നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി പത്ര, ദൃശ്യ മാധ്യമപ്രവർത്തകർക്ക് അപേക്ഷിക്കാം.
ഇത്തവണ തിരഞ്ഞെടുപ്പ് കമ്മീഷന്റെ പാസ് ലഭിക്കുന്ന മാധ്യമപ്രവർത്തകർക്ക് തപാൽ ബാലറ്റിന് അപേക്ഷിക്കാൻ അർഹതയുണ്ടായിരിക്കും. അതുകൊണ്ട്, തിങ്കളാഴ്ച (മാർച്ച് 8) ഉച്ചയ്ക്ക് രണ്ടുവരെ ജില്ലാ ഇൻഫർമേഷൻ ഓഫീസിൽ ലഭിക്കുന്ന പട്ടിക തിരഞ്ഞെടുപ്പ് കമ്മീഷന് സമർപ്പിക്കേണ്ടതുണ്ട്. ഇതുപ്രകാരം അംഗീകരിച്ചു ലഭിക്കുന്ന പട്ടികയിലുള്ളവർക്കേ തപാൽ ബാലറ്റിന് അപേക്ഷിക്കാനാകൂ.

പോളിംഗിനും കൗണ്ടിംഗിനും വെവ്വേറെ പട്ടികയാണ് സമർപ്പിക്കേണ്ടത്. 

പാലക്കാട് ജില്ലയില്‍ ഇന്ന് (മാർച്ച് 7) 78 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 27 പേര്‍, ഉറവിടം അറിയാതെ രോഗം ബാധിച്ച 41 പേര്‍,  ഇതര സംസ്ഥാനത്ത്  നിന്നും  വന്ന 7 പേർ,3 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 103 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ
  
 പാലക്കാട് നഗരസഭ സ്വദേശികൾ- 11 പേർ

ഒറ്റപ്പാലം സ്വദേശികൾ-7 പേർ

പുതുശ്ശേരി സ്വദേശികൾ-5 പേർ

മണ്ണാർക്കാട് സ്വദേശികൾ-4 പേർ

നിയമസഭാ തിരഞ്ഞെടുപ്പുമായി ബന്ധപ്പെട്ട് മാതൃകാ പെരുമാറ്റച്ചട്ടങ്ങൾ രാഷ്ട്രീയ പാർട്ടികൾ, തദ്ദേശ സ്ഥാപന അധ്യക്ഷൻമാർ,  ഉദ്യോഗസ്ഥർ എന്നിവർ പാലിക്കണമെന്ന് മാതൃകാ പെരുമാറ്റച്ചട്ടം നോഡൽ ഓഫീസറും എ.ഡി.എമ്മുമായ  എൻ.എം മെഹറലി അറിയിച്ചു. 

 നിർദ്ദേശങ്ങൾ 

1. മന്ത്രിമാരുടെ ഔദ്യോഗിക യാത്രകളിൽ തിരഞ്ഞെടുപ്പ് പ്രചാരണ പരിപാടികളിൽ പങ്കെടുക്കാനോ, തിരഞ്ഞെടുപ്പ്  പ്രചരണ പരിപാടികളിൽ ഔദ്യോഗിക വാഹനങ്ങൾ ഉപയോഗിക്കാനോ പാടില്ല. 

2. തിരഞ്ഞെടുപ്പ് പ്രഖ്യാപനത്തിന് ശേഷം സർക്കാർ ജീവനക്കാർ കേന്ദ്ര- സംസ്ഥാന മന്ത്രിമാരെ സ്വീകരിക്കാനോ യാത്രയയപ്പ് നൽകാനോ  പാടില്ല. 

അന്താരാഷ്ട്ര വനിതാ ദിനത്തോടനുബന്ധിച്ച് ജില്ലാ വനിതാ ശിശു വികസന വകുപ്പിന്റെ  നേതൃത്വത്തിൽ ഇന്ന്( മാർച്ച് 8) 'കോവിഡ് 19- മഹാമാരിയുടെ പശ്ചാത്തലത്തിൽ തുല്യ ഭാവി കൈവരിക്കാൻ സ്ത്രീ നേതൃത്വം' എന്ന വിഷയത്തിൽ പാനൽ ചർച്ച സംഘടിപ്പിക്കുന്നു.   പോത്തുണ്ടി ഡാമിൽ രാവിലെ 9.30 മുതൽ ഉച്ചയ്ക്ക് 12 വരെ  നടത്തുന്ന ചർച്ചയിൽ പാത്തോളജിസ്റ്റ് ഡോ. ബീന, കോയമ്പത്തൂർ എസ്.എൻ.ജി.സി അസോ. പ്രൊഫസർ ഡോ.എം.പി പവിത്ര, ബോംബെ യൂണിവേഴ്സിറ്റി മുൻ പ്രിൻസിപ്പൽ ഡോ. സൗദാമിനി എന്നിവർ പങ്കെടുക്കും.  തുടർന്ന് കലാപരിപാടികളും സാഹസിക പരിപാടികളും സംഘടിപ്പിക്കും.

നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി പത്ര, ദൃശ്യ മാധ്യമപ്രവർത്തകർക്ക് അപേക്ഷിക്കാം.
ഇത്തവണ തിരഞ്ഞെടുപ്പ് കമ്മീഷന്റെ പാസ് ലഭിക്കുന്ന മാധ്യമപ്രവർത്തകർക്ക് തപാൽ ബാലറ്റിന് അപേക്ഷിക്കാൻ അർഹതയുണ്ടായിരിക്കും. അതുകൊണ്ട്, തിങ്കളാഴ്ച (മാർച്ച് 8) ഉച്ചയ്ക്ക് രണ്ടുവരെ ജില്ലാ ഇൻഫർമേഷൻ ഓഫീസിൽ ലഭിക്കുന്ന പട്ടിക തിരഞ്ഞെടുപ്പ് കമ്മീഷന് സമർപ്പിക്കേണ്ടതുണ്ട്. ഇതുപ്രകാരം അംഗീകരിച്ചു ലഭിക്കുന്ന പട്ടികയിലുള്ളവർക്കേ തപാൽ ബാലറ്റിന് അപേക്ഷിക്കാനാകൂ.

പോളിംഗിനും കൗണ്ടിംഗിനും വെവ്വേറെ പട്ടികയാണ് സമർപ്പിക്കേണ്ടത്. 

നിയമസഭാ തിരഞ്ഞെടുപ്പിന്റെ ഭാഗമായി ജില്ലയിൽ 1000 -ൽ കൂടുതൽ സമ്മതിദായകരുള്ള പോളിങ് സ്റ്റേഷനുകളെ വിഭജിച്ച് ഓക്സിലറി പോളിങ് സ്റ്റേഷനുകൾ സ്ഥാപിക്കുന്നതിന് തിരഞ്ഞെടുപ്പ് കമ്മീഷൻ അനുമതി നൽകിയതായി  ജില്ലാ കലക്ടർ 
മ്യൺമയി ജോഷി ശശാങ്ക് അറിയിച്ചു. ജില്ലയിൽ 1316 ഓക്സിലറി പോളിങ്  സ്റ്റേഷനുകൾക്കാണ്  കമ്മീഷൻ അനുമതി നൽകിയത്. 

 മണ്ഡലം, ഓക്സിലറി ബൂത്തുകളുടെ എണ്ണം എന്നീ ക്രമത്തിൽ 

1. തൃത്താല  - 127

2. പട്ടാമ്പി      - 124

3. ഷൊർണ്ണൂർ - 75

4. ഒറ്റപ്പാലം       - 101

5. കോങ്ങാട്    - 92

6. മണ്ണാർക്കാട് - 122

7. പാലക്കാട്   - 94

പാലക്കാട് ജില്ലയില്‍ ഇന്ന് (മാർച്ച് 6) 102 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 43 പേര്‍, ഉറവിടം അറിയാതെ രോഗം ബാധിച്ച 52 പേര്‍,  ഇതര സംസ്ഥാനത്ത്  നിന്നും  വന്ന 7 പേർ എന്നിവര്‍ ഉള്‍പ്പെടും. 150 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ
  
 പാലക്കാട് നഗരസഭ സ്വദേശികൾ- 13 പേർ

 ആലത്തൂർ സ്വദേശികൾ-5 പേർ

കുലുക്കല്ലൂർ, ഷൊർണ്ണൂർ, തിരുമിറ്റക്കോട് സ്വദേശികൾ-4 പേർ വീതം