കോഴിക്കോട് - പാലക്കാട് ദേശീയപാത 966 ല്‍ വീതികൂട്ടുന്നതിന്റെ ഭാഗമായി എസ്റ്റേറ്റ് ജംഗ്ഷനില്‍ കി.മീ 133/ 100 റോഡിനു സമീപത്തെ മരം മുറിക്കുന്നതിനാല്‍ മാര്‍ച്ച് 10 ന് പ്രദേശത്ത് കൂടുതല്‍ ഗതാഗത നിയന്ത്രണം ഏര്‍പ്പെടുത്തുമെന്ന് അസി. എക്സിക്യൂട്ടീവ് എഞ്ചിനീയര്‍ അറിയിച്ചു. അന്നേദിവസം താഴെ പറയുംപ്രകാരം ഗതാഗതം നിയന്ത്രിക്കും.

1. കോഴിക്കോട് ഭാഗത്ത് നിന്ന് പാലക്കാട്ടേക്ക് വരുന്ന വാഹനങ്ങള്‍ ഭാഗികമായി മുണ്ടൂരില്‍ നിന്ന് വലത്തോട്ട് തിരിഞ്ഞ് മുണ്ടൂര്‍ കൂട്ടുപാത- പറളി കൂട്ടുപാത വഴി പൊന്നാനി - പാലക്കാട് പാതയിലൂടെ പാലക്കാട് ഭാഗത്തേക്ക് പോകേണ്ടതാണ്.

വോട്ടെടുപ്പിനുള്ള വിവിപാറ്റ് മെഷീനുകളിലേക്ക് ആവശ്യമായ 120 പെട്ടി ബാറ്ററികള്‍ ജില്ലയിലെത്തി. ഇലക്ഷന്‍ ഓഫീസില്‍ നിന്നും വരും ദിവസങ്ങളിലായി വരണാധികാരികള്‍ക്ക് ഇവ കൈമാറും. നിലവില്‍ ജില്ലയിലെ ഉപയോഗത്തിനായി 4828 വിവി പാറ്റ്, 4498 കണ്‍ട്രോള്‍ യൂണിറ്റ്, 4258 ബാലറ്റ് യൂണിറ്റ് എന്നിവയാണ് പരിശോധന പൂര്‍ത്തിയായി പ്രവര്‍ത്തന സജ്ജമായിട്ടുള്ളത്. ഇതില്‍ അഞ്ച് ശതമാനം മെഷീനുകള്‍ പരിശീലനത്തിന് ഉപയോഗിക്കുന്നവയാണ്.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡീഫേസ്മെന്റ് സ്‌ക്വാഡിന്റെ നേതൃത്വത്തില്‍ നീക്കം ചെയ്തത് 9162 പ്രചരണ ബോര്‍ഡുകള്‍. തിരഞ്ഞെടുപ്പ് പെരുമാറ്റച്ചട്ടം നിലവില്‍ വന്ന സാഹചര്യത്തില്‍ പൊതുസ്ഥലങ്ങളില്‍ സ്ഥാപിച്ച സര്‍ക്കാരിന്റെ വികസനനേട്ടങ്ങളുമായി ബന്ധപ്പെട്ട ഫ്‌ളക്‌സുകള്‍, ബാനറുകള്‍, ബോര്‍ഡുകള്‍, നോട്ടീസുകള്‍, വിവിധ രാഷ്ട്രീയപാര്‍ട്ടികളുടെ പ്രചരണ ബോര്‍ഡുകള്‍ എന്നിവയാണ് നീക്കം ചെയ്തത്.  

കുട്ടികള്‍ക്കായുളള ഹോംബേസ്ഡ് കിറ്റ്- ക്വട്ടേഷന്‍ ക്ഷണിച്ചു

സമഗ്ര ശിക്ഷാ കേരള, എറണാകുളം ജില്ല ഭിന്നശേഷി കുട്ടികള്‍ക്കായുളള ഹോംബേസ്ഡ് കിറ്റ്, ബ്രയിലി സ്റ്റേഷനറി, ഡയപ്പര്‍, വാട്ടര്‍ബെഡ്, തെറാപ്പി ബെഡ് എന്നിവ വാങ്ങി നല്‍കുന്നതിലേക്കായി ടെണ്ടര്‍ ക്ഷണിക്കുന്നു. അപേക്ഷ സ്വീകരിക്കുന്ന അവസാന തീയതി 12.03.2021 വൈകുന്നേരം 5 മണി വരെ. കൂടുതല്‍ വിവരങ്ങള്‍ക്ക് ജില്ലാ പ്രോജക്ട് ഓഫീസുമായി ബന്ധപ്പെടുക. ജില്ലാ പ്രോജക്ട് കോര്‍ഡിനേറ്റര്‍
സര്‍വ്വ ശിക്ഷാ അഭിയാന്‍, എറണാകുളം എസ്.ആര്‍.വി ഡി എല്‍.പി സ്‌കൂള്‍ ക്യാമ്പസ്
ചിറ്റൂര്‍ റോഡ്, എറണാകുളം - 682011, ഫോണ്‍: 04842375257, 2375157

മലമ്പുഴ ഗവ. മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ ആടുവളര്‍ത്തലില്‍ മാര്‍ച്ച് 10 ന് രാവിലെ 10.30 മുതല്‍ വൈകിട്ട് അഞ്ച് വരെ സൗജന്യ ഓണ്‍ലൈന്‍ പരിശീലനം നല്‍കുമെന്ന് മലമ്പുഴ മൃഗസംരക്ഷണ പരിശീലന കേന്ദ്രം അസിസ്റ്റന്റ് ഡയറക്ടര്‍ അറിയിച്ചു. താത്പ്പര്യമുള്ളവര്‍ ട്രെയിനിംഗിന്റെ പേര്, പരിശീലനാര്‍ത്ഥിയുടെ പേര്, മേല്‍വിലാസം എന്നീ വിവരങ്ങള്‍ 9188522713 ല്‍ വാട്‌സ് ആപ് മുഖേന രജിസ്റ്റര്‍ ചെയ്യണം. വോയ്‌സ് മെസേജ് ഒഴിവാക്കണം.