വനിതാദിനത്തിന്റെ ഭാഗമായി വനിത ശിശുവികസന വകുപ്പിന്റെ ആഭിമുഖ്യത്തില്‍  സംഘടിപ്പിച്ച ജില്ലാതലപരിപാടി ജില്ലാ വനിതാ ശിശു  വികസന ഓഫീസര്‍ അബ്ദുള്‍ ബാരി പരിപാടി ഉദ്ഘാടനം ചെയ്തു. ജില്ലാ വനിതാ സംരക്ഷണ ഓഫീസര്‍ ലിന്‍സി എ കെ അധ്യക്ഷയായി.
പരിപാടിയുടെ ഭാഗമായി നടത്തിയ സന്ദേശയാത്ര കോഴിക്കോട് മാനാഞ്ചിറ മൈതാനത്ത് നിന്നും ആരംഭിച്ച് ടൗണ്‍ഹാളില്‍ സമാപിച്ചു. കോവിഡ് പ്രോട്ടോക്കോള്‍ പാലിച്ചുകൊണ്ട് വകുപ്പിലെ വനിത ജീവനക്കാര്‍ യാത്രയില്‍ അണിചേര്‍ന്നു. ചില്‍ഡ്രന്‍സ് ഹോം ഗേള്‍സിലെ കുട്ടികളുടെ പരേഡും നടന്നു.

ഐഎംജി കോഴിക്കോട് മേഖലാകേന്ദ്രത്തിലെ 64 മരങ്ങള്‍ ക്വട്ടേഷന്‍/ലേലം അടിസ്ഥാനത്തില്‍ വില്‍ക്കുമെന്ന് റീജണല്‍ ഡയറക്ടര്‍ അറിയിച്ചു. കൂടുതല്‍ വിവരങ്ങള്‍ക്ക് : 0495 - 2356095, - 2357459,  9188821477

മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ ആടുവളര്‍ത്തല്‍ എന്ന വിഷയത്തില്‍ മാര്‍ച്ച് 10 -ന് ഓണ്‍ലൈന്‍ പരിശീലനം ഉണ്ടായിരിക്കുമെന്ന അസി. ഡയറക്ടര്‍ അറിയിച്ചു. രാവിലെ 10.30 മുതല്‍ വൈകീട്ട് അഞ്ച് വരെയാണ് പരിശീലനം. താത്പര്യമുളളവര്‍ക്ക് ട്രെയനിംഗിന്റെ പേര്, പരിശീലനാര്‍ത്ഥിയുടെ പേര്, മേല്‍വിലാസം എന്നീ വിവരങ്ങള്‍ 9188522713 എന്ന നമ്പറിലേക്ക് വാട്സ് ആപ്പ് ചെയ്ത് രജിസ്റ്റര്‍ ചെയ്യാം. വോയ്സ് മെസ്സേജ് ഒഴിവാക്കുക.
 

മാനന്തവാടി ഗവണ്മെന്റ് കോളേജില്‍ 2020-21 അക്കാദമിക് വര്‍ഷത്തില്‍ കെമിസ്ട്രി വിഷയത്തില്‍ ഒഴിവുള്ള ഗസ്റ്റ്  ലക്ചറര്‍ തസ്തികയിലേക്ക് മാര്‍ച്ച്  15  -ന് രാവിലെ 11 മണിക്ക് കോളേജ് ഓഫീസില്‍  അഭിമുഖം നടത്തുമെന്ന് പ്രിന്‍സിപ്പല്‍ അറിയിച്ചു.    കോഴിക്കോട് ഡെപ്യൂട്ടി ഡയറക്ടറുടെ ഓഫീസ് തയ്യാറാക്കിയിട്ടുള്ള പാനലില്‍ ഉള്‍പ്പെട്ട അര്‍ഹരായ ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ അസ്സലുമായി അഭിമുഖത്തിന് ഹാജരാവണം.
 

കണ്ണൂര്‍ ജില്ലാ മൃഗാശുപത്രിയിലെ മൃഗസംരക്ഷണ പരിശീലന കേന്ദ്രത്തില്‍ മാര്‍ച്ച് 17, 18  തീയതികളില്‍ ഇറച്ചിക്കോഴി വളര്‍ത്തല്‍ പരിശീലനം നല്‍കും.  ക്ലാസ്സില്‍ പങ്കെടുക്കാനാഗ്രഹിക്കുന്നവര്‍ക്ക് ഇന്ന് (മാര്‍ച്ച് ഒന്‍പത്)  രാവിലെ 10 മുതല്‍ എല്ലാ പ്രവൃത്തി ദിവസവും പരിശീലന കേന്ദ്രത്തില്‍ വിളിച്ച് പേര്‍ രജിസ്റ്റര്‍ ചെയ്യാം. രജിസ്റ്റര്‍ ചെയ്യുന്ന ആദ്യത്തെ 40 പേര്‍ക്ക് മാത്രമേ ക്ലാസില്‍ പ്രവേശനമൂളളു.  ഫോണ്‍ :  04972 763473.

പട്ടികവര്‍ഗ്ഗ വികസന ഓഫീസ് പരിധിയിലുള്ള ഹോസ്റ്റലുകളില്‍ കുക്ക് തസ്തികയിലേക്ക് മാര്‍ച്ച് 8, 9 തീയതികളില്‍ ജില്ലാ പട്ടികവര്‍ഗ്ഗ വികസന ഓഫീസില്‍ നടത്താനിരുന്ന കൂടിക്കാഴ്ച മാറ്റിവെച്ചതായി പട്ടികവര്‍ഗ്ഗ വികസന ഓഫീസര്‍ അറിയിച്ചു. പുതുക്കിയ തീയതി പിന്നീട് അറിയിക്കും.
തുല്യത കോഴ്‌സുകളുടെ രജിസ്‌ട്രേഷന്‍.