നിയമസഭാ തെരഞ്ഞെടുപ്പ് പോളിംഗ് ഉദ്യോഗസ്ഥര്‍ക്കുള്ള നിയമന ഉത്തരവ് കൈപ്പറ്റുന്നതിനായി എല്ലാ സര്‍ക്കാര്‍, കേന്ദ്ര സര്‍ക്കാര്‍, പൊതുമേഖലാ സ്ഥാപനങ്ങളും ബാങ്ക് മേധാവികളും അവധി ദിവസമായ മാര്‍ച്ച് 11 വ്യാഴാഴ്ച ഓഫീസ് തുറന്ന് പ്രവര്‍ത്തിക്കണമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ അറിയിച്ചു. പോളിംഗ് ഡ്യൂട്ടിയുള്ള ഉദ്യോഗസ്ഥരുടെ ഒന്നാംഘട്ട നിയമനം മാര്‍ച്ച് 10നാണ് നടക്കുന്നത്. തുടര്‍ന്ന് അവര്‍ക്കുള്ള പരിശീലനം മാര്‍ച്ച് 13, 14, 15, 16 തീയതികളില്‍ ജില്ലയിലെ വിവിധ കേന്ദ്രങ്ങളില്‍ നടക്കും. ഇത് സംബന്ധിച്ച നിയമന ഉത്തരവ് മാര്‍ച്ച് 10, 11 തീയതികളിലാണ് സ്ഥാപന മേധാവികള്‍ക്ക് എത്തിക്കുക.

സിവിജിലില്‍ ലഭിച്ചത് നാലായിരത്തിലേറെ പരാതികള്‍

ജില്ലയില്‍ തിങ്കളാഴ്ച  82 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 74 പേര്‍ക്കും, ഇതരസംസ്ഥാനത്ത് നിന്നെത്തിയ നാല് പേര്‍ക്കും വിദേശത്തു നിന്നെത്തിയ മൂന്ന് പേര്‍ക്കും, ഒരു ആരോഗ്യ പ്രവര്‍ത്തകനുമാണ് കൊവിഡ് സ്ഥിരീകരിച്ചത്.

ആര്‍.ആര്‍ വാറ്റ് കുടിശ്ശിക ഈടാക്കുന്നതിനായി കാരിക്കോട് വില്ലേജ് പരിധിയിലുളള  കുടിശ്ശികകാരന്റെ സ്ഥലങ്ങള്‍ ഏപ്രില്‍ 7 ന് രാവിലെ 11ന് കാരിക്കോട് വില്ലേജ് ഓഫീസില്‍ പരസ്യമായി  ലേലം ചെയ്യും.  

ഇടുക്കി ജില്ലാ പട്ടികജാതി വികസന  ഓഫീസ മുന്‍പ്  പ്രവര്‍ത്തിച്ചിരുന്ന അറക്കുളം ഗ്രാമപഞ്ചായത്ത്, പ്രൈവറ്റ് ബസ് സ്റ്റാന്റ് ഷോപ്പിംഗ് കോംപ്ലക്‌സ്, രണ്ടാം നിലയില്‍ സൂക്ഷിച്ചു വരുന്ന വകുപ്പിന്റെ പഴയ ഫര്‍ണിച്ചറുകള്‍, മറ്റിതര സാധനങ്ങള്‍ എന്നിവ മാര്‍ച്ച് 15ന് ഉച്ചകഴിഞ്ഞ് 2 ന് അറക്കുളം ഗ്രാമ പഞ്ചായത്ത് പ്രൈവറ്റ് ബസ് സ്റ്റാന്റ് ഷോപ്പിംഗ് കോംപ്ലക്‌സ് കെട്ടിടത്തിലെ രണ്ടാം നിലയില്‍ ലേലം ചെയ്യും. ഫോണ്‍: 04862 252003  
 

പകര്‍ച്ച വ്യാധികളും, ജലജന്യ രോഗങ്ങളും തടയുന്നതിനായി ജില്ലയില്‍ നടന്നുവരുന്ന മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍ കാര്യക്ഷമമായി നടപ്പിലാക്കുന്നത് സംബന്ധിച്ചുള്ള കോര്‍ കമ്മറ്റി യോഗം ഇടുക്കി കലക്ടറുടെ ചേമ്പറില്‍ ജില്ലാ കളക്ടര്‍ എച്ച്. ദിനേശന്റെ അദ്ധ്യക്ഷതയില്‍ ചേര്‍ന്നു. മഴക്കാല പൂര്‍വ്വ ശുചീകരണം, പകര്‍ച്ച വ്യാധി പ്രതിരോധം എന്നിവ  ജില്ലയില്‍  കാര്യക്ഷമമായി നടപ്പിലാക്കുന്നതിനായി തദ്ദേശസ്വയം ഭരണ സ്ഥാപനങ്ങളുടെ സഹകരണത്തോടെ  പ്രവര്‍ത്തനങ്ങള്‍ നടത്തുന്നതിന് തീരുമാനിച്ചു.

നിയമസഭാ തിരഞ്ഞെടുപ്പ് പരിസ്ഥിതി സൗഹൃദ തിരഞ്ഞെടുപ്പ് ആയി നടത്തുന്നതിന് നിര്‍ദ്ദേശങ്ങള്‍ നല്‍കി ഉത്തരവ് പുറപ്പെടുവിച്ചു പിവിസി ഫ്‌ളക്‌സുകള്‍, ബാനറുകള്‍, ബോര്‍ഡുകള്‍, പ്ലാസ്റ്റിക് കൊടിതോരണങ്ങള്‍ എന്നിവ സ്ഥാനാര്‍ത്ഥികളും രാഷ്ട്രീയപാര്‍ട്ടികളും പ്രചാരണത്തിനായി ഉപയോഗിക്കരുത്. പിവിസി, പ്ലാസ്റ്റിക് കലര്‍ന്ന കൊറിയന്‍ ക്ലോത്ത്, നൈലോണ്‍, പോളിസ്റ്റര്‍, പോളിസ്റ്റര്‍ കൊണ്ടുള്ള തുണി തുടങ്ങി പ്ലാസ്റ്റിക്കിന്റെ അംശമോ പ്ലാസ്റ്റിക് കോട്ടിങ്ങോ ഉള്ള പുനചംക്രമണ സാധ്യമല്ലാത്ത ബാനര്‍, ബോര്‍ഡുകള്‍ തുടങ്ങിയ എല്ലാത്തരം സാമഗ്രികളുടെയും ഉപയോഗം ഒഴിവാക്കണം.

നാടിന്നായ് നാളേയ്ക്കായ് നമ്മുടെ വോട്ട് എന്ന മുദ്രാവാക്യവുമായി സ്വീപ് വോട്ടു വണ്ടി ജില്ലയില്‍ പര്യടനം ആരംഭിച്ചു. കലക്ട്രേറ്റില്‍ ജില്ലാ കലക്ടര്‍ എച്ച് ദിനേശന്‍ വോട്ടുവണ്ടിയുടെ പര്യടനം ഫ്ലാഗ് ഓഫ് ചെയ്തു. ജനാധിപത്യത്തില്‍ സമ്മതിദാനാവകാശത്തിന്റെ പ്രധാന്യം ജനങ്ങളിലെത്തിക്കുന്നതിന് ജില്ലയിലെ എല്ലാ മണ്ഡലങ്ങളിലും സ്വീപ് വോട്ടു വണ്ടി പര്യടനം നടത്തുമെന്നും എല്ലാവരും നിയമസഭാ തിരഞ്ഞെടുപ്പില്‍ വോട്ട് രേഖപ്പെടുത്തി വോട്ടിങ് പ്രക്രിയ ശക്തിപ്പെടുത്തണമെന്നും അദ്ദേഹം ഓര്‍മ്മിപ്പിച്ചു.

കുട്ടിക്കാനം- ചപ്പാത്ത് മലയോര ഹൈവേയുടെ  നിര്‍മ്മാണവുമായി ബന്ധപ്പെട്ട് കുട്ടിക്കാനം-ചപ്പാത്ത് റോഡില്‍ ഏല്ലപ്പാറ മുതല്‍ നാലാം മൈല്‍ വരെയുളള ഭാഗത്ത് ഇന്നു (മാര്‍ച്ച് 9) മുതല്‍ വാഹന ഗതാഗതം നിയന്ത്രിച്ചിരിക്കുന്നു. ഏലപ്പാറയില്‍ നിന്നും കട്ടപ്പന ഭാഗത്തേക്കുളള അമിതഭാര വാഹനങ്ങള്‍ ഒഴികെയുളള എല്ലാ വാഹനങ്ങളും ഏലപ്പാറയില്‍ നിന്നും തിരിഞ്ഞ് ചെമ്മണ്ണ് - കൊച്ചു കരിന്തരുവി-ബോര്‍ഡ് പടി - നാലാം മൈല്‍ വഴി പോകേണ്ടതും  കട്ടപ്പനയില്‍ നിന്നും ഏലപ്പാറയ്ക്ക് വരുന്ന വാഹനങ്ങള്‍ നിലവിലുളള റോഡിലുടെയും വരേണ്ടതാണെന്ന് പീരുമേട് പിഡബ്ല്യൂഡി റോഡ്‌സ് സബ് ഡിവിഷന്‍ അസി. എക്‌സിക്യൂട്ടീവ് എഞ്ചിനീയര്‍ അറിയിച്ചു.

അന്തര്‍ദേശീയ  വനിതാ ദിനാഘോഷങ്ങളുടെ  ഭാഗമായി ഇടുക്കി ജില്ലാ നെഹ്‌റു യുവ കേന്ദ്രയുടെ ആഭ്യമുഖ്യത്തില്‍ ജില്ലാ തലത്തില്‍   ഉപന്യാസമത്സരം, പെയിന്റിംഗ് മത്സരം എന്നിവ സംഘടിപ്പിക്കുന്നു. 18നും 29നും മദ്ധ്യേ പ്രായമുള്ള യുവതീ യുവാക്കള്‍ക്ക് മത്സരത്തില്‍ പങ്കെടുക്കാം. 'മഴവെള്ള സംഭരണത്തില്‍ സ്ത്രീകളുടെ പങ്കാളിത്തം'  എന്നതാണ് ഉപന്യാസവിഷയം.  പെയിന്റിംഗ് മത്സര വിഷയം 'ദാഹജലം ജീവജലം''.