പാലക്കാട് ജില്ലയില്‍ ഇന്ന് (മാർച്ച് 10) 57 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 19 പേര്‍, ഉറവിടം അറിയാതെ രോഗം ബാധിച്ച 27 പേര്‍,  ഇതര സംസ്ഥാനത്ത്  നിന്നും  വന്ന 5 പേർ,6 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 130 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ
  
 പാലക്കാട് നഗരസഭ, നഗരസഭ സ്വദേശികൾ- 15 പേർ 

മുതുതല  സ്വദേശികൾ-5 പേർ

ആലത്തൂർ സ്വദേശികൾ-4 പേർ 

കിഴക്കഞ്ചേരി, പുതുപ്പരിയാരം സ്വദേശികൾ-3 പേർ വീതം

അലനല്ലൂര്‍ - കണ്ണംകുണ്ട് കോസ്‌വെയുടെ  പുനരുദ്ധാരണ പ്രവൃത്തിയുടെ ഭാഗമായി മാര്‍ച്ച് 11 മുതല്‍ പ്രവൃത്തി പൂര്‍ത്തീകരിക്കും വരെ അലനല്ലൂര്‍ - കണ്ണംകുണ്ട് - കൊടിയംകുന്ന് റോഡിലൂടെയുള്ള ഗതാഗതം പൂര്‍ണ്ണമായും നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു. ഇക്കാലയളവില്‍ അലനല്ലൂര്‍ - ഉണ്ണിയാല്‍ - കൊടിയംകുന്ന് റോഡ് വഴി വാഹനങ്ങള്‍ തിരിഞ്ഞുപോകേണ്ടതാണ്.

പൊലീസ് വകുപ്പില്‍ പൊലീസ് കോണ്‍സ്റ്റബിള്‍ ഡ്രൈവര്‍ (കാറ്റ. നമ്പര്‍ 385/18) തസ്തികയുടെ ശാരീരിക അളവെടുപ്പിലും പ്രായോഗിക പരീക്ഷയിലും വിജയിച്ച പാലക്കാട് ജില്ലയില്‍ ഉള്‍പ്പെട്ടവരുടെ ഒറ്റത്തവണ പ്രമാണ പരിശോധന മാര്‍ച്ച് 15, 16, 17 തീയതികളില്‍ രാവിലെ 10.30 ന് പി.എസ്.സി ജില്ലാ ഓഫീസില്‍ നടത്തും. ഉദ്യോഗാര്‍ത്ഥികള്‍ കോവിഡ് 19 മാനദണ്ഡങ്ങള്‍ പാലിച്ച് എത്തണം. ഇത് സംബന്ധിച്ച് പ്രൊഫൈല്‍, എസ്.എം.എസ് അയച്ചതായും പി.എസ്.സി ജില്ലാ ഓഫീസര്‍ അറിയിച്ചു. ഫോണ്‍: 0491 2505398.

സാമ്പത്തിക സ്ഥിതി വിവരകണക്ക് പാലക്കാട് ജില്ലാ ഓഫീസില്‍ മാര്‍ച്ച് 15 ന് നടത്താന്‍ തീരുമാനിച്ചിരുന്ന സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ് 2 തസ്തികയിലേക്കുള്ള അഭിമുഖം തിരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനാല്‍ മാറ്റിവെച്ചതായി ഡെപ്യൂട്ടി ഡയറക്ടര്‍ അറിയിച്ചു. പുതിയ തീയതി പിന്നീട് അറിയിക്കും.

കോഴിക്കോട് - പാലക്കാട് ദേശീയപാത 966 ല്‍ വീതികൂട്ടുന്നതിന്റെ ഭാഗമായി എസ്റ്റേറ്റ് ജംഗ്ഷനില്‍ കി.മീ 133/ 100 റോഡിനു സമീപത്തെ മരം മുറിക്കുന്നത് മാര്‍ച്ച് 15ലേയ്ക്ക് മാറ്റിയതിനാല്‍ അന്നേദിവസം പ്രദേശത്ത് കൂടുതല്‍ ഗതാഗത നിയന്ത്രണം ഏര്‍പ്പെടുത്തുമെന്ന് അസി.എക്‌സിക്യൂട്ടീവ് എഞ്ചിനീയര്‍ അറിയിച്ചു. താഴെ പറയുംപ്രകാരമാണ് ഗതാഗതം നിയന്ത്രണം,

1. കോഴിക്കോട് ഭാഗത്ത് നിന്ന് പാലക്കാട്ടേക്ക് വരുന്ന വാഹനങ്ങള്‍ ഭാഗികമായി മുണ്ടൂരില്‍ നിന്ന് വലത്തോട്ട് തിരിഞ്ഞ് മുണ്ടൂര്‍ കൂട്ടുപാത- പറളി കൂട്ടുപാത വഴി പൊന്നാനി - പാലക്കാട് പാതയിലൂടെ പാലക്കാട് ഭാഗത്തേക്ക് പോകേണ്ടതാണ്.