിനാഘോഷം.  സബ് കലക്ടര്‍ ശിഖ സുരേന്ദ്രന്‍ ഉദ്ഘാടനം നിര്‍വഹിച്ചു. ആശുപത്രിയിലെ സീതാലയം യൂണിറ്റിന്റെ ആഭിമുഖ്യത്തില്‍ നടന്ന പരിപാടിയില്‍ ദിനാഘോഷത്തോടനുബന്ധിച്ച് നടന്ന ലേഖന മത്സരങ്ങളിലെ വിജയികള്‍ക്കുള്ള സമ്മാനദാനവും സബ് കലക്ടര്‍ നിര്‍വഹിച്ചു. വനിതാ സംരക്ഷണ സമിതി അംഗം ലക്ഷ്മിപ്രിയ സന്ദേശം നല്‍കി. ആശുപത്രി സൂപ്രണ്ട് ഡോ. എസ്. ശോഭ, സീതാലയം കണ്‍വീനര്‍ ഡോ. പത്മജാ പ്രസാദ്, ഡോക്ടര്‍മാരായ ഐ.ആര്‍. അശോക് കുമാര്‍, രിഷ്മ.ആര്‍.സുന്ദരം, എസ്. സുരേഷ്, അധ്യാപിക അയിഷാ പ്രഭാകരന്‍, അശ്വതി വിഷ്ണു, ഒ. എസ്. ആശാ ദേവി, ഷൈല അലക്‌സ് തുടങ്ങിയവര്‍ പങ്കെടുത്തു.

കെല്‍ട്രോണ്‍ നടത്തുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, വേഡ് പ്രോസസിങ് ആന്റ് ഡേറ്റാ എന്‍ട്രി, ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ്വര്‍ക്ക് മെയിന്റനന്‍സ് വിത്ത് ഇ-ഗാഡ്ജറ്റ് ടെക്‌നോളജീസ്, നെറ്റ്വര്‍ക്ക് അഡ്മിനിസ്ട്രേഷന്‍ ആന്റ് ലിനക്‌സ്, പി.എച്ച്.പി ആന്റ് എം.വൈ.എസ്.ക്യു. എല്‍ കോഴ്സുകള്‍ക്ക് അപേക്ഷിക്കാം. വിശദവിവരങ്ങള്‍ക്ക്  04742731061 നമ്പരിലും ഹെഡ് ഓഫ് സെന്റര്‍, കെല്‍ട്രോണ്‍ നോളജ് സെന്റര്‍, ടൗണ്‍ അതിര്‍ത്തി കൊല്ലം വിലാസത്തിലും ബന്ധപ്പെടാം.
(പി.ആര്‍.കെ നമ്പര്‍.607/2021)
 

സംസ്ഥാനത്ത് തിങ്കളാഴ്ച 1412 പേർക്ക് കോവിഡ്-19 സ്ഥിരീകരിച്ചു. കോഴിക്കോട് 245, കൊല്ലം 141, തിരുവനന്തപുരം 139, എറണാകുളം 138, മലപ്പുറം 132, ഇടുക്കി 104, തൃശൂർ 90, കണ്ണൂർ 82, കോട്ടയം 80, ആലപ്പുഴ 79, പാലക്കാട് 55, കാസർഗോഡ് 48, പത്തനംതിട്ട 48, വയനാട് 31 എന്നിങ്ങനെയാണ് ജില്ലകളിൽ രോഗം സ്ഥിരീകരിച്ചത്.

പൊതു വിദ്യാഭ്യാസ വകുപ്പിന് കീഴിലെ സ്‌കോൾ-കേരള മുഖേന തെരഞ്ഞെടുക്കപ്പെട്ട സർക്കാർ/എയ്ഡഡ് ഹയർസെക്കണ്ടറി, വൊക്കേഷണൽ ഹയർസെക്കണ്ടറി സ്‌കൂളുകളിൽ സംഘടിപ്പിക്കുന്ന ഡി.സി.എ കോഴ്‌സ് ആറാം ബാച്ചിൽ പുന:പ്രവേശനത്തിന് അപേക്ഷ ക്ഷണിച്ചു. ഡി.സി.എ കോഴ്‌സിൽ ഒരു ബാച്ചിൽ ചേർന്ന ശേഷം ആ ദിനം സമ്പർക്ക ക്ലാസിൽ  പങ്കെടുക്കാത്തവർ, നിശ്ചിത ഹാജർ കുറവിനാൽ ഡി.സി.എ പൊതു പരീക്ഷയ്ക്ക് രജിസ്റ്റർ ചെയ്യാൻ കഴിയാത്തവർ എന്നിവർക്ക് മൂന്ന് വർഷം വരെ തുടർ ബാച്ചുകളിലെ സമ്പർക്ക ക്ലാസുകളിൽ പങ്കെടുക്കുന്നതിന് പുന:പ്രവേശനം അനുവദിക്കും.

സ്റ്റേഷനറി വകുപ്പിന്റെ തിരുവനന്തപുരത്തെ മുഖ്യ സ്റ്റേഷനറി സ്റ്റോറിൽ വാർഷിക സ്റ്റോക്കെടുപ്പ് നടക്കുന്നതിനാൽ ഏപ്രിൽ എട്ട്, ഒൻപത്, 12, 13, 15 തീയതികളിൽ സ്റ്റേഷനറി വിതരണം ഉണ്ടാവില്ലെന്ന് സ്റ്റേഷനറി കൺട്രോളർ അറിയിച്ചു.
പി.എൻ.എക്സ്.1151/2021

ടോൾ ബൂത്തുകളിൽ ഭിന്നശേഷിക്കാർക്ക് ഇളവ് അനുവദിക്കാൻ ഗതാഗത സാമൂഹ്യ നീതി വകുപ്പ് ഡയറക്ടർമാർ, ഡി.ജി.പി, ഗതാഗത കമ്മീഷണർ എന്നിവർക്ക് ഭിന്നശേഷിക്കാർക്കായുള്ള സംസ്ഥാന കമ്മീഷണർ എസ്.എച്ച്. പഞ്ചാപകേശൻ ശുപാർശ നൽകി. 40 ശതമാനത്തിന് മേൽ ഭിന്നശേഷിയുള്ളവർക്ക് ടോൾ ബൂത്തുകളിൽ ഫീസ് ഇളവ് അനുവദിക്കണമെന്ന് കേന്ദ്ര സർക്കാർ നിർദ്ദേശത്തെ തുടർന്നാണ് ശുപാർശ നൽകിയത്.
പി.എൻ.എക്സ്.1150/2021