തൃത്താല ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ പുതുതായി അനുവദിച്ച ബിരുദാനന്തര ബിരുദ കോഴ്‌സായ എം.എസ്.സി.മാത്തമാറ്റിക്‌സ് വിത്ത് ഡാറ്റ സയന്‍സില്‍ എസ്.സി. വിഭാഗത്തില്‍ രണ്ട് ഒഴിവുകളും, എസ്.ടി. വിഭാഗത്തില്‍ ഒരു ഒഴിവുമുണ്ട്. ഈ വിഭാഗത്തില്‍പ്പെട്ട  വിദ്യാര്‍ത്ഥികളുടെ അഭാവത്തില്‍ ഒ.ഇ.സി, എസ്. ഇ.ബി.സി, ജനറല്‍ വിദ്യാര്‍ത്ഥികളെയും പരിഗണിക്കും. താത്പ്പര്യമുള്ള വിദ്യാര്‍ത്ഥികള്‍ മാര്‍ച്ച് ഒമ്പതിന് വൈകിട്ട് മൂന്നിന് മുന്‍പായി അപേക്ഷ നല്‍കണം. കൂടുതല്‍ വിവരങ്ങള്‍ക്ക് പ്രവര്‍ത്തി ദിവസങ്ങളില്‍ നേരിട്ടും 0466 2270335, 0466 2270353.
എന്ന നമ്പരുകളിലും ബന്ധപ്പെടാം.  

മുന്‍ പൊലീസ് സബ് ഇന്‍സ്‌പെക്ടര്‍ ആനിക്കോട് ഗീതാ നിവാസില്‍ ശ്രീവല്‍സന്റെ വീട് കുത്തിത്തുറന്ന് ആഭരണങ്ങള്‍ മോഷണം ചെയ്ത കേസില്‍ പ്രതിയ്ക്ക് നാല് വര്‍ഷം കഠിന തടവിന് പാലക്കാട് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് ജിനിമോള്‍ ശിക്ഷ വിധിച്ചു. കുടക് വിരാജ് പേട്ട പാലി പെട്ട അഞ്ചു പേട്ട്  എസ്റ്റേറ്റിലെ രമേഷ് എന്ന ഉടുമ്പ് രമേഷിനെയാണ് ( 30 വയസ്) ശിക്ഷിച്ചത്.

പാലക്കാട് ഗവ. പോളിടെക്‌നിക് കോളേജിലെ ജനറല്‍ ഡിപ്പാര്‍ട്ട്‌മെന്റില്‍ ഫിസിക്‌സ്, ഇംഗ്ലീഷ്, മാത്തമാറ്റിക്‌സ് വിഷയങ്ങളില്‍ അസിസ്റ്റന്റ് പൊഫസര്‍ തസ്തികയില്‍ ഒഴിവ്. സായാഹ്ന ക്ലാസിനായി ദിവസവേതനാടിസ്ഥാനത്തിലാവും നിയമനം. താത്പ്പര്യമുള്ളവര്‍ മാര്‍ച്ച് 10 ന് രാവിലെ 11 ന് അസല്‍ സര്‍ട്ടിഫിക്കറ്റുകള്‍ സഹിതം പ്രിന്‍സിപ്പാള്‍ മുമ്പാകെ ഹാജരാകണം. ബന്ധപ്പെട്ട വിഷയത്തില്‍ ഒന്നാം ക്ലാസ്സോടെ എം.എസ്.സി ബിരുദം, യു.ജി.സി നെറ്റ് യോഗ്യത ഉണ്ടാവണം. നെറ്റ് യോഗ്യത ഇല്ലാത്തവരുടെ അഭാവത്തില്‍ മറ്റുള്ളവരെയും പരിഗണിക്കും. ഫോണ്‍: 0491 2572640.

നിയമസഭാ തെരഞ്ഞെടുപ്പില്‍ നേരിട്ട് വോട്ട് ചെയ്യാന്‍ അവസരം ലഭിക്കാത്ത അവശ്യവകുപ്പുകളിലെ ജീവനക്കാര്‍ക്ക് പോസ്റ്റല്‍ വോട്ട് ചെയ്യാന്‍ അവസരം. ആരോഗ്യവകുപ്പ്, പോലീസ്, ഫയര്‍ഫോഴ്‌സ്, ജയില്‍, എക്‌സൈസ്, മില്‍മ, വൈദ്യുതി ബോര്‍ഡ്, വാട്ടര്‍ അതോറിട്ടി, കെ എസ് ആര്‍ ടിസി, ട്രഷറി, വനംവകുപ്പ്, കേന്ദ്രസര്‍ക്കാര്‍ സ്ഥാപനങ്ങള്‍( ആകാശവാണി, ദൂരദര്‍ശന്‍, ബി എസ് എന്‍ എല്‍, റെയില്‍വേ, തപാല്‍, വ്യോമയാനം), ആംബുലന്‍സ്, തെരഞ്ഞെടുപ്പു കമ്മിഷന്‍ ചുമതലപ്പെടുത്തിയിട്ടുള്ള മാധ്യമ പ്രവര്‍ത്തകര്‍, വ്യോമയാനം, കപ്പല്‍ ഗതാഗതം എന്നിവയാണ് അവശ്യസര്‍വീസുകള്‍.

ജില്ലയിൽ ഇന്നലെ (08 മാർച്ച്) 12,116 പേർക്കു കോവിഡ് വാക്‌സിൻ നൽകി. 60 വയസിനു മുകളിൽ പ്രായമുള്ള 6200 പേർക്കും മറ്റു രോഗങ്ങളുള്ള 45നും 60നും ഇടയിൽ പ്രായമുള്ള 412 പേരും ഇന്നലെ വാക്‌സിൻ സ്വീകരിച്ചു.

919 ആരോഗ്യ പ്രവർത്തകർ ആദ്യ ഘട്ടവും 2,724 ആരോഗ്യ പ്രവർത്തകർ രണ്ടാം ഘട്ടവും വാക്‌സിൻ സ്വീകരിച്ചു. കോവിഡ് മുന്നണി പോരാളികളായ 1,861 പേരും വാക്‌സിൻ സ്വീകരിച്ചതായി ജില്ലാ മെഡിക്കൽ ഓഫിസിൽനിന്ന് അറിയിച്ചു.

ജില്ലയിൽ 62 സർക്കാർ കേന്ദ്രങ്ങളിലും 12 സ്വകാര്യ ആശുപത്രികളിലും കോവിഡ് വാക്‌സിനേഷൻ നൽകുമെന്നു ജില്ലാ കളക്ടർ ഡോ. നവ്‌ജ്യോത് ഖോസ അറിയിച്ചു. 7,34,500 (ഏഴുലക്ഷത്തി മുപ്പത്തി നാലായിരത്തി അഞ്ഞൂറ്) ഡോസ് കോവിഡ് വാക്‌സിൻ  ഇന്ന് (മാർച്ച് 09) റീജിയണൽ വാക്‌സിൻ സ്റ്റോറിൽ എത്തും. 

ജിമ്മി ജോർജ് സ്റ്റേഡിയത്തിൽ, രാവിലെ 10 മുതൽ വൈകിട്ടു മൂന്നു വരെ മൂന്നു സെഷനുകളിലായി സ്‌പോട്ട് രജിസ്‌ട്രേഷനിലൂടെ വാക്‌സിനേഷൻ ഉണ്ടായിരിക്കും. പോളിങ് ഓഫിസർ മാർക്കായി ഐ.എൽ.ഡി.എംന്റെ രണ്ടു ട്രെയിനിങ് സെന്ററുകളിൽ വാക്‌സിനേഷൻ നടക്കുന്നുണ്ട്.

തിരുവനന്തപുരത്ത് ഇന്ന് (08 മാർച്ച് 2021) 139 പേർക്കു കൂടി കോവിഡ് 19 സ്ഥിരീകരിച്ചു. 153 പേർ രോഗമുക്തരായി. നിലവിൽ 2,164 പേരാണു രോഗം സ്ഥിരീകരിച്ചു ചികിത്സയിൽ കഴിയുന്നത്. 

ഇന്നു രോഗം സ്ഥിരീകരിച്ചവരിൽ 86 പേർക്കു സമ്പർക്കത്തിലൂടെയാണു രോഗബാധയുണ്ടായത്. രോഗലക്ഷണങ്ങളെത്തുടർന്നു ജില്ലയിൽ 1,199 പേരെക്കൂടി നിരീക്ഷണത്തിലാക്കി. ഇവരടക്കം ആകെ 16,660 പേർ വീടുകളിലും 44 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,585 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.