നിയമസഭാ തെരഞ്ഞെടുപ്പുമായി ബന്ധപ്പെട്ട് അസിസ്റ്റന്റ് റിട്ടേണിങ് ഓഫീസര്‍മാരെ നിയമിച്ചു. ജില്ലയില്‍ 16 നിയോജകമണ്ഡലങ്ങളിലേക്കാണ് 16 അസിസ്റ്റന്റ് റിട്ടേണിങ് ഓഫീസര്‍മാരെ നിയമിച്ചത്. ഓരോ മണ്ഡലത്തിലും  നിയമിച്ച അസിസ്റ്റന്റ് റിട്ടേണിങ് ഓഫീസര്‍മാരുടെ വിവരങ്ങള്‍ താഴെ ചേര്‍ക്കുന്നു.

അന്താരാഷ്ട്ര വനിതാ ദിനത്തോടനുബന്ധിച്ച് ജില്ലാ വനിതാ ശിശു വികസന ഓഫീസിന്റെ ആഭിമുഖ്യത്തില്‍ സംഘടിപ്പിച്ച പരിപാടികളുടെയും സ്ത്രീകള്‍ക്കായുള്ള ഓണ്‍ലൈന്‍ കണ്‍സള്‍ട്ടേഷന്‍ പരിപാടിയായ 'കാതോര്‍ത്ത്' ന്റെയും ജില്ലാതല ഉദ്ഘാടനം പ്ലാനിങ് കമ്മിറ്റി ഓഡിറ്റോറിയത്തില്‍ സബ് കലക്ടര്‍ കെ.എസ് അഞ്ജു നിര്‍വഹിച്ചു. മുന്‍സിപ്പല്‍ ഓഡിറ്റോറിയത്തില്‍ നടന്ന  സമാപന സമ്മേളനം  ചലച്ചിത്ര നാടക കലാകാരി നിലമ്പൂര്‍ ആയിഷ ഉദ്ഘാടനം ചെയ്തു. ചടങ്ങുകളില്‍ ജില്ലാ വനിതാ ശിശു വികസന ഓഫീസര്‍ എ.എ ഷറഫുദ്ദീന്‍ അധ്യക്ഷനായി.

മഞ്ചേരി -പാണ്ടിക്കാട് റോഡില്‍ നവീകരണ പ്രവൃത്തികള്‍ നടക്കുന്നതിനാല്‍ ഇന്ന് ( മാര്‍ച്ച് ഒന്‍പത്) മുതല്‍ പ്രവൃത്തി പൂര്‍ത്തിയാകുന്നതു വരെ ഗതാഗതം നിയന്ത്രണമുണ്ടായിരിക്കും. മഞ്ചേരി-പാണ്ടിക്കാട് റോഡ് വഴി പോകുന്ന വാഹനങ്ങള്‍  ആനക്കയം- പന്തല്ലൂര്‍- ഒറവമ്പ്രം റോഡ് വഴിയോ ചെരണി-എളങ്കൂര്‍- ചെറുക്കോട് റോഡ് വഴിയോ പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു

എടരിക്കോട് സബ്  സ്റ്റേഷനില്‍  നവീകരണ പ്രവൃത്തികള്‍ നടക്കുന്നതിനാല്‍ ഇന്ന് (മാര്‍ച്ച് ഒന്‍പത്) രാവിലെ എട്ട് മുതല്‍ വൈകീട്ട് മൂന്ന് വരെ എടരിക്കോട്, കോട്ടക്കല്‍, കക്കാട്, ചെനക്കല്‍, വെന്നിയൂര്‍, തിരൂരങ്ങാടി  ഫീഡറുകളില്‍     പൂര്‍ണമായി   വൈദ്യുതി  തടസപ്പെടുമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

പരീക്ഷയുമായി ബന്ധപ്പെട്ട സംശയങ്ങള്‍ക്കും സഹായങ്ങള്‍ക്കും കുട്ടികള്‍ക്ക് നേരിട്ട് വിളിക്കുന്നതിന് ജില്ലാ ഭരണകൂടത്തിന്റെ നേതൃത്വത്തില്‍ ആരംഭിച്ച 24 മണിക്കൂറും പ്രവര്‍ത്തിക്കുന്ന കൂള്‍ ഓഫ് ടൈം കാള്‍ സെന്ററിലേക്ക് ഇതു വരെ വിളിച്ചത് 180 കോളുകള്‍. പഠിച്ചത് മറന്ന് പോകുന്നു, ആദ്യം മുതല്‍ ചിട്ടയായി പഠിക്കാത്തതുമൂലമുണ്ടാകുന്ന സമ്മര്‍ദ്ദം, മൊബൈലിന്റെ അമിത ഉപയോഗവും ഗെയിമുകളോടുള്ള ആസക്തിയും മൂലം പഠനത്തില്‍ ശ്രദ്ധ കേന്ദ്രീകരിക്കാന്‍ സാധിക്കുന്നില്ല തുടങ്ങി  നിരവധി സംശയങ്ങളാണ് കുട്ടികള്‍ കോള്‍സെന്ററുമായി ബന്ധപ്പെട്ടത്.

ഹരിത തെരഞ്ഞെടുപ്പുമായി ബന്ധപ്പെട്ട് ജില്ലയിലെ ബോര്‍ഡ്/ബാനര്‍ പ്രിന്റിങ് ഷോപ്പുകളുടെ യോഗം നിയമസഭാ ഇലക്ഷന്‍ ഗ്രീന്‍ പ്രോട്ടോകോള്‍ - ജില്ലാതല നോഡല്‍ ഓപീസര്‍. ഇ.ടി.രാകേഷിന്റെ അധ്യക്ഷതയില്‍ ചേര്‍ന്നു. 2021 നിയമസഭ തെരഞ്ഞെടുപ്പ് പരിസ്ഥിതി സൗഹൃദ തെരെഞ്ഞെടുപ്പായി നടത്തുന്നതിനുള്ള തെരഞ്ഞെടുപ്പ് കമ്മീഷന്റെ ഉത്തരവ് യോഗത്തില്‍ പരിചയപ്പെടുത്തി. നിയമസഭാ തെരഞ്ഞെടുപ്പ് പരിസ്ഥിതി സൗഹൃദ തെരഞ്ഞെടുപ്പായി നടത്തുന്നതിന് പി.വി.സി, ഫ്‌ളക്‌സുകള്‍, ബാനറുകള്‍, പ്ലാസ്റ്റിക് കലര്‍ന്ന കൊറിയന്‍ ക്ലോത്ത്, നൈലോണ്‍ പോളിസ്റ്റര്‍, പ്ലാസ്റ്റിക് കോട്ടഡ് ബാനറുകള്‍, ബോര്‍ഡുകള്‍ എന്നിവ ഒഴിവാക്കുന്നതിന് നിര്‍ദേശം നല്‍കി.

അന്താരാഷ്ട്ര വനദിനത്തോടനുബന്ധിച്ച് സാമൂഹ്യ വനവത്ക്കരണ വിഭാഗം വീഡിയോ ഫിലിം മത്സരവും സമൂഹ ചിത്രരചനയും സംഘടിപ്പിക്കുന്നു. സമൂഹ ചിത്രരചന മത്സരം മാര്‍ച്ച് 12ന് രാവിലെ 10ന് മലപ്പുറത്ത് നടത്തും. പങ്കെടുക്കുന്നവര്‍ ചിത്രം വരക്കാനുള്ള ബ്രഷ് കൊണ്ടുവരണം. തുണിയും പെയിന്റും സാമൂഹ്യ വനവത്ക്കരണ വിഭാഗം നല്‍കും. വനവുമായി ബന്ധപ്പെട്ട വീഡിയോ ഫിലീമുകളാണ് വീഡിയോ ഫിലിം മത്സരത്തിന് തയ്യാറാക്കേണ്ടത്. വീഡിയോ മൂന്ന് മിനിറ്റുള്ളില്‍ താഴെയായിരിക്കണം. ആര്‍ക്കും ഈ മത്സരത്തില്‍ പങ്കെടുക്കാം. വീഡിയോ ഫിലിം മാര്‍ച്ച് 18നകം 9447510770 എന്ന വാട്‌സ്ആപ്പ് നമ്പറിലേക്ക് അയക്കണം.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ റിട്ടേണിങ് ഓഫീസര്‍മാരെ നിയമിച്ചു. ജില്ലയില്‍ 16 നിയോജകമണ്ഡലങ്ങളിലേക്ക് 16 റിട്ടേണിങ് ഓഫീസര്‍മാരെയാണ് നിയമിച്ചത്. ഓരോ മണ്ഡലത്തിലും നിയമിച്ച റിട്ടേണിങ് ഓഫീസര്‍മാരുടെ വിവരങ്ങള്‍ താഴെ ചേര്‍ക്കുന്നു.
 

നേരിട്ടുള്ള സമ്പര്‍ക്കത്തിലൂടെ 127 പേര്‍ക്ക്
നാല് പേര്‍ക്ക് ഉറവിടമറിയാതെ രോഗബാധ
രോഗബാധിതരായി ചികിത്സയില്‍ 2,232 പേര്‍
ആകെ നിരീക്ഷണത്തിലുള്ളത് 17,341 പേര്‍

മലപ്പുറം ജില്ലയില്‍ കോവിഡ് ബാധിതരുടെ എണ്ണം കുറയുന്നു. മുന്‍ ദിവസങ്ങളെ അപേക്ഷിച്ച് രോഗബാധിതരാകുന്നവരുടെ എണ്ണം അനുദിനം കുറയുന്നത് ആശ്വാസകരമാണെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. തിങ്കളാഴ്ച (മാര്‍ച്ച് 08) 132 പേര്‍ക്കാണ് കോവിഡ് 19 സ്ഥിരീകരിച്ചത്. ഇതിനൊപ്പം 249 പേര്‍ രോഗമുക്തരാകുകയും ചെയ്തു. ഇതോടെ ജില്ലയില്‍ ഇതുവരെ രോഗമുക്തരായവരുടെ എണ്ണം 1,16,871 ആയി.

പിട്ടുപീടിക - മൈലാർ-മാങ്ങോട് റോഡിൽ 0 /000 കി.മീ മുതൽ 4/300 വരെയുള്ള ഭാഗത്ത് അറ്റകുറ്റപണി നടക്കുന്നതിനാൽ മൈലാർ റോഡിൽ 1/000 കി.മീ മുതൽ 2/000 വരെ മാർച്ച് 12 മുതൽ ഒരാഴ്ചത്തേക്ക് ഗതാഗതം നിരോധിച്ചതായി  പൊതുമരാമത്ത് വകുപ്പ് നിരത്ത് വിഭാഗം അസിസ്റ്റന്റ് എഞ്ചിനീയർ അറിയിച്ചു.