ജാഗ്രതയുള്ള പൗരൻമാർക്ക് തെരഞ്ഞെടുപ്പ് മാതൃകാ പെരുമാറ്റച്ചട്ടലംഘനം കമ്മീഷനെ നേരിട്ടറിയിക്കാൻ സിവിജിൽ മൊബൈൽ ആപ്ലിക്കേഷൻ. തെരഞ്ഞെടുപ്പ് വിജ്ഞാപനം നിലവിൽ വരുന്ന തീയതി മുതൽ ഈ ആപ്പ് ഉപയോഗിച്ച് പരാതികൾ അയക്കാം. 100 മിനിറ്റിനുള്ളിൽ നടപടി സ്വീകരിച്ച് മറുപടി ലഭിക്കും.

മാർച്ച് ഒമ്പത് മുതൽ ജില്ലയിൽ കോവിഡ് -19 വാക്സിനേഷൻ സ്വകാര്യ ആശുപത്രികളിൽനിന്ന് കൂടി  നൽകുമെന്ന് ജില്ലാ മെഡിക്കൽ ഓഫീസർ (ആരോഗ്യം) ഡോ എ.വി രാംദാസ് അറിയിച്ചു. ജില്ലയിൽ 43 സർക്കാർ ആരോഗ്യ സ്ഥാപനങ്ങളിലും കെഎഎച്ച് ചെറുവത്തൂർ, ഇകെ നായനാർ മെമ്മോറിയൽ സഹകരണ ആശുപത്രി കാസറഗോഡ്, കിംസ് ഹോസ്പിറ്റൽ കാസറഗോഡ്, സൺറൈസ് കാഞ്ഞങ്ങാട് എന്നീ  നാല് സ്വകാര്യ ആരോഗ്യ സ്ഥാപനങ്ങളിലുമായി 47 കേന്ദ്രങ്ങളിലാണ് 60 വയസ്സിനു മുകളിലുള്ള മുതിർന്ന പൗരന്മാർ, 45 വയസ്സിനും 59 വയസ്സിനുമിടയിലുള്ള  ഗുരുതര രോഗബാധിതർ എന്നിവർക്ക് കോവിഡ് -19 വാക്സിനേഷൻ നൽകുന്നത്. 

തെരഞ്ഞെടുപ്പ് കാലത്ത് ജില്ല, സംസ്ഥാന അതിർത്തികളിൽ പഴുതടച്ച നിരീക്ഷണം. പണം, മദ്യം, ആയുധം മയക്കുമരുന്ന് തുടങ്ങിയവ കടത്തുന്നവർ കുടുങ്ങും. കൂട്ടത്തോടെ വാഹനങ്ങളിൽ വോട്ടർമാരെ കടത്തികൊണ്ടുവരുന്നവരും കോളനികൾ ഉൾപ്പടെ ആൾക്കൂട്ടമുള്ള ഇടങ്ങളിൽ വോട്ടിനായി പണം നൽകിയാലും പിടി വീഴും. വാഹനങ്ങൾ അതിർത്തിയിൽ കർശന പരിശോധന നടത്താൻ 24 മണിക്കൂറും എക്‌സിക്യുട്ടീവ് മജിസ്‌ട്രേട്ട് മാരുടെ നേതൃത്വത്തിൽ സ്റ്റാറ്റിക് സർവലെൻസ് ടീമും ഫ്‌ളൈയിങ് സ്‌ക്വാഡും മാർച്ച് 12 മുതൽ പൂർണ സമയം അഞ്ച് നിയോജകമണ്ഡലങ്ങളിലും പ്രവർത്തിക്കും.

60 ന് മുകളിലുള്ളവര്‍ക്കും മറ്റ് രോഗങ്ങള്‍ ഉള്ളവര്‍ക്കും

മാര്‍ച്ച് 9 മുതല്‍ ഇവിടെ അവസരം

ജില്ലയില്‍ ഇന്നലെ(മാര്‍ച്ച് 8) 467 പേര്‍ കോവിഡ് രോഗമുക്തി നേടി. 141 പേര്‍ക്ക് കോവിഡ് സ്ഥിരീകരിച്ചു. വിദേശത്തു നിന്നെത്തിയ രണ്ടു പേര്‍ക്കും സമ്പര്‍ക്കം വഴി 139 പേര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 21 പേര്‍ക്കാണ് രോഗബാധ. കല്ലുംതാഴം, ചാത്തിനാംകുളം എന്നിവിടങ്ങളില്‍ നാലു വീതം രോഗബാധിതരുണ്ട്.
മുനിസിപ്പാലിറ്റികളില്‍ പുനലൂര്‍-അഞ്ച്, പരവൂര്‍, കൊട്ടാരക്കര പ്രദേശങ്ങളില്‍ മൂന്നു വീതമാണ് രോഗബാധിതരുടെ എണ്ണം.

ഇന്ന്(മാര്‍ച്ച് 9) നടത്താനിരുന്ന വനിതാ കമ്മീഷന്‍ മെഗാ അദാലത്ത് മാറ്റിവച്ചു. പുതുക്കിയ തീയതി പിന്നീട് അറിയിക്കും.
(പി.ആര്‍.കെ നമ്പര്‍.613/2021)
 

ഭിന്നശേഷിയില്‍പ്പെട്ടവര്‍ക്കും 80 വയസിന് മുകളില്‍ പ്രായമുള്ളവര്‍ക്കും വോട്ടിടല്‍ സംബന്ധിച്ച് ഇനി ആശങ്ക വേണ്ട. ഇവര്‍ക്കെല്ലാം പ്രക്രിയ സംബന്ധിച്ചുള്ള അവബോധം പകരുന്നതിന് സംവിധാനം സജ്ജമാണെന്ന് ജില്ലാ തിരഞ്ഞെടുപ്പ് ഓഫീസറും ജില്ലാ കലക്ടറുമായ ബി. അബ്ദുല്‍ നാസര്‍ പറഞ്ഞു. മാര്‍ഗനിര്‍ദേശങ്ങള്‍ വരണാധികാരികള്‍ മുഖേനയാണ് നല്‍കുക. തിരഞ്ഞെടുപ്പ് നടപടിക്രമങ്ങളും കോവിഡ് പ്രതിരോധ പ്രവര്‍ത്തനങ്ങളും വിലയിരുത്താന്‍ ചേര്‍ന്ന ഗൂഗിള്‍ യോഗത്തില്‍ കലക്ടര്‍ വിശദമാക്കി.

നിയമസഭാ തിരഞ്ഞെടുപ്പുമായി ബന്ധപ്പെട്ട് പൊതുജനത്തിനുള്ള സംശയങ്ങളും പരാതികളും അറിയിക്കുന്നതിന് കലക്‌ട്രേറ്റില്‍ കണ്‍ട്രോള്‍ റൂം തുറന്നു. ഫോണ്‍ - 0474 2792110.
(പി.ആര്‍.കെ നമ്പര്‍.610/2021)